ភ្នំពេញ៖ អនុគណៈកម្មការស្រាវជ្រាវជំងឺកូវីដ១៩ បានប្រកាសឲ្យដឹងថា ហាងកាហ្វេលំដាប់ប្រេនៗ ចំនួន ៣ទីតាំងទៀត មានអ្នកជំងឺកូវីដ១៩ ចូលទៅអង្គុយផឹកកាហ្វេ នៅទីនោះ ។
អនុគណៈកម្មការស្រាវជ្រាវជំងឺកូវីដ១៩ បានបញ្ជាក់ថា ទីតាំងហាងកកាហ្វេប្រេនៗ ទាំង ៣កន្លែងនោះរួមមានដូចខាងក្រោម៖
១.ហាងកាហ្វេ BROWN សាខា ខាលែនឌែលម៉ល (Khalandale Mall) ដែលមានទីតាងស្ថិតនៅ ផ្លូវបឹងកក់ នៃ Phnom Penh City Center សង្កាត់ស្រះចក ខណ្ឌដូនពេញ ថ្ងៃទី ២៨ ខែកក្កដា ឆ្នាំ២០២១ ចាប់ពីម៉ោង ១៤៖១៥ ដល់ ១៥៖៤៥ អ្នកជំងឺវីដ១៩ បានចូលទៅអង្គុយហូបកាហ្វេ នៅទីតាំងខាងលើនេះ។
២.ហាងកាហ្វេ STARBUCKS ដែលមានទីតាំងស្ថិតនៅផ្លូវម៉ៅសេងទុង សង្កាត់ទំនប់ទឹក ខណ្ឌបឹងកេងកង ថ្ងៃទី២៩ ខែកក្កដា ឆ្នាំ២០២១ ចាប់ពីម៉ោង ០៨៖៤៥ ដល់ ១១៖៥០ អ្នកជំងឺកូវីដ១៩ បានចូលទៅអង្គុយហូបកាហ្វេ នៅទីតាំងខាងលើនេះ។
៣.ហាងកាហ្វេ STARBUCKS ដែលមានទីតាំងស្ថិតនៅ Eden Garden ផ្លូវបឹងកក់ សង្កាត់ស្រះចក ខណ្ឌដូនពេញ ថ្ងៃទី២៨ ខែកក្កដា ឆ្នាំ២០២១ ចាប់ពីម៉ោង ១០៖២០ ដល់ ១២៖០០ អ្នកជំងឺកូវីដ១៩ មានគ្នា ២ នាក់ បានចូលទៅអង្គុយហូបកាហ្វេ នៅទីតាំងខាងលើនេះ។
ដើម្បីសុវត្ថិភាព សូមយកចិត្តទុកដាក់ តាមដានសុខភាពរបស់ខ្លួនរយៈពេល ១៤ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងនេះ ៕
