Matthijs De Ligt – OBN Asia

កីឡាករ Matthijs de Ligt និយាយពាក្យក្នុងចិត្ត

Tico — Fri, 16 Aug 2024 08:30:07 +0000

យោងតាមការចេញផ្សាយរបស់លោក Fabrizio Romano បានអោយដឹងថាកីឡាករ Matthijs de Ligt បានបញ្ជាក់ថាគាត់បានយល់ព្រមលក្ខខណ្ឌផ្ទាល់ខ្លួនជាមួយក្លឹប Man Utd តាំងពីខែមិថុនា៖

«ខ្ញុំពិតជារំភើបណាស់។ តាមពិតខ្ញុំរង់ចាំយូរហើយ! វិស្សមកាលរបស់ខ្ញុំ គឺជាការរង់ចាំសារ។ នោះគឺជាការព្រមព្រៀង ហើយឥឡូវនេះវាចប់ហើយ។ ដូច្នេះខ្ញុំកំពុងរង់ចាំក្នុងការចាប់ផ្តើមរដូវកាលជាមួយបិសាចក្រហម»៕

Bayern ប្រាប់ទៅ Man Utd យ៉ាងនេះ ទាក់ទង់នឹងរឿង De Ligt

obnasia — Thu, 25 Jul 2024 10:03:35 +0000

បរទេស៖ នេះបើយោងតាមការចេញផ្សាយរបស់លោក Florian Plettenberg បានអោយដឹងថាក្លឹបយក្សនៅ Premier League មិនទាន់ផ្តល់នៅតម្លៃស្មើរទៅតាមការទាមទាររបស់ក្លឹប Bayern Munich សម្រាប់ខ្សែការពារសញ្ជាតិហូឡង់ Matthijs de Ligt នោះទេ។

អ្នកសារព័ត៌មានខាងលើបានបន្ថែមទៀតថាសំណើរក្លឹប United គឺទាបជាង ៤០លានអឺរ៉ូ ខណៈក្លឹប Bayern Munich ទាមទារតម្លៃប្រមាណ ៥០លានអឺរ៉ូ បូកនឹងតម្លៃបន្ថែម ទើបពួកគេអាចលក់ខ្សែការពាររូបនេះ៕

Man Utd ផ្តាំទៅក្លឹប Everton រឿងទាមទារតម្លៃផ្ទេរ Branthwaite

obnasia — Mon, 22 Jul 2024 06:48:15 +0000

បរទេស៖ នេះបើយោងតាមការចេញផ្សាយរបស់កាសែត The Telegraph កាលពីថ្ងៃសុក្រទាក់ទង់នឹងការបរាជ័យទៅលើការលក់ក្លឹប Everton ដែលវាអាចជាកត្តាមួយនឹងធ្វើអោយក្លឹប Man Utd បន្តការចាប់អារម្មណ៍របស់ខ្លួនសម្រាប់ការផ្ទេរយកកីឡាករ Branthwaite បើទោះបីជាសំណើរចំនួន ២របស់ខ្លួនត្រូវបានបដិសេធដោយក្លឹប Evertonក៏ដោយ។ ទោះយ៉ាងណាក៏ដោយ ចាប់តាំងពីពេលនោះក្លឹប United បានប្រាប់ទៅកាន់ក្លឹប Everton ថានឹងមិនមានអ្វីផ្លាស់ប្តូរនោះឡើយ បន្ទាប់ពីពួកគេបានបដិសេធក្នុងការលក់កីឡាករវ័យ ២២ឆ្នាំ លុះត្រាតែទទួលបានតម្លៃតាមការទាមទាររបស់ពួកគេ។

នេះបើយោងតាមការចេញផ្សាយរបស់ The Athletic បានអោយដឹងថាក្លឹប Everton បានកំណត់តម្លៃ Branthwaite ដូចទៅនឹងតម្លៃផ្ទេរកីឡាករ Harry Maguire, Wesley Fofana និង Josko Gvardiol ដែលបានធ្វើឡើងនាពេលកន្លងមក។ តម្លៃនោះប្រមាណ ៧០-៨០លានផោន។ សំណើរបើករបស់ក្លឹប United សម្រាប់ខ្សែការពាររូបនេះ មានតម្លៃប្រមាណ ៣៥លានផោន បូកនឹងតម្លៃបន្ថែម ៨លានផោន ហើយពួកគេក៏បានផ្ញើរនៅសំណើរទី២ មានតម្លៃ ៤៥លានផោន បូកនឹងតម្លៃបន្ថែម ៥លានផោន។

