Pogba – OBN Asia

Man Utd ត្រៀមលុយ ១០០លានអឺរ៉ូ ដើម្បីផ្ទេរយកខ្សែបម្រើសញ្ជាតិព័រទុយហ្គាល់

Tico — Wed, 03 Apr 2024 09:42:09 +0000

ក្លឹប Man Utd កំពុងមានព័ត៌មានចចាមអារ៉ាមក្នុងការផ្ទេរយកកីឡាករវ័យ ១៩ ខណៈមើលទៅជាប្រធានបទដល់ក្តៅសម្រាប់ទីផ្សារដោះដូររដូវក្តៅនេះ។ នេះបើយោងតាមការចេញផ្សាយរបស់ Record បានអោយដឹងថាក្លឹបបិសាចក្រហម បានបញ្ជូនក្រុមការងារតាមដានទៅមើលការប្រកួតរបស់កីឡាកររូបនេះជាច្រើនប្រកួតមកហើយ ហើយចុងក្រោយគឺការប្រកួតរវាង Benfica ជាមួយនឹង Sporting កាលពីយប់ថ្ងៃអង្គារ៍។

ប្រភពដដែលបានអោយដឹងថាការយក João Neves មកក្នុងគោលបំណង ដើម្បីអោយលេងចាប់ដៃគូរជាមួយនឹងមិត្តរួមក្រុមជម្រើសជាតិ Fernandes ដើម្បីបង្កើតជាដៃគូរដ៏រឹងមាំនៅក្នុងតំបន់បម្រើ។

តាមប្រភពរបស់ Record បានបន្ថែមអោយដឹងថាក្លឹបនៅ Premier League មួយនេះមានការចាប់អារម្មណ៍យ៉ាងខ្លាំងទៅលើកីឡាករ Neves ហើយអាចនឹងត្រៀមនូវកញ្ចប់ថវិកាយ៉ាងច្រើនសម្រាប់ផ្ទេរយកគាត់ទៀតផង។

ក្លឹបបិសាចក្រហមបានរាយការណ៍ថាការចុះហត្ថលេខាយកខ្សែបម្រើជាអទិភាពចំបងរបស់ក្លឹបនារដូវក្តៅនេះ ហើយក្លឹបត្រៀមប្រាក់ប្រមាណ ១០០លានអឺរ៉ូ ដើម្បីចុះហត្ថលេខាយក Neves។ របាយការណ៍ដដែលបានអោយដឹងថាក្លឹប Man Utd អាចមានឆន្ទៈក្នុងការចំណាយលើស ១០៥លានអឺរ៉ូទៀត ដែលច្រើនជាកំណត់ត្រាដែលក្លឹបបានផ្ទេរយក Pogba ក្នុងឆ្នាំ២០១៦។

ខណៈពេលដែល Man Utd ចង់ចុះហត្ថលេខាយកកីឡាករ Neves ខាងក្លឹប Benfica បានកំណត់នៅតម្លៃដ៏ខ្ពស់មួយសម្រាប់កីឡាកររូបនេះ។ ហើយត្រូវបានគេសន្និដ្ឋានថាប្រហែល ១២០លានអឺរ៉ូ ដែលជាតម្លៃដែលក្លឹបមួយនេះចង់បាន។ ទោះបីជាយ៉ាងណាក៏ដោយក្លឹប Man Utd អាចនឹងប្រើប្រាស់យុវជន Alvaro Carreras ដែលកំពុងលេងខ្ចីជើងនៅក្លឹប Lisbon ជាផ្នែកមួយនៃការផ្ទេរនេះ ដើម្បីអាចបញ្ចុះតម្លៃខ្លះ៕

គ្រូបង្វឹកក្រុមជម្រើសជាតិបារាំង ជឿជាក់លើ Paul Pogba

Tico — Fri, 15 Mar 2024 08:52:35 +0000

គ្រូបង្វឹកក្រុមជម្រើសជាតិបារាំងលោក Didier Deschamps បាននិយាយថា Paul Pogba នឹងអាចការពារខ្លួនពីការចោទប្រកាន់ ក្រោយពីជាប់បម្រាម ៤ឆ្នាំមិនឱ្យលេងបាល់ទាត់។

