Wilfried Zaha – OBN Asia

West Ham និង Aston ចង់បានអតីតខ្សែប្រយុទ្ធរបស់ក្លឹប Man Utd

obnasia — Sun, 18 Feb 2024 02:56:19 +0000

បរទេស៖ នេះបើយោងតាមការចេញផ្សាយរបស់ talkSPORT បានអោយដឹងថាអតីតតារាឆ្នើមរបស់ក្លឹប Manchester United និង Crystal Palace កីឡាករ Wilfried Zaha អាចនឹងត្រលប់មកកាន់ Premier League វិញក្រោយទើបតែចាកចេញទៅកាន់ក្លឹប Galatasaray នៅលីគទួរគីទើបតែបាន ១ឆ្នាំប៉ុណ្ណោះ។

ក្លឹបដូចជា West Ham និង Aston Villa នៅតែចង់ចុះហត្ថលេខាយកកីឡាករសញ្ជាតិអង់គ្លេសរូបនេះនៅខែមករា ខណៈកីឡាករមិនចង់ចាកចេញពីក្លឹប ដោយទើបតែចំណាយពេលបានតែ ៦ខែជាមួយក្លឹបនៅទួរគីមួយនេះ៕

Erik ten Hag កំពុងដើរចានដានរបស់លោក Solskjaer ហើយ!!

obnasia — Wed, 04 Oct 2023 01:30:34 +0000

បរទេស៖ ក្លឹប United បានចាញ់ជាលើកទី២ នៅក្នុងពាន Champions League ក្រោយក្លឹបមកពីតួកគីបានធ្វើការតាមពីក្រោយដល់ទៅ ២លើក ហើយឈានដល់ការយកឈ្នះនៅទឹកដី Old Trafford កាលពីយប់ថ្ងៃអង្គារ៍។ កីឡាករ Casemiro ត្រូវបានបានបណ្តេញចេញនៅនាទី ៧៧ ក្រោយទទួលបានកាត់លឿង ២ដង ហើយទោះបីខ្សែប្រយុទ្ធ Rasmus Hojlund បានស៊ុតបញ្ចូល ២គ្រាប់ក៏ដោយ ប៉ុន្តែត្រូវបាន Wilfried Zaha, Kerem Akturkoglu និង Mauro Icardi បានស៊ុតវាយបកទៅលើក្រុមម្ចាស់ផ្ទះវិញ។ ក្លឹប United បានចាញ់ការប្រកួតដំបូងនៅ Champions League នៅរដូវកាលនេះ ដោយចាញ់ Bayern ក្នុងលទ្ធផល ៤-៣ ដែលបានធ្វើអោយក្លឹបបិសាចក្រហមស្ថិតនៅបាត់តារាង។

ការចាញ់នេះ កើតឡើងក្រោយក្លឹបទើបតែចាញ់ក្រុម Crystal Palace នៅ Premier League ដែលមានន័យថា United បានចាញ់ជាបន្តបន្ទាប់នៅក្នុងដីខ្លួនឯងជាលើកដំបូង ចាប់តាំងពីខែតុលា-វិច្ឆិកា ឆ្នាំ២០២១មក។ ក្នុងពេលនោះ ពួកគេចាញ់ Liverpool ៥-០ និង Man City ២-០ ដែលនេះជាការចាញ់ក្នុងផ្ទះ ២ដងបន្តគ្នាក្រោមការដឹកនាំរបស់លោក Solskjaer មុននឹងត្រូវបានក្លឹបបណ្តេញចេញ។ នៅពេលដែលគាត់បានបណ្តេញចេញ គឺក្លឹប Manchester United បានឈ្នះតែ ១ដងប៉ុនោះ ក្នុងការប្រកួត ៧ដង នឹងស្ថិតនៅក្នុងចំណាប់ថ្នាក់ទី៧ក្នុងតារាង ហើយនៅពីក្រោយក្រុមកំពូលតារាង ១២ពិន្ទុ។ ហើយនៅពេលនេះ ក្រុមលោក Erik ten Hag គឺស្ថិតនៅចំណាត់ថ្នាក់លេខ ១០ ហើយនៅពីក្រោយក្រុមកំពូលតារាង ៩ពិន្ទុ។

