ភ្នំពេញ៖ ផ្នែកក្រសួងស្ថាប័ន នៃយុវជនថ្នាក់កណ្តាល គណបក្សប្រជាជនកម្ពុជាថ្ងៃទី០៦ ខែមេសា ឆ្នាំ២០២១ បានបរិច្ចាកថវិកាចំនួន ១០,២៤៩ដុល្លារ ដល់សមាគមគ្រូពេទ្យស្ម័គ្រចិត្ត យុវជនសម្តេចតេជោ (TYDA) ដែលកំពុងប្រយុទ្ធប្រឆាំង ការរីករាលដាល នៃជំងឺកូវីដ-១៩ ក្រោមការដឹកនាំរបស់លោក ហ៊ុន ម៉ាណែត ប្រធានក្រុមប្រឹក្សាភិបាល និងលោកជំទាវ ពេជ ចន្ទមុន្នី អនុប្រធានក្រុមប្រឹក្សាភិបាល។
ផ្នែកក្រសួងស្ថាប័ន នៃយុវជនថ្នាក់កណ្តាលគណបក្សប្រជាជនកម្ពុជា សូមសំដែងនូវសេចក្តីគោរព និងកោតសរសើរដល់វីរៈភាពក្រុមគ្រូពេទ្យកម្ពុជា ដែលបានអនុវត្តនូវតួនាទីរបស់ខ្លួនយ៉ាងសកម្ម ក្នុងការចូលរួមទប់ស្កាត់ការរីករាលដាលនៃជំងឺកូវីដ-១៩ តាមអនុសាសន៍ ដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា៕