បន្ទាប់ពីតេស្តឃើញសារធាតុហាមឃាត់ ក្រោយពីការប្រកួតនៅ Serie A រវាង Juventus និង Udinese ក្នុងខែសីហា ឆ្នាំ 2023 ថ្មីៗនេះ Pogba ត្រូវបានជាប់ពិន័យរយៈពេល 4 ឆ្នាំ។ ការសម្រេចចិត្តនេះបានធ្វើឲ្យមានការភ្ញាក់ផ្អើលពេញពិភពបាល់ទាត់។

ឥឡូវនេះ Deschamps បានអះអាងថា ខ្សែបម្រើដែលឈ្នះពានរង្វាន់ FIFA World Cup 2018 នឹងប្តឹងឧទ្ធរណ៍ប្រឆាំងនឹងការសម្រេចចិត្តនេះ និងការពារខ្លួនឲ្យអស់ពីសមត្ថភាព។ លោកបាននិយាយនៅក្នុងសន្និសីទសារព័ត៌មានថ្មីៗនេះ តាមរយៈ Football Italia ថា៖

«ខ្ញុំបាននិយាយជាមួយគាត់ សម្រាប់ផ្លូវចិត្តវាពិបាក។ សាលក្រមតឹងតែង គាត់ត្រូវប្តឹងឧទ្ធរណ៍ ដូច្នេះវានឹងមានសាលក្រមមួយទៀត គាត់នឹងការពារខ្លួនឲ្យអស់ពីសមត្ថភាព។ ខ្ញុំសង្ឃឹមថាគាត់អាចទទួលបានភាពរីករាយក្នុងការលេងនៅលើទីលាន ហើយបន្ទាប់មក ត្រលប់មកក្រុមជម្រើសជាតិបារាំងម្តងទៀត»៕

មនុស្សសន្យានឹងព្យាយាមជួយ Pogba អោយបានសម្រាលទោសមកត្រឹម ២ឆ្នាំ

obnasia — Sat, 09 Dec 2023 07:54:31 +0000

បរទេស៖ មេធាវីរបស់កីឡាករ Paul Pogba នឹងព្យាយាមជួយតវ៉ាក្តី ដើម្បីអាចសម្រាលទោសរបស់គាត់ពី ៤ឆ្នាំមកត្រឹម ២ឆ្នាំវិញ ខណៈដែលការប្រកាសសាលក្រមរបស់ Pogba នឹងធ្វើឡើងនៅខែមករា។

កាលពីថ្ងៃព្រហស្បត្តិ៍ រដ្ឋអាជ្ញាអ៊ីតាលីបានសម្រេចជម្រុញអោយអតីតតារាឆ្នើរបស់ក្លឹប Manchester United កីឡាករ Pogba ទទួលការហាមប្រាមប្រកួត ៤ឆ្នាំ ពាក់ព័ន្ធនឹងការមិនធ្វើតេស្តសារធាតុញៀនកាលពីដើមឆ្នាំ។

កីឡាករ Pogba ដែលបានមកចូលរួមជាមួយនឹងក្លឹប Juventus បន្ទាប់ពីបញ្ចប់ការស្នាក់នៅជាមួយនឹងក្លឹប United អស់រយៈពេល ៦ឆ្នាំ ហើយក៏ត្រូវហាមប្រាមប្រកួតបណ្តោះអាសន្ន បន្ទាប់ពីធ្វើតេស្តវិជ្ជមានចំពោះសារធាតុហាមឃាត់ DHEA ក្នុងជំនួបដែលក្រុមរបស់គាត់ឈ្នះ Udinese កាលពីថ្ងៃទី២០ ខែសីហា។

សំណាក់តេស្តទី២ របស់ Pogba ក៏ទទួលបានលទ្ធផលវិជ្ជមាន ចំពោះសារធាតុដែលជួយបង្កើនការផលិតអ័រម៉ូន Testosterone ។

