ole – OBN Asia

លោក Ole Gunnar Solskjaer បាត់បង់ឪកាសធ្វើជាគ្រូបង្វឹកម្តងទៀត

obnasia — Sun, 14 Apr 2024 10:52:38 +0000

បរទេស៖ អតីតគ្រូបង្វឹកក្លឹប Manchester United លោក Ole Gunnar Solskjaer បានរាយការណ៍អំពីការបាត់បង់ឪកាសក្នុងការទៅដឹកនាំក្រុមជម្រើសជាតិសាធារណរដ្ឋអៀរឡង់។

អ្នកសារព័ត៌មានកីឡាលោក Andy Mitten បានបញ្ជាក់ថា៖ “បន្តសួរអំពីរឿងការងាររបស់ Ole Gunnar Solskjaer សម្រាប់ក្រុមជម្រើសជាតិសាធារណរដ្ឋអៀរឡង់។ បាននិយាយជាមួយគាត់។ គាត់មិនដឹងថាវាមកពីណាទេ។ គាត់មានការគោរពចំពោះប្រទេស ហើយគាត់ក៏បាននិយាយអំពីការងារនេះកាលពីខែមករា ប៉ុន្តែការសម្រេចចិត្តគឺវាមិនសាកសមនឹងគាត់”៕

ក្លឹបមួយនេះ ចង់បានលោក Solskjaer ទៅធ្វើជាគ្រូបង្វឹក

obnasia — Tue, 20 Feb 2024 11:44:04 +0000

បរទេស៖ ក្លឹប Bayern Munich សម្លឹងឃើញលោក Ole Gunnar Solskjaer ខណៈពួកគេកំពុងពីចារណាទៅលើអនាគតរបស់លោក Thomas Tuchel។ នេះបើយោងតាមការចេញផ្សាយរបស់លោក Florian Plettenberg បានអៅយដឹងថាអតីតអ្នកចាត់ការក្លឹប Manchester United រូបនេះ មិនទាន់មានការងារធ្វើនោះទេ ក្រោយត្រូវបានបណ្តេញចេញពីក្លឹប Manchester United កាលពីខែវិច្ឆិកា ឆ្នាំ២០២១។

លោក Christoph Freund នាយកផ្នែកកីឡារបស់ Bayern បាននិយាយថាបានធ្វើតាមដានទៅលើអាជីពរបស់លោក Solskjaer អស់រយៈពេលជាច្រើនឆ្នាំមកហើយ បើទោះបីជា Plan A របស់ក្លឹប គឺនៅតែបន្តអោយលោក Tuchel ដឹកនាំរហូតដល់រដូវក្តៅ៕

Nottingham Forest បានបញ្ចប់ការចុះហត្ថលេខាលើខ្សែប្រយុទ្ធ Manchester United

Tico — Wed, 26 Jul 2023 09:00:41 +0000

Elanga បានក្លាយជាកីឡាករឈុតធំរបស់ Man United ក្នុងឆ្នាំ 2021 ក្រោមការដឹកនាំរបស់លោក Ole Gunnar Solskjaer ប៉ុន្តែគាត់មិនអាចបង្ហាញខ្លួនបានជាប់លាប់សម្រាប់ក្រុមបិសាចក្រហម ។

ហើយក្នុងពេលនេះ ត្រូវបានគេដឹងថាក្រុម Nottingham Forest បានចំណាយប្រាក់ 15 លានផោនសម្រាប់កីឡាករសញ្ជាតិស៊ុយអែត ជាមួយនឹងកិច្ចសន្យារយៈពេលវែងរហូតដល់រដូវក្តៅឆ្នាំ 2028 ។

ទន្ទឹងនឹងនេះ Elanga បាននិយាយនៅចំពោះមុខអ្នកគាំទ្រ Nottingham ថា «ខ្ញុំពិតជារីករាយណាស់ ដែលបានមកចូលរួមជាមួយក្លឹបមួយនេះ វាជាពេលវេលាដ៏មោទនភាពមួយ មិនត្រឹមតែសម្រាប់ខ្ញុំប៉ុណ្ណោះទេ ប៉ុន្តែសម្រាប់គ្រួសាររបស់ខ្ញុំផងដែរ។ វាជាជំហានបន្ទាប់ដ៏ល្អឥតខ្ចោះសម្រាប់ខ្ញុំក្នុងអាជីពរបស់ខ្ញុំ»។

