រញ្ជួយដីកម្រិត ៥.៥វិចទ័រ បានវាយប្រហារឆ្នេរសមុទ្រភាគខាងជើង ប្រទេសឥណ្ឌូណេស៊ី

obnasia — Fri, 10 Feb 2023 03:55:26 +0000

បរទេស៖ គ្រោះរញ្ជួយដីមួយមានកម្រិត ៥,៥រ៉ិចទ័របានវាយប្រហារឆ្នេរសមុទ្រភាគខាងជើងនៃខេត្តប៉ាពួនៃប្រទេសឥណ្ឌូណេស៊ីកាលពីថ្ងៃទី៩ ខែកុម្ភៈ។

យោងតាមមជ្ឈមណ្ឌលរញ្ជួយដីអឺរ៉ុប-មេឌីទែរ៉ាណេ (EMSC) បានឱ្យដឹងថា ចំណុចកណ្តាលនៃគ្រោះរញ្ជួយដីនេះមានជម្រៅ ១០គីឡូម៉ែត្រ។

ទន្ទឹមនឹងនេះដែរ ទីភ្នាក់ងារឧតុនិយម អាកាសធាតុ និងភូគព្ភសាស្ត្ររបស់ប្រទេសឥណ្ឌូណេស៊ីបានប៉ាន់ប្រមាណថា គ្រោះរញ្ជួយដីកម្រិត ៥,៤រ៉ិចទ័រមួយបានវាយប្រហារនៅវេលាម៉ោងប្រហែល ១:២៨នាទីរសៀល (ម៉ោងក្នុងតំបន់) ដោយចំណុចកណ្តាលនៃគ្រោះរញ្ជួយដីនេះនៅជម្រៅ ១០គីឡូម៉ែត្រ ស្ថិតនៅចម្ងាយ ១គីឡូម៉ែត្រពីភាគនិរតីនៃទីក្រុងចាយ៉ាពូរ៉ាដែលជារដ្ឋធានីនៃខេត្តប៉ាពួ។ គ្រោះរញ្ជួយដីនេះមិនបានបង្កឱ្យមានការព្រមានអំពីរលកយក្សស៊ូណាមិទេ៕

ប្រភព៖ ក្រសួងព័ត៌មាន

ថែរក្សាសុខភាព! ប៉ុន្មានថ្ងៃនេះ មានភ្លៀងជាប់រហូតហើយ

obnasia — Sun, 19 Sep 2021 04:21:50 +0000

ភ្នំពេញ៖ នេះបើយោងតាមការចេញផ្សាយរបស់ក្រសួងធនធានទឹក និងឧតុនិយម នៅថ្ងៃទី១៨ ខែកញ្ញា ឆ្នាំ២០២១ បានអោយដឹងថា ចាប់ពីថ្ងៃទី២០ ដល់ថ្ងៃទី២៣ ខែកញ្ញា ឆ្នាំ២០២១ អាកាសធាតុមានការប្រែប្រួលខ្លាំង ដោយប្រពន្ធសម្ពាធទាបចាប់កើតសារជាថ្មី ភ្ជាប់ជាមួយនឹងសម្ពាធទាបសកម្ម ដែលបច្ចុប្បន្ននៅក្នុងសមុទ្រចិនខាងត្បូង និងអូសកាត់បញ្ឆិតព្រះរាជាណាចក្រកម្ពុជាផ្នែខាងជើង ដែលអាចនឹងធ្វើអោយមានភ្លៀងធ្លាក់ក្នុងកម្រិតពីមធ្យមទៅខ្លាំង។

ទន្ទឹមនឹងនេះ នៅថ្ងៃទី២៤ ខែកញ្ញា ឆ្នាំ២០២១ នឹងអាចមានវិសម្ពាធមួយកើតឡើងនៅសមុទ្រចិនខាងត្បូង នឹងអាចបង្កើតឥទ្ធិពលរបស់ខ្លួនទៅជាកូនព្យុះទី១៥ នៅថ្ងៃទី២៥ ខែកញ្ញា ឆ្នាំ២០២១ ដោយធ្វើដំណើរឆ្ពោះមកប្រទេសវៀតណាម ដែលនឹងអាចមានឥទ្ធិពលគួរអោយកត់សំគាល់ នៅតំបន់ភាគឦសានរបស់កម្ពុជា៕

អាកាសធាតុ – OBN Asia

រញ្ជួយដីកម្រិត ៥.៥វិចទ័រ បានវាយប្រហារឆ្នេរសមុទ្រភាគខាងជើង ប្រទេសឥណ្ឌូណេស៊ី

ថែរក្សា​សុខភាព​! ប៉ុន្មាន​ថ្ងៃនេះ មាន​ភ្លៀង​ជាប់​រហូត​ហើយ

ថែរក្សាសុខភាព! ប៉ុន្មានថ្ងៃនេះ មានភ្លៀងជាប់រហូតហើយ