នៅពេលនេះគាត់កំពុងតែរងចាំការប្រកាសអំពីទណ្ឌកម្មនេះ ប៉ុន្តែបើយោងតាមការបញ្ចាក់របស់អ្នកឆ្លើយតបព័ត៌មានក្លឹប Juventus លោក Romeo Agresti បានអោយដឹងថាព្រះរាជអាជ្ញាបានទាមទារអោយមានការដាក់ទោស Pogba នៅការហាមប្រាមចូលរួមប្រកួតរយៈពេល ៤ឆ្នាំ ក្រោមច្បាប់ប្រឆាំងគ្រឿងញៀនពិភពលោក៕

កីឡាករ Pogba ទំនង់គេចមិនផុតអំពីបញ្ហាមួយនេះទេ!!

obnasia — Fri, 08 Dec 2023 04:10:37 +0000

បរទេស៖ រដ្ឋអាជ្ញាអ៊ីតាលីបានរាយការណ៍ថាអតីតខ្សែបម្រើក្លឹប Manchester United គឺកីឡាករ Paul Pogba អាចនឹងទទួលរងនូវការហាមប្រាមមិនអោយប្រកួត ៤ឆ្នាំ ដោយសារតែខកខានមិនបានធ្វើតេស្តគ្រឿងញៀនកាលពីដើមឆ្នាំនេះ។

កីឡាករ Pogba កំពុងលេងនៅក្លឹបយក្សអ៊ីតាលី Juventus បន្ទាប់ពីបញ្ចប់នៅការលេងអោយក្លឹប United អស់ ៦ឆ្នាំកាលពីរដូវក្តៅមុន។ ហើយគាត់ត្រូវបានផ្អាកជាបណ្តោះអាសន្ន បន្ទាប់ពីធ្វើតេស្តវិជ្ជមានចំពោះសារធាតុហាមឃាត់ DHEA បន្ទាប់ពីក្រុមរបស់គាត់បានយកឈ្នះទៅលើក្លឹប Udinese កាលពីថ្ងៃទី២០ ខែសីហា។

គំរូ B របស់ Pogba ក៏បានធ្វើតេស្តឃើញភាពវិជ្ជមានសម្រាប់សារធាតុដែលជំរុញការផលិតអ័រម៉ូន Testosterone ហើយនៅពេលនេះ គាត់កំពុងរង់ចាំចំពោះការដាក់ពិន័យ។

នេះបើយោងតាមអ្នកឆ្លើយឆ្លងព័ត៌មាន Romeo Agresti របស់ក្លឹប Juventus បានអោយដឹងថាព្រះរាជអាជ្ញាត្រៀមក្នុងការដាក់បំរាម ៤ឆ្នាំចំពោះកីឡាករ Pogba ដែលនេះជាការហាមឃាត់ក្រោមច្បាប់ប្រឆាំងគ្រឿងញៀនពិភពលោក។

ប្រសិនជា Pogba ទទួលការហាមប្រាមនេះមែន នោះគាត់នឹងអាចរួចផុតពីករណិមួយនេះនៅពេលគាត់មានអាយុ ៣៤ឆ្នាំ ហើយវាអាចការបញ្ចប់នៅអាជីពរបស់គាត់ បន្ទាប់ពីការវិលត្រលប់មកកាន់ទឹកដីអ៊ីតាលីវិញ។

គួរបញ្ជាក់ថាសមាជិកក្រុមម្ចាស់ជើងឯក World Cup រូបនេះ ទើបតែបង្ហាញខ្លួន ១២ដងអោយក្លឹប Juventus ក្រោយត្រលប់មកជួយក្លឹបវិញ បន្ទាប់ពីគាត់បានខាកខានរដូវកាលមុនដោយសារបញ្ហារបួស។

