Olivier Giroud – OBN Asia

Olivier Giroud នឹងចូលរួមជាមួយក្លឹបនៅទឹកដីអាមេរិក

Tico — Wed, 24 Apr 2024 07:54:03 +0000

យោងតាមការចេញផ្សាយរបស់លោក Fabrizio Romano បានអោយដឹងថាអតីតតារាឆ្នើមរបស់ក្លឹប Arsenal និង Chelsea កីឡាករ Olivier Giroud ត្រៀមក្នុងការទៅចូលរួមជាមួយនឹងក្លឹប LAFC នៅលីគ MLS នៅចុងរដូវកាលនេះ។

កីឡាករសញ្ជាតិបារាំងរូបនេះបានចុះហត្ថលេខាទៅលើកុងត្រាដែលមានសុពលភាពដល់ឆ្នាំ២០២៥។ គាត់នឹងចាកចេញពីក្លឹបនៅ AC Milan ដោយគ្មានតម្លៃខ្លួន៕

ខ្សែប្រយុទ្ធ Olivier Giroud ទំនង់នឹងចាកចេញពី AC ដោយសារមូលហេតុនេះ

obnasia — Wed, 17 Jan 2024 00:55:34 +0000

បរទេស៖ នេះបើយោងតាមការចេញផ្សាយរបស់ Calciomercato បានអោយដឹងថាអនាគតរបស់កីឡាករ Olivier Giroud នៅក្លឹប AC Milan នៅមិនទាន់ច្បាស់លាស់នោះទេ ដោយសារតែកុងត្រារបស់គាត់នឹងផុតនៅខែមិថុនានេះ។

ខ្សែប្រយុទ្ធវ័យ ៣៧ឆ្នាំរូបនេះ បានបង្ហាញទម្រង់លេងយ៉ាងល្អដោយស៊ុតបញ្ចូលទីបាន ១០គ្រាប់ និង assist ៦ដង ក្នុងការបង្ហាញខ្លួន ១៧ដងនៅ Serie Aនារដូវកាលនេះ។ គាត់បានទាក់ទាញភ្នែកក្លឹបនៅ MLS លីគ ដោយរួមបញ្ចូលទាំង Atlanta United និង Vancouver Whitecaps។

ប្រភពដដែរបានអោយដឹងថាទោះបីជាក្លឹប AC Milan មានជម្រើសក្នុងការពន្យាកុងត្រារបស់ Giround រហូតដល់ឆ្នាំ២០២៥ ក៏ដោយ ប៉ុន្តែការផ្ទេរទៅកាន់ MLS អាចជាជម្រើសដ៏ទាក់ទាញមួយសម្រាប់គាត់៕

នេះអាចជាមូលហេតុដែល Giroud មិនទាន់បន្តកុងត្រាថ្មីជាមួយ AC

obnasia — Fri, 05 Jan 2024 01:23:40 +0000

បរទេស៖ នេះបើយោងតាមការចេញផ្សាយរបស់ La Gazzetta dello Sport បានអោយដឹងថាខ្សែប្រយុទ្ធ Olivier Giroud មិនទាន់ចុះហត្ថលេខាទៅលើកុងត្រាថ្មីជាមួយនឹងក្លឹប AC Milan នោះទេ ដោយគាត់កំពុងត្រូវបានបញ្ចុះបញ្ចូលអោយទៅចូលរួមជាមួយនឹងក្លឹបនៅ Major League Soccer នារដូវក្តៅខាងមុខ។

អតីតខ្សែប្រយុទ្ធឆ្នើមរបស់ក្លឹប Chelsea និង Arsenal នឹងផុតកុងត្រាជាមួយនឹងក្លឹប AC Milan នៅឆ្នាំ២០២៤នេះ។ ហើយបន្ទាប់មកគាត់អាចនឹងទៅចូលរួមជាមួយនឹងក្លឹបនៅអាមេរិក។ គាត់នឹងធ្វើការសម្រេចចិត្តអំពីអនាគតរបស់គាត់នៅកំឡុងខែមេសា ឫឧសភា៕

ក្រោយបានបន្តទៅកាន់វគ្គពាក់កណ្ដាលផ្ដាច់ព្រ័ត្រក្រុម AC Milan បានសម្រេចចិត្តបន្តកុងត្រាជូនកីឡាករខ្សែប្រយុទ្ធម្នាក់

Tico — Wed, 19 Apr 2023 12:10:27 +0000

យោងតាមសេចក្ដីរាយការណ៍របស់លោក Fabrio Romano បានអោយដឹងថា បន្ទាប់ពីបានកក់កៅអីទៅកាន់វគ្គពាក់កណ្តាលផ្តាច់ព្រ័ត្រនៃក្របខ័ណ្ឌ Champions League ក្រុម AC Milan បានរៀបចំប្រកាសពីការបន្តកិច្ចសន្យារបស់ Olivier Giroud ។

