សៀមរាប – OBN Asia

ប្រើល្បិចស្រីស្អាត ឆាតហៅជនរងគ្រោះមកជួប!! ដើម្បីធ្វើរឿងមួយនេះ

obnasia — Tue, 14 Feb 2023 06:16:50 +0000

សៀមរាប៖ ដោយអនុវត្តន៍តាមបទបញ្ជារបស់ លោកឧត្តមសេនីយ៍ទោ តេង ច័ន្ទណាត ស្នងការនគរបាលខេត្ត និងក្រោមការដឹកនាំរបស់លោកឧត្តមសេនីយ៍ត្រី ភឹង ចិន្តារ៉េត ស្នងការរង ទទួលផែននគរបាលព្រហ្មទណ្ឌ លោកឧត្តមសេនីយ៍ត្រី ណុប សារ៉ាក់ ស្នងការរងទទួលដឹកនាំការិយាល័យនគរបាលព្រហ្មទណ្ឌកម្រិតធ្ងន់ និងដោយមានការសម្របសម្រួលនីតិវិធី ពីឯកឧត្តម មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្ត សៀមរាប នៅថ្ងៃទី០៨ ខែកុម្ភះ ឆ្នាំ ២០២៣ លោកវរសេនីយ៍ឯក សុខ ម៉េងអ៊ាង នាយការិយាល័យនគរបាលព្រហ្មទណ្ឌកម្រិតធ្ងន់ បានដឹកនាំកម្លាំងធ្វើការឃាត់ខ្លួនជនសង្ស័យ ចំនួន ០៤នាក់ ១.ឈ្មោះ ធី សុខា ភេទស្រី អាយុ ២៣ឆ្នាំ បុគ្គលិកការ៉ាសាំង ២.ឈ្មោះ ផន ឆានុន ភេទប្រុស អាយុ ២២ឆ្នាំ បុគ្គលិកការ៉ាសាំង ៣. ឈ្មោះ ជឿន សាវេត ភេទប្រុស អាយុ ២០ឆ្នាំ បុគ្គលិកការ៉ាសាំង ៤.ឈ្មោះ មុយ វីរៈ ភេទប្រុស អាយុ ២០ឆ្នាំ បុគ្គលិកការ៉ាសាំង អ្នកទាំង០៤ ស្នាក់នៅបច្ចុប្បន្នភូមិវត្តបូព៌ សង្កាត់សាលាកំរើក ក្រុង.ខេត្តសៀមរាប ពាក់ព័ន្ធករណី: ប៉ុនប៉ងឃាតកម្ម និងរក្សាទុក ប្រើប្រាស់ដោយខុសច្បាប់នូវសារធាត់ញៀន កាលពីវេលាម៉ោង ២២ និង៣០នាទី ថ្ងៃទី០៧ ខែមករា ឆ្នាំ ២០២៣ លើផ្លូវកៅស៊ូមុខការ៉ាសសាំងយីហោLXR វត្តបូព៌ ស្ថិតភូមិវត្តបូព៌ សង្កាត់សាលាកំរើក ក្រុង.ខេត្តសៀមរាប ។

