Messi – OBN Asia

Leo Messi លើកសរសើយុវជនជំនាក់ក្រោយរបស់អាហ្សង់ទីនម្នាក់

Tico — Sun, 16 Jun 2024 07:09:20 +0000

យោងតាមការចេញផ្សាយរបស់លោក Fabrizio Romano បានអោយដឹងថាកីឡាករ Leo Messi បាននិយាយសរសើរអំពីកីឡាករ Valentín Carboni ថា៖

«កីឡាករ Valentín Carboni នឹងមានអនាគតដ៏អស្ចារ្យ។ គាត់គឺទាំងពេលបច្ចុប្បន្ន និងអនាគត។ ខ្ញុំធ្លាប់ឃើញគាត់ក្នុង U20s រួចហើយ ប៉ុន្តែគាត់បានរីកចម្រើនច្រើន។ គាត់ គឺខុសពីមុន ហើយគាត់ជាកីឡាករដែលមានគុណភាពមិនគួរអោយជឿ»៕

Messi បង្ហើបពី World Cup ២០២៦

Tico — Sat, 08 Jun 2024 06:32:29 +0000

យោងតាមការចេញផ្សាយរបស់លោក Fabrizio Romano បានអោយដឹងថាកីឡាករ Leo Messi បើកចំហរក្នុងលេង World Cup ២០២៦ ថា៖

«វាអាចទៅរួច! វាអាស្រ័យលើអារម្មណ៍របស់ខ្ញុំ កាយសម្បទារបស់ខ្ញុំ និងភាពប្រាកដនិយមជាមួយខ្លួនខ្ញុំ។ នៅសល់ពេលច្រើន…។ វាទៅយ៉ាងឆាប់រហ័ស ប៉ុន្តែនៅមានពេលវេលាមួយចំនួន ដូច្នេះខ្ញុំមិនដឹងថាខ្ញុំនឹងទៅជាយ៉ាងណានៅក្នុងខែមិថុនា ឆ្នាំ២០២៦។ អាយុក៏ជាការពិតដែលមាននៅទីនោះ ទោះបីជាវាគ្រាន់តែជាតួលេខក៏ដោយ។ ខ្ញុំនឹងត្រូវពិចារណាគ្រប់កត្តាអំពីរឿងនោះ»។

កីឡាករ Messi បន្ថែមទៀតថា៖ «ការប្រកួតដែលខ្ញុំនឹងលេងនៅពេលនេះ មិនដូចការប្រកួតដែលខ្ញុំបានលេងនៅពេលខ្ញុំនៅអឺរ៉ុបរៀងរាល់បីថ្ងៃម្តង មិនថានៅ Champions League ឬនៅលីគបារាំង/អេស្ប៉ាញ។ ប៉ុន្តែវាអាស្រ័យទៅលើអារម្មណ៍របស់ខ្ញុំ និងអារម្មណ៍ដែលខ្ញុំនៅជាមួយមិត្តរួមក្រុមរបស់ខ្ញុំ ហើយមើលថាតើខ្ញុំនៅតែដល់កម្រិតឬអត់… មានតែចាំមើល!»៕

ក្តីស្រម៉ៃរបស់កីឡាករ Giovanni Ferraina ក្លាយជាការពិត

Tico — Thu, 06 Jun 2024 09:28:28 +0000

កីឡាករចំណូលថ្មីរបស់ក្លឹប Inter Miami គឺកីឡាករ Giovanni Ferraina បាននិយាយថាវាជាសុបិន្តដែលក្លាយជាការពិត ក្នុងការលេងជាមួយនឹងមិត្តរួមជាតិអាហ្សង់ទីនកីឡាករ Lionel Messi។

នេះបើយោងតាមការចេញផ្សាយរបស់ ESPN បានអោយដឹងថាកីឡាករវ័យ ២០ឆ្នាំរូបនេះបានមកចូលរួមជាមួយ Major League Soccer ក្នុងលក្ខខណ្ឌខ្ចីជើងរយៈពេល ១ឆ្នាំ ជាមួយនឹងជម្រើសក្នុងការទិញក្នុងតម្លៃ ១.៥លានអឺរ៉ូ។

