ភ្នំពេញ៖ កាលពីម៉ោងប្រមាណ ១:៣០នាទី រំលងអាធ្រាត្រឈានចូល ថ្ងៃទី២៥ ខែមករា ឆ្នាំ២០២២នេះ បានអោយដឹងថា មានករណីគ្រោះថ្នាក់ចរាចរណ៍មួយដោយរថយន្តមួយគ្រឿងបើកគេចម៉ូតូ ក៏ជ្រុលទៅបុកសួនច្បារ។ ហេតុការណ៍នេះកើតឡើងនៅតាមបណ្ដោយផ្លូវ២១៧ ក្នុសង្កាត់ដង្កោ ខណ្ឌដង្កោ រាជធានីភ្នំពេញ។
បើតាមប្រភពពីកន្លែងកើតហេតុបានអោយដឹងថា រថយន្តខាងលើម៉ាកលុចស៉ីសNX200tពណ៌សពាក់ស្លាកលេខ ភ្នំពេញ 2BB-9988 បានជ្រុលបុកឡើងលើសួនច្បារបណ្ដាលឲ្យផ្ងារជេីង ព្រោះតែគេចម៉ូតូមួយគ្រឿង។ ក្រោយពេលកេីតហេតុម្ចាស់រថយន្ដស្ទូចរថយន្ដទៅជួសជុលដោយខ្លួនឯង៕