អង្គហេតុ៖ នៅល្ងាចថ្ងៃទី០៧ ខែកុម្ភះ ឆ្នាំ២០២៣ វេលាម៉ោង ១៧និង០០នាទី ឈ្មោះ ផន ឆានុន ភេទប្រុស អាយុ ២២ឆ្នាំ ចាំបានថាឈ្មោះ ធី សុខា ភេទស្រី អាយុ ២៣ឆ្នាំ ជាសង្សារបស់ខ្លួនមានទំនាក់ទំងស្នេហាតាមរយៈហ្វេសប៊ុកជាមួយជនរងគ្រោះ ឈ្មោះ ចិត សារ ភេទប្រុស អាយុ ២២ឆ្នាំ រស់នៅភូមិតាភុល សង្កាត់ស្វាយដង្គំ ហើយឈ្មោះ ផន ឆានុន បានឲ្យសង្សារបស់ខ្លួនឈ្មោះ ធី សុខា ឆាតណាត់ឈ្មោះ ចិត សារ មកទទួលដើម្បីចេញទៅហូបអីជុំគ្នានៅចំណុចបឹងកាឡូ ដោយរូបគេ បានត្រៀមកាំបិតតាំងតោ និងខ្សែក្រវ៉ាត់ ជាស្រេច លុះដល់វេលាម៉ោង ២២និង៣០នាទី ថ្ងៃ.ខែ.ឆ្នាំដដែល ស្រាប់តែឃើញជនរងគ្រោះបើកម៉ូតូម៉ាកទ្រីមពណ៌ខ្មៅ ជិះមកតែម្នាក់ឯង មកមុខការ៉ាសសាំង យីហោ LXR វត្តបូព៌ (ជាកន្លែងធ្វើការរបស់ជនសង្ស័យ) ហើយឈ្មោះ ធី សុខា បានចេញមកជួបជន រងគ្រោះ ភ្លាមនោះជនសង្ស័យឈ្មោះ ផន ឆានុន និងបក្ខពួក ប្រដាប់ដោយកាំបិត តាំងតោ និងខ្សែក្រាវ៉ាត បានដេញកាប់ជនរងគ្រោះ តែជនរងគ្រោះឃើញទាន់ក៏ផ្តួលម៉ូតូរត់តែម្តង ។

ក្រោយពេលកើត ហេតុ កម្លាំងការិយាល័យនគរបាលព្រហ្មទណ្ឌកម្រិតធ្ងន់ សហការណ៍ជាមួយកម្លាំងអន្តរាគមន៍ ធ្វើការឃាត់ខ្លួនជនសង្ស័យទាំង ០៤នាក់ខាងលើ យកមកធ្វើការសាកសួរ នៅចំពោះមុខសម្ថកិច្ច ជនសង្ស័យទង ០៤នាក់ខាងលើ បានឆ្លើយសារភាពថា ពួកខ្លួន ពិតជាបានធ្វើសកម្មភាព ករណីខាងលើនេះ ពិតប្រាកដមែន ។

វត្ថតាងដែលសមត្ថកិច្ចធ្វើការដកហូតបានរួមមាន៖ កាំបិតតាំងតោចំនួន ២ដើម, ដំបងដែកទីប ចំនួន ១ដើម, ខ្សែក្រវ៉ាត់ចំនួន១ រួមជាមួយនូវឧបករណ៍ប្រើប្រាស់គ្រឿងញៀនមានដូចជា ដែកកេះ, បំពង់បឺត ដបទឹកសុទ្ធ និងថ្នាំញៀនមួយកញ្ចប់តូច និងទូរស័ព្ទដៃម៉ាក OPPO ផ្ទុកស៊ីមកាតលេខៈ ០៣១៤៩៧២៤៦៤ (ប្រើសម្រាប់ឆាតណាត់ជនរងគ្រោះ) ។ ជនសង្ស័យទាំង ០៤នាក់ខាងលើ ត្រូវបានកម្លាំងជំនាញ កសាងសំណុំរឿង បញ្ជូនទៅតុលាការ ចាត់ការទៅតាមផ្លូវច្បាប់៕