ព្រះរាជអាជ្ញាសម្រាប់សំណុំរឿងរបស់គាត់ហាក់ដូចជាចង់ធានាថាគាត់ទទួលការផ្តន្ទាទោសធ្ងន់។ Pogba ត្រូវបានគេរំពឹងថានឹងមានសវនាការចុងក្រោយនៅដើមឆ្នាំ ២០២៤ ដែលគាត់អាចនឹងមើលទៅយល់ព្រមលើការកាត់ទោសដែលជាផ្នែកមួយនៃការចរចារសុំ។ ជាមួយនឹងលទ្ធផល ដែលត្រូវហាមប្រាម ៤ឆ្នាំនេះ អាចធ្វើអោយកុងត្រារបស់ Pogba ជាមួយនឹងក្លឹប Juventus ជួបបញ្ហា។ កុងត្រារបស់គាត់ជាមួយនឹងក្លឹបមានសពុលភាពដល់ឆ្នាំ២០២៦៕

នាយកផ្នែកីឡាកររបស់ Juventus ធ្វើដំណើរមកអង់គ្លេស ដើម្បីមើលការប្រកួតរបស់កីឡាករ ២រូបនេះ

obnasia — Thu, 09 Nov 2023 01:42:35 +0000

បរទេស៖ នាយកផ្នែកកីឡាកររបស់ក្លឹប Juventus លោក Cristiano Giuntoli និងលោក Giovanni Manna កំពុងស្ថិតនៅកីឡាករដ្ឋាន Etihad ដើម្បីបន្តបេសកម្មរបស់ពួកគេក្នុងការតាមមើលកីឡាករ។

ក្លឹប Juventus ត្រូវការខ្សែបម្រើនៅក្នុងទីផ្សារដោះដូរខែមករានេះ ខណៈកីឡាករ Paul Pogba និង Nicolo Fagioli អាចប្រឈមមុននឹងការហាមប្រាមប្រកួត។

ក្រុមការងារក្លឹប Juventus នឹងមើលការប្រកួតរវាងក្លឹប Tottenham ជាមួយនឹងក្លឹប Chelsea កាលពីថ្ងៃចន្ទ ហើយមើលការប្រកួតរវាង Man City និង Young Boy កាលពីអង្គារ និងមានផែនការមើលការប្រកួរវាង Arsenal និង Sevilla ទៀត។

ពួកគេក៏នឹងធ្វើការណាត់ជួបមួយចំនួន ដើម្បីអាចអោយបានដឹងថាខ្សែបម្រើរូបណា អាចផ្ទេរបាន និងតម្លៃក្នុងការផ្ទេរ។

កីឡាករ Kalvin Phillips បានមានព័ត៌មានក្នុងការផ្ទេរទៅកាន់ Juventus ហើយត្រូវបានពិចារណាទៅលើឪកាសនៃការខ្ចីជើងគាត់នៅខែមករាខាងមុខ ប៉ុន្តែខាងក្លឹបអ៊ីតាលីមួយនេះដាក់អទិភាពទៅលើការផ្ទេរខ្សែបម្រើប្រយុទ្ធច្រើនជាង។

សម្រាប់ការមើលការប្រកួតរវាង Tottenham និង Chelsea គឺខាងក្លឹប Juventus តាមមើលកីឡាករ Pierre-Emile Hojbjerg ប៉ុន្តែខាងក្លឹប Tottenham នៅតែទាមទារតម្ឡៃ ៣០លានផោន៕

Juventus សម្លឹងឃើញកីឡាកររបស់ Arsenal មកជំនួសកន្លែងរបស់ Pogba

obnasia — Wed, 01 Nov 2023 01:37:42 +0000

បរទេស៖ នេះបើយោងតាមការចេញផ្សាយរបស់ TuttoJuve.com បានអោយដឹងថាក្លឹប Juventus សម្លឹងឃើញការខ្ចីជើងកីឡាករ Thomas Partey របស់ក្លឹប Arsenal នៅខែមករា។

កីឡាករ Partey ដែលបានជួបនឹងបញ្ហារបួសជាបន្តបន្ទាប់នៅក្នុងរដូវកាលនេះ ធ្វើអោយគាត់ទើបតែអាចបង្ហាញខ្លួនបាន ៣៤១នាទីប៉ុណ្ណោះ។ កីឡាករបានបញ្ជាក់ថាគាត់ចង់ធ្វើការចាកចេញនៅពេលទីផ្សារដោះដូរបន្ទាប់ ប៉ុន្តែក្លឹបសេះបង្កង Juventus អាចព្យាយាមត្រឹមការខ្ចីជើងគាត់ប៉ុណ្ណោះ ដោយសារតែក្លឹបមិនអាចចំណាម ៣០លានអឺរ៉ូតាមការទាមទាររបស់ Arsenal បាន៕

