ភ្នំពេញ៖ កាលពីថ្ងៃទី៣១ ខែមករា ឆ្នាំ២០២១ វេលាម៉ោង១០និង២០នាទី បុរសម្នាក់ឡើងបេះផ្លែក្រឡាញ់ បាក់មែកធ្លាក់ពីលើចុងមកដី បណ្តាលឲ្យស្លាប់ នៅចំណុចលើខ្នងភ្នំលីពីន ស្ថិតនៅភូមិបង្គងឃ្មុំ ឃុំត្នោតជុំ ស្រុកក្រគរ ខេត្តពោធិ៍សាត់។
ប្រភពរបាយការណ៍ពីអធិការដ្ឋាន នគរបាលស្រុកក្រគរបានឲ្យដឹងថា ជនរងគ្រោះ ឈ្មោះ មួយ ស៊ីនឿន ភេទប្រុស អាយុ ៤១ ឆ្នាំរស់នៅភូមិបង្គងឃ្មុំ ឃុំត្នោតជុំស្រុកក្រគរ ខេត្តពោធិ៍សាត់។
ប្រភពបានបន្តទៀតថា ក្រោយពីសមត្ថកិច្ចបានចុះទៅពិនិត្យ សាកសពនៅកន្លែងកើតហេតុរួចមក បានសន្និដ្ឋានថា ជនរងគ្រោះពិតជាស្លាប់ដោយសារឡើងបេះផ្លែក្រឡាញ់ បាក់មែកមានកម្ពស់ប្រហែល ៧ ម៉ែត ទើបបណ្តាលឲ្យធ្លាក់ស្លាប់នៅនឹងកន្លែង។ សាកសពត្រូវបានសមត្ថកិច្ចប្រគល់ ឲ្យក្រុមគ្រួសារយកទៅធ្វើបុណ្យតាមប្រពៃណី ៕
