PSG – OBN Asia

កីឡាករ Manuel Ugarte ជិតឈានដល់ការផ្ទេរទៅកាន់ទឹកដីអង់គ្លេស

Tico — Tue, 20 Aug 2024 10:00:49 +0000

យោងតាមការចេញផ្សាយរបស់ Football Insider បានអោយដឹងថាកីឡាករ Manuel Ugarte ជិតឈានដល់ការផ្ទេរទៅ Manchester United ដោយក្លឹបកំពុងធ្វើការយ៉ាងសកម្ម ដើម្បីពន្លឿនការពិភាក្សាជាមួយ Paris Saint-Germain (PSG) ដើម្បីបញ្ចប់កិច្ចព្រមព្រៀងនៅប៉ុន្មានថ្ងៃខាងមុខនេះ។

ប្រសិនបើការផ្ទេរនេះដំណើរការជោគជ័យ នោះគាត់នឹងក្លាយជាកីឡាករទី ៥ ដែលបានចូលរួមជាមួយបិសាចក្រហមនៅរដូវក្តៅនេះ៕

កីឡាករ Désiré Doué បដិសេធសំណើរក្លឹបនៅអាល្លឺម៉ង

Tico — Thu, 15 Aug 2024 06:02:01 +0000

យោងតាមការចេញផ្សាយរបស់លោក Fabrizio Romano បានអោយដឹងថាកីឡាករ Désiré Doué ត្រៀមក្នុងការចុះហត្ថលេខាជាមួយក្លឹប PSG បន្ទាប់ពីបានសម្រេចចិត្តកាលពីថ្ងៃអាទិត្យ។

កីឡាករ Désiré Doué បានច្រានចោលសំណើររបស់ក្លឹប Bayern ហើយទទួលយកសំណើររបស់ក្លឹប PSG កាលពីសប្តាហ៍មុន និងបានត្រៀមក្នុងការផ្ទេរជាផ្លូវការ។ កុងត្រា ៥ឆ្នាំជាមួយនឹងកញ្ចប់ផ្ទេរមានតម្លៃប្រមាណ ៦០លានអឺរ៉ូសម្រាប់ក្លឹប Rennes៕

ក្នុងលក្ខខណ្ឌមួយនេះ! ទើប Man Utd អាចទិញកីឡាករ Manuel Ugarte បាន

Tico — Wed, 14 Aug 2024 05:47:43 +0000

យោងតាមការចេញផ្សាយរបស់លោក Fabrizio Romano បានអោយដឹងថាលោក Jorge Mendes កំពុងស្ថិតនៅប្រទេសអង់គ្លេសដើម្បីពិភាក្សារឿងកីឡាករ Joao Felix ជាមួយនឹងក្លឹប Chelsea…. និងកីឡាករ Manuel Ugarte ជាមួយនឹងក្លឹប Man United។

កីឡាករ Manuel Ugarte បានយល់ព្រមនៅលក្ខខណ្ឌផ្ទាល់ខ្លួនជាមួយនឹងក្លឹប Man United កាលពីសប្តាហ៍កន្លងមក ខណៈក្លឹប PSG នៅតែមើលឃើញការចាកចេញរបស់គាត់ដដែl។ ក្លឹប United ចង់អោយទម្លាក់តម្លៃផ្ទេររបស់គាត់… ឫក៏ក្លឹប Man Utd ត្រូវលក់កីឡាករម្នាក់ចេញ ឫក៏ពួកគេអាចទិញជាមួយជម្រើសដែលទាប៕

លោក Arne Slot សម្លឹងឃើញកីឡាករដែលអាចជំនួស Thiago Alcantara

Tico — Tue, 13 Aug 2024 11:16:42 +0000

អ្នកចាត់ការថ្មីរបស់ក្លឹបហង្សក្រហមលោក Arne Slot មិនទាន់បានចុះហត្ថលេខាយកកីឡាករថ្មីមកកាន់ក្រុមនៅឡើយទេ ចាប់តាំងពីគាត់មកដល់ក្នុងរដូវក្តៅ ប៉ុន្តែវាអាចនឹងត្រៀមក្នុងការផ្លាស់ប្តូរក្រុម។ នេះបើយោងតាមការចេញផ្សាយរបស់ The Mirror បានអោយដឹងថាកីឡាករ Rabiot នឹងអាចផ្ទេរមកកាន់ក្លឹប Liverpool ដោយគ្មានតម្លៃខ្លួន។

