ភ្នំពេញ៖ កាលពីវេលាម៉ោងប្រមាណ១រំលងអធ្រាត្រ ឈានចូលថ្ងៃទី១៤ ខែវិច្ឆិកា ឆ្នាំ២០២១នេះមានហេតុការណ៍បុរសម្នាក់ធ្លាក់ពីលើស្ពានអាកាស ៧មករា ដែលស្ថិតនៅតាមបណ្តោយផ្លូវកម្ពុជាក្រោម ក្នុងសង្កាត់ទឹកល្អក់១ ខណ្ឌទួលគោក រាជធានីភ្នំពេញ ដែលបណ្តាលអោយរបួសធ្ងន់។
បើយោងតាមប្រភពពីកន្លែងកើតហេតុបានអោយដឹងថា នៅម៉ោងកើតហេតុខាងលើ គឺមានលឺសម្លេងបុកយ៉ាងខ្លាំងមួយ ហើយក៏ឃើញជនរងគ្រោះខាងលើធ្លាក់ពីលើស្ពានអាកាស ៧មករាមកតែម្តង។ ក្រោយកើតហេតុសមត្ថកិច្ចបានទាក់ទងទៅគ្រួសារជនរងគ្រោះ ដើម្បីមកទទួលនឹងបញ្ជូនជនរងគ្រោះទៅព្យាបាល ដោយសារតែជនរងគ្រោះប្រកែកមិនព្រមឡើងរថយន្តសង្គ្រោះបន្ទាន់៕
