Smalling – OBN Asia

Jose Mourinho ចង់បានខ្សែការពាររបស់ Chelsea ម្នាក់នេះ

obnasia — Fri, 20 Oct 2023 01:39:29 +0000

បរទេស៖ ក្លឹបនៅអ៊ីតាលីមួយនេះ កំពុងស្វែងរកនៅការពង្រឹងនៅតំបន់ការពារកណ្តាល ក្រោយកីឡាករ Chris Smalling, Diego Llorente និង Marash Kumbulla បានជួបនឹងបញ្ហារបួស។

ហើយបើយោងតាមការចេញផ្សាយរបស់ La Gazzetta dello Sport បានអោយដឹងថាក្លឹប Roma បាននឹងកំពុងពិចារណាក្នុងការយកខ្សែការពារ Chalobah នៅពេលដែលទីផ្សារដោះដូរកីឡាករបើកនាខែមករាខាងមុខនេះ។

ខណៈពេលដែលក្លឹប Chelsea ក៏មានបំណងចង់លក់គាត់ចេញនៅរដូវរងារនេះផងដែរ ដោយសារតែកីឡាកររូបនេះមិនស្ថិតនៅក្នុងជម្រើសរបស់លោក Mauricio Pochettino នោះទេ៕

ខ្សែការពារ Chris Smalling សម្រេចចិត្តធ្វើរឿងនេះដាក់ក្លឹប AS Roma

obnasia — Sat, 17 Jun 2023 02:38:02 +0000

បរទេស៖ នេះបើយោងតាមការចេញផ្សាយរបស់លោក Fabrizio Romano បានអោយដឹងថាខ្សែការពារ Chris Smalling បានយល់ព្រមចុះកុងត្រាថ្មីជាមួយនឹងក្លឹប AS Roma ដោយក្នុងនោះសុពលភាពមានរហូតដល់ខែមិថុនា ឆ្នាំ២០២៥។

គួរបញ្ជាក់ថាកុងត្រាត្រូវបានព្រមព្រៀងគ្នាកាលពីខែមុន៕

មិននឹកស្មានថាអនាគតរបស់ Chris Smalling ជាមួយនឹង Roma ឈានដល់ចំនុចមួយនេះ

obnasia — Fri, 12 May 2023 02:56:59 +0000

បរទេស៖ នេះបើយោងតាមការចេញផ្សាយរបស់លោក Fabrizio Romano បានអោយដឹងថាភ្នាក់ងាររបស់កីឡាករ Chris Smalling បានធ្វើដំណើរមកដល់ប្រទេសអ៊ីតាលីហើយ ក្នុងគោលបំណង ដើម្បីបញ្ចប់នៅការព្រមព្រៀងគ្នាទៅលើកុងត្រាថ្មីរវាងខ្សែការពារកណ្តាលរូបនេះ ជាមួយនឹងក្លឹប AS Roma។

ដោយកុងត្រាថ្មីនឹងបន្តរហូតដល់ឆ្នាំ២០២៥ ដោយមានការព្រមព្រៀង និងរៀបចំក្នុងការចុះហត្ថលេខា។ ការលម្អិតចុងក្រោយនឹងត្រូវធ្វើការជាមួយនឹងខាងភ្នាក់ងារនៅថ្ងៃបន្ទាប់៕

តើ Raphael Varane នឹងពាក់អាវលេខប៉ុន្មាននៅ Manchester United ?

Tico — Thu, 12 Aug 2021 05:29:29 +0000

កីឡាករចំណូលថ្មីរបស់ក្លិប Manchester United គឺ Raphael Varane អាចនឹងទទួលបានលេខអាវដែលមិននឹកស្មានដល់។ យោងតាមការចុះផ្សាយរបស់ Stretty News បានឲ្យដដឹងថា Varane មានចេតនាចង់បានអាវលេខ៤ ប៉ុន្តែបច្ចុប្បន្នវាត្រូវបានពាក់ដោយកីឡាករខ្សែការពារសញ្ជាតិអង់គ្លេស វ័យ២៩ឆ្នាំ Phil Jones។

ក្រុមបិសាចក្រហម Manchester United ជិតនឹងបញ្ចប់ការចុះហត្ថលេខាលើកីឡាករ Raphael Varane ពីក្លិប Real Madrid ក្នុងតម្លៃខ្លួនប្រមាណ ៤១ លានផោន។ កិច្ចព្រមព្រៀងនេះមិនទាន់ត្រូវបានប្រកាសនៅឡើយទេ ដោយសារដំបូងខ្សែរការពារសញ្ជាតិបារាំងរូបនេះ ប្រឈមនឹងបញ្ហាទិដ្ឋាការខ្លះ ហើយក្រោយមកត្រូវនៅដាច់ដោយឡែកពីគេក្នុងចក្រភពអង់គ្លេស។ ទោះយ៉ាងណាក៏ដោយការប្រកាសជាផ្លូវការ គឺជិតមកដល់ហើយ។