ក្លឹប Juventus បានកំណត់គោលដៅកីឡាករលើ Arsnal ដើម្បីជំនួស Paul Pogba

Tico — Thu, 14 Sep 2023 08:58:04 +0000

ក្លឹប Juventus ត្រូវបានគេរាយការណ៍ថាកំពុងរៀបចំកញ្ចប់សាច់ប្រាក់សម្រាប់ក្រុម Arsenal លើកីឡាករ Thomas Partey ប្រសិនបើ Paul Pogba វិជ្ជមានការធ្វើតេស្តគ្រឿងញៀន។

កីឡាករជម្រើសជាតិបារាំង ដែលឈ្នះពាន World Cup ត្រូវបានផ្អាកជាបណ្ដោះអាសន្ន បន្ទាប់ពីធ្វើតេស្តរកឃើញសារធាតុញៀន testosterone។ Pogba បានបង្ហាញខ្លួនអោយក្លឹបត្រឹមតែ 52 នាទីប៉ុណ្ណោះក្នុងរដូវកាលនេះ ខណៈដែលបញ្ហារបួសរបស់គាត់នៅតែបន្ត ហើយឥឡូវនេះកំពុងប្រឈមមុខនឹងការជាប់ទោសរយៈពេល 4 ឆ្នាំ។

ក្រុមកាំភ្លើងធំមានការស្ទាក់ស្ទើរក្នុងការលក់ Partey ទោះបីជាឥឡូវនេះក្រុមមានកីឡាករ Declan Rice ដែលតួនាទីជាខ្សែបម្រើដូចគ្នា ។ កីឡាករសញ្ជាតិហ្គាណា បានត្រលប់មកវិញ បន្ទាប់ពីព្យាបាលរបួសសរសៃពួរ ហើយក៏បានចូលលេងក្នុងការប្រកួត Premier League ចំនួនបីសម្រាប់ Arsenal ក្នុងរដូវកាល 2023-24៕

អីយ៉ាស់!! ក្លឹបនៅលីគអ្នកមានមួយនេះ ចង់បានកីឡាករ Pogba

obnasia — Fri, 07 Jul 2023 09:41:18 +0000

បរទេស៖ កីឡាករជម្រើសជាតិបារាំងបានជួបនៅពេលវេលាដ៏ពិបាករបស់ខ្លួនចាប់តាំងពីត្រលប់មកកាន់ទឹកដី Turin ក្នុងប្រទេសអ៊ីតាលីវិញកាលពីរដូវក្តៅឆ្នាំ២០២២។ កីឡាកររូបនេះបានផ្ទេរចេញពីទឹកដី Manchester United ដោយគ្មានតម្លៃខ្លួន ដើម្បីមកចូលរួមជាមួយនឹងក្លឹប Juventus ប៉ុន្តែរូបគេបានជូបនឹងបញ្ហារបួសរហូត ដោយទើបបង្ហាញខ្លួនបាន ១០ដងប៉ុណ្ណោះ។

កីឡាករ Pogba បានបញ្ជាក់ថាគាត់ចង់បង្ហាញពីគុណតម្លៃរបស់ខ្លួននៅ Juventus ប៉ុន្តែបើយោងតាមការចេញផ្សាយរបស់ Gazzetta dello Sport បានអោយដឹងថាភ្នាក់ងាររបស់កីឡាករ Pogban បានធ្វើដំណើរទៅកាន់ Turin កាលពីថ្ងៃព្រហស្បត្តិ៍កន្លងទៅ ដើម្បីធ្វើការពិភាក្សាអំពីអនាគាត់របស់កីឡាករ។ ភ្នាក់ងាររបស់គាត់បាននិយាយជាមួយ Pogba ដោយបញ្ចុះបញ្ចូលគាត់អំពិការផ្ទេរទៅកាន់តំបន់មជ្ឈិមបូព៌ា៕

