ភ្នំពេញ៖ នៅម៉ោងប្រមាណ ១០យប់ថ្ងៃទី១៦ ខែធ្នូ ឆ្នាំ២០២១ម្សិលមិញនេះ មានករណីផ្ទុះអាវុធជាច្រើនគ្រាប់ នៅចំនុចស្តុបអតីតស្ពានដែកចំការដូង តាមបណ្ដោយផ្លូវ៣៧១ កែងផ្លូវ២១៧ ក្នុងសង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ ដែលបណ្តាលអោយបុរសម្នាក់រងរបួសជាទំងន់ ត្រូវបានរថយន្តសង្គ្រោះមកដឹងទៅសង្គ្រោះនៅមន្ទីរពេទ្យ។
បើយោងតាមប្រភពពីកន្លែងកើតហេតុបានដឹងថាជនរងគ្រោះមានឈ្មោះ ឡាយ សៀកឡេង អាយុ៣២ឆ្នាំ ស្នាក់នៅផ្ទះលេខ357 ផ្លូវជាតិលេខ៥ ភូមិមិត្តភាព សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។ ដោយឡែកជនដៃដល់មិនត្រូវបានស្គាល់អត្តសញ្ញណ ក្រោយបាញ់ប្រហារហើយក៏រត់គេចខ្លួនបាត់ស្រមោល។
ប្រភពដដែរបានបន្តថាករណីផ្ទុះអាវុធនេះផ្តើមចេញពីការបើកបរមិនយោគយល់គ្នា ហើយបង្កជាការខ្លួនប្រកែកតឹងសរសៃក ទៅវិញទៅមក។ ទើបជនសង្ស័យដកកាំភ្លើង បាញ់ប្រហារតែម្តង បន្ទាប់មកក៏រត់គេចខ្លួន។ ខណៈពេលនេះសមត្ថកិច្ចកំពុងធ្វើការស្រាវជ្រាវ ដើម្បីយកជនដៃដល់យកមកផ្ដន្ទាទោសតាមច្បាប់៕
