ភ្នំពេញ៖ អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាតគឹមសានស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់ របស់លោកឧត្តមសេនីយ៍ត្រីកុយហៀងស្នងការរងផែនការងារប្រឆាំងគ្រឿងលោកវរសេនីយ៍ឯកពេជ្រសារ៉ែនអធិការនគរបាលក្រុងបាត់ដំបង នៅថ្ងៃទី១៨ ខែមិថុនា ឆ្នាំ២០២១ បានដឹកនាំធ្វេីការឃាត់ខ្លួនយុវជនម្នាក់បន្ទាប់ពីក្រុមគ្រួសាររបស់គាត់ បានបង្ហោះរូបភាព និងសរសេររៀបរាប់ អំពេីសកម្មភាព ដែលមិនអាចទ្រាំទ្រ បន្តទៀតបាននៅក្នុងបណ្តាញទំនាក់ទំនងសង្គមហ្វេសប៊ុក និងបានស្នេីសុំការជួយអន្តរាគមន៍ពីអាជ្ញាធរមានសមត្ថកិច្ច។
សេចក្តីរៀបរាប់ របស់ក្រុមគ្រួសារបានបញ្ជាក់ថាយុវជនឈ្មោះ ហុងថៃលីអាយុ៣០ឆ្នាំរស់នៅភូមិផ្កាស្លា សង្កាត់ចំការសំរោងក្រុងបាត់ដំបងខេត្តបាត់ដំបង ដែលជោគជាំដោយគ្រឿងញៀន ហេីយត្រូវបានក្រុមគ្រួសារនាំយកទៅអប់រំកែប្រែ នៅមណ្ឌលបន្សាបគ្រឿងញៀន ចំនួន០៤លើករួចមកហើយ តែយុវជនរូបនេះ មិនព្រមកែប្រែទាល់តែសោះ ហើយរូបគេនៅតែបន្ត សកម្មភាពប្រើប្រាស់គ្រឿងញៀន ដដែល។
ការរៀបរាប់ បានបន្តទៀតថា គ្រប់ពេលដែលគាត់ប្រើប្រាស់គ្រឿងញៀន ម្តងៗគាត់តែងតែ ប្រើហិង្សាទៅលើក្រុមគ្រួសារនេះ រហូតគាត់ជាសមាជិក ក្នុងគ្រួសារទ្រាំលែង បានទើបថតរូបភាព និងបង្ហោះ ជាសាធារណៈតែម្តងទៅ។
នៅពេលឃាត់ខ្លួនលេីកនេះ សមត្ថកិច្ចនគរបាលក្រុងបាត់ដំបង រៀបចំសំណុំរឿង បញ្ជូនមកការិយាល័យជំនាញ ដេីម្បីអនុវត្តទៅតាមផ្លូវច្បាប់៕
