ភ្នំពេញ៖ នៅព្រឹកថ្ងៃទី៩ ខែតុលា ឆ្នាំ២០២១នេះ មានការភ្ញាក់ផ្អើលមួយ ក្រោយលោក ផែង វណ្ណៈ ដែលត្រូវបានអ្នកលេងបណ្តាញសង្គមស្គាល់ថាជាមនុស្ស ចូលចិត្តចេញមុខជួយប្រជាជនដែលរងការគាប់សង្គត់ពីអ្នកមានអំណាច ឫលុយ។ លោកបានរៀបរាប់ថាខ្លួនធ្លាប់លួចលាក់មានស្រីក្រៅ លាក់ប្រពន្ធរហូតមានបញ្ហាក្នុងគ្រួសារ។ នេះអាចចាប់ទុកជាបទពិសោធន៍មួយសម្រាប់ ប្រុសៗដែលមានគ្រួសារ គួរស្វែងយល់។
ក្នុងនោះរូបលោកបាននិយាយថា “ពេលមួយខ្ញុំធ្លាប់ក្បត់ចិត្តប្រពន្ធទៅលួចមានស្រីខាងក្រៅ ។ ពេលមានស្រីខាងក្រៅ ប្រពន្ធធ្វេីអ្វីក៏មិនត្រូវចិត្តដែរគឺ ខុសរហូត ។ ថ្ងៃណាក៏ខ្ញុំរករឿងប្រពន្ធដែរ ទោះបីប្រពន្ធ ខិតខំស្លរសម្លរដែលខ្ញុំចូលចិត្ត និងដួសបាយរៀបចំទុកដាក់រង់ចាំខ្ញុំយ៉ាងណាក៏ដោយក៏ខ្ញុំមិនត្រូវចិត្តដែរ ។ ថវិកាដែលខ្ញុំធ្លាប់រកបានផ្ដល់អោយប្រពន្ធក៏ត្រូវបានកាត់បន្ថយ ព្រោះត្រូវយកមួយចំណែកទៅអោយស្រីខាងក្រៅ ។ ជីវិតអាពាហ៍ពិពាហ៍ចាប់ផ្ដើមរង្គោះរង្គើ មនោសញ្ចេតនារវាងប្ដីប្រពន្ធត្រូវបានប្រះស្រាំ ។ ក្រលេកមកមេីលពេលខ្ញុំនៅជាមួយស្រីខាងក្រៅ ។ ស្រីខាងក្រៅមិនបានធ្វេីអ្វីទេមួយថ្ងៃៗតែងខ្លួនជាប់ជាប្រចាំ ហេីយថ្ងៃណាក៏ទារលុយពីខ្ញុំដែរ ។ ពេលខ្លះស្រីខាងក្រៅថែមទាំងមេីលងាយខ្ញុំថែមទៀតផង ។ ពេលនាងអន់ចិត្តម្ដងៗនាងគំរាមដេីរចេញពីខ្ញុំជាដរាប ។ នៅជាមួយនាងមួយរយៈ ខ្ញុំក៏ចាប់ផ្ដេីមគិតអំពី ប្រពន្ធដ៏ល្អរបស់ខ្ញុំដែលក្រាបក្បាលដល់កន្ទេល ។ ដោយមិនអាចផ្ញេីវាសនាលេីស្រីខាងក្រៅបាន ខ្ញុំក៏សម្រេចចិត្តចាកចេញហេីយទៅរកប្រពន្ធខ្ញុំវិញ ។ ខ្ញុំបានសារភាពអំពីកំហុសឆ្គងគ្រប់បែបយ៉ាងរបស់ខ្ញុំ ហេីយបានសុំទោស ប្រពន្ធ និង សុំការអត់ឱន អធ្យាស្រ័យពីប្រពន្ធ ។ ប្រពន្ធរបស់ខ្ញុំក៏ផ្ដល់ឱកាសអោយខ្ញុំ ។ ចាប់ពីពេលនោះមក ខ្ញុំនិងប្រពន្ធក៏នៅរួមរស់រួមសុខរួមទុក្ខជាមួយគ្នារហូតមកដល់បច្ចប្បន្ន ។
សរុបសេចក្ដីមក គ្មានអ្នកណាល្អជាងប្រពន្ធរបស់យេីងដែលក្រាបក្បាលដល់កន្ទេលមានចាស់ទុំដឹងលឺនោះទេ ។ ធ្វេីជាមនុស្សប្រុស កុំអោយតណ្ហាអូសទាញបានអោយសោះ ។ អានអត្ថបទនេះហើយ សូមបុរសៗទាំងឡាយពិចារណាតាមការគួរ ?”៕