ចំណាប់អារម្មណ៍របស់ Man Utd លើ Branthwaite មិនបានថយចុះនោះទេ បើទោះបីជាពួកគេបានចុះហត្ថលេខាយកខ្សែការពារ Leny Yoro ក្នុងតម្លៃ ៥២លានផោនមកកាន់ទឹកដី Old Trafford។ ទោះជាយ៉ាងណាក៏ដោយ ពួកគេនឹងមិនចុះហត្ថលេខាលើខ្សែការពារសញ្ជាតិអង់គ្លេសទេ លុះត្រាតែក្លឹប Everton ទម្លាក់តម្លៃដែលពួកគេបានទាមទារ។

INEOS នឹងបន្តធ្វើឱ្យប្រសើរឡើងនូវក្រុមរបស់លោក Erik ten Hag ជាមួយនឹងកិច្ចព្រមព្រៀងសក្តានុពលជាមួយកីឡាករ Matthijs de Ligt និងកីឡាករ Manuel Ugarte។ បិសាចក្រហមនឹងហោះហើរទៅកាន់សហរដ្ឋអាមេរិកក្នុងពេលឆាប់ៗនេះ សម្រាប់ដំណើរទេសចរណ៍មុនបើករដូវកាលរបស់ពួកគេ ដែលពួកគេនឹងត្រូវជួបគូប្រជែងក្នុងក្របខ័ណ្ឌ Premier League ដូចជាក្លឹប Arsenal និង Liverpool នឹងក្រុម Real Betis របស់ La Liga ៕

Man Utd រង់ចាំការសម្រេចចិត្តរបស់កីឡាករ Leny Yoro

Tico — Wed, 10 Jul 2024 10:27:54 +0000

យោងតាមការចេញផ្សាយរបស់លោក Fabrizio Romano បានអោយដឹងថាសំណើររបស់ក្លឹប Manchester United ក្នុងការផ្ទេរយកកីឡាករ Leny Yoro ត្រូវបានទទួលយក…. ខណៈខាងក្លឹប Real Madrid នៅធម្មតា។

ក្លឹប Man United បានផ្ញើរនៅសំណើរមានតម្លៃ ៥០លានអឺរ៉ូ បូកនឹងតម្លៃបន្ថែមសម្រាប់ផ្ទេរយកកីឡាករ Yoro ហើយខាងក្លឹប Lille ក៏បានព្រមទទួលយកនៅសំណើរមួយនេះ ប៉ុន្តែ…. មិនទាន់មានការព្រមព្រៀងណាមួយនោះទេ។

កីឡាករ Leny Yoro តែងតែផ្តល់នៅអាទិភាពទៅកាន់ក្លឹប Real Madrid ដោយសារតែការលេងនៅអេស្ប៉ាញជាក្តីស្រម៉ៃរបស់គាត់។ គាត់បានរង់ចាំខាងក្លឹប Real Madrid អស់រយៈពេល ១ខែកន្លងមកហើយ។ ក្លឹប Lille កំពុងបញ្ចុះបញ្ចូលកីឡាករ Yoro អោយទទួលយកសំណើររបស់ក្លឹប Man United ខណៈសំណើរមួយនេះនៅលើតុរបស់គាត់ទៅហើយ ប៉ុន្តែ Leny នៅតែរង់ចាំក្លឹប Madrid ដដែល។

ដោយឡែកខាងក្លឹប Real Madrid នៅតែធ្វើធម្មតា ដោយពួកគេចង់អោយការផ្ទេរសម្រេចបានទៅតាមលក្ខខណ្ឌរបស់ពួកគេ… ឫពួកគេសប្បាយចិត្តក្នុងការរង់ចាំរហូតដល់ខែមិថុនា ឆ្នាំ២០២៥ នៅពេលដែលកីឡាករ Yoro ក្លាយជាកីឡាករដែលគ្មានតម្លៃខ្លួន។