គួរបញ្ជាក់ផងដែរថា កិច្ចព្រមព្រៀងថ្មីដែលបានចរចាគ្នាកាលពីសប្តាហ៍មុន ត្រូវបានសម្រេចចុះហត្ថលេខារួចហើយ វាមានសុពលភាពរហូតដល់ខែមិថុនា ឆ្នាំ 2024៕

ទីបញ្ចប់អនាគតរបស់ខ្សែប្រយុទ្ធ Olivier Giroud នៅក្លឹប AC Milan ត្រូវឈានដល់

obnasia — Tue, 11 Apr 2023 03:02:38 +0000

បរទេស៖ នេះបើយោងតាមការចេញផ្សាយរបស់លោក Fabrizio Romano បានអោយដឹងថា Olivier Giroud នឹងចុះកុងត្រារយៈពេលខ្លីជាមួយនឹងក្លឹប AC Milan នៅថ្ងៃស្អែក។ អ្វីទាំងអស់ គឺបានព្រមព្រៀងគ្នាហើយ។

– កុងត្រាថ្មីមានសុពភាពដល់ខែមិថុនា ឆ្នាំ២០២៤

– ប្រាក់ឈ្នួលជិត ៣.៥លានអឺរ៉ូ ក្នុងមួយឆ្នាំ

– ក្លឹប Everton បានបញ្ចុះបញ្ចូលទាត់តាំងពីខែមករា ប៉ុន្តែ Giroud ចង់បានស្នាក់នៅជាមួយ AC Milan

អ្នកស៊ុតបញ្ចូលទីបានច្រើនជាងគេទាំង 5 របស់ក្រុមជម្រើសជាតិបារាំង (មានវីដេអូ)

Tico — Wed, 12 Oct 2022 05:31:40 +0000

បារាំងជាម្ចាស់ជើងឯកពិភពលោកដែលបានឈ្នះពាន World Cup ឆ្នាំ2018 ហើយពួកគេនឹងធ្វើដំណើរទៅកាតា ក្នុងខែវិច្ឆិកាដើម្បីការពារតំណែងរបស់ពួកគេ។ នេះជាការប្រកួត World Cup លើកទី 16 របស់ពួកគេ ហើយពួកគេក៏បានឈ្នះការប្រកួតនេះក្នុងឆ្នាំ 1998 ផងដែរ។

អ្នករាល់គ្នាចងចាំពីបរិយាកាសក្នុងកីឡដ្ឋាន Stade de France នៅពេលដែលអ្នកគាំទ្រ និងកីឡាករបានប្រារព្ធពិធីរួមគ្នាក្នុងឆ្នាំ 2018។ ប្រទេសបារាំងនឹងត្រូវយកថាមពលនោះទៅជាមួយពួកគេសម្រាប់ការប្រកួតនៅប្រទេសកាតា។

ពួកគេក៏មានក្រុមដ៏អស្ចារ្យដែលពោរពេញទៅដោយកីឡាករលំដាប់ពិភពលោក ជាពិសេសក្នុងតំបន់ប្រយុទ្ធ។ ក្រុមមាន់គកបារាំង មានខ្សែប្រយុទ្ធល្អៗជាច្រើនក្នុងរយៈពេលប៉ុន្មានឆ្នាំនេះ។

ខាងក្រោមនេះជាអ្នកស៊ុតបញ្ចូលទីបានច្រើនជាងគេទាំង ៥ ក្នុងប្រវត្តិសាស្ត្ររបស់ជម្រើសជាតិបារាំង។

អ្នកដែលចង់បំបែកកំណត់ត្រាទាំងនេះគឺ Kylian Mbappé ប៉ុន្តែបច្ចុប្បន្នគាត់ឈរនៅចំណាត់ថ្នាក់ទី 10 ជាមួយនឹងគ្រាប់បាល់ចំនួន 28 គ្រាប់។ តោះមកមើលកីឡាករ 5នាក់ដែលរកគ្រាប់បាល់បានច្រើនជាងគេឲ្យជម្រើសជាតិបារាំង៖
#5 Karim Benzema រកបាន 37 គ្រាប់ឲ្យក្រុមជម្រើសជាតិបារាំង
#4 Michel Platini រកបាន 41 គ្រាប់ឲ្យក្រុមជម្រើសជាតិបារាំង
#3 Antoine Griezmann រកបាន 42 គ្រាប់ឲ្យក្រុមជម្រើសជាតិបារាំង
#2 Olivier Giroud រកបាន 49 គ្រាប់ឲ្យក្រុមជម្រើសជាតិបារាំង
#1 Thierry Henry រកបាន 51 គ្រាប់ឲ្យក្រុមជម្រើសជាតិបារាំង

