Neymar – OBN Asia

Neymar បញ្ចាក់យ៉ាងច្បាស់អំពីអនាគតរបស់គាត់

Tico — Tue, 04 Jun 2024 10:06:50 +0000

យោងតាមការចេញផ្សាយរបស់លោក Fabrizio Romano បានអោយដឹងថាកីឡាករ Neymar បាននិយាយអំពីដំណឹងវិលត្រលប់ទៅកាន់ក្លឹប Santos វិញថា៖

«គ្មានឱកាសទេ។ វាជារឿងអាក្រក់មួយ ខ្ញុំមានកុងត្រាមួយឆ្នាំទៀតជាមួយនឹងក្លឹប Al Hilal។ ខ្ញុំគាំទ្រ Santos ខ្ញុំសង្ឃឹមថានឹងត្រឡប់ទៅវិញនៅថ្ងៃណាមួយ ប៉ុន្តែឥឡូវនេះផ្តោតទាំងស្រុងលើ Al Hilal។ ខ្ញុំសង្ឃឹមថានឹងមានរដូវកាលដ៏អស្ចារ្យមួយបន្ទាប់ពីរបួស»៕

Diogo Dalot បង្ហាញពីកីឡាករបាល់ទាត់ដែលល្អឥតខ្ចោះសម្រាប់គាត់

Tico — Tue, 27 Feb 2024 08:46:54 +0000

ខ្សែការពារ Diogo Dalot របស់ក្រុម Manchester United បានជ្រើសរើសបុគ្គលិកលក្ខណៈពិសេសរបស់ Cristiano Ronaldo និង Lionel Messi មកបង្ហាញ។

Ronaldo និង Messi ត្រូវបានគេចាត់ទុកថាជាកីឡាករពីររូបដែលល្អបំផុតសម្រាប់ការប្រកួតដ៏អស្ចារ្យ។ កីឡាករជើងចាស់ទាំងពីររូបនេះនៅតែមានភាពខ្លាំងក្លា បើទោះបីជាបច្ចុប្បន្នមានវ័យជាង 30 ឆ្នាំ ដោយអាចរកគ្រាប់បាល់បានជាង 800 គ្រាប់សម្រាប់ក្លឹប និងប្រទេស។

ខណៈពេលដែល Ronaldo មានភាពល្បីល្បាញដោយសារសមត្ថភាពស៊ុតបញ្ចូលទីដ៏អស្ចារ្យ។ Messi ល្បីល្បាញដោយសមត្ថភាពជើងឆ្វេងដ៏អស្ចារ្យរបស់គាត់។

អ្វីដែលគួរឱ្យភ្ញាក់ផ្អើលនោះ Dalot ដែលនៅ Man Utd តាំងពីឆ្នាំ 2018 មក បានជ្រើសរើសគុណសម្បត្តិពីកីឡាករទាំងពីរមកបង្ហាញ។ នៅក្នុងវីដេអូដែលបង្ហោះដោយ Goal Global កីឡាករអន្តរជាតិព័រទុយហ្គាល់បានដាក់ឈ្មោះកីឡាករតាមលក្ខណៈពិសេសផ្សេងពីគ្នាដូចខាងក្រោម៖

– ជើងឆ្វេង៖ «Messi»

– ជើងស្តាំ៖ «Cristiano (Ronaldo)»

– ល្បឿន៖ «(Kylian Mbappe)»

– កម្លាំង: «Adama Traore»

– ជំនាញ៖ «ខ្ញុំនឹងទៅរក Neymar»

– IQ បាល់ទាត់៖ «(Kevin) De Bruyne»

គួរបញ្ជាក់ផងដែរថា Ronaldo និង Dalot គឺជាមិត្តរួមក្រុមនៅ United កំឡុងពេលអតីតកីឡាករលេងនៅ Old Trafford ចន្លោះឆ្នាំ 2021 និង 2022 ហើយលេងជាមួយគ្នាសម្រាប់ព័រទុយហ្គាល់៕

