ភ្នំពេញ៖ រដ្ឋបាលខេត្តកំពង់ធំ នៅព្រឹកថ្ងៃទី២៩ ខែមេសា ឆ្នាំ២០២១នេះ បានចេញសេចក្ដីប្រកាសព័ត៌មាន មួយបានប្រកាសឱ្យដឹងថា រកឃើញប្រជាពលរដ្ឋចំនួន ៤នាក់បន្ថែមទៀត កើតជំងឺកូវីដ១៩។
រដ្ឋបាលខេត្ត បានបញ្ជាក់ថា អ្នកជំងឺទាំង៤នាក់នេះ មានអាសយដ្ឋាននៅភូមិព្រៃវែង ឃុំទ្រៀល ស្រុកតាំងគោក។
អ្នកជំងឺទាំង៤នេះរួមមាន៖ ឈ្មោះ រស់ សៀង ភេទស្រី អាយុ ៥២ឆ្នាំ, ឈ្មោះ សួន គីមហួយ ភេទស្រី អាយុ ២៩ឆ្នាំ, ឈ្មោះ សើរ គឹមឆេង ភេទស្រី អាយុ ១២ឆ្នាំ និង ឈ្មោះ ធី អាលីស្សា ភេទស្រី អាយុ ២ខែ។