ប្រភព៖ ការិយាល័យនគរបាលព្រហ្មទណ្ឌកំរិតធ្ងន់ នៃស្នងការដ្ឋាននគរបាលខេត្តសៀមរាប

អាយុទើបតែ ១៧-១៨ឆ្នាំ!! ប៉ុន្តែនាំគ្នាប្រកបរបរនេះទៅហើយ

obnasia — Thu, 26 Jan 2023 02:41:52 +0000

កំពង់ធំ ៖ ក្រោមការដឹកនាំបញ្ជាផ្ទាល់ ពីលោកឧត្តមសេនីយ៍ទោ ម៉ែន លី ស្នងការនគរបាលខេត្តកំពង់ធំ លោកវរសេនីយ៍ឯកសន តាល់ អធិការនគរបាលស្រុកតាំងគោក ដឹកនាំកម្លាំងជំនាញ សហការជាមួយកម្លាំងប៉ុស្តិ៍នគរបាលរដ្ឋបាល បានអនុវត្តវិធានការជំនាញ នៅភូមិ គិរីអណ្តែត ឃុំ ទ្រៀល ស្រុក តាំងគោក ខេត្តកំពង់ធំ នាថ្ងៃអង្គារ ៣កើត ខែមាឃ ឆ្នាំខាល ចត្វាស័ក ពុទ្ធសករាជ២៥៦៦ ត្រូវនឹងថ្ងៃទី ២៤ ខែ មករា ឆ្នាំ២០២៣។

ជាលទ្ធផល នៃកិច្ចប្រតិបត្តិការសមត្ថកិច្ច ឃាត់ខ្លួនបានជនសង្ស័យចំនួន ០២ នាក់ ជិះម៉ូតូ ០២ គ្រឿង ពាក់ព័ន្ធករណីចោរកម្ម ÷

១/ឈ្មោះ រួន ចាន់នីរ៉ូ ភេទប្រុស អាយុ ១៨ ឆ្នាំ រស់នៅភូមិ មណ្ឌលបី សង្កាត់ ស្លក្រាម ខេត្ត សៀមរាប។

២/ឈ្មោះ ម៉ៅ សេងហៀង ភេទ ប្រុស អាយុ ១៧ ឆ្នាំ រស់នៅភូមិ អូតាកុក ឃុំ កំទួត ស្រុក ស្វាយលើ ខេត្ត សៀមរាប ។

ដកហូតវត្ថុតាង ម៉ូតូ ០២ គ្រឿង ÷

1-Honda dream C125 ពណ៌ ខ្មៅ សេរី 2022 ផ្លាកលេខសៀមរាប 1AQ-1602 លេខតួ និងលេខម៉ាស៊ីន6355033 ។

2-Honda dream C125 ពណ៌ខ្មៅ សេរី 2022 ផ្លាកលេខ សៀមរាប 1AM-0302 លេខតួ និងលេខម៉ាស៊ីន 6171842 ។

ករណីខាងលើនេះ កម្លាំងនគរបាលស្រុកតាំគោក បញ្ជូនជនសង្ស័យ រួមទាំងវត្ថុតាង ទៅសមត្ថកិច្ចជំនាញ ដើម្បីចាត់ការតាមនីតិវិធី៕

ប្រភព៖ នាយកដ្ឋានផ្សព្វផ្សាយអប់រំ

ខេត្តចំនួន ៥នេះ អាចចុះត្រជាក់រហូតដល់ទៅសីតុណ្ហភាព ១៥°C

obnasia — Fri, 16 Dec 2022 05:25:12 +0000

ភ្នំពេញ៖ ក្រសួងធនធានទឹក និងឧតុនិយម ចេញសេចក្តីជូនដំណឹងស្តីពីស្ថានភាពអាកាសធាតុចាប់ពីថ្ងៃទី១៨-២០ ខែធ្នូ ឆ្នាំ២០២២។

