ភ្នំពេញ៖ ជនសង្ស័យ៣នាក់ ត្រូវបានសមត្ថកិច្ចក្រុងបាត់ដំបង ធ្វើការឃាត់ខ្លួន កាលថ្ងៃទី២៤ ខែកក្កដា ឆ្នាំ២០២១ ពីករណីប៉ុនប៉ងចូលលួចទ្រព្យសម្បត្តិ ក្នុងផ្ទះប្រជាពលរដ្ឋ។
យោងតាមស្នការនគរបាលខេត្តបាត់ដំបង បានឱ្យដឹងថា នៅចំណុចភូមិ២០ ឧសភា សង្កាត់ស្វាយប៉ោ ក្រុងបាត់ដំបងខេត្តបាត់ដំបង អនុវត្តតាមការដឹកនាំរបស់ លោកឧត្ដមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចជាយោបល់របស់លោកវរសេនីយ៍ឯក លឹម ពុទ្ធីឡា ស្នងការរងទទួលផែនការងារនគរបាលព្រហ្មទណ្ឌ និងមានការសម្របសម្រួលលើនីតិវិធីពីលោក កែវ សុជាតិ ព្រះរាជអាជ្ញានៃអយ្យការ អមសាលាដំបូងខេត្តបាត់ដំបងផងនោះ លោកវរសេនីយ៍ឯកឈឿងគឹមសុងនាយការិយាល័យនគរបាលព្រហ្មទណ្ឌកម្រិតស្រាល បានដឹកនាំកម្លាំងក្រុមអន្តរាគមន៍បង្ការបង្ក្រាប ចុះប្រតិបត្តិការបង្ក្រាបករណីប៉ុនប៉ងលួច(យកទ្រព្យសម្បត្តិ) ក្នុងលំនៅដ្ឋានចំនួន០១ករណីនិងបានធ្វេីការនាំខ្លួនជនសង្ស័យចំនួន០៣នាក់ មកកាន់ស្នងការដ្ឋាន នគរបាលខេត្តបាត់ដំបង ដេីម្បីធ្វេីការស្រាវជ្រាវ។
ជនសង្ស័យទាំង៣នាក់រួមមាន៖
១-ឈ្មោះ ម៉ៅ ឡុង ភេទប្រុស អាយុ ២៦ ឆ្នាំ មានទីលំនៅភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង ។
២-ឈ្មោះ ទូច សុវណ្ណារិន ហៅ លូ ភេទប្រុស អាយុ២៨ឆ្នាំ មានទីលំនៅភូមិដង្កោទាប សង្កាត់ទួលតាឯកក្រុងបាត់ដំបង ខេត្តបាត់ដំបង ។
៣-ឈ្មោះ ទឹង ជា ភេទ ប្រុស អាយុ ២២ ឆ្នាំ មានទីលំនៅភូមិ ២០ឧសភា សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ។
ក្នុងប្រតិបត្តិការនេះសមត្ថកិច្ច ធ្វើការដកហូតវត្ថុតាងរួមមាន៖ កង់ចំនួន២គ្រឿងតួណឺវីសចំនួន១ ដែកកេះចំនួន៣ ម្សៅក្រាមពណ៌សស្រអាប់ ច្រកក្នុងថង់ប្លាស្ទិកសង្ស័យជាសារធាតុញៀន ចំនួន១កូនថង់
អំពូលកែច្នៃ សម្រាប់ប្រេីប្រាស់គ្រឿងញៀនចំនួន២ ។
សូមជម្រាបជូនថា មូលហេតុដែលនាំដល់ការឃាត់ខ្លួនជនសង្ស័យទាំង៣នាក់ខាងលើនេះ គឺកាលពីថ្ងៃទី២៤ ខែកក្កដា ឆ្នាំ២០២១ ពួកគេបានធ្វេីសកម្មភាពចូលក្នុងលំនៅដ្ឋាន របស់ជនរងគ្រោះឈ្មោះ ឡេង រតនៈ ភេទប្រុស ២៥ឆ្នាំ មានមានទីលំនៅ ភូមិ២០ ឧសភា សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ប៉ុនប៉ងលួចយកទ្រព្យសម្បត្តិតែលួចមិនទាន់បានផង ក៏ត្រូវសមត្ថកិច្ច ធ្វេីការបង្រ្កាបនិងឃាត់ខ្លួន បានទាំងសម្បុកតែម្តង។
បច្ចុប្បន្នការិយាល័យជំនាញបាមរៀបចំ សំណុំរឿងដេីម្បីបញ្ជូនជនសង្ស័យខាងលើទៅសាលាដំបូងខេត្តបាត់ដំបងចាត់ការបន្តតាមនីតិវិធីច្បាប់៕