«ខ្ញុំមានការចាប់អារម្មណ៍ពីក្លឹបផ្សេងជាច្រើនទៀត ប៉ុន្តែសម្រាប់ខ្ញុំ Nottingham Forest ជាកន្លែងដ៏ល្អឥតខ្ចោះ ។ ក្លឹប Man United ជាកន្លែងពិសេសមួយ ប៉ុន្តែនៅទីនេះជាមួយ Forest ខ្ញុំមានអារម្មណ៍ថា វានឹងកាន់តែពិសេស»។

កីឡាករវ័យ 21 ឆ្នាំបានបង្ហោះសារលាទៅកាន់អតីតក្លឹបរបស់គាត់ ដោយបានសរសេរថា «ការបង្ហាញខ្លួនច្រើនជាង 50 ដងសម្រាប់ក្រុមឈុតធំ ហើយបានស៊ុតបញ្ចូលទីនៅ Champions League និងឈ្នះពានរង្វាន់សម្រាប់ក្លឹបដ៏អស្ចារ្យនេះ។ មានកីឡាករ និងបុគ្គលិកជាច្រើនដែលបានដើរតួយ៉ាងសំខាន់ក្នុងការជួយធ្វើឱ្យសុបិនខ្ញុំក្លាយជាការពិត ហើយបានជួយខ្ញុំឱ្យអភិវឌ្ឍអោយមានថ្ងៃនេះ។ ខ្ញុំដឹងគុណអ្នកគ្រប់គ្នាជារៀងរហូត»៕

Solskjaer ធ្លាប់ប្រាប់អោយ Man Utd ទិញយកខ្សែប្រយុទ្ធរូបនេះ

obnasia — Sun, 14 May 2023 07:26:17 +0000

បរទេស៖ នេះបើយោងតាមការចេញផ្សាយរបស់ Fabrizio Romano បានអោយដឹងថា Ole Gunner Solskjaer ចំពោះរឿង Erling Haaland ថា៖

“ខ្ញុំបានប្រាប់ទៅ Manchester United នៅ ៦ខែមុនពេលខ្ញុំចូលកាន់តំណែង ហើយខ្ញុំបានប្រាប់ពួកគេថាខ្ញុំចង់បានខ្សែប្រយុទ្ធម្នាក់នេះ គឺក្មេងប្រុស Haaland ដែលពួកយើងមាន…. ប៉ុន្តែពួកគេមិនស្តាប់។ ខ្ញុំសុំត្រឹម ៤លានផោន សម្រាប់ទិញ Erling។ ពួកគេមិនចុះកុងត្រាយកគាត់”៕

Man Utd គ្រោងលក់កីឡាករ៧រូប ដើម្បីរក្សា Pogba

Tico — Mon, 20 Sep 2021 09:53:09 +0000

Manchester United កំពុងមានគម្រោងក្នុងការរុះរើក្រុម នៅដើមខែមករាខាងមុខនេះ ស្របពេលកីឡាករ៧រូប ត្រូវបានរាយការណ៍ថា ស្ថិតនៅក្នុងបញ្ជីត្រូវលក់ចេញ។

ក្នុងនោះរួមមាន Donny van de Beek, Jesse Lingard, Phil Jones និង Eric Bailly ស្ថិតនៅក្នុងចំណោមកីឡាករទាំងនោះ ដែលក្លិបបិសាចក្រហមបញ្ចេញទៅឱ្យក្លិបដទៃ ស្របពេលខ្សែប្រយុទ្ធ Anthony Martial រួមជាមួយខ្សែការពារស្លាបឆ្វេងស្ដាំ Alex Telles និង Diogo Dalot ក៏ជាជម្រើសដែលត្រូវបញ្ចេញផងដែរ។

លោក Ole Gunnar Solskjaer មិនចង់ទុកកីឡាករដែលពុំសូវទទួលបានឱកាសចូលលេង នៅក្នុងការប្រកួតនោះទេ ស្របពេល Man Utd កំពុងរៀបចំពិភាក្សាអំពីអនាគតរបស់កីឡាករទាំងនោះ នៅប៉ុន្មានខែខាងមុខនេះ មុនទីផ្សារដោះដូរត្រូវបានបើកឱ្យដំណើរការ។