គួរបញ្ជាក់ថា ៣ប្រកួតបន្ទាប់របស់ក្លឹប United ត្រូវជួបជាមួយនឹង Brentford នៅទឹកដីខ្លួន, Sheffield United នៅក្រៅដី និង Copenhagen នៅទឹកដីខ្លួនឯង៕

ទីបំផុត Zaha រកក្លឹបបានលេងហើយ

Tico — Tue, 25 Jul 2023 11:09:29 +0000

កីឡាករ Wilfried Zaha បានចុះហត្ថលេខាជាមួយ Galatasaray បន្ទាប់ពីចាកចេញពី Crystal Palace ក្រោយកិច្ចសន្យារបស់គាត់ផុតកំណត់។

Galatasaray បានចុះកុងត្រាលើកិច្ចសន្យារយៈពេល 3 ឆ្នាំ ដោយបានបញ្ចប់ការចាប់អារម្មណ៍របស់ Lazio, Fenerbache និង Al Nassr ក្នុងការចុះហត្ថលេខាលើកីឡាករវ័យ ៣០ ឆ្នាំរូបនេះ។

អ្នកតំណាងរបស់ Zaha បានបញ្ជាក់រថា គាត់ក៏ទទួលបានការទាក់ទងពី Atletico Madrid និងក្លឹបដែលបានលេង Champions League បីផ្សេងទៀតផងដែរ៕

ក្លឹបនៅអ៊ីតាលីមួយនេះ កំពុងតែបញ្ចុះបញ្ចូលខ្សែប្រយុទ្ធ Wilfried Zaha របស់ Crystal Palace

obnasia — Sat, 24 Jun 2023 01:36:25 +0000

បរទេស៖ នេះបើយោងតាមការចេញផ្សាយរបស់លោក Fabrizio Romano បានអោយដឹងថាក្លឹប Lazio បានធ្វើការបញ្ចុះបញ្ចូលខ្សែប្រយុទ្ធ Wilfried Zaha របស់ក្លឹប Crystal Palace ជាមួយការផ្ទេរគ្មានតម្លៃខ្លួន។ ការចរចាត្រួវបានធ្វើឡើង ប៉ុន្តែវាមិនងាយស្រួលនោះទេនៅក្នុងដំណាក់កាលនេះ។

ក្នុងនោះកីឡាករ Zaha បានទទួលនៅសំណើរជាច្រើន ដែលនេះបានធ្វើអោយគាត់ជម្រើសក្នុងការសម្រេចចិត្ត៕

កីឡាករ Crystal រូបនេះ អាចនឹងទៅចូលរួមជាមួយនឹង CR7 នៅ Al-Nassr

obnasia — Thu, 08 Jun 2023 01:00:07 +0000

បរទេស៖ នេះបើយោងតាមការចេញផ្សាយរបស់លោក Rudy Galetti បានអោយដឹងថាកីឡាករ Wilfried Zaha បានឈានដល់ការព្រមព្រៀងជាមួយនឹងក្លឹប Al Nassr ហើយក៏ត្រៀមខ្លួនក្នុងការទៅកាន់ទឹកដីថ្មីផងដែរ។

គ្រាន់តែមិនទាន់បានចុះហត្ថលេខា ប៉ុន្តែតាមតែដឹង គឺវាអាចដោយសារតែបញ្ហាពេលវេលាប៉ុណ្ណោះ ដែលធ្វើអោយមានការពន្យាពេលមួយនេះកើតឡើង៕

ក្លឹបនៅអារ៉ាប៊ីសាអូឌីត កំពុងបញ្ចុះបញ្ចូលកីឡាករ Zaha ប៉ុន្តែ

obnasia — Wed, 07 Jun 2023 02:26:00 +0000

បរទេស៖ នេះបើយោងតាមការចេញផ្សាយរបស់លោក Fabrizio Romano បានអោយដឹងថា Wilfried Zaha មិនទាន់មានការព្រមព្រៀងណាមួយជាមួយនឹងក្លឹប Al Nassr នៅដំណាក់កាលនេះទេ។ ក្លឹបនៅអារ៉ាប៊ីសាអូឌីតបានធ្វើការបញ្ចុះបញ្ចូលគាត់មែន ប៉ុន្តែមិនមានការព្រមព្រៀងណាមួយទេ។

