បឋម! កម្មករជាច្រើននាក់ រងរបួសធ្ងន់-ស្រាល ក្នុងឧបទ្ទវហេតុ គ្រោះថ្នាក់ចរាចរណ៍ នៅស្រុកសំរោងទង

ភ្នំពេញ៖ បើតាមបឋម លោកឧត្តមសេនីយ៍ត្រី តាប់ លន ស្នងការរងនគរបាលខេត្តកំពង់ស្ពឺ បានឲ្យដឹងថានៅម៉ោងប្រមាណ៦និង៣០នាទីល្ងាច ថ្ងៃទី១១ ខែសីហា ឆ្នាំ២០២១នេះ មានករណីរថយន្តដឹកកម្មករ (ឡានកូរ៉េ ២,៥តោន) បានបុកជាមួយ រថយន្តមួយគ្រឿងទៀត ស្ថិតនៅគីឡូម៉ែត្រលេខ៣ ផ្លូវជាតិលេខ ៤១ ភូមិសំរោង ឃុំត្រពាំងគង ស្រុកសំរោងទង។

លោកស្នងការរងបន្តថា រថយន្តមានកម្មករជិៈប្រមាណ៦០នាក់ មានរងរបួសធ្ងន់ស្រាលជាច្រើននាក់ និងកំពុងមានកម្មករជាប់នៅក្នុងកាប៊ីនឡានទៀតផង។

បច្ចុប្បន្នសមត្ថកិច្ច កំពុងសហការគ្នាជួយអន្តរាគមន៍ អ្នកជាប់ក្នុងកាប៊ីនរថយន្ត និងកំពុងជួយសង្គ្រោះ យកអ្នករងរបួសទៅមន្ទីរពេទ្យ ៕