Neymar ខកខានឪកាសធំមួយ ក្នុងការជួយក្រុមជម្រើសជាតិ

obnasia — Wed, 20 Dec 2023 02:13:24 +0000

បរទេស៖នេះបើយោងតាមការចេញផ្សាយរបស់លោក Fabrizio Romano បានអោយដឹងថាកីឡាករ Neymar នឹងអវត្តមានក្នុងព្រឹត្តិការណ៍ Copa America ២០២៤ ក្រោយគ្រូពេទ្យបានបញ្ជាក់ថា “វាមិនមានជាពេលវេលាល្អ ហើយវាដូចជាលឿនពេក”។

លោក Lasmar បានបន្ថែមទៀតថា៖ “វាមិនមានហេតុផលណាមួយដែលត្រូវបញ្ឈប់ដំណាក់កាលព្យាបាលនោះតេ។ ការរំពឹងទុករបស់យើង គឺគាត់អាចនឹងត្រលប់មកកាន់ទីលានវិញបាននៅពេលចាប់ផ្តើមព្រឹត្តិការណ៍ European ២០២៤ ក្នុងខែសីហា”៕

ក្លឹប PSG បានសម្រេចចិត្តចំពោះអនាគតរបស់ខ្សែបម្រើ Verratti ហើយ

obnasia — Mon, 28 Aug 2023 02:06:54 +0000

បរទេស៖ នេះបើយោងតាមការចេញផ្សាយរបស់ Footmercato បានអោយដឹងថាក្លឹប PSG បានធ្វើការលក់នៅកីឡាករ Verratti ដែលជាកីឡាករលេងនៅក្លឹបមួយជាយូរមកហើយ ខណៈពេលដែលខ្សែបម្រើរូបនេះទើបតែបន្តកុងត្រាថ្មីជាមួយនឹងក្លឹបកាលពីប៉ុន្មានខែមុន។ ទោះបីជាយ៉ាងណាក៏ដោយ គាត់មិនត្រូវស្ថិតនៅក្នុងបញ្ជីកីឡាករ ដែលគ្រូបង្វឹកសញ្ជាតិអេស្ប៉ាញត្រូវការ។

ក្នុងនោះ Verratti ជាកីឡាករសំខាន់ចុងក្រោយដែលនឹងត្រូវចាកចេញពីក្លឹប PSG នៅរដូវក្តៅនេះ។ ខណៈ Neymar បានផ្ទេរទៅកាន់ Al-Hilal ហើយ Lionel Messi បានផ្ទេរទៅកាន់ក្លឹប Inter Miami នៅក្របខណ្ឌ MLS របស់អាមេរិក។ ហើយសម្រាប់កីឡាករ Renato Sanches, Leandro Paredes និង Xavi Simons ក៏ចាកចេញពីក្លឹប ខណៈពេលដែលលោក Luis Enrique នឹងបន្តកសាងក្រុមមួយនេះឡើងវិញ ដើម្បីលើកពាន Champions League ជាលើដំបូងសម្រាប់ PSG។

គួរបញ្ជាក់ថា ខ្សែបម្រើរូបនេះ អាចនឹងដើរតាមគន្លងរបស់ Xavi និង Raul ដែលបានទៅលេងនៅកាតា។ ភាគីទាំង ២ចង់អោយការផ្ទេរមួយនេះ សម្រេចរួចរាល់នៅប៉ុន្មានថ្ងៃខាងមុខទៀត៕

មកដឹងប្រាក់ឈ្នួល ២ឆ្នាំរបស់ Neymer នៅក្លឹប Al Hilal

obnasia — Wed, 16 Aug 2023 06:55:15 +0000

បរទេស៖ នេះបើយោងតាមការចេញផ្សាយរបស់លោក Fabrizio Romano បានអោយដឹងថាកីឡាករ Neymar បានទៅចូលរួមជាមួយនឹងក្លឹប Al Hilal ក្នុងកញ្ចប់ប្រាក់ឈ្នួលបំបែកកំណត់ត្រា ៣០០លានដុល្លារ ក្នុងរយៈពេល ២ឆ្នាំ និងគ្មានជម្រើសក្នុងការបន្តកុងត្រានោះទេ។

