ភ្នំពេញ៖ មន្ត្រីប៉េអឹមម្នាក់ បានយកកាំបិតចុងស្រួចចាក់ ទៅលើអតីតប្រពន្ធក្រោយលែងលះគ្នា បណ្តាលឱ្យរងរបួសធ្ងន់ នៅភូមិត្បូងទឹក ឃុំមានរិទ្ធិ ស្រុកសណ្ដាន់ ខេត្តកំពង់ធំកាលពីព្រឹកថ្ងៃទី២៣ ខែឧសភា ឆ្នាំ២០២១។
សមត្ថកិច្ចបានឱ្យដឹងថា ជនសង្ស័យឈ្មោះ ស៊្រន ពេជ្ររស្មី ភេទប្រុស អាយុ ៣៦ឆ្នាំ រស់នៅភូមិ ឃុំស្រុកកើតហេតុ ជាមន្រ្តីប៉េអឹមខេត្តកំពង់ធំ បានយកកាំបិតចុងស្រួច ចាក់ទៅលើជនរងគ្រោះ ឈ្មោះ គួច មួយហៀកអាយុ ៣០ឆ្នាំ ជាអតីតប្រពន្ធ បណ្ដាលឱ្យរងរបួសធ្ងន់ ចំដៃខាងឆ្វេង ២កាំបិត ដៃខាងស្ដាំ២កាំបិត និងកញ្ចឹង ក១កាំបិត។
ជនរងគ្រោះ ត្រូវបានក្រុមគ្រួសារ បញ្ជូនទៅព្យាលបាល នៅមណ្ឌលសុខភាពស្រុកសណ្ដាន់ ឯជនសង្ស័យបានរត់គេចខ្លួន បាត់កម្លាំងសមត្ថកិច្ច កំពុងតាមរកចាប់ខ្លួន៕