សម្រាប់ខាងក្លឹប Man United ហាក់មិនចង់រង់ចាំយូរនោះទេ ដោយសារតែពួកគេក៏បានធ្វើការពិភាក្សាជាមួយនឹងកីឡាករ Matthijs de Ligt ហើយខាងកីឡាករ Branthwaite វិញ ក្លឹប Everton បានច្រានចោលសំណើររបស់បិសាចក្រហមជាលើកទី២។ ការសម្រេចចិត្តចុងក្រោយ គឺអាស្រ័យទៅលើកីឡាករ Leny Yoro៕

ក្លឹប Bayern ត្រៀមលក់កីឡាករម្នាក់នេះ យកលុយទិញកីឡាករ Jonathan Tah

Tico — Wed, 03 Jul 2024 09:05:26 +0000

យោងតាមការចេញផ្សាយរបស់លោក Fabrizio Romano បានអោយដឹងថាក្លឹប Bayern Munich បានត្រៀមខ្លួនក្នុងការលក់កីឡាករ Matthijs de Ligt ផងដែរ ពីព្រោះពួកគេត្រូវការបង្កើននូវភាពជឿជាក់ក្នុងការនាំយកកីឡាករ Jonathan Tah។

ក្លឹប Bayern Munich មានអារម្មណ៍ថាសំណើបន្ទាប់របស់ពួកគេទៅកាន់ Bayer Leverkusen អាចជាសំណើរដ៏ល្អមួយ ដើម្បីទទួលបានភ្លើងខៀវ និងបញ្ចប់ការផ្ទេរមួយនេះ។ កីឡាករ Tah មិនអាចរង់ចាំក្នុងការមកចូលរួមជាមួយនឹងក្លឹប Bayern នោះទេ៕

ទីបំផុត de Ligt ផ្តល់ភ្លើងខៀវសម្រាប់ Man Utd

Tico — Wed, 03 Jul 2024 08:49:57 +0000

យោងតាមការចេញផ្សាយរបស់លោក Fabrizio Romano បានអោយដឹងថាកីឡាករ Matthijs de Ligt បានផ្តល់ភ្លើងខៀវសម្រាប់ការផ្ទេរទៅកាន់ក្លឹប Manchester United បន្ទាប់ពីមានការទំនាក់ទំងដោយផ្ទាល់ទៅកាន់ភ្នាក់ងាររបស់កីឡាករ។

សម្រាប់លក្ខខណ្ឌផ្ទាល់ខ្លួនមិនមែនជាបញ្ហានោះទេ ខណៈអ្នកនាង Pimenta ភ្នាក់ងាររបស់កីឡាករគឺបានចរចាជាមួយក្លឹប Manchester United តែមួយប៉ុណ្ណោះ ហើយជាក្លឹបអាទិភាពរបស់កីឡាករ។

នៅពេលនេះការផ្ទេរកីឡាករ de Ligt គឺអាស្រ័យទៅលើក្លឹប Manchester United និង Bayern ដែលកំពុងពិភាក្សាទៅលើលក្ខខណ្ឌក្នុងការផ្ទេរ៕

ក្លឹប Bayern បញ្ជាក់តម្លៃខ្លួនរបស់ de Ligt ទៅកាន់ Man Utd

Tico — Tue, 02 Jul 2024 13:13:12 +0000

យោងតាមការចេញផ្សាយរបស់ Sky Sports Germany បានអោយដឹងថាក្លឹប Bayern Munich បានទាមទារតម្លៃ ៥០លានអឺរ៉ូ សម្រាប់ខ្សែការពារសញ្ជាតិហូឡង់ Matthijs de Ligt ចំពេលមានការចាប់អារម្មណ៍ពីក្លឹប Manchester United ។

ភ្នាក់ងាររបស់កីឡាករលោក Rafaela Pimenta បានបញ្ជាក់រួចហើយថា «កំពុងធ្វើការលើដំណោះស្រាយកំពូល” ហើយក្លឹប Bayern ត្រូវបានអះអាងថាកំពុងទាក់ទងជាមួយក្លឹប Man Utd»៕

មកដឹងពីគំរោងរបស់ Man Utd ជាមួយកីឡាករ Matthijs de Ligt

Tico — Tue, 02 Jul 2024 12:43:32 +0000

ក្លឹប Manchester United ត្រូវបានគេរាយការណ៍ថាបានដាក់សំណើរទិញខ្សែការពារ Matthijs de Ligt របស់ក្លឹប Bayern Munich ដោយពួកគេបានកំណត់យកកីឡាករសញ្ជាតិហូឡង់រូបនេះជាគោលដៅផ្ទេរនៅរដូវក្តៅ។

