Cazorla ចំណាយពេល ៦ ឆ្នាំនៅ Arsenal និងជួយក្លឹបឈ្នះពានរង្វាន់ FA Cup ចំនួន ២ ដងក្រោមការដឹកនាំរបស់លោក Arsene Wenger ។  ក្រៅពីនេះគាត់ធ្លាប់បានលេង ៤រដូវកាល​ជាមួយ Mikel Arteta  ដែលបានជំនួសលោក Unai Emery  កាលពីខែធ្នូ ។

ខ្សែបម្រើខាងលើ បានប្រាប់បណ្តាញផ្សព្វផ្សាយ Vamos ថា លោកមិនដឹងថាមានអ្វីខ្លះជាកេរ្តិ៍តំណែលរបស់លោកនៅ Arsenal រឿងនេះត្រូវ​សាកសួរ ទៅលើក្រុមអ្នកគាំទ្រ ។ លោកថា លោកមិនដឹងនឹងធ្វើអ្វីទៀតទេ ប្រហែលជាគ្រូបង្វឹក  ប្រហែលជានាយកកីឡា ប៉ុន្តែខ្ញុំចង់វិលត្រលប់មកវិញ (Arsenal) ។​

កាសែតអង់គ្លេសនៅថ្ងៃពុធនេះបានចេញផ្សាយថាក្រោយទទួលបានដំណឹងនេះហើយក្រុមអ្នកគាំទ្រក្លឹបជាច្រើនបាននាំគ្នាសុំនិងអំពាវនាវដល់ម្ចាស់ក្លឹបក្នុងការពិចារណាចុះកុងត្រាយកកីឡាកររូបនេះមកអង់គ្លេសវិញ។រដូវកាលនេះកាន់តែអស្ចារ្យសម្រាប់ Cazorla ដោយអាចបង្កើតឧិកាសសរុប៣០ដងជួយមិត្តរួមក្រុមរកគ្រាប់បាល់បាន៤ដងនិងស៊ុតបញ្ចូលទីបាន៤គ្រាប់ផងដែរ។

ក្នុងវ័យ៣៤ឆ្នាំទៅហើយនោះបានក្លាយទៅជាមូលហេតុដែលកាំភ្លើងធំ Arsenal បានបង្ហាញថាជាបញ្ហាសំខាន់ដែលក្លឹបត្រូវតែសម្រេចចិត្តលក់កីឡាកររូបនេះចេញកាលពីគ្រានោះប៉ុន្តែមិនដូចការគិតឡើយនៅអេស្បាញ Cazorla បានបង្ហាញការភ្ញាក់ផ្អើលដល់អ្នកដែលធ្លាប់មានបញ្ហាព្រួយបារម្ភរឿងនេះគ្រប់គ្នា៕

ប្រែសម្រួល:Lee