ខ្សែការពារកណ្តាលរូបនេះនឹងលេងក្នុងនាមជាកីឡាករបម្រុងរបស់ក្លឹប Miami ប៉ុន្តែគាត់សង្ឃឹមថានឹងអាចចេញមកលេងនៅក្នុងឈុតធំ និងបានលេងជាមួយនឹងកីឡាករ Messi៕

តម្លៃខ្លួនរបស់ Messi ធ្លាក់ថ្លៃជាបន្តបន្ទាប់!!

obnasia — Sat, 30 Mar 2024 10:28:56 +0000

បរទេស៖ នេះបើយោងតាមការចេញផ្សាយរបស់ Transfermarkt នៅតម្លៃខ្លួនរបស់កីឡាករ ហើយសម្រាប់ខែវិច្ឆិកាពួកគេបានកំណត់នៅតម្លៃរបស់ម្ចាស់ពាន់ World Cup ប្រមាណ ៣៥លានអឺរ៉ូ (៣០លានផោន/៣៨លានដុល្លារ) ប៉ុន្តែឥលូវនេះតម្លៃបានធ្លាក់មកត្រឹមតែ ៣០លានអឺរ៉ូ (២៥លានផោន/៣២លានដុល្លារ)ប៉ុណ្ណោះ។ ការធ្លាក់តម្លៃខ្លួននេះអាចអោយយើងយល់ឃើញថា ដោយសារតែកត្តាអាយុ នឹងបញ្ហារបួសបន្តិចបន្តួចរបស់គាត់ចាប់តាំងពីកីឡាករ Messi ផ្ទេរមកកាន់ក្លឹបនៅសហរដ្ឋអាមេរិក។

កីឡាករ Messi មានវ័យ ៣៦ឆ្នាំ បានលេង ៣ប្រកួតដំបូងនៃរដូវកាលនេះអោយក្រុម Inter Miami នឹងរកបាន ៣គ្រាប់ ប៉ុន្តែប្រធានក្រុមរូបនេះក៏បានខកខានការប្រកួត ៣ដងជាប៉គ្នាផងដែរ គឺជាមួយនឹងក្លឹប Montreal Impact, DC United, និង New York Red Bulls ដោយសារតែមានបញ្ហាសាច់ដុំ។ កាលពីរដូវកាលមុនគាត់បានលេងអោយក្លឹបនៅ MLS ចំនួន ៦ប្រកួត នឹងខកខាន ៥ប្រកួតដោយសារតែរបួស។

លោក Dominic Becker អ្នកគ្រប់គ្រងទិន្នន័យរបស់ Transfermarkt ប្រចាំទ្វីបអាមេរិកខាងជើងបានពន្យល់ថា៖ “Messi នៅតែជាតារា MLS ហើយទោះបីជាគាត់មានអាយុច្រើនក៏ដោយ ក៏នៅតែជាកីឡាករបាល់ទាត់ដ៏ល្អបំផុតមួយរូបនៅលើភពផែនដី។ ប៉ុន្តែអាយុគឺជាកត្តាមួយ សូម្បីតែ Messi ក៏ដោយ។ គាត់បានកើនឡើងនៅបញ្ហារបួស ហើយការទម្លាក់ចំណាត់ថ្នាក់គឺមិនអាចជៀសវាងបានឡើយ”។

ក្លឹប Inter Miami នឹងត្រូវប្រកួតបន្ទាប់ជាមួយក្លឹប New York City ក្នុងលីគ MLS នៅថ្ងៃសៅរ៍។ គេនៅចាំមើលថាតើ Messi នឹងចូលរួមឬអត់?

Echeverri នឹងខកខានផ្ទេរមកទឹកដី Etihad

Tico — Mon, 25 Mar 2024 05:10:03 +0000

តារាឆ្នើមសញ្ជាតិអាហ្សង់ទីនដែលបានចុះហត្ថលេខាជាផ្លូវការផ្ទេរមកកាន់ក្លឹប Manchester City កាលពីដើមខែមករា ហើយឥលូវគាត់ត្រូវបន្តស្នាក់នៅជាមួយក្លឹប River Plate រហូតដល់ចុងបញ្ចប់នៃរដូវកាលបច្ចុប្បន្ន ព្រមទាំងត្រូវបានរំពឹងថានឹងមកកាន់កីឡដ្ឋាន Etihad សម្រាប់ដើមឆ្នាំ២០២៥ ។ ទោះបីជាយ៉ាងណាក៏ដោយ បើយោងតាមការចេញផ្សាយរបស់អ្នកសារព័ត៌មាន Sebastian Srur បានអោយដឹងថាកីឡាករ Echeverri អាចនឹងត្រូវផ្ទេរទៅកាន់ក្លឹប Girona ក្នុងកិច្ចសន្យាខ្ចីជើងរយៈពេល ៦ខែ នាខែមករា មុនពេលដែលគាត់នឹងមកចូលរួមជាមួយនឹងក្លឹប Man City សម្រាប់រដូវកាល ២០២៥-២៦។