នៅក្នុងឈុតជម្រើសជាតិបារាំង Varane ពាក់អាវលេខ ៤ ហើយកីឡាករវ័យ ២៨ ឆ្នាំរូបនេះពាក់អាវលេខ ២ និងលេខ ៥ អំឡុងពេលនៅ Real Madrid ។ តែទោះយ៉ាងណាក៏ដោយ បច្ចុប្បន្នលេខទាំងអស់នេះសុទ្ធសឹងតែមានម្ចាស់អស់ទៅហើយនៅក្លឹប Manchester United ដែលនេះមានន័យថា នឹងបង្ខំ Varane ឲ្យជ្រើសរើសលេខដែលគាត់មិនធ្លាប់ពាក់ពីមុនមក។

មានជម្រើសតិចតួច ដែលអាចឱ្យខ្សែការពាររូបនេះពិចារណា។ Varane អាចជ្រើសរើសអាវលេខ ១៦ ដែលធ្លាប់ត្រូវបានពាក់ដោយកីឡាករល្បីៗដូចជា Michael Carrick និង Roy Keane។ ទោះយ៉ាងណាលេខ ១៦ មិនមែនជាលេខដែលខ្សែការពារពាក់នោះទេ។

ជម្រើសមួយផ្សេងទៀតដែល Varane អាចជ្រើសរើសបានគឺលេខ ១២ ដែលត្រូវទុកឱ្យនៅទំនេរចាប់តាំងពី Chris Smalling ចាកចេញពីក្រុមបិសាចក្រហម Manchester United នៅរដូវក្តៅឆ្នាំ ២០១៩ ៕

ក្រុមចោរប្រដាប់អាវុធ ប្លន់ផ្ទះគ្រួសារខ្សែការពារក្រុម Roma នៅអ៊ីតាលី

Tico — Sat, 17 Apr 2021 04:07:20 +0000

អតីតខ្សែការពាររបស់ក្លិបបិសាចក្រហម Manchester United គឺ Chris Smalling និងក្រុមគ្រួសារបានជួបប្រទះនឹងហេតុការណ៍រន្ធត់មួយ នោះគឺក្រុមចោរប្លន់ប្រដាប់ដោយកាំភ្លើង បានសម្រុកចូលផ្ទះរបស់ពួកគេ ដើម្បីគំរាមកំហែងទាមទារយកលុយនិងគ្រឿងអលង្កា ខណៈ Smalling បានស្នាក់នៅក្នុងផ្ទះជាមួយភរិយា និងកូនប្រុស កាលពីយប់ថ្ងៃព្រហស្បតិ៍។

ក្រុមចោរមានបីនាក់ប្រដាប់ដោយអាវុធ បានបង្ខំឱ្យ Chris Smalling បើកទ្វារទូដែកសុវត្ថិភាពរបស់គេហើយចោរនោះបានបញ្ជាឲ្យគេយកនាឡិកា ម៉ាក Rolex ព្រមទាំងគ្រឿងអលង្ការជាច្រើនទៀត នេះបើយោងតាមសារព័ត៌មាន Gazzetta Dello Sport ។

Chris Smalling និងភរិយាព្រមទាំងកូនប្រុសសុទ្ធតែកំពុងស្ថិតក្នុងស្ថានភាពតក់ស្លុត ប៉ុន្តែក្រុមអាជ្ញាធរប៉ូលិសនឹងចាប់ផ្ដើមបើកការស៉ើបអង្កេតពេញទំហឹង។

គួរបញ្ជាក់ផងដែរថា Smalling ផ្ទេរពី Manchester United មក Roma កាលពីឆ្នាំមុនបន្ទាប់ពីលេងខ្ចីជើងនៅទីនោះបានមួយរដូវកាល ដោយធ្លាប់បានលើកពាន Premier League ពីរដងជាមួយបិសាចក្រហមក្នុងរយៈពេល១០ឆ្នាំដែលស្នាក់នៅទឹកដី Old Trafford ហើយក្នុងឆ្នាំ២០១៧ គឺគេបានរៀបការជាមួយអ្នកនាង Sam ដោយបង្កើតបានកូនប្រុសឈ្មោះ Leno ៕

Roma ត្រៀមលែងខ្ចីជើង Chris Smalling

Bsamnang — Tue, 23 Jun 2020 11:39:49 +0000

ក្រុម Roma ត្រូវបានគេរាយការណ៍មកថា នឹងបង្កើតរឿងថ្មីមួយទៀត ដោយប៉ុនប៉ងចុះហត្ថលេខាយក Chris Smalling ជាអចិន្ត្រៃយ៍បន្ទាប់ពីបានព្រមព្រៀងជាមួយក្រុម Manchester United ។

