ភ្នំពេញ៖ លោក ម៉េង វិមានតារា អធិការខណ្ឌមានជ័យ បានឲ្យដឹងថា មនុស្ស៦នាក់បានឆ្លងជំងឺកូវីដ១៩ ក្នុងចំនោមសមាជិកគ្រួសារ៧នាក់ និងម្នាក់ទៀតមិនទាន់ដឹងលទ្ធផល។
តាមរយៈបណ្ដាញទំនាក់ទំនងសង្គមហ្វេសប៊ុក នៅយប់ថ្ងៃទី៣១ ខែមីនា ឆ្នាំ២០២១នេះ លោកអធិការខណ្ឌមានជ័យ បានសរសេរយ៉ាងដូច្នេះថា «តែប្រហែស មិនស្តាប់ការណែនាំ របស់ក្រសួងសុខាភិបាល លទ្ធផលគឺ………. និយាយមិនចេញ ជូនពរក្មួយៗឆាប់ជាសះស្បើយ និងឆាប់បានមកផ្ទះវិញ ឆ្លងបន្តគ្នា០៦នាក់ហើយ ចំណោមសមាជិកគ្រួសារ០៧នាក់ នៅសល់ម្នាក់ទៀតមិនទាន់ដឹងលទ្ធផល។
លោកក៏បានអោយដឹងផងដែរថា នៅយប់ថ្ងៃទី៣១ ខែមីនា ឆ្នាំ២០២១ ក្រុមគ្រូពេទ្យការិយាល័យសុខាភិបាលស្រុក ប្រតិបត្តិបាសាក់(ច្បារអំពៅ) បានចុះមកយកអ្នកវិជ្ជមានកូវីដ-១៩ ចំនួន០៣នាក់ ស្រី ០១ នាក់ (ជនជាតិខ្មែរ) ៖
១-ភេទ ស្រី អាយុ ២៨ឆ្នាំ
២-ភេទ ប្រុស អាយុ ២១ឆ្នាំ
៣-ភេទ ប្រុស អាយុ ២៣ឆ្នាំ ។
ទីតាំងចាស់?នៅចំណុចផ្ទះលេខ2C ភូមិដំណាក់ធំ ២ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ។
បច្ចុប្បន្នមានមនុស្សម្នាក់ ស្នាក់ក្នុងផ្ទះខាងលេី ភេទស្រី អាយុ ២៣ឆ្នាំ ត្រូវបានណែនាំឲ្យធ្វេីចត្តាឡីស័កនៅក្នុងផ្ទះជាបន្ត។
អ្នកជំងឺទាំង០៣នាក់ខាងលើ ត្រូវបានក្រុមគ្រូពេទ្យបញ្ជូនទៅសម្រាកព្យាបាលនៅមន្ទីរពេទ្យ(ហ្លួងម៉ែ)ស្ថិតក្នុងខណ្ឌដង្កោ ។
ទីតាំងខាងលើត្រូវបានហ៊ុំព័ទ្ធជាបណ្ដោះ អាសន្ន ៕