គូប្រជែងរបស់ហង្សក្រហម គឺក្លឹប Man Utd បានចាប់អារម្មណ៍ជាយូរណាស់មកហើយទៅលើអតីតខ្សែបម្រើក្លឹប Juventus រូបនេះ បន្ទាប់ពីកិច្ចសន្យារបស់គាត់បានផុតកំណត់នៅរដូវក្តៅ ហើយឥឡូវនេះគាត់មិនទាន់មានក្លឹបថ្មីនោះទេ ហើយអាចចុះហត្ថលេខាបានដោយគ្មានតម្លៃខ្លួន។ គាត់បានចូលរួមជាមួយក្លឹប Juventus ក្នុងឆ្នាំ២០១៩ ហើយជាកីឡាករដែលអាចទុកចិត្តបាននៅក្នុងតំបន់បម្រើរបស់ពួកគេ។ គាត់អាចនឹងមកបំពេញនៅចំនុចចន្លោះប្រហោងរបស់ក្លឹប Liverpool ក្នុងតំបន់បម្រើ បន្ទាប់ពីកីឡាករ Thiago Alcantara បានសម្រេចចិត្តចូលនិវត្តន៍។

កីឡាករ Rabiot បានផ្ទេរដោយគ្មានតម្លៃខ្លួនពីក្លឹប PSG មកកាន់ក្លឹប Juventus ក្នុងឆ្នាំ២០១៩។ ចាប់តាំងពីមកដល់អ៊ីតាលី គាត់បានប្រែក្លាយខ្លួនជាខ្សែបម្រើដែលមានភាពច្នៃប្រឌិត ហើយគាត់អាចស៊ុតបញ្ចូលទីបាន ១៣គ្រាប់ សម្រាប់ ២រដូវកាលចុងក្រោយនេះ។

ទម្រង់លេងថ្មីរបស់ក្លឹប Liverpool ត្រូវបានគេរំពឹងទុកថានឹងមានការគ្រប់គ្រង់បាល់ច្រើនជាងមុន ដែលវាខុសពីទម្រង់លេងរបស់លោក Jurgen Klopp។ កីឡាករ Rabiot នឹងអាចជួយផ្តល់នូវទស្សនវិជ្ជាថ្មី ហើយអាចរុញច្រានដល់កីឡាករ Curtis Jones និង Alexis Mac Allister ទៅកាន់កម្រិតថ្មីមួយទៀត៕

PSG អនុញ្ញាតឲ្យកីឡាករម្នាក់ខ្ចីជើងទៅទួរគី

Tico — Sun, 11 Aug 2024 07:05:05 +0000

យោងតាមការចេញផ្សាយរបស់លោក Fabrizio Romano បានអោយដឹងថាកីឡាករ Cher Ndour នឹងទៅចូលរួមជាមួយក្លឹប Besiktas ពីក្លឹប Paris Saint-Germain ក្នុងលក្ខខណ្ឌខ្ចីជើង។

ក្នុងនោះត្រូវបានដឹងថាកីឡាករ Cher Ndour នឹងធ្វើដំណើរទៅទួរគីនៅថ្ងៃចន្ទ។ កីឡាករ Cher Ndour បានទទួលយកនៅសំណើរនេះ ហើយគាត់នឹងទៅស្វែងរកបទពិសោធន៍នៅទួរគី៕

កីឡាករ William Pacho នឹងត្រូវផ្ទេរទៅកាន់ប្រទេសបារាំង

Tico — Thu, 08 Aug 2024 05:45:46 +0000

យោងតាមការចេញផ្សាយរបស់លោក Fabrizio Romano បានអោយដឹងថាកីឡាករ William Pacho បានធ្វើដំណើរទៅកាន់ទីក្រុងប៉ារីសកាលពីយប់មិញនេះ។

ប្រសិនជាអ្វីៗដំណើរការតាមផែនការ គាត់នឹងទៅដល់ប្រទេសបារាំងនៅថ្ងៃនេះ ដើម្បីធ្វើតេស្តសុខភាព។ តម្លៃនៃការផ្ទេរមួយនេះប្រមាណ ៤០លានអឺរ៉ូ បួកនឹងតម្លៃបន្ថែម ៥លានអឺរ៉ូ ត្រូវបានព្រមព្រៀងគ្នាជាមួយក្លឹប Eintracht និង PSG កាលពី ២ថ្ងៃមុន៕

អនាគតរបស់កីឡាករ Sancho នៅតែស្រពិចស្រពិល

Tico — Thu, 08 Aug 2024 05:43:55 +0000

យោងតាមការចេញផ្សាយរបស់លោក Fabrizio Romano បានអោយដឹងថាក្លឹប Manchester Uited មិនទាន់ទទួលបានសំណើរណាមួយពីក្លឹប PSG សម្រាប់កីឡាករ Jodan Sancho នោះទេ ដោយវាគ្រាន់តែជាការចាប់អារម្មណ៍ប៉ុណ្ណោះ។