Chelsea បញ្ជូនខ្សែបម្រើម្នាក់ត្រលប់ទៅ AC Milan វិញ

Tico — Tue, 31 Aug 2021 07:08:09 +0000

ក្លិប AC Milan បានចុះហត្ថលេខាជាមួយខ្សែបម្រើ Tiemoue Bakayoko ជាថ្មីក្នុងលក្ខខណ្ឌខ្ចីជើងរយៈពេល ២ ឆ្នាំពីក្លិបតោខៀវ Chelsea ដែលកិច្ចព្រមព្រៀងនេះ រួមបញ្ចូលទាំងកាតព្វកិច្ច ដើម្បីធ្វើឱ្យការផ្លាស់ប្តូរជាអចិន្ត្រៃយ៍ក្នុងតម្លៃប្រហែល ១៥ លានផោន (១៣ លានផោន/១៨ លានដុល្លារ) ។

ខ្សែបម្រើអន្តរជាតិបារាំងវ័យ ២៧ឆ្នាំរូបនេះ បានវិលត្រឡប់មកកាន់ទីក្រុង Milan វិញសម្រាប់ការខ្ចីជើងលើកទី ២ ដោយបានបង្ហាញខ្លួនចំនួន ៤២ លើកសម្រាប់ក្លិបអំឡុងយុទ្ធនាការឆ្នាំ ២០១៨-១៩ ។

គួរជម្រាបថា Bakayoko ក្លាយជាកីឡាករតោខៀវទី ៣ ហើយដែលផ្លាស់ទៅ AC Milan នៅរដូវកាលនេះបន្ទាប់ពី Fikayo Tomori និង Olivier Giroud បានបញ្ចប់ការផ្ទេរជាអចិន្ត្រៃយ៍ កាលពីដើមរដូវក្តៅនេះ៕

AC Milan និង Chelsea យល់ព្រមលើថ្លៃឈ្នួលសរុប ២ លានផោនសម្រាប់ Giroud

Tico — Fri, 09 Jul 2021 04:09:22 +0000

ក្លិបជើងឯកអ៊ីតាលី AC Milan កំពុងជំរុញ ដើម្បីឈានទៅរកកិច្ចព្រមព្រៀង សម្រាប់ការនាំយកខ្សែប្រយុទ្ធចាស់វស្សា Olivier Giroud ខណៈដែលភាគីទាំងពីរ បានយល់ព្រមក្នុងការបង់ថ្លៃឈ្នួល ២លានផោន។

ជាមួយគ្នានោះដែរ ខ្សែប្រយុទ្ធបារាំងវ័យ ៣៤ឆ្នាំរូបនេះ ក៏ត្រូវបានក្លិបតោខៀវ ផ្តល់ជម្រើសក្នុងការបន្តកុងត្រាមួយឆ្នាំទៀតផងដែរ មុននឹងក្លាយជាកីឡាករផ្ទេរអត់តម្លៃខ្លួន។

ទោះយ៉ាងណាពេលនេះ Chelsea និង Milan បានព្រមព្រៀងលើថ្លៃឈ្នួល ដែលអាចឱ្យខ្សែប្រយុទ្ធរូបនេះផ្លាស់ទៅអ៊ីតាលីបាន៕

Mbappe ខឹងសម្បារយ៉ាងខ្លាំង បន្ទាប់ពី Giroud បោះសម្តីថា..! (មានវីដេអូ)

Tico — Fri, 11 Jun 2021 04:52:29 +0000

Kylian Mbappe ត្រូវបានគេរាយការណ៍ថា បានខឹងសម្បារយ៉ាងខ្លាំងបន្ទាប់ពី Olivier Giroud បានចោទប្រកាន់រូបគេ ថា ព្រងើយកន្តើយដោយចេតនា ចំពោះការរត់យកបាល់របស់ខ្លួន នៅក្នុងការប្រកួតមិត្តភាពអន្តរជាតិ ឈ្នះលើប៊ុលហ្គារីក្នុងលទ្ធផល ៣-០។

ជាការពិតណាស់ Giroud បានចូលលេងជាកីឡាករបម្រុង ប៉ុន្តែបន្ទាប់ពីការប្រកួត ខ្សែប្រយុទ្ធក្រុមតោខៀវរូបនេះ បាននិយាយដៀមដាមទៅលើ Mbappe។