សូមជម្រាបថា Paul Pogba កាន់តែជិតផុតកុងត្រាជាមួយក្លិបនៅរដូវក្ដៅខាងមុខ ក៏ស្ថិតនៅក្នុងការពិភាក្សាបន្ដកិច្ចសន្យាថ្មីដែរ ខណៈដែលមានព័ត៌មានថា គេមានបំណងចង់ត្រឡប់ទៅចូលរួមជាមួយក្លិបចាស់វិញ។

ទោះយ៉ាងណាក្ដី Man Utd មានទំនុកចិត្តថាខ្សែបម្រើសញ្ជាតិបារាំងរូបនេះ នឹងបន្ដកិច្ចសន្យាថ្មីរយៈពេលវែង ជាមួយនឹងការផ្ដល់ឱ្យប្រាក់ឈ្នួលពលកម្ម ៤០ម៉ឺនផោនក្នុងមួយសប្ដាហ៍៕

Solskjaer បង្ហើបពីស្ថានភាពរបស់ Cavani

Tico — Sat, 18 Sep 2021 05:01:01 +0000

លោក Ole Gunnar Solskjaer រំពឹងថា Edinson Cavani អាចត្រលប់មកចូលរួមហ្វឹកហាត់នៅក្នុងក្រុម Manchester United ជាថ្មី នៅសប្ដាហ៍ក្រោយ ដោយខ្សែប្រយុទ្ធសញ្ជាតិអ៊ុយរូហ្កាយ អាចនឹងត្រៀមខ្លួនជួបតតាំងជាមួយ West Ham ក្នុងពានរង្វាន់ Carabao Cup។

ក្រុមបិសាចក្រហម ក៏នឹងត្រូវប្រកួតនៅ Premier League នាថ្ងៃអាទិត្យចុងសប្ដាហ៍នេះ បន្ទាប់ពីខកចិត្តក្រោយចាញ់ Young Boys ក្នុងការប្រកួតបើកឆាក UEFA Champions League។

អវត្តមាន Cavani មួយរយៈចុងក្រោយនេះ ដោយសារតែគេមានបញ្ហារបួស អឡុងការប្រកួតមិត្តភាពទល់នឹង Stoke City ដែលធ្វើឱ្យគេទំនងមិនអាចជាសះស្បើយទាន់ការប្រកួតទល់នឹង West Ham ចុងសប្ដាហ៍នេះទេ ប៉ុន្ដែអាចជួបក្រុមដដែលនេះនៅប្រកួតបន្ទាប់។

នៅពេលត្រូវបានសួរនាំពីស្ថានភាពសុខភាពរបស់ Cavani និងតំណែងរបស់គេក្រោយការមកដល់របស់ Cristiano Ronaldo លោក Solskjaer បានថ្លែងប្រាប់អ្នកសារព័ត៌មានថា៖ “គេមានរដូវកាលមួយដ៏អស្ចារ្យ កាលពីរដូវកាលមុន, គេមានឥទ្ធិពលពេលដែលគេមានសុខភាពធម្មតា គេបានជួបនូវបញ្ហារបួសកាលពីថ្មីៗនេះ”។

“យើងត្រូវការទទួលបាន ការបង្ហាញដ៏ល្អបំផុតរបស់គេក្នុងរដូវកាលនេះ យើងត្រូវការឱ្យគេ fit ១០០ភាគរយ ហើយមិនប្រញាប់នោះទេ។ ខ្ញុំឃើញថា Edinson ជាកីឡករដែលមានឥទ្ធិពលម្នាក់ ក្នុងភាពជាបុគ្គល និងជាកីឡាករ។ គេរង់ចាំទាំងអន្ទះសារដើម្បីបានលេង ហើយគេប្រឹងប្រែងខ្លាំងណាស់ ដើម្បីត្រលប់មកទីលានវិញ”៕

Solskjaer បញ្ជាក់ពីសមិទ្ធផលរបស់ Pogba

Tico — Tue, 14 Sep 2021 03:13:08 +0000

លោក Ole Gunnar Solskjaer បានអះអាងថាគាត់មិនចាប់អារម្មណ៍ថាតើ Paul Pogba បានបញ្ជូនបាល់ឱ្យ Manchester United ប៉ុន្មានដងនៅរដូវកាលនេះទេ ដោយលោកបញ្ជាក់ថា គាត់បានចាត់ទុកខ្សែបម្រើបារាំងរូបនេះ ជាកីឡាករល្អម្នាក់ដោយមិនគិតពីសមិទ្ធផលរបស់គាត់។