ក្នុងនោះត្រូវបានគេដឹងថាអនាគតកីឡាករ Sancho នៅតែបើកចំហរ ហើយគាត់អាចនឹងចាកចេញពីក្លឹប Man Utd នៅក្នុងសប្តាហ៍ចុងក្រោយ ប្រសិនជាទទួលបានសំណើរដែលសាកសមមួយ។ ការសម្រេចចិត្ត គឺអាស្រ័យទៅលើក្លឹប និងអ្នកចាត់ការលោក Erik ten Hag៕

មកដឹងពីកុងត្រារបស់កីឡាករ Joao Neves ជាមួយ PSG

Tico — Fri, 02 Aug 2024 10:08:09 +0000

យោងតាមការចេញផ្សាយរបស់លោក Fabrizio Romano បានអោយដឹងថាក្លឹប Paris Saint-Germain និង Benfica បានព្រមព្រៀងគ្នាក្នុងការផ្ទេរកីឡាករ Joao Neves។

ការផ្ទេរបានព្រមព្រៀងក្នុងតម្លៃ ៦០លានអឺរ៉ូ បូកនឹងតម្លៃបន្ថែម ១០លានអឺរ៉ូ ហើយកីឡាករ Renato Sanches នឹងត្រូវអោយខ្ចីជើងទៅកាន់ក្លឹប Benfica។ កីឡាករ Joao បានទទួលជោគជ័យក្នុងការធ្វើតេស្តសុខភាព ហើយនឹងត្រូវចុះហត្ថលេខាទៅលើកុងត្រាជាមួយក្លឹប PSG៕

Real Sociedad កំពុងចរចាជាមួយ PSG ដើម្បីផ្ទេរយកខ្សែបម្រើម្នាក់

Tico — Thu, 01 Aug 2024 10:31:21 +0000

យោងតាមការចេញផ្សាយរបស់លោក Fabrizio Romano បានអោយដឹងថាក្លឹប Real Sociedad បានធ្វើការពិភាក្សាជាមួយនឹងក្លឹប Paris Saint Germain ដើម្បីចុះហត្ថលេខាយកកីឡាករ Carlos Soler។

គាត់គឺជាអ្នកដែលត្រូវមកជំនួសកន្លែងរបស់កីឡាករ Mikel Merino ដែលរំពឹងថានឹងទៅចូលរួមជាមួយនឹងក្លឹប Arsenal ប្រសិនជាអ្វីៗដំណើរកាលតាមផែនការ។ កីឡាករ Soler បាននឹងកំពុងពិភាក្សាជាមួយនឹងក្លឹប Real Sociedad ទៅលើលក្ខខណ្ឌផ្ទាល់ខ្លួនផងដែរ៕

កីឡាករ Merino ខិតកាន់តែជិតផ្ទេរមកអង់គ្លេស

Tico — Thu, 01 Aug 2024 10:23:02 +0000

យោងតាមការចេញផ្សាយរបស់លោក Fabrizio Romano បានអោយដឹងថាក្លឹប Arsenal ជិតឈានដល់កិច្ចព្រមព្រៀងជាមួយនឹងកីឡាករ Mikel Merino ខណៈដែលកីឡាករបានទទួលយកសំណើររបស់ក្លឹបហើយ។

ខ្សែបម្រើសញ្ជាតិអេស្ប៉ាញនៅតែជាអាទិភាពកំពូលសម្រាប់ក្លឹប Arsenal ហើយកីឡាករបានយល់ព្រមលើលក្ខខណ្ឌផ្ទាល់ខ្លួនដើម្បីធ្វើការជាមួយលោក Arteta ។ ក្លឹប Arsenal បានចាប់ផ្តើមការចរចារជាមួយក្លឹប Real Sociedad ដោយការនិយាយគ្នាដោយផ្ទាល់ ជាមួយនឹងកញ្ចប់ផ្ទេរមានតម្លៃ ៣០លានអឺរ៉ូ។

ការពិភាក្សាកំពុងបន្តរវាងក្លឹបដើម្បីទទួលបានកិច្ចព្រមព្រៀង។ Real Sociedad ចង់បាន Carlos Soler ពី PSG ដើម្បីជំនួស Merino ក្នុងករណីកិច្ចព្រមព្រៀងជាមួយ Arsenal បានសម្រេចជោគជ័យ៕