Rashford – OBN Asia

ក្លឹបនៅអារ៉ាប៊ីសាអូឌីត ហ៊ានចំណាយច្រើនលើការផ្ទេរយក Rashford

Tico — Thu, 15 Aug 2024 05:56:19 +0000

យោងតាមការចេញផ្សាយរបស់ Fichajes បានអោយដឹងថាមានក្លឹបមួយចំនួននៅ Saudi Pro League បានបង្ហាញចំណាប់អារម្មណ៍ចំពោះខ្សែប្រយុទ្ធ Marcus Rashford របស់ក្លឹប Mancheser United ខណៈពួកគេរីករាយក្នុងការផ្តល់ជូននូវសំណើរផ្ទេរតម្លៃ ៨៦លានផោនសម្រាប់កីឡាករសញ្ជាតិអង់គ្លេស។

ក្លឹបបិសាចក្រហមបានរាយការណ៍ថានឹងស្តាប់នៅរាល់សំណើរទាំងអស់សម្រាប់កីឡាករ Rashford ខណៈគាត់បានបង្ហាញទម្រង់លេងមិនសូវល្អតាំងពីរដូវកាលមុនមក៕

Man Utd ចង់បានខ្សែប្រយុទ្ធរបស់ Brighton

Tico — Tue, 13 Aug 2024 11:12:59 +0000

តំបន់ប្រយុទ្ធរបស់ក្លឹបបិសាចក្រហមបង្ហាញទម្រង់លេងមិនសូវល្អសម្រាប់ការប្រកួតកាលពីថ្ងៃសៅរ៍ ខណៈពួកគេបានចាញ់ក្រុម Manchester City ក្នុងការប្រកួត Community Shield ដោយទាត់បាល់កាត់សេចក្តី ១១ម៉ែត្រ។ កីឡាករ Marcus Rashford ត្រូវបានប្តូរចេញ ក្រោយគាត់បានខកខានឱកាសដ៏ល្អមួយ។

កីឡាកររបស់ក្លឹប Man Utd មួយចំនួនក៏បានជួបបញ្ហារបួសផងដែរ ដោយក្នុងនោះរួមទាំងខ្សែប្រយុទ្ធ Rasmus Hojlund ហើយគាត់ប្រហែលជាមិនអាចបង្ហាញមុខជួយក្រុមមុនខែកញ្ញានោះទេ។ កីឡាករចំណូលថ្មី Joshua Zirkzee បានចូលរួមជាមួយក្លឹបមុនបើករដូវកាល ប៉ុន្តែគាត់នឹងនៅតែចំណាយពេលខ្លះ មុនពេលបង្ហាញខ្លួនលើកដំបូងនៅ Old Trafford ។

នេះបើយោងតាមការចេញផ្សាយរបស់ Daily Star បានអោយដឹងថា ដោយសារតែលោក Erik ten Hag ខ្វះជម្រើសក្នុងតំបន់ប្រយុទ្ធ ធ្វើអោយក្លឹបសម្លឹងមើលឃើញខ្សែប្រយុទ្ធវ័យក្មេងរបស់ Brighton កីឡាករ Ferguson ។ ក្លឹបបិសាចក្រហម ជាក្លឹបដែលបានកោតសរសើរទៅលើកីឡាកររូបនេះ ហើយពិចារណាក្នុងការដាក់សំណើរមានតម្លៃ ៥០លានផោន។

កីឡាករ Ferguson បានជួបបញ្ហារបួសមួយចំនួនកាលពីរដូវកាលមុន ខណៈដែលគាត់អាចបង្ហាញខ្លួនក្នុងការប្រកួតចំនួន ៣៦ នៅគ្រប់ការប្រកួតទាំងអស់ ហើយស៊ុតបញ្ចូលទីបាន ៦គ្រាប់ និងបញ្ជូនបាល់អោយមិត្តរួមក្រុមបញ្ចប់ទីបានម្តង។

ក្រៅពីក្លឹបបិសាចក្រហម ក្លឹប Chelsea ក៏បានចាប់អារម្មណ៍ទៅលើខ្សែប្រយុទ្ធរូបនេះផងដែរ ហើយគេនៅតែរង់ចាំមើលថា តើក្រុម Brighton នឹងពិចារណាលក់ខ្សែប្រយុទ្ធវ័យក្មេងរបស់ពួកគេនៅក្នុងទីផ្សាររដូវក្តៅនេះដែរឬទេ៕

លោក ten Hag និយាយលើកទឹកចិត្តកីឡាករ Rashford

Tico — Sun, 11 Aug 2024 07:49:45 +0000

យោងតាមការចេញផ្សាយរបស់លោក Fabrizio Romano បានអោយដឹងថាលោក Erik ten Hag បាននិយាយគាំទ្រកីឡាករ Rashford ថា៖