Pogba ជួបទុក្ខជាថ្មី!! ក្រោយលេងបានតែ ២៣នាទី ក៏មានរបួសម្តងទៀត

obnasia — Mon, 15 May 2023 03:17:01 +0000

បរទេស៖ ខ្សែបម្រើម្នាក់នេះបានបង្ហាញខ្លួននៅក្នុងជម្រើស១១នាក់ ជាលើកដំបូង ក្រោយចំណាយពេលអស់ ៣៩០ថ្ងៃ ក្នុងការព្យាបាលរបួស បន្ទាប់ពីវិលត្រលប់មកកាន់ Juventus វិញកាលពីរដូវក្តៅមុន។ ទោះបីជាយ៉ាងណាក៏ដោយ គាត់ត្រូវបានជួបនឹងបញ្ហានៅក្នុងតង់ទី១ ដោយតម្រូវអោយគាត់ប្តូរចេញ និងជំនួសមកវិញដោយកីឡាករ Arkadiusz Milik វិញ។

គួរបញ្ជាក់ថា Pogban បានជួយនឹងបញ្ហារបួសជាថ្មីម្តងទៀត ក្រោយការចូលលេងនៅថ្ងៃអាទិត្យម្សិលមិញនេះ។ ការប្រកួតនៅថ្ងៃអាទិត្យ គឺជាការបង្ហោះខ្លួនលើកទី១០ របស់គាត់នៅរដូវកាលនេះ។ គាត់បានបង្ហាញខ្លួនលើកដំបូងកាលពីថ្ងៃទី២៨ ខែកុម្ភៈ ហើយក្រោយមកមួយសប្តាហ៍គាត់ក៏ជួបនឹងបញ្ហារបួស រហូតដល់ពាក់កណ្តាលខែមេសា៕

ប្រភព៖ GOAL

ក្លឹបយក្សនៅអ៊ីតាលី ចង់បាន Greenwood!!

obnasia — Sun, 07 May 2023 08:14:05 +0000

បរទេស៖ នេះបើយោងតាមការចេញផ្សាយរបស់របស់ The Sun បានអោយដឹងថាក្លឹបយក្សនៅអ៊ីតាលីបានទំនាក់ទំនងជាមួយនឹងភ្នាក់ងាររបស់កីឡាករ Greenwood ដើម្បីពិភាក្សាអំពីការផ្តល់នៅកុងត្រាខ្ចីជើងរយៈពេលវែងសម្រាប់គាត់មកកាន់ទឹកដី Turin។

ក្លឹបនៅ Serie A ដូចជា Roma និង AC Milan ក៏មានពាក្យចចាមអារាមដែលថាចាប៉អារម្មណ៍ក្នុងការនាំកីឡាករឆ្នើមសញ្ជាតិអង់គ្លេសរូបនេះមកកាន់ទឹកដីអ៊ីតាលី។ ទោះបីជាយ៉ាងណាក៏ដោយក្លឹប Juventus ក៏ជឿជាក់ថា Paul Pogba អាចជាកត្តាមួយធ្វើអោយ Greenwood សម្រេចចិត្តទទួលយកនៅសំណើររបស់ Juventus។

គួរបញ្ជាក់ថា Greenwood មិនសប្បាយចិត្តជាមួយនឹងក្លឹប United អស់រយៈពេល ១៥ខែរួចមកហើយ ដោយសារតែក្លឹបបានដករូបគាត់ចេញពីក្រុម បន្ទាប់ពីគាត់បានត្រូវចាបខ្លួនពាក់ព័ន្ធនឹងករណីប្រើអំពើហិង្សា ក៏ដូចរួមភេទ។ ហើយរឿងក្តីមួយនេះក៏ត្រូវទម្លាក់បទចោទតាំងពីខែកុម្ភៈមក ប៉ុន្តែគាត់ត្រូវតែបន្តទទួលបានការព្យ័រការប្រកួតដដែរ ដោយសារត្រូវរងចាំការស្រាវជ្រាវផ្ទៃក្នុងរបស់ក្លឹបជាមុនសិន៕