ប្រាក់ឈ្នួលអាចឡើងដល់ ៤០០លានដុល្លារ រហូតដល់ឆ្នាំ ២០២៥ ដោយមានតែតម្លៃបន្ថែម និងការថតពាណិជ្ជកម្ម។ ការផ្ទេរមួយនេះត្រូវបានរៀបចំដោយឪពុករបស់គាត់ Neymar Pai និងភ្នាក់ងារ Pini Zahavi៕

Neymar កំណត់ពេលធ្វើដំណើរទៅកាន់ក្លឹបថ្មីរួចរាល់ហើយ

obnasia — Tue, 15 Aug 2023 05:39:33 +0000

បរទេស៖ នេះបើយោងតាមការចេញផ្សាយរបស់លោក Fabrizio Romano បានអោយដឹងអំពីការផ្ទេរ Neymar ទៅកាន់ Al Hilal។ ឯកសារទាំងអស់ត្រូវបានរៀបចំរួចរាល់ ហើយការធ្វើតេស្តសុខភាពក៏បានធ្វើរួចកាលពីព្រឹកមិញ។

ក្នុងនោះ Neymar នឹងអាចធ្វើដំណើរទៅអារ៉ាប៊ីសាអូឌីតនៅក្នុងសប្តាហ៍នេះ ប៉ុន្តែមិនមែនថ្ងៃអង្គារ៍ដូចដែលផែនការនោះទេ៕

Neymar ទទួលបានប្រាក់ឈ្នួល…. សម្រាប់កុងត្រា ២ឆ្នាំជាមួយក្លឹប Al-Hilal

obnasia — Tue, 15 Aug 2023 00:48:19 +0000

បរទេស៖ នេះបើយោងតាមការចេញផ្សាយរបស់សារព័ត៌មានបារាំង L’Equipe បានអោយដឹងថា ក្លឹប PSG និងក្លឹបនៅ Saudi Pro League បានឈានដល់ការព្រមព្រៀងលើការផ្ទេរខ្សែប្រយុទ្ធ Neymar។ ក្នុងនោះ Julien Laurens បានបញ្ជាក់ថាក្លឹប PSG នឹងទទួលបានប្រាក់ ៩០លានអឺរ៉ូ ពីការលក់កីឡាករសញ្ជាតិប្រេស៊ីល។ កីឡាករវ័យ ៣១ឆ្នាំម្នាក់នេះ បានយល់ព្រមនៅកុងត្រារយៈពេល ២ឆ្នាំ ជាមួយនឹងកញ្ចប់ប្រាក់ឈ្នួល ១៦០លានអឺរ៉ូ។

រយៈពេលប្រាំមួយឆ្នាំរបស់ Neymar នៅក្នុងប្រទេសបារាំងមើលទៅនឹងត្រូវបញ្ចប់ហើយ។ គាត់មិនបានបង្ហាញខ្លួនតាំងពីខែមិនាមកម្ល៉េះ ក្រោយធ្វើការវះកាត់ទៅលើរបួសជង្គង់របស់ខ្លួន។

ទោះបីជាស៊ុតបញ្ចូលទីបាន ១១៨គ្រាប់សម្រាប់ PSG ក៏ដោយ Neymar ហាក់មានទំនាក់ទំនងមិនសូវល្អជាមួយអ្នកគាំទ្ររបស់ក្លឹប ក្នុងរយៈពេលប៉ុន្មានឆ្នាំចុងក្រោយ។ ដោយមានក្រុមអ្នកគាំទ្រជ្រុលនិយមមួយចំនួន បានទៅធ្វើការតវ៉ានៅខាងក្រៅផ្ទះរបស់គាត់កាលពីដើមឆ្នាំនេះ។

