Roma – OBN Asia

ក្លឹប Napoli កំពុងរង់ចាំការឆ្លើយតបពី Chelsea

Tico — Thu, 22 Aug 2024 12:01:57 +0000

យោងតាមការចេញផ្សាយរបស់ Sky Italia បានអោយដឹងថាក្លឹប Napoli កំពុងរង់ចាំការឆ្លើយតបពី Chelsea ទាក់ទងនឹងសំណើរបស់ពួកគេក្នុងការផ្ទេរយក Romelu Lukaku ក្នុងលក្ខខណ្ឌខ្ចីជើងពេញមួយរដូវកាល។ ការផ្តល់ជូនរបស់ក្លឹបអ៊ីតាលីរួមមានថ្លៃខ្ចីជើងចំនួន ៥លានអឺរ៉ូជាមួយនឹងកាតព្វកិច្ចទិញផ្តាច់ជាអចិន្ត្រៃយ៍នៅរដូវក្តៅក្រោយជាមួយនឹងតម្លៃ ២៥លានអឺរ៉ូ។

កីឡាករ Lukaku ដែលបានចំណាយពេលកាលពីរដូវកាលមុនក្នុងការលេងខ្ចីជើងនៅក្លឹប AS Roma បានបង្ហាញនៅបំណងក្នុងការត្រលប់ទៅកាន់ Serie A ជាកន្លែងដែលគាត់ធ្លាប់លេងអោយក្លឹប Inter Milan ក្នុងអំឡុងយុទ្ធនាការឆ្នាំ ២០២២-២៣។ ការផ្លាស់ប្តូរដ៏មានសក្តានុពលទៅកាន់ Napoli អាចអោយកីឡាករ Lukaku ទៅចូលរួមជាមួយនឹងក្លឹបកំពូលនៅ Serie A មួយទៀត ប៉ុន្តែវាអាស្រ័យទៅលើការសម្រេចចិត្តរបស់ Chelsea ៕

Paulo Dybala ត្រៀមខ្លួនចាកចេញពីបាល់ទាត់អឺរ៉ុប

Tico — Thu, 15 Aug 2024 05:53:05 +0000

យោងតាមការចេញផ្សាយរបស់ Foot Mercato បានអោយដឹងថាសមាជិកក្រុមជម្រើសជាតិអាហ្សង់ទីនដែលបានឈ្នះ World Cup កីឡាករ Paulo Dybala បានត្រៀមក្នុងការទៅចូលរួមជាមួយនឹងក្លឹប Al-Qadsia នៅ Saudi Pro League បន្ទាប់ពីបាននិយាយព្រមព្រៀងគ្នាទៅលើលក្ខខណ្ឌ។

ក្លឹប Al-Qadsia បានយល់ព្រមក្នុងការបង់តម្លៃផ្តាច់កុងត្រា ១២លានអឺរ៉ូ ដែលមាននៅក្នុងកុងត្រារបស់កីឡាករ Dybala ជាមួយនឹងក្លឹប Roma។ តារាឆ្នើមរូបនេះនឹងចុះហត្ថលេខាលើកុងត្រា ៣ឆ្នាំ ជាមួយនឹងប្រាក់ឈ្នួល ១៥លានអឺរ៉ូក្នុងមួយរដូវកាល៕

កីឡាករ Rick Karsdorp អាចនឹងប្រឈមមុខដាក់គ្នាជាថ្មីជាមួយលោក Mourinho

Tico — Thu, 08 Aug 2024 09:36:53 +0000

កីឡាករ Rick Karsdorp គ្រោងនឹងបោះបង់អាជីពនៅ Roma របស់គាត់ បន្ទាប់ពីបរាជ័យក្នុងការបន្តស្នាក់នៅ Serie A។

នេះបើយោងតាមការចេញផ្សាយរបស់ La Gazzetta dello Sport បានអោយដឹងថាខ្សែការពារសញ្ជាតិហូឡង់រូបនេះនឹងចូលរួមជាមួយ Besiktas នៅរដូវក្តៅនេះ ហើយអាចនឹងឃើញគាត់មកលេងតទល់នឹងអតីតអ្នកចាត់ការ Jose Mourinho ដែលបានមកដឹកនាំ Fenerbahce ។ អ្នកទាំង២មិនមានទំនាក់ទំនងល្អជាមួយគ្នានោះទេ កំឡុងពេលដែលគ្រូបង្វឹកសញ្ជាតិព័រទុយហ្គាល់រូបនេះនៅដឹកនាំ Roma ដោយសារគាត់បានរិះគន់កីឡាករអន្តរជាតិហូឡង់៕