ក្នុងនោះ ត្រូវបានគេជឿជាក់ថា Zaha ចង់បន្តស្នាក់នៅតំបន់អឺរ៉ុប ហើយក៏ទទួលបានការចាប់អារម្មណ៍យ៉ាងខ្លាំងពីក្លឹបបានលេងនៅពាន Champoins League នារដូវកាលក្រោយ៕

កីឡាករ ៥ រូបដែលស្ថិតក្នុងគោលដៅការផ្ទេររបស់ Mikel Arteta

Tico — Thu, 04 May 2023 09:31:31 +0000

យោងតាមសារព័ត៌មាន Daily Mail បានឱ្យដឹងថា Arsenal បានត្រៀមខ្លួនរួចជាស្រេច សម្រាប់រដូវក្តៅដ៏ធំមួយ ក្រោមការដឹកនាំរបស់លោក Mikel Arteta ខណៈដែលពួកគេសម្លឹងមើលការពង្រឹងក្រុមរបស់ពួកគេ។ របាយការណ៍ដដែលបានអោយថាក្លឹបកាំភ្លើងធំកំពុងកំណត់គោលដៅខ្សែការពារកណ្តាលមួយរូប ខ្សែបម្រើពីររូប រួមជាមួយខ្សែប្រយុទ្ធពីររូបផងដែរ។

ក្នុងនោះខ្សែការពារ Marc Guehi របស់ Crystal Palace ក៏ចាប់អារម្មណ៍លើក្រុមជ្រើសរើសរបស់ Arsenal ក្នុងរដូវកាលនេះផងដែរ។ ក្រុមកាំភ្លើងធំក៏បានផ្សារភ្ជាប់ទំនាក់ទំនងជាមួយនឹងខ្សែបម្រើ Declan Rice និង Romeo Lavia របស់ក្លឹប Southamton ក៏ស្ថិតនៅក្នុងបញ្ជីរបស់ពួកគេផងដែរ។

ទន្ទឹមនឹងនេះដែរកីឡាករ Moussa Diaby របស់ Bayer Leverkusen បានលេចចេញជាគោលដៅសម្រាប់តំបន់ប្រយុទ្ធកំពូលសម្រាប់ក្រុម Arsenal និងជម្រើសមួយទៀតគឺ Wilfried Zaha ព្រោះកីឡាកររូបនេះជាកីឡាករគ្មានតម្លៃផ្ទេរ៕

ខ្សែប្រយុទ្ធ Wilfried Zaha ធ្វើអោយក្លឹបជាច្រើននៅតំបន់អឺរ៉ុបចេញមកប្រជែងគ្នា

obnasia — Mon, 01 May 2023 07:30:15 +0000

បរទេស៖ នេះបើយោងតាមការចេញផ្សាយរបស់ The Telegraph បានអោយដឹងថាក្លឹបនៅអឺរ៉ុបជាច្រើនកំពុងប្រជែងគ្នាយកខ្សែប្រយុទ្ធ Wilfried Zaha របស់ក្លឹប Crystal Palace។ ខ្សែប្រយុទ្ធរូបនេះក៏បានបញ្ជាកថ់ារូបគេនឹងចាកចេញពីក្លឹប Crystal Palace នៅពេលដែលកុងត្រារបស់គាត់ផុតនៅចុងរដូវក្តៅនេះ។

ប្រភពដដែរបន្តថាមានក្លឹប Arsenal, Juventus, Chelsea និង Barcelona ដែលចាប់អារម្មណ៍ក្នុងការយកខ្សែប្រយុទ្ធរូបនេះនៅពេលទីផ្សារដោះដូរកីឡាករបើក៕

Arsenal មានមហិច្ឆតាចង់បានកីឡាកររបស់ Crystal Palace

Tico — Tue, 25 Apr 2023 07:48:07 +0000

នេះបើយោងតាមការចេញផ្សាយរបស់ Guardian បានអោយដឹងថា Arsenal មិនបានបោះបង់នូវមហិច្ឆតារបស់ពួកគេក្នុងការចុះហត្ថលេខាលើខ្សែបម្រើស្លាប Wilfried Zaha នៅរដូវក្តៅនេះ ។

