Alves – OBN Asia

តុលាការ Barcelona រកឃើញថាតារាបាល់ទាត់ប្រេស៊ីល Dani Alves មានទោសពីបទបំពានផ្លូវភេទ

Tico — Fri, 23 Feb 2024 05:04:52 +0000

តារាបាល់ទាត់ប្រេស៊ីល Dani Alves ត្រូវបានគេរកឃើញថាមានពិរុទ្ធពីបទបំពានផ្លូវភេទលើនារីវ័យក្មេងម្នាក់នៅក្លឹបរាត្រីក្នុងទីក្រុង Barcelona ដែលតុលាការអេស្ប៉ាញបានសម្រេចកាលពីថ្ងៃព្រហស្បតិ៍។

ចៅក្រមបីរូបបានកាត់ទោស Alves ឱ្យជាប់គុក ៤ឆ្នាំ ៦ខែ។ Alves ដែលបច្ចុប្បន្នមានវ័យ 40 ឆ្នាំបានបដិសេធថាមិនបានប្រព្រឹត្តខុសណាមួយក្នុងអំឡុងពេលសវនាការដែលបានធ្វើឡើងជាងបីថ្ងៃក្នុងខែនេះ។

តុលាការបានរកឃើញថា Alves បានបំពានផ្លូវភេទលើជនរងគ្រោះនៅព្រឹកព្រលឹមថ្ងៃទី 31 ខែធ្នូ ឆ្នាំ 2022។ នាងបាននិយាយថា Alves បានរំលោភនាងនៅក្នុងបន្ទប់ទឹក។

រដ្ឋអាជ្ញាបានស្វែងរកការកាត់ទោសឱ្យជាប់គុក 9 ឆ្នាំសម្រាប់ Alves ខណៈដែលមេធាវីតំណាងឱ្យជនរងគ្រោះចង់ឱ្យជាប់គុក 12 ឆ្នាំ។ មេធាវីការពារក្តីរបស់គាត់បានស្នើសុំឱ្យមានការដោះលែង ឬប្រសិនបើរកឃើញថាមានទោសជាប់គុកមួយឆ្នាំ បូកនឹងសំណងចំនួន 50,000 អឺរ៉ូ សម្រាប់ជនរងគ្រោះ។

Alves បានជាប់គុកចាប់តាំងពីត្រូវបានឃុំខ្លួនកាលពីថ្ងៃទី 20 ខែមករា ឆ្នាំ 2023។ សំណើសុំនៅក្រៅឃុំរបស់គាត់ត្រូវបានបដិសេធ៕

កីឡាករ 5 នាក់ដែលបានឈ្នះពានរង្វាន់ច្រើនជាងគេ ក្នុងអាជីពរបស់ពួកគេ

Tico — Mon, 01 Aug 2022 07:33:28 +0000

កីឡាបាល់ទាត់ គឺជាកីឡាដែលលេងជាក្រុម ហើយភាពជោគជ័យរបស់កីឡាករ និងក្រុមជាធម្មតាត្រូវបានវាស់ស្ទង់ដោយចំនួនពានរង្វាន់ដែលពួកគេបានឈ្នះ។

ប៉ុន្តែទោះបីជាយ៉ាងនេះក្តី អ្នកគាំទ្របាល់ទាត់នឹងចង់ដឹងចង់ឃើញថា តើកីឡាករណាដែលទទួលបានជោគជ័យបំផុត ឬកីឡាករដែលពានរង្វាន់ច្រើនជាងគេបំផុតក្នុងប្រវត្តិសាស្ត្រកីឡានេះ។

សូមក្រឡេកមកមើលកីឡាករ 5 នាក់ដែលបានឈ្នះពានរង្វាន់ច្រើនជាងគេក្នុងអាជីពរបស់ពួកគេ (គិតត្រឹមខែសីហា ឆ្នាំ 2022)៖
#5 Maxwell – 37 trophies
#4 Hossam Ashour – 39 trophies
#3 Andres Iniesta – 39 trophies
#2 Lionel Messi – 41 trophies
#1 Dani Alves – 43 trophies

Ronaldo ចង់បានមិត្តរួមជាតិ ២នាក់មករួមក្រុម (មានវីដេអូ)