«ខ្ញុំដឹងថាប្រសិនបើគាត់បន្តធ្វើរឿងទាំងនេះ ហើយក្រុមនៅតែបន្តធ្វើរឿងទាំងនេះ គាត់នឹងរកគ្រាប់បាល់បាន។ គាត់មានបទពិសោធន៍គ្រប់គ្រាន់ ដើម្បីដោះស្រាយការខកខានរកគ្រាប់បាល់។ នៅពេលដែលគាត់អាចរកគ្រាប់បាល់បាន នោះវានឹងបន្តតាមគាត់។ ខ្ញុំប្រាកដណាស់»៕

Man Utd របួសកីឡាករ ២នាក់បន្ថែមទៀត

Tico — Thu, 01 Aug 2024 10:52:23 +0000

យោងតាមការចេញផ្សាយរបស់លោក Fabrizio Romano បានអោយដឹងថាកីឡាករ Marcus Rashford និងកីឡាករ Antony ជួបបញ្ហារបួសក្នុងការប្រកួតមិត្តភាព។

កីឡាករ ២នាក់ទៀតបានជួបបញ្ហារបួស ក្រោយកីឡាករ Leny Yoro ត្រូវសម្រាក ៣ខែ ហើយ Rasmus Højlund ត្រូវសម្រាក់ ៦សប្តាហ៍៕

Rashford និយាយពីបំណងប្រាថ្នានៅ Man Utd

Tico — Wed, 31 Jul 2024 06:04:26 +0000

យោងតាមការចេញផ្សាយរបស់លោក Fabrizio Romano បានអោយដឹងថាកីឡាករ Marcus Rashford បាននិយាយអំពីបំណងប្រាថ្នាគាត់ជាមួយក្លឹប Manchester United ថា៖

«ខ្ញុំនៅតែមានសុបិនចង់ឈ្នះពានធំៗ Premier League និង Champions League ជាមួយ Man United។ សង្ឃឹមថាយើងអាចធ្វើវាបាន!»៕

ការមិនជាប់ជម្រើសជាតិរបស់ Grealish និង Rashford លោក Ten Hag លើកឡើងបែបនេះ!

Tico — Mon, 17 Jun 2024 11:22:21 +0000

យោងតាមការចេញផ្សាយរបស់លោក Fabrizio Romano បានអោយដឹងថាលោក Erik ten Hag និយាយដល់រឿងកីឡាករ Grealish និង Rashford មិនជាប់ជម្រើសជាតិអង់គ្លេស៖

«Grealish និង Rashford មិនជាប់ជម្រើសជាតិ? ពួកគេទាំង ២នាក់មានភាពខ្វះខាតនៅក្នុងរដូវកាលនេះ វាច្បាស់ណាស់។ ហើយនៅពេលដែលអ្នកមានភាពខ្វះខាត អ្នកនឹងប្រថុយនឹងការមិនជ្រើសរើសសម្រាប់ប្រទេសរបស់អ្នក»៕

Man Utd អាចនឹងលក់ Rashford ប្រសិនបើលក្ខខណ្ឌ ២នេះត្រូវបានបំពេញ

Tico — Tue, 30 Apr 2024 09:14:19 +0000

យោងតាមការចេញផ្សាយរបស់ The Athletic បានអោយដឹងថាក្លឹប Manchester United ត្រៀមក្នុងការលក់កីឡាករ Marcus Rashford នៅក្នុងទីផ្សារដោះដូររដូវក្តៅ ប្រសិនជាកីឡាករចង់ចាកចេញពីក្លឹប ហើយប្រសិនជាក្លឹបទទួលបានៅសំណើរដ៏សាកសមមួយសម្រាប់គាត់។

ទោះបីជាក្លឹបមិនបានពិចារណាទៅលើការផ្ទេររបស់គាត់នៅពេលនេះ។ កីឡាករ Rashford បានចុះហត្ថលេខាលើកុងត្រារយៈពេល ៥ឆ្នាំជាមួយនឹងក្លឹបកាលពីរដូវក្តៅមុន ដែលអាចរក្សាកីឡាករនៅក្លឹបដល់ឆ្នាំ២០២៨៕

PSG បដិសេធដំណឹងផ្ទេរយកកីឡាករ Man Utd

obnasia — Mon, 15 Apr 2024 03:50:12 +0000

បរទេស៖ នេះបើយោងតាមការចេញផ្សាយរបស់ The Sun បានអោយដឹងថាកីឡាករ Marcus Rashford នឹងមិនចាកចេញពីក្លឹប Manchester United ស្របពេលដែលក្លឹប Paris Saint-Germain បានរាយការណ៍ថាខ្លួនមិនមានផែនការក្នុងការផ្ទេរយកនោះទេ។