កីឡាករវ័យ ១៨ឆ្នាំរូបនេះ ត្រូវបានចាប់ទុកថាជាតារាឆ្នើមម្នាក់ក្នុងព្រឹត្តិការណ៍ U17 World Cup កាលពីឆ្នាំមុន ហើយទម្រង់លេងដ៏ល្អរបស់គាត់បានធ្វើអោយមានការទាក់ទាញក្លឹបយក្សនៅតំបន់អឺរ៉ុបជាច្រើន ហើយក្នុងនោះក៏មានក្លឹប Barcelona ផងដែរ។ ប៉ុន្តែក្លឹបទាំងនោះត្រូវប្រជែងគ្នាដើម្បីអាចយកបានកីឡាករវ័យក្មេងរូបនេះ។

ដោយត្រូវបានគេស្គាល់ថាជា «កីឡាករ Lionel Messi ជំនាន់ថ្មី» របស់អាហ្សង់ទីន កីឡាករ Echeverri បានបង្ហាញខ្លួនអោយក្រុមឈុតធំរបស់ក្លឹប River Plater ចំនួន ៦ដង នៅក្នុងរដូវកាលនេះ ហើយគាត់អាចស៊ុតបញ្ចូលទីបាន ១គ្រាប់ និង assist បានមួយចំនួនទៀត។

អនាគតតារាឆ្នើមរបស់ក្លឹបមេឃខៀវ ដែលបានបង្ហាញខ្លួនឱ្យក្រុមជម្រើសជាតិ U23 អាហ្សង់ទីន ចំនួន ៦ ដង នឹងសង្ឃឹមថាអាចចូលរួមជាមួយក្រុមរបស់លោក Javier Mascherano ដែលនឹងចូលរួមប្រកួតកីឡាអូឡាំពិកទីក្រុងប៉ារីសឆ្នាំ២០២៤ នៅរដូវក្តៅនេះ៕

កីឡាករ Roberto ទំនង់ជាទៅចូលរួមជាមួយមិត្តរួមក្រុមចាស់ Barca នៅ

obnasia — Fri, 01 Mar 2024 03:13:49 +0000

បរទេស៖ នេះបើយោងតាមការចេញផ្សាយរបស់ Mundo Deportivo បានអោយដឹងថាកីឡាករ Roberto ត្រូវបានបញ្ចុះបញ្ចូលដោយក្លឹប Al-Qadisiyah នៅអារ៉ាប៊ីសាអូឌីត ជាមួយនឹងសំណើរដ៏ច្រើន ប៉ុន្តែកីឡាករសញ្ជាតិអេស្ប៉ាញរូបនេះបានធ្វើការបដិសេធវា។

កុងត្រារបស់កីឡាករ Roberto នឹងផុតនៅរដូវក្តៅនេះ ហើយខាងក្លឹប Inter Miami នៅ MLS កំពុងសម្លឹងចង់បានរូបគាត់ទៅចូលរួមជាមួយ ក្រោយយកបាន Jordi Alba, Sergio Busquets, Luis Suarez និង Lionel Messi៕

Diogo Dalot បង្ហាញពីកីឡាករបាល់ទាត់ដែលល្អឥតខ្ចោះសម្រាប់គាត់

Tico — Tue, 27 Feb 2024 08:46:54 +0000

ខ្សែការពារ Diogo Dalot របស់ក្រុម Manchester United បានជ្រើសរើសបុគ្គលិកលក្ខណៈពិសេសរបស់ Cristiano Ronaldo និង Lionel Messi មកបង្ហាញ។

