មេបក្ស យុវជន កម្ពុជា ៖ កូវីដ១៩  នឹងឆ្ងាញ់មាត់សារជាថ្មី បើពលរដ្ឋ ដើរសេរីខ្វះការប្រុងប្រយ័ត្ន

ភ្នំពេញ៖ លោក ពេជ្រ ស្រស់ ប្រធានគណបក្សយុវជនកម្ពុជា នៅយប់ថ្ងៃទី២១ ខែឧសភា ឆ្នាំ២០២១នេះ បានលើកឡើងថា  COVID-19 នឹងឆ្ងាញ់មាត់សារជាថ្មី បើពលរដ្ឋ ដើរសេរីខ្វះការប្រុងប្រយ័ត្នជាមួយមេរោគនេះ។

ការលើកឡើងបែបនេះ ស្របពេល សាលារាជធានីភ្នំពេញសម្រេចបិទបញ្ចប់បំរាមគោចរ និងអនុញ្ញាតឲ្យបើកអាជីវកម្មមួយចំនួនក្នុង «តំបន់លឿង» ចាប់ពីម៉ោងសូន្យថ្ងៃទី២២ ខែឧសភាតទៅ និងគ្រប់ទីផ្សារ ភោជនីយដ្ឋាន អាហារដ្ឋាន តូបអាហារ ហាងកាហ្វេ ហាងភេសជ្ជៈ និងអាជីវកម្មដ្ឋានផ្នែកអាហារ-ភេសជ្ជៈគ្រប់ប្រភេទ អាចដំណើរការអាជីវកម្ម ជាប្រក្រតីនិងអាចទទួល អតិថិជនឲ្យចូលមកទទួលទាន ក្នុងបរិវេណអាជីវកម្មដ្ឋានឡើងវិញ។

តាមរយៈបណ្ដាញទំនាក់ទំនងសង្គមហ្វេសប៊ុក លោក ពេជ្រ ស្រស់ បានលើកឡើងថា «COVID-19 នឹងឆ្ងាញ់មាត់សារជាថ្មី បើពលរដ្ឋ ដើរសេរីខ្វះការប្រុងប្រយ័ត្នជាមួយមេរោគនេះ»។

លោក ពេជ្រ ស្រស់ សង្ឃឹម និងជឿជាក់ថាបងប្អូនប្រជាពលរដ្ឋនឹង ប្រុងប្រយ័ត្នជាមួយមេរោគ COVID-19 ទ្វេដង ដើម្បីក្រពះ និងជីវភាពប្រចាំថ្ងៃ៕