គួរបញ្ជាក់ថា Neymar និងទៅចូលរួមជាមួយក្រុមដែលមានតារាឆ្នើមជាច្រើន ទើបផ្ទេរទៅនារដូវក្តៅនេះ រួមមានកីឡាករ Koulibaly, Ruben Neves និង Malcom៕

ទីបំផុត Neymar យល់ព្រមផ្ទេរទៅអារ៉ាប៊ីសាអូឌីត ជាមួយនឹងក្លឹប…..!

obnasia — Mon, 14 Aug 2023 02:44:07 +0000

បរទេស៖ នេះបើយោងតាមការចេញផ្សាយរបស់លោក Fabrizio Romano បានអោយដឹងថាក្លឹប Al Hilal បានសម្រេចនៅការផ្ទេរយក Neymar Jr ហើយ។ វានៅសល់រឿងមួយចំនួនដែលត្រូវពិនិត្យ ហើយកុងត្រាក៏ត្រូវពិនិត្យ។ នៅពេលនេះ ឯកសារទាំងអស់កំពុងត្រូវបានរៀបចំ។

កីឡាករ Neymar បានយល់ព្រមទៅលើការផ្ទេរមួយនេះហើយ ខណៈពេលនេះជាការពិភាក្សាទៅលើវិធីសាស្ត្រសម្រាប់ការទូរទាត់ប្រាក់។ ប្រភពដដែរបានអោយដឹងថាក្លឹប Al Hilal សង្ឃឹមថាអាចនឹងបញ្ចប់ការផ្ទេរមួយនេះអោយបានក្នុងរយៈពេល ២៤ម៉ោងខាងមុខទៀត៕

ក្លឹបមួយនេះដាក់សំណើរជាថ្មី ក្នុងការផ្ទេរយក Mitrovic របស់ Fulham

obnasia — Mon, 14 Aug 2023 01:44:21 +0000

បរទេស៖ នេះបើយោងតាមការចេញផ្សាយរបស់លោក Fabrizio Romano បានអោយដឹងថាក្លឹប Al Hilal បានព្យាយាមក្នុងការផ្ទេរយក Aleksandar Mitrovic ជាថ្មីម្តងទៀត ខណៈពេលដែលពួកគេបានចរចាជាមួយនឹង Neymar ដល់ដំណាក់កាលចុងក្រោយហើយ។

ការផ្ទេរអាស្រ័យទៅលើក្លឹប Fulham ខណៈពេលដែលពួកគេបដិសេធនៅសំណើររបស់ក្លឹប Al Hilal សម្រាប់ការផ្ទេរ Mitrovic។ ក្លឹបនៅតែប្រកាន់ចំហរចង់រក្សាទុកគាត់ដដែរ៕

ការចរចាផ្ទេរ Neymar ទៅកាន់ក្លឹប Al Hilal បានឈានដល់

obnasia — Mon, 14 Aug 2023 00:56:45 +0000

បរទេស៖ នេះបើយោងតាមការចេញផ្សាយរបស់លោក Fabrizio Romano បានអោយដឹងថាក្លឹប Al Hilal កំពុងធ្វើការទៅលើការផ្ទេរយក Neymar Jr ទោះបីនៅថ្ងៃនេះក៏ដោយ។ ការចរចាកំពុងធ្វើឡើង ហើយក៏ជិតឈានដល់ដំណាក់កាលសំខាន់ដែលភាគីទាំង២ ត្រូវបានពាក់ព័ន្ធ។

ក្នុងនោះ ត្រូវបានគេជឿជាក់ថាមិនឪកាសក្នុងការខ្ចីជើងពីក្លឹប Al Hilal ទៅកាន់ Barcelona ដូចដែលព័ត៌មានបានចេញផ្សាយនោះទេ។ វាមិនមានជារឿងដែលអាចកើតឡើងបាន៕