Ronaldo និង Messi ត្រូវបានគេចាត់ទុកថាជាកីឡាករពីររូបដែលល្អបំផុតសម្រាប់ការប្រកួតដ៏អស្ចារ្យ។ កីឡាករជើងចាស់ទាំងពីររូបនេះនៅតែមានភាពខ្លាំងក្លា បើទោះបីជាបច្ចុប្បន្នមានវ័យជាង 30 ឆ្នាំ ដោយអាចរកគ្រាប់បាល់បានជាង 800 គ្រាប់សម្រាប់ក្លឹប និងប្រទេស។

ខណៈពេលដែល Ronaldo មានភាពល្បីល្បាញដោយសារសមត្ថភាពស៊ុតបញ្ចូលទីដ៏អស្ចារ្យ។ Messi ល្បីល្បាញដោយសមត្ថភាពជើងឆ្វេងដ៏អស្ចារ្យរបស់គាត់។

អ្វីដែលគួរឱ្យភ្ញាក់ផ្អើលនោះ Dalot ដែលនៅ Man Utd តាំងពីឆ្នាំ 2018 មក បានជ្រើសរើសគុណសម្បត្តិពីកីឡាករទាំងពីរមកបង្ហាញ។ នៅក្នុងវីដេអូដែលបង្ហោះដោយ Goal Global កីឡាករអន្តរជាតិព័រទុយហ្គាល់បានដាក់ឈ្មោះកីឡាករតាមលក្ខណៈពិសេសផ្សេងពីគ្នាដូចខាងក្រោម៖

– ជើងឆ្វេង៖ «Messi»

– ជើងស្តាំ៖ «Cristiano (Ronaldo)»

– ល្បឿន៖ «(Kylian Mbappe)»

– កម្លាំង: «Adama Traore»

– ជំនាញ៖ «ខ្ញុំនឹងទៅរក Neymar»

– IQ បាល់ទាត់៖ «(Kevin) De Bruyne»

គួរបញ្ជាក់ផងដែរថា Ronaldo និង Dalot គឺជាមិត្តរួមក្រុមនៅ United កំឡុងពេលអតីតកីឡាករលេងនៅ Old Trafford ចន្លោះឆ្នាំ 2021 និង 2022 ហើយលេងជាមួយគ្នាសម្រាប់ព័រទុយហ្គាល់៕

កីឡាករ Coutinho បង្ហើបអំពីក្លឹបបន្ទាប់ ដែលខ្លួនចង់ទៅលេង

obnasia — Tue, 27 Feb 2024 08:44:05 +0000

បរទេស៖ អតីតកីឡាករឆ្នើមរបស់ Liverpool និង Barcelona បញ្ជាក់ថាគាត់អាចនឹងទៅចូលរួមជាមួយនឹងកីឡាករ Lionel Messi នៅក្លឹប Inter Miami នាពេលអនាគត។

កីឡាករ Coutinho បានប្រាប់ទៅកាន់ SPORT ថា៖ “ខ្ញុំគិតតែពីពេលនេះប៉ុណ្ណោះ ខ្ញុំចង់លេងអោយបានល្អ រៀបចំខ្លួនអោយបានល្អ ប្រកួតបានល្អ រីករាយជាមួយបាល់ទាត់។ ពួកយើងមិនដឹងថានឹងមានអ្វីកើតឡើងនៅពេលអនាគតនោះទេ។ ឈ្មោះរបស់ខ្ញុំតែងតែមាននៅលើទំព័រសារព័ត៌មាន ដែលពួកគេបាននិយាយគ្រប់បែបយ៉ាង ទាំងរឿងល្អ និងអាក្រក់។ ខ្ញុំព្យាយាមមិនមើលពួកគេទេ ហើយខ្ញុំបារម្ភពីការប្រកួតរបស់ខ្ញុំឱ្យបានល្អ និងរីករាយជាមួយវា”៕

Alejandro Garnacho កុហក់អ្នកគាំទ្រ

Tico — Wed, 21 Feb 2024 11:37:56 +0000

ខ្សែបម្រើស្លាបរបស់ក្រុម Manchester United និងមិត្តរួមក្រុមអាហ្សង់ទីនរបស់ Lionel Messi កីឡាករ Alejandro Garnacho ថ្មីៗនេះបានធ្វើអត្ថាធិប្បាយទៅកាន់អ្នកគាំទ្របិសាចក្រហមនៅខាងក្រៅ Carrington ។

