ក្រចេះ៖ កាលពីវេលាម៉ោងប្រមាណ ៧:៤០នាទី ថ្ងៃទី១៩ ខែវិច្ឆិកា ឆ្នាំ២០២១កន្លងទៅនេះ មានករណីគោបា ជល់ម្ចាស់របស់ខ្លួនរហូតស្លាប់ នៅចំណុចភូមិយាវ ឃុំកំពង់ចាម ស្រុកសំបូរខេត្តក្រចេះ។
បើតាមប្រភពពីសមត្ថកិច្ចបានអោយដឹងថាជនរងគ្រោះមានឈ្មោះ ឈួន សារឿង(ជាម្ចាស់គោបា) ភេទប្រុស អាយុ៦៤ឆ្នាំ សញ្ជាតិខ្មែរ មុខរបរ កសិករ មានទីលំនៅភូមិយាវ ឃុំកំពង់ចាម ស្រុកសំបូរ ខេត្ដក្រចេះ បានស្លាប់ក្រោយពេលបញ្ជូនទៅដល់មន្ទីរពេទ្យ បង្អែកស្រុកសំបូរ។
ប្រភពដដែរបានបន្តថា នៅពេលដែលឈ្មោះ វុទ្ធ បានដឹកមេគោទៅដាក់បានៅផ្ទះជនរងគ្រោះ។ គ្រានោះជនរងគ្រោះ យកគោបាទៅដាក់មេគោរួច ក៍បានដឹកគោបាទៅក្រោយផ្ទះវិញ ពេលនោះគោបា បានជល់ គាត់ពីក្រោយបណ្ដាលអោយរងរបួសធ្ងន់ ភ្លាមៗនោះសាច់ញាតិ ក៍បានយកទៅ សង្គ្រោះ និងព្យាបាល នៅមន្ទីពេទ្យបង្អែកស្រុកសំបូរ ភ្លាមដែរ តែពេលមកដល់មន្ទីពេទ្យជនរងគ្រោះត្រូវបានដាច់ខ្យល់(ស្លាប់តែម្ដង) បន្ទាប់មកក្រុមគ្រួសារសព បានដឹកសព យកមកផ្ទះវិញ ធ្វើបុណ្យតាមប្រពៃណី៕
ប្រភព៖ ក្រចេះ ខេត្តខ្ញុំ Page