Giroud បាននិយាយថា៖“ ពេលខ្លះអ្នកធ្វើរត់អស់ពីចិត្ត តែបាល់មិនដែលបោះមកដល់ខ្ញុំឡើយ។”

យ៉ាងណាមិញ អ្នកចាត់ការទូទៅលោក Didier Deschamps មិនបានបង្ហាញពីភាពធ្ងន់ធ្ងរ នៃបញ្ហានេះទេ ដោយលោកបានធ្វើការសម្របសម្រួលឡើងវិញ៕

សូមទស្សនាវីដេអូហាយឡាយ៖

https://www.youtube.com/watch?v=Y4jG7eHPRic

Benzema រងរបួសក្នុងជំនួបមិត្តភាព ជាមួយក្រុមជម្រើសជាតិប៊ុលហ្គារី (មានវីដេអូ)

Tico — Wed, 09 Jun 2021 03:23:09 +0000

ខ្សែប្រយុទ្ធក្រុមជម្រើសជាតិបារាំង កីឡាករ Karim Benzema បានទទួលរង់របួស ក្នុងអំឡុងពេលប្រកួតមិត្តភាព ជាមួយក្រុមជម្រើសជាតិប៊ុលហ្គារី កាលពីយប់មិញនេះ។

យ៉ាងណាក្តី សម្រាប់ការប្រកួតមិត្តភាពយប់មិញ Benzema បានជួបនូវបញ្ហារបួស បន្ទាប់ពីបានប៉ះទង្គិចជាមួយខ្សែការពារក្រុមប៊ុលហ្គារី កីឡាករ Ivan Turitsov នៅក្នុងវគ្គទីមួយនាកីឡដ្ឋាន Stade de France។

សូមជម្រាបថា Benzema បានរងរបួសត្រង់ផ្នែកជង្គង់ ហើយរូបគេក៏បានសុំគ្រូបង្វឹកលោក Didier Deschamps ឲ្យប្តូរខ្លួនចេញ ដោយសាររូបគេមិនអាចទ្រាំនឹងការឈឺចាប់បាន និងជំនួសមកវិញដោយកីឡាករ Olivier Giroud នៅនាទីទី៤១៕

សូមទស្សនាវីដេអូខាងក្រោម៖

https://www.youtube.com/watch?v=enpwLwlfQCg

Olivier Giroud – OBN Asia

Olivier Giroud នឹងចូលរួមជាមួយក្លឹបនៅទឹកដីអាមេរិក

ខ្សែប្រយុទ្ធ Olivier Giroud ទំនង់នឹងចាកចេញពី AC ដោយសារមូលហេតុនេះ

នេះអាចជាមូលហេតុដែល Giroud មិនទាន់បន្តកុងត្រាថ្មីជាមួយ AC

ទីបញ្ចប់អនាគតរបស់ខ្សែប្រយុទ្ធ Olivier Giroud នៅក្លឹប AC Milan ត្រូវឈានដល់

អ្នក​ស៊ុត​បញ្ចូល​ទី​បាន​ច្រើន​ជាងគេ​ទាំង 5 របស់​ក្រុម​ជម្រើសជាតិ​បារាំង (​មាន​វី​ដេ​អូ​)

Chelsea បញ្ជូន​ខ្សែបម្រើ​ម្នាក់​ត្រលប់​ទៅ AC Milan វិញ

AC Milan និង Chelsea យល់ព្រម​លើ​ថ្លៃ​ឈ្នួល​សរុប ២ លាន​ផោន​សម្រាប់ Giroud

Mbappe ខឹងសម្បារ​យ៉ាង​ខ្លាំង​ បន្ទាប់​ពី Giroud បោះសម្តី​ថា​..! (មានវីដេអូ)

Benzema រង​របួស​ក្នុង​ជំនួប​មិត្តភាព ​ជាមួយ​ក្រុម​ជម្រើសជាតិ​ប៊ុល​ហ្គា​រី​ (មានវីដេអូ)

អ្នកស៊ុតបញ្ចូលទីបានច្រើនជាងគេទាំង 5 របស់ក្រុមជម្រើសជាតិបារាំង (មានវីដេអូ)

Chelsea បញ្ជូនខ្សែបម្រើម្នាក់ត្រលប់ទៅ AC Milan វិញ

AC Milan និង Chelsea យល់ព្រមលើថ្លៃឈ្នួលសរុប ២ លានផោនសម្រាប់ Giroud

Mbappe ខឹងសម្បារយ៉ាងខ្លាំង បន្ទាប់ពី Giroud បោះសម្តីថា..! (មានវីដេអូ)

Benzema រងរបួសក្នុងជំនួបមិត្តភាព ជាមួយក្រុមជម្រើសជាតិប៊ុលហ្គារី (មានវីដេអូ)