ខ្សែបម្រើអន្តរជាតិបារាំងរូបនេះ រីករាយនឹងការចាប់ផ្តើមកំណត់ត្រាថ្មីក្នុងយុទ្ធនាការថ្មីនេះ ដោយអាចរកបានគ្រាប់បាល់បញ្ចូលទីចំនួន ៧ លើកក្នុងការប្រកួត ៤ លើកដំបូងរបស់គាត់ ហើយវាអាចឈានដល់កំណត់ត្រា Premier League រដូវកាលទី ២០ ដែលគ្រប់គ្រងដោយ Kevin De Bruyne និង Thierry Hennry។

ប៉ុន្តែ មុនពេលក្រុមរបស់គាត់វិលត្រឡប់ទៅរកការប្រកួតក្របខ័ណ្ឌ Champions League ជាលើកដំបូងនៅក្នុងរដូវកាលនេះ លោក Solskjaer បាននិយាយថា ការបញ្ជួនបាល់របស់ Pogba មិនមានចំនួនច្រើនទេ ផ្ទុយទៅវិញលោកចង់ផ្តោតការយកចិត្តទុកដាក់បន្ថែមទៀត ទៅលើទម្រង់លេងរបស់ខ្សែបម្រើរូបនេះ៕

ពេលវេលាលេងរបស់ Ronlado នៅបិសាចក្រហម ត្រូវបានកំណត់

Tico — Mon, 13 Sep 2021 05:12:35 +0000

អ្នកចាត់ការទូទៅក្រុមបិសាចក្រហមលោក Ole Gunnar Solskjaer បាននិយាយថា Cristiano Ronaldo នឹងមិនលេងរាល់ការប្រកួតពេញម៉ោង សម្រាប់ក្រុមបិសាចក្រហម Manchester United ឡើយ ខណៈដែលគាត់ព្យាយាមគ្រប់គ្រងនាទី របស់ខ្សែប្រយុទ្ធព័រទុយហ្គាល់រូបនេះជានិច្ច។

Ronaldo បានចាប់ផ្តើមយ៉ាងល្អ ជាមួយនឹងការប្រកួតតទល់ជាមួយក្រុម Newcastle ក្នុងការបង្ហាញខ្លួនជាលើកទី ២ របស់គាត់សម្រាប់ក្លឹបដោយបង្ហាញថា វាអាចជាការលំបាកសម្រាប់លោក Solskjaer ក្នុងការគ្រប់គ្រងពេលវេលាចូលលេងគេ។

ប៉ុន្តែ គ្រូបង្វឹកន័រវែសវ័យ ៤៨ឆ្នាំរូបនេះ បានបញ្ជាក់ដែរថា នឹងមានការប្រកួតដែល Ronaldo នឹងត្រូវរំលងមួយចំនួន ខណៈដែលគាត់កំពុងសម្លឹងមើល ដើម្បីរក្សាកម្លាំងកីឡាករវ័យ ៣៦ ឆ្នាំរូបនេះ ដើម្បីសម្រេចគោដៅធំរបស់ក្លិប៕

Ronaldo បានត្រឡប់មកហ្វឹកហាត់វិញថ្ងៃដំបូងនៅ បិសាចក្រហម

Tico — Wed, 08 Sep 2021 04:13:53 +0000

កំពូលខ្សែប្រយុទ្ធ Cristiano Ronaldo បានចំណាយពេលមួយថ្ងៃដំបូងរបស់គេ ត្រលប់ទៅទីលានហ្វឹកហាត់ Carrington របស់ក្រុមបិសាចក្រហម Manchester United វិញ បន្ទាប់ពីផ្ទេរមកក្នុងតម្លៃ ២០ លានផោន (២៨ លានដុល្លារ) ពី Juventus។

CR7 ត្រូវបានផ្តល់ការអនុញ្ញាតឱ្យវិលត្រឡប់ទៅកាន់ទីក្រុង Manchester កាលពីថ្ងៃព្រហស្បតិ៍សប្តាហ៍មុន បន្ទាប់ពីបានចូលរួមបំពេញកាតព្វកិច្ចអន្តរជាតិ ជាមួយក្រុមជម្រើសជាតិព័រទុយហ្កាល់។