របាយការណ៍ដដែលលើកឡើងថា Crystal Palace បានផ្តល់កិច្ចសន្យាថ្មីរយៈពេល 4 ឆ្នាំដល់ខ្សែប្រយុទ្ធកូតឌីវ័រដែលមានតម្លៃប្រហែល 20ម៉ឺនផោនក្នុងមួយសប្តាហ៍ ដែលធ្វើឱ្យគាត់ក្លាយជាកីឡាករដែលមានប្រាក់ខែខ្ពស់បំផុតមិនធ្លាប់មានក្នុងប្រវត្តិសាស្ត្រក្លឹបមួយនេះ។

គួររំលឹកផងដែរ Chelsea, PSG, Bayern Munich, Roma និង Marseille កំពុងតាមដានស្ថានភាពរបស់ Zaha ខណៈពេលដែលគាត់ក៏ទទួលបានការចាប់អារម្មណ៍ពីក្លឹបនៅអារ៉ាប៊ីសាអូឌីតផងដែរ៕

កីឡាករទាំង ៣នាក់ ក្នុងចំណោម ១០នាក់ដែលមានប្រៀបឈ្នះពានគ្រាប់បាល់ល្អបំផុតរបស់ Premier League ប្រចាំរដូវកាល (មានវីដេអូ)

Tico — Thu, 26 May 2022 05:50:45 +0000

តារាឆ្នើម Cristiano Ronaldo របស់ក្រុម Manchester United ខ្សែប្រយុទ្ធ Liverpool កីឡាករ Mohamed Salah និងខ្សែប្រយុទ្ធ Alexandre Lacazette របស់ Arsenal ស្ថិតក្នុងចំណោមបេក្ខភាពប្រជែងដណ្តើមពានគ្រាប់បាល់ល្អបំផុតក្នុងក្របខ័ណ្ឌ Premier League រដូវកាលនេះ។

គ្រាប់បាល់ទី២ ក្នុងចំណោមគ្រាប់បាល់ទាំងបីរបស់ Ronaldo ទល់នឹង Tottenham ក្នុងខែមីនា គ្រាប់បាល់ដ៏អស្ចារ្យរបស់ Salah ទល់នឹង Manchester City ក្នុងខែតុលា និងគ្រាប់បាល់ស៊ុតបញ្ចូលទីដ៏ល្អរបស់ Lacazette ទល់នឹង Southampton ក្នុងខែធ្នូ គឺស្ថិតក្នុងចំណោមបេក្ខភាពទាំង 10 សម្រាប់ការប្រជែងពានរង្វាន់។

បេក្ខភាពផ្សេងទៀតរួមមាន Danny Ings របស់ Aston Villa ខ្សែបម្រើស្លាបរបស់ Everton កីឡាករ Andros Townsend ខ្សែបម្រើ Mateo Kovacic របស់ Chelsea និង Son Heung-min របស់ Tottenham។ ខ្សែបម្រើ Rodri របស់ Manchester City ខ្សែប្រយុទ្ធ Wilfried Zaha របស់ Crystal Palace និង Miguel Almiron របស់ Newcastle សុទ្ធតែបេក្ខភាពប្រជែងពានរង្វាន់គ្រាប់បាល់ល្អបំផុតប្រចាំរដូវកាល។

គួររំលឹកឡើងវិញដែរថា អ្នកឈ្នះពាននេះកាលពីឆ្នាំមុនគឺ Erik Lamela របស់ Tottenham ដែលជាគ្រាប់បាល់ទល់នឹងគូប្រជែងភាគខាងជើងទីក្រុងឡុងដ៍គឺក្រុម Arsenal នៅកីឡដ្ឋាន Emirates ។

បញ្ជាក់ផងដែរថា ការបោះឆ្នោតជាសាធារណៈរួមជាមួយក្រុមអ្នកជំនាញបាល់ទាត់ នឹងសម្រេចរកអ្នកឈ្នះ ដែលនឹងត្រូវប្រកាសនៅសប្តាហ៍ក្រោយ៕