នេះបើយោងតាមការចេញផ្សាយរបស់ De Telegraaf បានអោយដឹងថាក្លឹប Manchester United និងលោក Erik ten Hag មានគោលដៅតែមួយ ហើយបានរៀបចំសំណើរបើកចំហមួយសម្រាប់កីឡាករ De Ligt ដើម្បីសម្លឹងមើលការផ្ទេរកីឡាករសញ្ជាតិហូឡង់។

យោងតាមរបាយការណ៍កីឡាករ De Ligt នឹងត្រូវបានផ្តល់ជូនកិច្ចសន្យារយៈពេល ៥ឆ្នាំនៅពេលចុះហត្ថលេខាផ្ទេរមកកាន់ក្លឹបបិសាចក្រហម សម្រាប់ព័ត៌មានលម្អិតផ្សេងទៀតមិនទាន់ដឹងនៅឡើយ។ ទោះជាយ៉ាងណាក៏ដោយ ក្រុមរបស់លោក Sir Jim Ratcliffe នឹងត្រូវចរចាជាមួយក្លឹប Bayern Munich លើតម្លៃផ្ទេរសម្រាប់កីឡាករវ័យ ២៤ឆ្នាំ ដែលមានកុងត្រារហូតដល់ឆ្នាំ២០២៧៕

លទ្ធភាពក្នុងការផ្ទេររបស់កីឡាករ Matthijs de Ligt មកកាន់ទឹកដីអង់គ្លេសកាន់តែច្រើន

Tico — Sun, 30 Jun 2024 09:25:46 +0000

យោងតាមការចេញផ្សាយរបស់លោក Fabrizio Romano បានអោយដឹងថាក្លឹប Manchester United បានទំនាក់ទំនង់ទៅកាន់អ្នកតំណាងកីឡាករ Matthijs de Ligt នៅសប្តាហ៍នេះ។ កីឡាករ De Ligt គឺជាជម្រើសមួយយកមកពង្រឹងនៅតំបន់ការពារកណ្តាល ហើយក្នុងនោះក៏មានកីឡាករ Jarred Branthwaite ផងដែរ។

កីឡាករ Matthijs de Ligt បើកចំហរក្នុងការចូលរួមជាមួយ United ទោះបីជាមិនបានលេងនៅ Champions League នៅរដូវកាលក្រោយក៏ដោយ។ ក្លឹប Bayern អាចនឹងលក់កីឡាករ de Ligt នៅរដូវក្តៅនេះ ខណៈពួកគេកំពុងធ្វើការលើការផ្ទេរយកកីឡាករ Jonathan Tah បន្ទាប់ពីផ្ទេរបានកីឡាករ Ito ខណៈលោក Ten Hag បានស្គាល់យ៉ាងច្បាស់អំពីកីឡាករ de Ligt ព្រោះធ្លាប់ដឹកនាំគាត់កាលនៅ Ajax។ មិនទាន់មានការចរចារវាងក្លឹបនោះទេ ការសម្រេចចិត្តលើក្លឹប Man Utd រង់ចាំដឹងអំពីតម្លៃខ្សែការពារហូឡង់រូបនេះសិន៕

Matthijs de Ligt មិនខ្វល់ពីអនាគតនៅក្លឹប Bayern

Tico — Fri, 14 Jun 2024 07:03:42 +0000

យោងតាមការចេញផ្សាយរបស់លោក Fabrizio Romano បានអោយដឹងថាកីឡាករ Matthijs de Ligt និយាយអំពីអនាគតរបស់គាត់ និងព័ត៌មានចចាមអារ៉ាមនៃការផ្ទេរថា៖

«ខ្ញុំបាននិយាយរួចហើយថានេះមិនមែនជាពេលវេលាសម្រាប់ខ្ញុំក្នុងការគិតអំពីវាទេ។ ប៉ុន្តែពេលនេះខ្ញុំបានលេងរដូវកាលទីពីររបស់ខ្ញុំនៅ Bayern ហើយខ្ញុំសប្បាយចិត្តខ្លាំងណាស់។ សម្រាប់ពេលនេះ ខ្ញុំផ្តោតលើការប្រកួត Euro ២០២៤ ហើយបន្ទាប់មក… យើងនឹងឃើញមានអ្វីកើតឡើង»៕