Tico — Mon, 20 Jun 2022 09:03:45 +0000

Ronaldo Nazario គឺជាកីឡាករម្នាក់ក្នុងចំណោមកីឡាករមួយចំនួនដែលបានលេងឱ្យទាំងក្រុម Barcelona និង Real Madrid នៅ La Liga ។ វីរបុរសប្រេស៊ីលពេលរូបនេះកំពុងប្រើប្រាស់ទំនាក់ទំនងរបស់គាត់ជាមួយក្លឹបយក្សអេស្ប៉ាញទាំងពីរ ដើម្បីកែប្រែមុខមាត់របស់ក្រុម Real Valladolid ខណៈដែលពួកគេត្រៀមប្រកួតក្នុងក្របខ័ណ្ឌកំពូលរបស់ប្រទេស។

យោងតាមរបាយការណ៍ដែលចេញផ្សាយដោយ Mundo Deportivo បានឲ្យដឹងថា Ronaldo បានបង្ហាញពីចំណាប់អារម្មណ៍ក្នុងការចុះហត្ថលេខាលើមិត្តរួមជាតិពីរនាក់របស់គាត់គឺ Marcelo និង Dani Alves ។ កីឡាករជើងចាស់ប្រេស៊ីលទាំងពីរបានរីករាយនឹងអាជីពនៅ La Liga ដ៏មានផ្លែផ្កាក្នុងរយៈពេលមួយទសវត្សរ៍កន្លងមកនេះ ហើយអាចបង្កើតភាពជាដៃគូដ៏គ្រោះថ្នាក់ជាមួយក្រុម Real Valladolid។

Ronaldo បានក្លាយជាម្ចាស់ភាគហ៊ុនច្រើនជាងគេរបស់ Real Valladolid ក្នុងឆ្នាំ 2018 ហើយបានដើរតួយ៉ាងសំខាន់ក្នុងការស្តាមុខមាត់របស់ក្លឹបឡើងវិញ។ អតីតតារាឆ្នើមរបស់ក្លឹប Real Madrid បច្ចុប្បន្នកាន់កាប់ភាគហ៊ុន 82 ភាគរយនៃក្លឹប ហើយត្រូវបានបណ្តាក់ទុនយ៉ាងច្រើនក្នុងភាពជោគជ័យរបស់ខ្លួន៕

សុខចិត្តត្រលប់មកជួយក្លឹបពេលជួបការលំបាក!! ចុងក្រោយក្លឹបមិនបន្តកុងត្រាថ្មីអោយ

obnasia — Thu, 16 Jun 2022 05:21:26 +0000

បរទេស៖ នេះបើយោងតាមការចេញផ្សាយរបស់លោក Fabrizio Romano បានអោយដឹងថាក្លឹប Barcelona នឹងមិនបន្តកុងត្រាថ្មីអោយទៅកីឡាករ Dani Alves នោះទេ។

ក្នុងនោះកុងត្រារបស់ Dani Alves នឹងត្រូវបញ្ចប់នៅចុងខែមិថុនានេះ។ ក្លឹបនឹងធ្វើការពិភាក្សាផ្ទៃក្នុង ចំពោះរឿងនេះ ខណៈ Dani Alves អាចនឹងចាកចេញពីក្លឹប Barca នៅរដូវក្តៅនេះ៕

អនាគត Dani Alves នៅមិនទាន់ច្បាស់លាស់នៅក្លឹប Barcelona

obnasia — Wed, 18 May 2022 05:49:15 +0000

បរទេស៖ នេះបើយោងតាមការចេញផ្សាយរបស់លោក Fabrizio Romano បានអោយដឹងថាប្រធានក្លឹប Barca លោក Joan Laporta បានបញ្ជាក់ថា “ពួកយើងនឹងរៀបចំជួបពិភាក្សាជាមួយនឹង Dani Alves អញ្ចឹងយើងនឹងអាចសម្រេចអំពីអនាគតគាត់បាន ខណៈគាត់ចង់លេងពានរង្វាន់បាល់ទាត់ពិភពលោក”។

លោកបន្ថែមថា “ពួកយើងនឹងមានឪកាសក្នុងការបន្តកុងត្រាជាមួយគាត់រយៈពេល ៦ខែទៀត ពួកយើងនឹងចាំមើលរឿងនេះ”៕

Xavi៖ ខ្ញុំទិញកីឡាករមក អាយុមិនមែនជាបញ្ហាចោទនោះទេ

obnasia — Sun, 15 May 2022 03:48:34 +0000

បរទេស៖ នេះបើយោងតាមការចេញផ្សាយរបស់លោក Fabrizio Romano បានអោយដឹងថាលោក Xavi បាននិយាយអំពីកិច្ចព្រមព្រៀងរបស់ Lewandowski ថា “នៅពេលដែលចុះហត្ថលេខា អាយុមិនមែនជាបញ្ហាចោទចំពោះខ្ញុំនោះទេ… ពួកយើងបានចុះកុងត្រាយក Dani Alves នៅពេលគាត់អាយុ ៣៨ឆ្នាំ!”។