ខ្សែការពារកណ្តាលរូបនេះបានរកស្រោចស្រង់ទម្រង់លេងរបស់គាត់នៅក្នុងក្របខណ្ឌ Serie A ក្រោយចូលរួមលេងខ្ចីជើង កាលពីរដូវកាលមុន។
ស្ថានីយ៍វិទ្យុ Tele Radio Stereo ខ្សែការពារនេះ នឹងបន្តលេងខ្ចីជើងទៀត ហើយនឹងឃើញគាត់ចាកចេញពីតំបន់បញ្ជីខ្ចីលេង ដោយចុះហត្ថលេខាជាអិចិន្ត្រៃយ៍។
របាយការណ៍ខាងលើថា ក្រុមនៅអ៊ីតាលី បានឲ្យតម្លៃ ១៥ ទៅ ១៦ លានផោនជូនខ្សែការពារកណ្តល ប៉ុន្តែបិសាចក្រហមបានប្រកាសថា តម្លៃគឹ ២៥លានផោន ហើយនឹងត្រូវទម្លាក់ចុះ ទៀតក៏ថាបាន។

បញ្ជាក់ថា Chris Smalling លេងជូន Roma បាន ២៨ប្រកួតនារដូវកាលនេះ ហើយរារាំងមិនឲ្យគេស៊ុតបំប៉ោងទី បាន ៩លើក ហើយរកគ្រាប់បាល់បាន ២គ្រាប់ដូចគ្នា។
អ្នកចាត់ការរបស់គាត់ Paulo Fonseca បានបង្ហាញរួចហើយថាគាត់នឹងរក្សាខ្សែការពារកណ្តាលនៅទីក្រុងរ៉ូម។
Fonseca បានប្រាប់ ESPN ថា ខ្ញុំនឹងធ្វើអ្វីគ្រប់យ៉ាងដែលខ្ញុំអាចធ្វើបានដើម្បីរក្សាគាត់នៅ Roma នៅឆ្នាំក្រោយ។ ខ្ញុំដឹងថាគាត់ចង់ស្នាក់នៅសូមមើលថាមានអ្វីកើតឡើង។
លោកបន្តថា ខ្សែការពារកណ្តាលអង់គ្លេសមិនងាយសម្របខ្លួនទៅនឹងបាល់ទាត់អ៊ីតាលីបានលឿនទេ កំណត់ត្រានៅទីនោះមិនល្អទេ ប៉ុន្តែគាត់ពិតជាអស្ចារ្យណាស់៕

Inter និង Roma ដណ្តើមគ្នាយក Jan Vertonghen

Bsamnang — Wed, 10 Jun 2020 04:00:09 +0000

យោងតាមរបាយការណ៍មួយដែលបានបោះពុម្ពផ្សាយកាសែតប្រចាំថ្ងៃរបស់អ៊ីតាលីឈ្មោះធូតូប៉ូសបានចុះផ្សាយថាក្រុម Inter បានបង្កើនល្បឿនក្នុងការតាមដាន Jan Vertonghen របស់ពួកគេ។

កីឡាករបែលហ្សិករូបនេះ កុងត្រាបច្ចុប្បន្នរបស់គាត់ នឹងត្រូវផុតកំណត់នៅចុងខែនេះ ជាមួយ Spurs ហើយទំនងជាចែកផ្លូវជាមួយក្លិបនាភាគខាងជើងទីក្រុងឡុងដ៍ ។
ទន្ទឹមជាមួយគ្នានេះដែរ ក្លិបនៅ Inter Milan បានចាប់អារម្មណ៍យ៉ាងខ្លាំង ក្នុងការចុះហត្ថលេខាជាមួយអតីតខ្សែការពារ Ajax ហើយក្រុម Roma ក៏បានបង្ហាញចំណាប់អារម្មណ៍ចង់ចុះ ហត្ថលេខា លើរូបគេផងដែរ ។

ទោះយ៉ាងណារបាយការណ៍ពីស្ថានីយ៍ព័ត៌មានដែលមានមូលដ្ឋាននៅទីក្រុង Turin នៅតែបន្តពន្យល់ថាក្រុម Roma បានផ្តល់ចំណាប់ចង់បានខ្សែការពារខាងលើដូចគ្នា ដែលអាចយកមកជំនួស Chris Smalling ដែលមិនទាន់ដឹងពីស្ថានភាពអនាគតលេងឲ្យប្រាកដ។
បញ្ជាក់ផងដែរថា រដូវកាលនេះ Vertonghen បានបង្ហាញខ្លួនលេង ២៦ប្រកួត ដោយរកគ្រាប់បាល់បាន ២គ្រាប់ និង ស៊ុតបាល់បញ្ចូលទី បាន១លើក៕

