ភ្នំពេញ៖ កាលពីវេលាម៉ោងប្រមាណ ១២:១០ រំលងអាធ្រាត្រឈានចូលថ្ងៃទី៣០ ខែវិច្ឆិកា ឆ្នាំ២០២១នេះ មានហេតុការណ៍គ្រោះថ្នាក់អគ្គិភ័យមួយបានកើតឡើងនៅចំនុចបណ្ដោយផ្លូវបេតុងក្នុងបុរីគឹមសាន្ត ភូមិតាកេរ្តិ៏ សង្កាត់កំបូល ខណ្ឌកំបូល រាជធានីភ្នំពេញ បានអោយ ២នាក់ប្តីប្រពន្ធបានស្លាប់។
បើយោងតាមប្រភពពីសមត្ថកិច្ចបានអោយដឹងថា ម្ចាស់ផ្ទះជាប្តីមានឈ្មោះ សុផល អាយុ ៦០ឆ្នាំជាង ជនជាតិខ្មែរ មុខរបរជាមន្ត្រីរាជការ រីឯប្រពន្ធមានឈ្មោះ សុខ ខុម អាយុ ៥០ឆ្នាំ ជនជាតិខ្មែរ មុខរបរមេផ្ទះ ស្នាក់នៅផ្ទះកើតហេតុខាងលើ។ ក្រោយសមត្ថកិច្ចបានជួយពន្លត់ និងបានជួយបញ្ជូន ២នាក់ប្តីប្រពន្ធ ទៅកាន់មន្ទីរពេទ្យដើម្បីសង្គ្រោះ ប៉ុន្តែជាអកុសល ជនរងគ្រោះបានស្លាប់ជាបន្តបន្ទាប់៕