លោកបន្ថែមថា “កីឡាករ គឺតែងតែថែទាំសុខភាពពួកគេ ហើយពួកគេមានជំនាញខ្លាំង។ ឧទាហរណ៍៖ Alves, Ibrahimović, Modrić, Cristiano ឫ Messi”៕

Alves និយាយអំពីកិច្ចសន្យាខ្លួនដែលនឹងផុតកំណត់នៅខែមិថុនា ខាងមុខ

obnasia — Sat, 09 Apr 2022 08:27:54 +0000

បរទេស៖ នេះបើយោងតាមការចេញផ្សាយរបស់លោក Fabrizio Romano នៅថ្ងៃទី៩ ខែមេសា ឆ្នាំ២០២២ បានអោយដឹងថា Dani Alves បានប្រាប់ Mundo អំពីកិច្ចសន្យាបច្ចុប្បន្នរបស់គាត់ដែលនឹងផុតកំណត់ក្នុងខែមិថុនានេះថា “គ្មាននរណាម្នាក់មកពីក្លឹបប្រាប់ខ្ញុំអំពីអនាគតរបស់ខ្ញុំទេ វាមិនទាន់មានការពិភាក្សានៅឡើយទេ” ។

Dani បន្ថែមថា “មិនត្រឹមតែក្មេងៗប៉ុណ្ណោះទេ ប៉ុន្តែក៏ជាកីឡាករចាស់ដែរឥឡូវនេះត្រូវតែបង្ហាញថាពួកគេស័ក្តិសមនឹងលេងក្នុងក្រុម Barça នេះ”៕

Barcelona ប្រជែងជាមួយ Liverpool និង Bayern Munich ចង់បានខ្សែប្រយុទ្ធម្នាក់របស់ Ajax

Tico — Thu, 24 Mar 2022 05:17:20 +0000

យោងតាមគេហទំព័រ uol.com បានអះអាងថា ខ្សែការពារជើងចាស់ Dani Alves បានណែនាំខ្សែបម្រើស្លាបម្នាក់របស់ក្រុម Ajax ឲ្យមកចូលរួមក្រុម Camp Nou ហើយពួកគេប្រហែលជាចង់ទាក់ទាញកីឡាករដែលមានតម្លៃ ៤០លានអឺរ៉ូទៅកាន់ទឹកដីកាតាឡាន់។

Barcelona អាចនឹងធ្វើការផ្លាស់ប្តូរកីឡាករ Antony របស់ Ajax បន្ទាប់ពី Dani Alves បានផ្តល់យោបល់ទៅកាន់ក្លឹប ឱ្យតាមប្រមាញ់មិត្តរួមជាតិរបស់គាត់។

ប៉ុន្តែពួកគេនឹងប្រឈមមុខនឹងការប្រជែងពីក្រុម Liverpool និង Bayern Munich ដែលត្រូវបានគេនិយាយថា មានឆន្ទៈក្នុងការផ្គូផ្គងតម្លៃដែលស្នើសុំរបស់ Ajax៕

Vinicius Jr ទទួលបានការស្ងើចសរសើយ៉ាងខ្លាំង ក្រោយពីបានធ្វើរឿងនេះ…!

Tico — Mon, 10 Jan 2022 08:06:10 +0000

នៅការប្រកួតដែល Real Madrid បានយកឈ្នះ ៤-១ ទៅលើ Valencia សម្រាប់ខ្សែប្រយុទ្ធវ័យក្មេង Vinicius Jr ក្រៅពីត្រូវបានអ្នកគាំទ្រស្ងើចសរសើរ ជុំវិញការរកបាន ២ គ្រាប់ទៀតសោត អាកប្បកិរិយារបស់គេកំឡុងការប្រកួត ក៏កំពុងផ្ទុះការចាប់អារម្មណ៍ផងដែរ។

នោះគឺនៅកំឡុងនាទី ៨០ ពេលកីឡាករវ័យក្មេង សញ្ជាតិប្រេស៊ីលរូបនេះ រត់សំដៅទៅយកបាល់ ដែលរំកិលចេញក្រៅទីលាន ក៏ជ្រុលល្បឿនទៅមុខ ដល់តំបន់ដែលគេដាក់បង្ហាញ Logo នៃក្លឹប Real Madrid លើវាលស្មៅ។ ភ្លាមនោះ Vinicius ពុំបានរត់ទៅជាន់ពីលើទេ ផ្ទុយទៅវិញបានព្យាយាមលោតឲ្យផុត ហើយប្រញាប់ងាកមកក្រោយភ្លាមៗ ដើម្បីធានាថាជើងរបស់ខ្លួន ពុំបានជាន់លើនិមិត្តសញ្ញានៃក្លឹបអធិរាជស។

