Man City – OBN Asia

Barcelona ចង់ខ្ចីជើងខ្សេការពា Man City ម្តងទៀត

Tico — Thu, 22 Aug 2024 12:05:42 +0000

បំណងក្នុងការខ្ចីជើងកីឡាករ Joao Cancelo ជាលើកទី២ សម្រាប់ក្លឹប Barcelona ហាក់ដូចជាបានបរាជ័យ ដោយសារតែការព្រួយបារម្ភលើការទាមទារប្រាក់ឈ្នួលខ្ពស់របស់គាត់ និងផលប៉ះពាល់នៃវត្តមានរបស់គាត់នៅក្នុងបន្ទប់ស្លៀកពាក់។

ខ្សែការពារ Manchester City ធ្លាប់បានចូលរួមជាមួយ Barcelona ក្នុងលក្ខខណ្ឌខ្ចីជើងនៅដើមរដូវកាល ២០២៣-២៤ ដោយទទួលយកការបញ្ចុះតម្លៃប្រាក់ខែ ដើម្បីជួយសម្រួលដល់ការផ្លាស់ប្តូរ។ ទោះជាយ៉ាងណាក៏ដោយ យោងទៅតាមការចេញផ្សាយរបស់ Sport បានអោយដឹងថាប្រាក់ឈ្នួលប្រចាំឆ្នាំរបស់កីឡាករ Cancelo ប្រមាណ ១១.៩លានផោន ដែលវាជាឧបសគ្គដ៏សំខាន់មួយសម្រាប់ការផ្ទេរនេះ៕

ខ្សែបម្រើស្លាប Kayky នឹងចាកចេញពី Man City

Tico — Wed, 21 Aug 2024 08:11:41 +0000

យោងតាមការចេញផ្សាយរបស់លោក Fabrizio Romano បានអោយដឹងថាខ្សែបម្រើស្លាប Kayky នឹងធ្វើដំណើរទៅកាន់ប្រទេសហូឡង់នៅថ្ងៃអាទិត្យនេះ ដើម្បីចូលរួមក្នុងការប្រកួតរបស់ក្លឹប Sparta Rotterdam។

គាត់នឹងចុះហត្ថលេខាទៅលើកុងត្រា បន្ទាប់ពីធ្វើតេស្តសុខភាពរួចរាល់នៅថ្ងៃចន្ទសប្តាហ៍ក្រោយ ក្នុងនាមជាកីឡាករថ្មីរបស់ក្លឹប Sparta Rotterdam ដែលផ្ទេរពីក្លឹប Man City។ ក្នុងនោះត្រូវបានគេដឹងថាការផ្ទេរមួយនេះក្នុងលក្ខខណ្ឌខ្ចីជើង មិនមានដាក់បញ្ចូលនៅជម្រើសក្នុងការទិញផ្តាច់នោះទេ៕

Man City កំណត់ពេលឲ្យលោក Guardiola សម្រេចចិត្តលើអនាគត

Tico — Mon, 19 Aug 2024 12:09:01 +0000

កិច្ចសន្យាបច្ចុប្បន្នរបស់អ្នកចាត់ការទូទៅសញ្ជាតិអេស្ប៉ាញជាមួយនឹងក្លឹប Manchester City នឹងផុតកំណត់នៅរដូវក្តៅឆ្នាំ២០២៥ ហើយគាត់មិនទាន់បានចុះហត្ថលេខាលើកិច្ចសន្យាថ្មីនៅឡើយទេ។ ថ្មីៗនេះលោក Marti Perarnau ដែលបានសរសេរអំពីជីវប្រវត្តិរបស់ Pep Guardiola បានបង្ហាញអំពីមូលហេតុ២ ដែលគាត់អាចនឹងចាកចេញពីក្លឹប ប៉ុន្តែគាត់មិនបានបញ្ជាក់ថាតើអ្នកចាត់ការរូបនេះនឹងចាកចេញនៅចុងបញ្ចប់នៃយុទ្ធនាការ ២០២៤-២៥ នោះទេ។

