ភ្នំពេញ៖ កាលពីរំលងអាធ្រាត្រចូលថ្ងៃទី២៦ ខែវិច្ឆិកា ឆ្នាំ២០២១កន្លងទៅមានការភ្ញាក់ផ្អើលមួយបានកើតឡើងលើស្ពានជ្រោយចង្វាចាស់ ក្រោយនារីម្នាក់សង្ស័យលោតទឹកសម្លាប់ខ្លួន ដោយបន្សល់ទុកនៅសម្ភារៈមួយចំនួននៅលើស្ពាន។
បានតាមប្រភពពីមិត្តជនរងគ្រោះបានអោយដឹងថា នារីខាងលើឈ្មោះ ម៉ាក់យ៉ាប៊ី អាយុជាង ២០ឆ្នាំ ស្នាក់នៅក្រោយភោជនីដ្ឋានតាសេត ក្នុងសង្កាត់ព្រែកលាប ខណ្ឌជ្រោយចង្វា និងមានស្រុកកំណើតនៅខេត្តកំពង់ចាម។
ប្រភពដដែរបានបន្តថា មុនពេលកើតហេតុនារីរងគ្រោះមានរឿងពិបាកចិត្តជាមួយគ្រួសារផង ហើយនិងសង្សារផង។ នាងប្រាប់មិត្តភ័ក្តិថានាងចង់នៅម្នាក់ឯង ស្រាប់មុនកើតហេតុបន្តិចពួកនាង បានទទួលឆាតពីជនរងគ្រោះ ដោយប្រាប់ថាទៅលផតទឹកនៅស្ពានជ្រោយចង្វា។ ពេលពួកនាងមកដល់ ក៏ឃើញតែសម្ភារៈនារីរងគ្រោះ ដែលបានបន្សល់ទុកនៅទីតាំងខាងលើ៕
