ភ្នំពេញ៖ រដ្ឋបាលខេត្តបាត់ដំបង នៅថ្ងៃទី២៩ ខែមិថុនា ឆ្នាំ២០២១ បានចេញសេចក្ដីប្រកាសព័ត៌មាន ស្ដីពីករណី រកឃើញអ្នកវិជ្ជមានជំងឺកូវីដ-១៩ ចំនួន ៤៨នាក់ថ្មី ក្នុងនោះអ្នកពាក់ព័ន្ធជាមួយព្រឹត្តិការណ៍ សហគម ២០កុម្ភៈ ចំនួន២៦នាក់ និងជាពលករវិលត្រឡប់មកពី ប្រទេសថៃចំនួន២២នាក់ និងមានករណីជាសះស្បើយចំនួន៣២នាក់ផងដែរ។
រដ្ឋបាលខេត្តបានសម្រេច បិទខ្ទប់ភូមិទូលព្រំ១ ឃុំកកោះ ស្រុកមោងឬស្សី ខេត្តបាត់ដំបង ដែលជាតំបន់មានការឆ្លងរាលដាល នៃជំងឺកូវីដ-១៩ រហូលដល់មានការសម្រេចជាថ្មី។។
សូមបញ្ជាក់ថា គិតត្រឹមថ្ងៃទី២៩ ខែមិថុនា ឆ្នាំ២០២១នេះ មានអ្នកឆ្លងជំងឺកូវីដ១៩ សរុបចំនួន៨៨៩នាក់ ក្នុងនោះ បានព្យាបាលជាសះស្បើយ ចំនួន៥៤៩នាក់ និងកំពុងសម្រាកព្យាបាលចំនួន៣៣៤នាក់ ស្លាប់៦នាក់។