នេះបើយោងតាមការចេញផ្សាយរបស់ Sky Sports បានអោយដឹងថាម្ចាស់ជើងឯកអង់គ្លេស នឹងកំណត់ពេលវេលាឱ្យអ្នកចាត់ការទូទៅរូបនេះធ្វើការសម្រេចិត្ត។ ពួកគេនឹងស្នើសុំឱ្យលោក Guardiola ជូនដំណឹងដល់ក្លឹបអំពីការសម្រេចចិត្តរបស់គាត់នៅពេលបុណ្យណូអែល ដើម្បីឱ្យ Man City អាចស្វែងរកអ្នកជំនួសដ៏សមរម្យសម្រាប់អតីតគ្រូបង្វឹកក្រុម Barcelona ក្នុងករណីសម្រេចចិត្តមិនចុះហត្ថលេខាលើកិច្ចព្រមព្រៀងថ្មី។ ក្លឹបមេឃខៀវ បានរីកចម្រើនយ៉ាងឆាប់រហ័សក្រោមការដឹកនាំរបស់គ្រូបង្វឹកវ័យ ៥៣ឆ្នាំក្នុងរយៈពេល ៨ឆ្នាំចុងក្រោយនេះ។

កាលពីដើមរដូវក្តៅនេះ គ្រូបង្វឹករបស់ Man City ធ្លាប់បានបង្ហើបថាគាត់អាចចាកចេញពីក្លឹបក្នុងពេលឆាប់ៗនេះ ខណៈដែលគាត់បានបញ្ជាក់យ៉ាងច្បាស់ថាគាត់ខិតជិតចាកចេញពី Etihad។ ទោះយ៉ាងណាក៏ដោយ ការសម្រេចចិត្តចុងក្រោយអំពីអនាគតរបស់គាត់មិនត្រូវបានបញ្ជាក់នោះទេ។

ក្រុមម្ចាស់ជើងឯកបានចាប់ផ្ដើមរដូវកាលថ្មីកាលពីចុងសប្តាហ៍មុន ខណៈដែលពួកគេបានយកឈ្នះក្រុម Manchester United ដើម្បីលើកពានរង្វាន់ Community Shield ។ កាលពីថ្ងៃអាទិត្យ ពួកគេបានចាប់ផ្តើមដំណើរការការប្រកួត Premier League ឆ្នាំ២០២៤-២៥ របស់ពួកគេជាមួយនឹងក្រុម Chelsea នៅកីឡដ្ឋាន Stamford Bridge ដោយបានយកឈ្នះលើក្រុមតោខៀវក្នុងលទ្ធផល 2-0៕

លោក Pep Guardiola និយាយអំពី Kalvin Phillips

Tico — Sun, 18 Aug 2024 10:30:17 +0000

យោងតាមការចេញផ្សាយរបស់លោក Fabrizio Romano បានអោយដឹងថាលោក Pep Guardiola បាននិយាយអំពីអនាគតកីឡាករ Kalvin Phillips ថា៖

«Kalvin Phillips ពិតជាអាចក្លាយជាកីឡាកររបស់ Man City ម្តងទៀតនាពេលអនាគត។ គាត់ត្រូវការនាទីលេងលើទីលាន គាត់សមនឹងទទួលបានវា»៕

Man City កំពុងស្វែងរកកីឡាករចំណូលថ្មីបន្ថែម

Tico — Fri, 16 Aug 2024 08:07:53 +0000

យោងតាមការចេញផ្សាយរបស់លោក Fabrizio Romano បានអោយដឹងថាក្លឹប Manchester City បានត្រៀមចូលទៅក្នុងទីផ្សារដោះដូរកីឡាករ បន្ទាប់ពីការពិភាក្សាផ្ទៃក្នុង ដើម្បីជ្រើសរើសនូវជម្រើសដ៏សាកសម។

បន្ទាប់ពីកីឡាករ Oscar Bobb ទទួលរងរបួស និងការចាកចេញរបស់កីឡាករ Alvarez ដូច្នេះក្លឹប City ចង់ដំណើរការស្វែងរកជម្រើសសាកសមនៅក្នុងទីផ្សារដោះដូរ៕

Aston Villa យកបានយុវជនម្នាក់របស់ Man City

Tico — Fri, 16 Aug 2024 08:07:12 +0000

យោងតាមការចេញផ្សាយរបស់លោក Fabrizio Romano បានអោយដឹងថាក្លឹប Aston Villa ខិតជិតក្នុងការព្រមព្រៀងនាំយកខ្សែបម្រើកើតឆ្នាំ២០០៥ កីឡាករ Kane Taylor ពីក្រុមយុវជនអាយុក្រោម ២១ឆ្នាំរបស់ក្លឹប Manchester City។