ខ្សែប្រយុទ្ធរូបនេះទទួលបានប្រាក់ឈ្នួល ៣២៥០០០ផោនក្នុងមួយសប្តាហ៍នៅ Old Trafford និងមានកុងត្រាជាមួយក្លឹបដល់ឆ្នាំ២០២៨៕

Erik ten Hag ចង់អោយក្លឹប Man Utd ធ្វើរឿងមួយនេះ

obnasia — Sun, 14 Apr 2024 10:53:40 +0000

បរទេស៖ លោក Erik ten Hag គ្រូបង្វឹករបស់ក្លឹប Manchester United បានបញ្ជាក់ថាការចុះហត្ថលេខាយកខ្សែប្រយុទ្ធនៅរដូវក្តៅនេះ អាចជាអត្តប្រយោជន៍សម្រាប់ក្លឹប។

កីឡាករ Rasmus Hojlund មានវ័យ ២១ឆ្នាំ ដែលបានចុះហត្ថលេខាកាលពីរដូវក្តៅមុន បានស៊ុតបញ្ចូលទី ១៣គ្រាប់នៅគ្រប់ព្រឹត្តិការណ៍ទាំងអស់។ ទោះជាយ៉ាងណាក៏ដោយ លោក Ten Hag បានសង្កត់ធ្ងន់លើតម្រូវការសម្រាប់អ្នករកគ្រាប់បាល់ដែលបង្ហាញឱ្យឃើញជាមួយនឹងទេពកោសល្យដូចនឹងកីឡាករ Marcus Rashford និងកីឡាករ Anthony Martial ។

នៅក្នុងអំឡុងពេលសន្និសីទសារព័ត៌មានមុនពេលការប្រកួតលីករបស់ក្លឹប Man Utd ទល់នឹងក្លឹប Bournemouth លោក Ten Hag បាននិយាយថា៖ “ខ្ញុំគិតថាវាអាចជួយបាន។ នៅក្នុងផែនការដែលយើងរៀបចំឡើង ពួកយើងនឹងអាចរកបានគ្រាប់បាល់បន្ថែមទៀត។ អ្នកពឹងផ្អែកលើគ្រាប់បាល់ពី Rashy ដោយកាលពីរដូវកាលមុនគាត់ស៊ុតបញ្ចូលទីបាន ៣០គ្រាប់។ អ្នកពឹងផ្អែកលើ គ្រាប់បាល់ពី Martial ក្នុងរដូវកាលដំបូងរបស់ខ្ញុំ គាត់លេងបានយ៉ាងល្អ ហើយក៏នៅក្នុងការប្រកួតដ៏សំខាន់ផងដែរ ដែលគាត់មានឥទ្ធិពលខ្ពស់លើការលេងរបស់យើង ហើយបន្ទាប់មកការនាំយកអ្នកស៊ុតបញ្ចូលទីដូចជា Rasmus Hojlund ចូលមក វាគួរតែមានគ្រាប់បាល់គ្រប់គ្រាន់”៕

Ferdinand ចង់ឲ្យ Rashford ធ្វើរឿងមួយនេះ !

Tico — Fri, 05 Apr 2024 08:02:32 +0000

អតីតខ្សែកាពារឆ្នើមរបស់ក្លឹប Manchester United កីឡាករ Rio Ferdinand ជឿជាក់ថាកីឡាករ Marcus Rashford គួរតែពិចារណាក្នុងការចាកចេញពីក្លឹប Manchester United ដើម្បីស្តារអាជីពរបស់គាត់ឡើងវិញ។ កីឡាករ Rashford ដែលបានតស៊ូស្វែងរកនៅទម្រង់លេងរបស់ខ្លួនមកវិញនៅក្នុងរដូវកាលនេះ ទើបតែស៊ុតបញ្ចូលទីបាន ៨គ្រាប់ប៉ុណ្ណោះសម្រាប់ ៣៦ប្រកួត ចំពេលដែលក្លឹប Manchester United មានទម្រង់លេងមិនស៊ីសង្វាក់គ្នា។

លោក Ferdinand បានប្រាប់ Sky Bet’s Stick ថា៖ «ខ្ញុំគិតថាវាជាពេលវេលាដ៏សំខាន់នៅក្នុងអាជីពរបស់គាត់ឥឡូវនេះ គាត់មិនមែនជាក្មេងទៀតទេ»។

Ferdinand បន្ថែមទៀតថា៖ «ខ្ញុំគិតថាវាជាការសម្រេចចិត្តដ៏សំខាន់មួយដែលគាត់ត្រូវធ្វើឡើង។ គាត់ត្រូវមើលអំពីមនុស្សនៅជុំវិញគាត់ តើពួកគេជាមនុស្សត្រឹមត្រូវទេ? គាត់ត្រូវតែមើលវា ធ្វើជាម្ចាស់វា និងធ្វើការសម្រេចចិត្តដ៏សំខាន់មួយនេះ»៕