និយាយមិនស្ដាប់! ចុះចាប់មនុស្សជិត១០នាក់ នាំគ្នាផឹកស៊ី ក្នុងភោជនីយដ្ឋាន សំណាងពន្លឺថ្មីI

ភ្នំពេញ៖ នៅយប់ថ្ងៃទី១១ ខែសីហា ឆ្នាំ២០២១ វេលាម៉ោង ២០:៣០នាទី គណៈបញ្ជាការឯកភាពខណ្ឌរដ្ឋបាលសែនសុខ បានដឹកនាំកម្លាំងចុះបង្រាប ទីតាំងភោជនីយដ្ឋាន សំណាងពន្លឺថ្មីI លួចបើកទទួលភ្ញៀវអោយចូល មកទទួលទាន គ្រឿងស្រវឹង ដែលបានអនុវត្តផ្ទុយនឹងលិខិត២៤៩ /២១ សសរ ចុះថ្ងៃទី២៩ ខែកក្កដា ឆ្នាំ២០២១ និងលិខិតលេខ២៥៩/២១ សសរ ចុះថ្ងៃទី១១ ខែសីហា ឆ្នាំ ២០២១ របស់រដ្ឋបាលរាជធានីភ្នំពេញ។

ទីតាំងល្មើសបម្រាមខាងលើ ស្ថិតនៅផ្លូវលេខ១៩៤៤ ភូមិ ទំនប់ សង្កាត់ភ្នំពេញថ្មី ខណ្ឌសែនសុខ រាជធានីភំ្នពេញ និងបានឃាត់ខ្លួនមនុស្សសរុបចំនួន ០៧នាក់ ក្នុង នោះ ស្រី ០៤នាក់ បច្ចុប្បន្នបាននាំខ្លួន ទៅកាន់ អធិការ រដ្ឋាន នគរបាលខណ្ឌសែនសុន ដើម្បីអនុវត្តតាមនិតីវិធី។