មកដឹងពីហេតុផលដែល Jan Oliveras បដិសេធគ្រប់សំណើរ

Tico — Thu, 01 Aug 2024 08:32:56 +0000

យោងតាមការចេញផ្សាយរបស់លោក Fabrizio Romano បានអោយដឹងថាក្លឹប Dinamo Zagreb កាន់តែខិតជិតក្នុងការចុះហត្ថលេខាយកយុវជន Jan Oliveras ពីក្លឹប AS Roma។

ខ្សែការពារវ័យ ២០ឆ្នាំ បានបដិសេធគ្រប់សំណើរទាំងអស់ ខណៈគាត់ចង់ផ្ទេរទៅកាន់ក្លឹប Dinamo Zagreb ដែលជាអាទិភាពចំបង៕

Dovbyk បញ្ជាក់ពីក្លឹបដែលខ្លួនចង់ចូលរួម

Tico — Wed, 31 Jul 2024 04:31:57 +0000

យោងតាមការចេញផ្សាយរបស់លោក Fabrizio Romano បានអោយដឹងថាកីឡាករ Tema Dovbyk បានបញ្ជាក់ទៅកាន់កាន់ក្លឹប Girona កាលពីរសៀលម្សិលមិញ ថាគាត់បានសម្រេចចិត្តចាកចេញពីក្លឹប និងចុះហត្ថលេខាជាមួយក្លឹប AS Roma។

គាត់ចង់ទៅចូលរួមជាមួយនឹងក្លឹប AS Roma តែមួយប៉ុណ្ណោះ ហើយកីឡាករ Tema Dovbyk និងភ្នាក់ងាររបស់គាត់បានបញ្ជាក់យ៉ាងច្បាស់អំពីការស្នើរចាកចេញពីក្លឹប។ ការចរចាកំពុងធ្វើឡើង ខណៈនាយកក្លឹប Roma បានមកដល់ Girona ហើយ៕

មកដឹងពីលក្ខខណ្ឌផ្ទេររបស់ Matias Soulé ទៅក្លឹប AS Roma

Tico — Sat, 27 Jul 2024 13:17:34 +0000

យោងតាមការចេញផ្សាយរបស់លោក Fabrizio Romano បានអោយដឹងថាក្លឹប AS Roma បានយល់ព្រមលើកិច្ចព្រមព្រៀងក្នុងការចុះហត្ថលេខាលើកីឡាករ Matias Soulé ពីក្លឹប Juventus។

ការផ្ទេរបានកើតឡើងបន្ទាប់ពីការនិយាយព្រមព្រៀងគ្នាកាលពីថ្ងៃពុធ ហើយឯកសារបានរៀបចំឡើងនៅថ្ងៃនេះ។ តម្លៃផ្ទេរប្រមាណ ២៦លានអឺរ៉ូ បូកនឹងតម្លៃបន្ថែម ២លានអឺរ៉ូ និងតម្លៃបន្ថែមលើការនឿយហត់ ២លានអឺរ៉ូផ្សេងទៀត ហើយក៏មានលក្ខខណ្ឌលក់នាពេលអនាគត ១០ភាគរយសម្រាប់ក្លឹប Juventus។

កិច្ចព្រមព្រៀងនេះមានរយៈពេល ៥ឆ្នាំសម្រាប់កីឡាករ Soulé ហើយគាត់នឹងចុះហត្ថលេខាជាមួយនឹងភ្នាក់ងារបស់គាត់ Guastadisegno នៅថ្ងៃបន្ទាប់៕

មកដឹងពីសំណើររបស់ក្លឹប West Ham ដើម្បីផ្ទេរយកកីឡាករ Jhon Durán

Tico — Sat, 27 Jul 2024 03:31:27 +0000

ក្លឹប West Ham បានដាក់សំណើរ ៣០លានផោនបូកនឹងកីឡាករវ័យក្មេងម្នាក់ ជាផ្នែកមួយនៃការផ្ទេរយកកីឡាករ Jhon Durán។