កិច្ចសន្យារយៈពេលវែងត្រូវបានបោះត្រារវាងកីឡាករ និងក្លឹប Aston Villa បន្ទាប់ពីមានកិច្ចព្រមព្រៀងរវាងក្លឹបទាំងពីរ៕

Man City អនុញ្ញាតឲ្យ Kalvin Phillips ចាកចេញក្នុងលក្ខខណ្ឌខ្ចីជើង

Tico — Fri, 16 Aug 2024 08:00:37 +0000

យោងតាមការចេញផ្សាយរបស់ The Telegraph បានអោយដឹងថាក្លឹប Ipswich Town បាននឹងកំពុងធ្វើការលើការចុះហត្ថលេខាយកកីឡាករ Kalvin Phillips ក្នុងលក្ខខណ្ឌខ្ចីជើងរយៈពេលវែង។

ខ្សែបម្រើរូបនេះទើបតែបង្ហាញខ្លួនបាន ១៦ប្រកួតប៉ុណ្ណោះនៅ Premier League នៅ ២រដូវកាលចុងក្រោយនេះ ចាប់តាំងពីក្លឹប Manchester City បានបង់ប្រាក់ ៤៥លានផោនទៅកាន់ក្លឹប Leeds United ក្នុងការនាំយកកីឡាករ Phillips មកកាន់ទឹកដី Etihad នៅឆ្នាំ២០២២។

អ្នកចាត់ការ Kieran McKenna បានចុះហត្ថលេខាយកកីឡាករ Omari Hutchinson, Jacob Greaves, Liam Delap, Conor Townsend, Aro Muric, និង Ben Johnson នៅក្នុងរដូវក្តៅនេះ ហើយការនាំយកកីឡាករ Phillips មកជាបន្ទាប់ទៀតអាចជាភាពជោគជ័យដ៏ធំមួយទៀតសម្រាប់គាត់៕

Liverpool និង Man City បញ្ជាក់ពីការផ្ទេររខ្សែប្រយុទ្ធកូឡុំប៊ី

Tico — Wed, 14 Aug 2024 05:56:48 +0000

យោងតាមការចេញផ្សាយរបស់លោក Fabrizio Romano បានអោយដឹងថាក្លឹប Liverpool និង Man City បានច្រានចោលនូវព័ត៌មានទាក់ទងនឹងការព្រមព្រៀងផ្ទេរកីឡាករ Luis Diaz។

ក្លឹប Liverpool មិនមានផែនការលក់កីឡាករ Luis Diaz ខណៈក្លឹប Manchester City បានធានាថាមិនមានការព្រមព្រៀងណាមួយកើតឡើងនោះទេ។ ប្រភពពីក្លឹប Liverpool រំពឹងថាកីឡាករ Luis Diaz នឹងស្នាក់នៅបន្តជាមួយក្លឹប៕

Pep Guardiola និយាយអំពីយុវជន ២នាក់របសក្លឹប Man City

Tico — Sun, 11 Aug 2024 07:45:14 +0000

យោងតាមការចេញផ្សាយរបស់លោក Fabrizio Romano បានអោយដឹងថាលោក Pep Guardiola និយាយអំពីយុវជន ២នាក់របសក្លឹប Man City ថា៖

«McAtee និង Oscar Bobb មានស្តង់ដារក្នុងការនៅទីនេះជាមួយពួកយើងនៅ Man City។ ខ្ញុំស្គាល់ពួកគេយូរហើយ ហើយពួកគេត្រៀមខ្លួននៅទីនេះ»៕

កីឡាករ James McAtee កំពុងបញ្ចេញពន្លឺនៅ Man City

Tico — Thu, 08 Aug 2024 05:33:39 +0000

យោងតាមការចេញផ្សាយរបស់លោក Fabrizio Romano បានអោយដឹងថាក្លឹប Manchester City រំពឹងថានឹងផ្តល់កុងត្រាថ្មីអោយកីឡាករ James McAtee បន្ទាប់ពីការបង្ហាញទម្រង់លេងដ៏ល្អរបស់គាត់ក្នុងការប្រកួត Pre-Season។

ការពិភាក្សាកំពុងបន្ត ដើម្បីនាំគាត់មកកាន់ក្រុមជម្រើសដំបូង ខណៈលោក Pep Guardiola សប្បាយរីករាយនឹងកីឡាករ James McAtee៕