ខ្សែប្រយុទ្ធវ័យ ៣៦ ឆ្នាំរូបនេះ ត្រូវនៅដាច់ដោយឡែកពីគេរយៈពេល ៥ ថ្ងៃនៅពេលគាត់ត្រលប់ទៅប្រទេសអង់គ្លេសវិញ ប៉ុន្តែទីបំផុតបានជួបជាមួយអតីតមិត្តរួមក្រុមលោក Ole Gunnar Solskjaer និងមិត្តរួមក្រុមថ្មីរបស់គេនៅថ្ងៃអង្គារនេះ៕

Lingard សឹងតែមិនបានចូលលេង ពីរប្រកួតដំបូងនៅ Premier League ព្រោះតែ…!

Tico — Mon, 23 Aug 2021 04:30:37 +0000

កីឡាករ Jesse Lingard បានសម្រេចចិត្តបន្ដដំណើរអាជីពរបស់ខ្លួនជាមួយ Manchester United បន្ទាប់ពីបានបង្ហាញភាពលេចធ្លោខ្លាំង អំឡុងពេលលេងឱ្យ West Ham ក្រោមលក្ខខណ្ឌខ្ចីជើងកាលពីរដូវកាលមុន។

ប៉ុន្ដែនៅក្នុងពីរប្រកួតដំបូងរបស់ Man Utd នៅ Premier League ខ្សែបម្រើជនជាតិអង់គ្លេសរូបនេះ មានឱកាសលេងបានតែ៥នាទីប៉ុណ្ណោះ ដោយប្ដូរចូលជំនួស Nemanja Matic ដែលធ្វើឱ្យមានការចោទជាសំណួរទៅកាន់អ្នកចាត់ការ Ole Gunnar Solskjaer ជាច្រើនផងដែរ។

លោក Solskjaer បានពន្យល់ថា ការត្រៀមខ្លួនសម្រាប់ការប្រកួតរបស់ Lingard ត្រូវបានអាក់ខានដោយជំងឺកូវីដ-១៩ ប៉ុន្ដែនៅពេលនេះគេបានជាសះស្បើយធម្មតាវិញហើយ។

អ្នកចាត់ការសញ្ជាតិន័រវែសវ័យ ៤៨ឆ្នាំរូបនេះ បាននិយាយថា៖ “គេគឺពិតជាល្អខ្លាំងណាស់។ គេបានឆ្លងកូវីដ ក្នុងរយៈពេល២សប្ដាហ៍មុន ដែលជារឿងខកចិត្តដ៏ធំមួយសម្រាប់ Jesse ប៉ុន្ដែគេបានបង្ហាញពន្លឺយ៉ាងត្រដែត នៅពេលលេងមុនបើករដូវកាល ហើយគេកំពុងទទួលបានឱកាសផងដែរ”៕

ole – OBN Asia

លោក Ole Gunnar Solskjaer បាត់បង់ឪកាសធ្វើជាគ្រូបង្វឹកម្តងទៀត

ក្លឹបមួយនេះ ចង់បានលោក Solskjaer ទៅធ្វើជាគ្រូបង្វឹក

Nottingham Forest បាន​បញ្ចប់​ការ​ចុះហត្ថលេខា​លើ​ខ្សែប្រយុទ្ធ Manchester United

Solskjaer ធ្លាប់ប្រាប់អោយ Man Utd ទិញយកខ្សែប្រយុទ្ធរូបនេះ

Man Utd គ្រោង​លក់​កីឡាករ​៧​រូប ដើម្បី​រក្សា Pogba

Solskjaer បង្ហើប​ពី​ស្ថានភាព​របស់ Cavani

Solskjaer បញ្ជាក់​ពី​សមិទ្ធផល​របស់ Pogba

ពេលវេលា​លេង​របស់ Ronlado នៅ​បិសាច​ក្រហម ត្រូវ​បាន​កំណត់

Ronaldo បាន​ត្រឡប់​មក​ហ្វឹកហាត់​វិញ​ថ្ងៃ​ដំបូង​នៅ បិសាច​ក្រហម