ការចរចាកំពុងធ្វើឡើងជាមួយនឹងក្លឹប Aston Villa ដើម្បីអាចឈានដល់ការព្រមព្រៀងមួយ។ ក្លឹប West Ham បានសាកសួរអំពីស្ថានភាពកីឡាករ Artem Dovbyk កាលពីប៉ុន្មានថ្ងៃមុន ប៉ុន្តែនៅពេលនេះគឺមានតែក្លឹប Atletico Madrid និង Roma នោះទេដែលកំពុងប្រជែងគ្នា៕

ពីរក្លឹបកំពុងប្រជែងគ្នាចង់បានកីឡាករ Dovbyk

Tico — Sat, 27 Jul 2024 03:02:29 +0000

ក្លឹប AS Roma នឹងបញ្ចប់ការផ្ទេរយកកីឡាករ Matias Soulé …. ហើយពួកគេនឹងធ្វើការទំនាក់ទំនងដោយផ្ទាល់ទៅកាន់ភ្នាក់ងាររបស់កីឡាករ Dovbyk នៅថ្ងៃនេះ។

ការផ្ទេរកីឡាករ Dovbyk ត្រូវបានព្រមព្រៀងរវាងក្លឹប Girona និងក្លឹប Atletico ក្នុងតម្លៃ ៤០លានអឺរ៉ូ ប៉ុន្តែនៅមានបញ្ហាទាក់ទងនឹងលក្ខខណ្ឌរបស់កីឡាករ។ វាជាការផ្ទេរដ៏លំបាកមួយសម្រាប់ AS Roma ប៉ុន្តែលោក Daniele de Rossi ចង់បានកីឡាករ Dovbyk៕

កីឡាករ Matias Soulé កំពុងមានក្លឹបផ្សេងប្រជែងគ្នាចង់បាន

Tico — Fri, 19 Jul 2024 09:31:37 +0000

យោងតាមការចេញផ្សាយរបស់លោក Fabrizio Romano បានអោយដឹងថាក្លឹប Juventus បានច្រានចោលសំណើរដំបូងរបស់ក្លឹប AS Roma សម្រាប់ការផ្ទេរយកកីឡាករ Matias Soulé។ ក្លឹប Juventus ជឿជាក់ថាខាងក្លឹប Leicester City អាចនឹងដាក់សំណើរខ្ពស់ជាងខាង AS Roma សម្រាប់កីឡាករ Matias Soulé….. ប៉ុន្តែខាងកីឡាករចង់ផ្ទេរទៅ AS Roma ជាង។

ក្លឹប AS Roma រំពឹងទុកថានឹងព្យាយាមម្តងទៀត ខណៈដែល Soulé គឺជាគោលដៅកំពូលសម្រាប់ Daniele de Rossi ហើយកីឡាករចង់ចូលរួម៕

មកដឹងពីតម្លៃផ្ទេរ និងសុពលភាពកុងត្រារបស់កីឡាករ Diego Llorente

Tico — Mon, 08 Jul 2024 07:52:52 +0000

យោងតាមការចេញផ្សាយរបស់លោក Fabrizio Romano បានអោយដឹងថាកីឡាករ Diego Llorente នឹងផ្ទេរទៅកាន់ក្លឹប Real Betis ជាមួយនឹងកុងត្រារយៈពេល ៤ឆ្នាំជាមួយក្លឹបនៅអេស្ប៉ាញ។

តម្លៃផ្ទេរប្រមាណ ៣លានអឺរ៉ូ ពីក្លឹប Leeds United ហើយកីឡាករ Llorente នឹងទៅចូលរួមជាមួយនឹងក្លឹបនៅអេស្ប៉ាញបន្ទាប់ពីចំណាយពេលខ្ចជើងនៅក្លឹប AS Roma។ មានក្លឹបជាច្រើនចង់បានគាត់ ប៉ុន្តមានតែក្លឹប Betis ប៉ុណ្ណោះដែលអាចបញ្ចុះបញ្ចូល Diego បាន៕