ភ្នំពេញ៖ ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាល រាជធានីភ្នំពេញបន្ទាប់ទទួល បានការរាយការណ៍ពីប្រជាពលរដ្ឋ អំពីករណីមាន ជនសង្ស័យដេីរលួចកាត់ខ្សែភ្លេីងនៅថ្ងៃទី១៥ ខែកក្កដា ឆ្នាំ២០២១ បន្ទាប់ពីធ្វេីការស្រាវជ្រាវកម្លាំងប៉ុស្តិ៍នគរបាលរដ្ឋបាលទន្លេបាសាក់ បានឃាត់ជនសង្ស័យ០២នាក់ ករណីលួច(កាត់ខ្សែភ្លេីង) នៅចំណុចមុខផ្ទះលេខ៥៥ ផ្លូវសុធារស ក្រុម៣០ ភូមិ៥ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
យោងតាមស្នងការនគរបាលរាជធានីភ្នំពេញ បានឱ្យដឹងថា ជនសង្ស័យដែលឃាត់បានរួមមាន៖
១-ឈ្មោះ ទុំ សុភាព ភេទប្រុសអាយុ២៨ឆ្នាំ ជនជាតិខ្មែរ ស្នាក់នៅមិនពិតប្រាកដភ្នំពេញមុខរបរគ្មាន (មានសារធាតុញៀន)។
២- ជនសង្ស័យឈ្មោះ ពៅ វណ្ណា ភេទប្រុស អាយុ ២២ឆ្នាំ ជនជាតិខ្មែរ ស្នាក់នៅមិនពិតប្រាដក ភ្នំពេញ មុខរបគ្មាន។
ជនរងគ្រោះឈ្មោះចាន់ ចាន់ណារី ភេទស្រី អាយុ៧៤ឆ្នាំ ជនជាតិខ្មែរ មានទីទំនៅផ្ទះលេខ៥៥ ផ្លូវសុធារស ក្រុម៣០ ភូមិ៥ សង្កាត់ទន្លេបាសាក់ ខណ្ឌចំការមន ភ្នំពេញ មុខរបនៅផ្ទះ ។
សំភារះបាត់បង់ ខ្សែភ្លេីងចម្រុះពណ៌កាត់ជាកំណាត់ៗ(អេតចាយ) មួយចំនួន បានប្រគល់ជូនជនរងគ្រោះវិញ ។
បច្ចុប្បន្នជនសង្ស័យត្រូវបានបញ្ជូនខ្លួនទៅកាន់អធិការដ្ឋាននគរបាលខណ្ឌចំការមនដេីម្បីចាត់ការបន្តតាមនីតិវិធីច្បាប់ ៕
