ភ្នំពេញ ៖ ក្មេងប្រុសម្នាក់បានទៅមុជលេងទឹកបឹងជាមួយឪពុក បណ្តាលឲ្យលង់ទឹកស្លាប់ កាលពីថ្ងៃទី១២ ខែកុម្ភៈ ឆ្នាំ២០២១ វេលាម៉ោង១៦ និង០០នាទី នៅចំណុចមាត់បឹងចាន់គៀក ភូមិចាន់គៀក ឃុំអូរឫស្សី ស្រុកកំពង់ត្រឡាច ខេត្តកំពង់ឆ្នាំង ។
ក្មេងរងគ្រោះឈ្មោះ ហ្វើ រតនៈ ភេទប្រុស អាយុ០៨ឆ្នាំ ឪពុកឈ្មោះ សុះ អី ម្ដាយឈ្មោះ ហ្វើ ជ័យ រស់នៅភូមិ-ឃុំកើតហេតុខាងលើ បានស្លាប់បាត់បង់ជីវិតភ្លាមៗ ។
ករណីខាងលើ បណ្តាលមកពីជនរងគ្រោះទៅមុជទឹកបឹងជាមួយឪពុក និងដោយខ្វះការប្រុងប្រយ័ត្នក៏បណ្ដាលអោយលង់តែម្តង ៕