Garnacho ត្រូវបានគេស្គាល់ថាជាអ្នកគាំទ្រ Cristiano Ronaldo និងធ្លាប់បានលេងជាមួយគាត់ពីមុនមក ខ្សែបម្រើរូបនេះបានបង្ហាញជាសាធារណៈជាច្រើនដងអំពីការកោតសរសើររបស់គាត់ចំពោះនិមិត្តរូបជនជាតិព័រទុយហ្គាល់។

ទោះជាយ៉ាងណាក៏ដោយ នៅក្នុងវីដេអូថ្មីៗនេះ Garnacho ត្រូវបានគេឃើញចុះហត្ថលេខាលើអាវសម្រាប់អ្នកគាំទ្រវ័យក្មេងម្នាក់ នៅពេលដែលគាត់ត្រូវបានគេសួរអំពីកីឡាករបាល់ទាត់ដែលគាត់ចូលចិត្តគ្រប់ពេលវេលា។ ខ្សែបម្រើស្លាបអាហ្សង់ទីនបានឆ្លើយទាំងញញឹមថា៖ «Messi»។

អ្នកគាំទ្របានឆ្លើយតបទាំងអស់សំណើចថា៖ «អ្នកណា0x017d7 អូ Messi ។ ចុះ Ronaldo វិញ0x017d7»។

Garnacho បានស៊ុតបញ្ចូលទីគ្រាប់ដំបូងរបស់គាត់នៅ Manchester United ជាមួយ Ronaldo ហើយត្រូវបានគេមើលឃើញថាបានអបអរសាទរជាមួយប្រធានក្រុមព័រទុយហ្គាល់។ ខ្សែបម្រើស្លាបសញ្ជាតិអាហ្សង់ទីនវ័យក្មេងរូបនេះ ក៏បានធ្វើត្រាប់តាមការអបអរ «siu» ដ៏ល្បីល្បាញរបស់ Ronaldo បន្ទាប់ពីស៊ុតបាល់បញ្ចូលទី «bicycle kick» ដ៏គួរឱ្យភ្ញាក់ផ្អើលជាមួយនឹងក្រុម Everton កាលពីឆ្នាំមុន។

គួរំលឹកឡើងវិញដែរថា Garnacho រកបាន 7 គ្រាប់ និង assist 3 ដងក្នុង 33 ប្រកួតក្នុងការប្រកួតសម្រាប់បិសាចក្រហមនៅរដូវកាលនេះ។ គាត់បានក្លាយជាកីឡាករសំខាន់ម្នាក់ក្នុងក្រុម ដោយចំណាយពេល 2151 នាទីនៅលើទីលាន៕

គ្រូបង្វឹក Inter Miami ផ្តល់ព័ត៌មានថ្មីៗអំពី Messi និង Suarez មុនពេលការប្រកួតបើកឆាក MLS ទល់នឹង Real Salt Lake

Tico — Wed, 21 Feb 2024 11:34:44 +0000

គ្រូបង្វឹកក្លឹប Inter Miami លោក Tata Martino បានផ្តល់ព័ត៌មានថ្មីៗអំពី Lionel Messi និង Luis Suarez មុនពេលការប្រកួតបើកឆាក MLS ជាមួយក្រុម Real Salt Lake នៅផ្ទះនៅថ្ងៃពុធ (ថ្ងៃទី 21 ខែកុម្ភៈ)។

Martino បាននិយាយថា៖ «Messi និង Suárez ត្រៀមខ្លួនរួចរាល់ហើយក្នុងការប្រកួតសម្រាប់ 90 នាទីពេញ យើងនឹងឃើញ វាអាស្រ័យលើតម្រូវការរបស់ក្រុម។ ហើយយើងជឿថាយើងនឹងធ្វើបានល្អសម្រាប់ការចាប់ផ្ដើមលីគនៅថ្ងៃស្អែក»។

គួររំលឹកឡើងវិញដែរថា Inter Miami បានបញ្ចប់ក្នុងចំណាត់ថ្នាក់ទាបបំផុតទី 14 កាលពីឆ្នាំមុន។ ទន្ទឹមនឹងនោះ Suarez កំពុងសម្លឹងរកការបង្ហាញខ្លួនដំបូងសម្រាប់ក្រុមរបស់លោក Martino ដោយបានមកដល់លើការផ្ទេរដោយឥតគិតថ្លៃក្នុងខែធ្នូ៕