Dejan Lovren របស់ហង្សក្រហមក្លាយជាគោលដៅរបស់ Roma

Bsamnang — Mon, 08 Jun 2020 06:54:44 +0000

ក្រុម Roma បានដាក់រ៉ាដារបស់ខ្លួន ទៅកាន់ខ្សែការពារ Dejan Lovren របស់ក្រុមហង្សក្រហម Liverpool ដែលជាគោលដៅដ៏មានសក្តានុពល បើសិនពួកគេ មិនអាចរក្សាកីឡាករ Chris Smalling របស់ Man Utd បាន ។

Smalling បានចំណាយរដូវកាលខ្ចីជើងនៅ Stadio Olimpico ហើយ La Gazzetta dello Sport បានផ្សាយថាគាត់អាចនឹងត្រូវជំនួសដោយ Lovren នារដូវក្តៅនេះ។
បើតាមរបាយការណ៍ចុងក្រោយថា Dejan Lovren អាចនឹងមានតម្លៃពី ៤ ទៅ ៥លានអឺរ៉ូ ។

Chris Smalling ស្រវាចាប់ Roma ទាត់ចោលក្លិបចាស់

Bsamnang — Fri, 03 Jan 2020 15:34:28 +0000

Chris Smalling ត្រូវបានគេធ្វើសេចក្តីរាយការណ៍មកថា បានយល់ព្រម រួមរស់ជាមួយ Roma ជាលក្ខណៈអចិន្ត្រៃយ៍ ដោយលែងខ្វល់ពី Man Utd ។
សារព័ត៌មាន Gazzetta dello Sport បានចុះផ្សាយថា Chris បានដាក់សំណើរទៅកាន់ Roma ថា ចង់ឲ្យផ្លាស់ប្តូរយកគាត់ មកលេងជាលក្ខណៈ អចិន្ត្រៃយ៍ ។
ទោះជាយ៉ាងណា ក្លិប បិសាចក្រហមមិនទាន់បានយល់ព្រមនៅឡើយទៅលើសំណើរនេះ ហើយបើឈានដល់ដំណាក់កាលចុងក្រោយ Roma អាចនឹងចាយក្នុងទំហំសាច់ប្រាក់ ១៣លានផោន ។

សារព័ត៌មានខាងលើបានបញ្ជាក់ទៀតថា Smalling នឹងធ្វើការពិភាក្សាជាផ្លូវការជាមួយ Man Utd នាពាក់កណ្តាលសប្តាហ៍ក្រោយ៕

Arsenal , Leicester និង Everton ប្រជែងយកអតីតខ្សែការពារ Man Utd

Bsamnang — Mon, 09 Dec 2019 04:03:21 +0000

តាមសេចក្តីរាយការណ៍បានឲ្យដឹងថា កាំភ្លើងធំ Arsenal បានត្រៀមខ្លួនជាស្រេច ដើម្បីប្រជែងយក Chris Smalling ឲ្យមកលេងនៅទឹកដី Premier League វិញនារដូវកាលក្តៅខាងមុខ។
អតីតកីឡាករបិសាចក្រហមរូបនេះ បានបង្ហាញទម្រង់លេងយ៉ាងប្រសើរឡើងវិញ នៅក្លិប Roma បន្ទាប់ពីបានបាត់បង់ការពេញចិត្តពីក្រុម Man Utd ។

Smalling អាយុ ៣០ ឆ្នាំ ក៏ត្រូវបានគ្រូជម្រើសជាតិអង់គ្លេស លោក Gareth Southgate តាមឃ្លាំមើលដូចគ្នា អំឡូងពេលដែលជួយឲ្យក្រុម Roma ស្មើជាមួយ Inter Milan កាលពីយប់ថ្ងៃសុក្រ។

ជាមួយគ្នានេះដែរលោក Ole Gunnar Solskjaer ក៏បានបញ្ជាក់ផងដែរថា Smalling នឹងវិលមកកាន់ទឹកដី Man Utd វិញ ។
គេហទំព័រ Mirror បានលើកឡើងថា កាំភ្លើងធំក៏បានត្រៀមខ្លួនរួចរាល់ ដើម្បីប្រជែងយក ខណៈដែលកំពុងខ្វះខាតក្នុងតំបន់ការពារ។
ទាំង Leicester និង Everton សុទ្ធតែជាអ្នកកោតសរសើរយ៉ាងខ្លាំងនិងមានចិត្តចង់ប្រជែងយកខ្សែការពារខាងលើ នៅចុងបញ្ចប់នារដូវកាលនេះ ។
Smalling លេងបាន១១លើក នាដូវកាលនេះ ដោយលេងជូនក្រុមស្ថិតក្នុងលីកកំពូលកំពូលអ៊ីតាលី ៕