ក្រោយឃើញសកម្មភាពនេះ អ្នកគាំទ្រជាច្រើនបានកោតសរសើរ ដល់យុវជនវ័យ ២១ ឆ្នាំដែលល្អទាំងគុណភាព ចាស់ទុំទាំងគំនិត សក្ដិសមជាកីឡាករគំរូ ដែលទាំងសិស្សច្បង ឬសិស្សប្អូនគួរតែយកគំរូតាម។

យ៉ាងណាមិញ កន្លងទៅក៏មានរឿងរ៉ាវស្រដៀងគ្នានេះដែរ កើតចេញពី Dani Alves ខ្សែការពារស្លាបវ័យ ៣៨ ឆ្នាំនៅក្លឹប Barcelona ដែលផ្ទុះការស្ងើចសរសើរដូចគ្នា៕

កីឡាករពីរនាក់របស់ Barca ឆ្លងកូវីដ-១៩

Tico — Tue, 28 Dec 2021 06:01:08 +0000

ខ្សែការពារ Clement Lenglet និង Dani Alves បានធ្វើតេស្តវិជ្ជមានវីរុសកូវីដ-១៩ បន្ទាប់ពីក្រុមកីឡាករ Barcelona ទាំងអស់បានវិលត្រឡប់មកហ្វឹកហាត់វិញ ក្រោយឈប់សម្រាកថ្ងៃបុណ្យគ្រឹស្តម៉ាស។

ដូច្នេះទាំង Lenglet និង Alves នឹងពុំបានចូលលេងក្នុងការប្រកួតតទល់នឹងក្លិប Real Mallorca ដែលធ្វើឡើងនៅថ្ងៃទី ៣ខែមករា ឆ្នាំ២០២២ ខាងមុខនេះឡើយ។

យោងតាមសារព័ត៌មាន Marca បានបង្ហើបថា កីឡាករទាំងពីររូបនេះ មានសុខភាពល្អជាធម្មតា និងកំពុងត្រូវស្នាក់នៅដាច់ដោយឡែកតាមផ្ទះរៀងៗខ្លួន។

គួរបញ្ជាក់ថា Dani Alves ទើបតែចូលលេងឲ្យ Barcelona បាន១ប្រកួតប៉ុណ្ណោះ គឺទល់នឹង Boca Junoors ដែលជាការប្រកួតមិត្តភាព៕

Alves – OBN Asia

តុលាការ Barcelona រក​ឃើញ​ថា​តារាបាល់ទាត់​ប្រេ​ស៊ី​ល Dani Alves មានទោស​ពី​បទ​បំពាន​ផ្លូវភេទ

កីឡាករ 5 នាក់​ដែល​បាន​ឈ្នះ​ពានរង្វាន់​ច្រើន​ជាងគេ ក្នុង​អាជីព​របស់​ពួក​គេ

Ronaldo ចង់បាន​មិត្ត​រួម​ជាតិ ២​នាក់​មក​រួម​ក្រុម (​មាន​វី​ដេ​អូ​)

សុខចិត្ត​ត្រលប់​មក​ជួយ​ក្លឹ​ប​ពេល​ជួប​ការ​លំបាក​!! ចុង​ក្រោយ​ក្លឹ​ប​មិន​បន្ត​កុងត្រា​ថ្មី​អោយ

អនាគត Dani Alves នៅ​មិន​ទាន់​ច្បាស់លាស់​នៅ​ក្លឹ​ប Barcelona

Xavi៖ ខ្ញុំ​ទិញ​កីឡាករ​មក អាយុ​មិនមែន​ជា​បញ្ហា​ចោទ​នោះ​ទេ

Alves និយាយ​អំពី​កិច្ចសន្យា​ខ្លួន​ដែល​នឹង​ផុតកំណត់​នៅ​ខែមិថុនា ខាង​មុខ

Barcelona ប្រជែង​ជាមួយ Liverpool និង Bayern Munich ចង់បាន​ខ្សែប្រយុទ្ធ​ម្នាក់​របស់ Ajax

Vinicius Jr ទទួល​បានការ​ស្ងើចសរសើ​យ៉ាង​ខ្លាំង ក្រោយ​ពី​បាន​ធ្វើ​រឿង​នេះ​…!

កីឡាករ​ពីរ​នាក់​របស់ Barca ឆ្លង​កូ​វី​ដ​-១៩