កណ្តាល៖ កាលពីវេលាម៉ោងប្រមាណ ៣រសៀល ថ្ងៃទី២៣ ខែតុលា ឆ្នាំ២០២១ម្សិលមិញនេះ មានករណីគ្រោះថ្នាក់ចរាចរណ៍មួយបានកើតឡើងនៅចំណុចបណ្តោយផ្លូវជាតិលេខ៥ក្នុងភូមិព្រែកក្តី ឃុំព្រែកតាទែន ស្រុកពញ្ញាឮ ខេត្តកណ្ដាល បណ្តាលអោយស្លាប់ម្នាក់ និងរបួសធ្ងន់ម្នាក់។
បើតាមប្រភពពីសមត្ថកិច្ចបានអោយដឹងថា ជនរងគ្រោះដែលស្លាប់ឈ្មោះ ចន រៀម អាយុ២១ឆ្នាំស្នាក់នៅភូមិ ស្រែព្រិច ឃុំអភិវឌ្ឍន៍ ស្រុកទឹកផុស ខេត្តកំពង់ឆ្នាំង ចំណែកអ្នករបួសធ្ងន់ឈ្មោះ សុខ ឡេម អាយុ២១ឆ្នាំស្នាក់នៅភូមិឃុំជាមួយគ្នា។ ម៉ូតូដែលជួបគ្រោះថ្នាក់ម៉ាក ឌ្រីម សង់ ពណ៌ក្រហម ពាក់ស្លាកលេខ កំពង់ ឆ្នាំង 1I 9296 ។
តាមការបញ្ជាក់ពីអ្នកបានឃើញហេតុការណ៍បានអោយដឹងថា ជនរងគ្រោះបានជិះម៉ូតូពីត្បូងទៅជើង ស្រាប់តែមកដល់ចំនុចកើតហេតុក៏មានរថយន្តកុងទឺន័រមួយបើកខាងមុខស្របទិញគ្នា។ ស្រាប់តែម៉ូតូខាងលើបានវ៉ាជែងរថយន្តកុងទឺន័រ ប៉ុន្តែបានបណ្តាលអោយទៅបុកខឿនទ្រូងផ្លូវដោយខ្លួនឯងខ្ទាតមនុស្សផ្សេងម៉ូតូផ្សេងស្លាប់តែម្តង៕