ស្ថានភាពអាកាសធាតុជាបន្តនៅតែសង្កេតឃើញថា ទ្រនុងសម្ពាធខ្ពស់ពីចិនបានធ្លាក់យ៉ាងគំហុគមកក្រោមជាមួយនឹងខ្យល់មូសុងបក់ក្នុង ល្បឿនខ្លាំង ។
ស្ថានភាពបែបនេះនឹងធ្វើឲ្យ ៖
ចាប់ពីថ្ងៃទី១៨-២០ ខែធ្នូ ធាតុអាកាសអាចចុះត្រជាក់ខ្លាំង ជាពិសេសនៅបណ្តាខេត្តនៅតំបន់ភ្នំ និងជាប់ជួរភ្នំដងរែកនិងខ្ពង់រាបភាគឦសាន។
– ខេត្តមណ្ឌលគិរី រតនគិរី ព្រះវិហារ ឧត្តរមានជ័យ និងខេត្តប៉ៃលិន សីតុណ្ហភាពអប្បបរមាអាចនឹងធ្លាក់ចុះក្នុងរង្វង់ពី១៥-១៦°C ។
– ខេត្តបន្ទាយមានជ័យ បាត់ដំបង សៀមរាប និងខេត្តស្ទឹងត្រែង សីតុណ្ហភាពអប្បបរមាអាចនឹងធ្លាក់ចុះក្នុងរង្វង់ពី១៧-១៨°C ។
– ចំពោះរាជធានី និងបណ្តាខេត្តដទៃទៀត សីតុណ្ហភាពអប្បបរមាស្ថិតក្នុងរង្វង់២០°C។

នៅក្នុងអំឡុងពេលនោះដែរ សង្កេតឃើញសីតុណ្ហភាពអតិបរមានៅវេលាថ្ងៃមានពី ២៦-២៩អង្សារសេ។ បន្ទាប់ពីថ្ងៃទី២១ ខែធ្នូ សីតុណ្ហភាពអាច កើនឡើងពី២-៣°C វិញ។
អាស្រស័យដូចបានជម្រាបជូនខាងលើ សូមសាធារណជនទទួលជ្រាបជាព័ត៌មាន។ យោងតាមការផ្សាយរបស់ក្រសួងធនធានទឹក និងឧតុនិយម ថ្ងៃទី១៦ ខែធ្នូ ឆ្នាំ២០២២ ៕

សាហាវណាស់!! ជិះកង់ទៅរំលោភដល់ផ្ទះ ហើយសម្លាប់ប្លន់ទ្រព្យទៀត

obnasia — Sun, 16 Oct 2022 02:45:23 +0000

សៀមរាប៖ កាលពីនៅថ្ងៃទី១៥ ខែតុលា ឆ្នាំ២០២២ ការិយាល័យនគរបាលព្រហ្ម ទណ្ឌកម្រិតធ្ងន់ខេត្តសៀមរាប បានឃាត់ខ្លួនជនសង្ស័យម្នាក់ ឈ្មោះ យ៉ា ឆានី ភេទប្រុស អាយុ១៨ ឆ្នាំ មុខរបរកម្មករសំណង់ បច្ចុប្បន្នស្នាក់នៅកន្លែងធ្វើការសំណង់ស្ថិតក្នុងភូមិបឹង សង្កាត់ក្របីរៀល ខេត្តសៀមរាប ពាក់ព័ន្ធករណី:ឃាតកម្ម ដោយមានទារុណកម្ម អំពើឃោឃៅ រំលោភសេពសន្ថវ: និង អំពើលួចមានស្ថានទម្ងន់ទោសដោយប្រើអំពើហិង្សា កាលពីវេលាម៉ោង ២១:៣០នាទី ថ្ងៃទី១២ ខែតុលា ឆ្នាំ ២០២២ ត្រង់ចំណុចបន្ទប់ជួលក្រុមទី៦ ភូមិស្វាយ ឃុំខ្នាត ស្រុកពួក ខេត្តសៀមរាប ។

ការឃាត់ខ្លួនជនសង្ស័យខាងលើនេះ គឺអនុវត្តតាមយោបល់ដឹកនាំរបស់ លោកឧត្តមសេនីយ៍ត្រី តេង ច័ន្ទណាត ស្នងការនគរ បាលខេត្ត រួមនឹងយោបល់ដឹកនាំរបស់ លោកឧត្តមសេនីយ៍ត្រី ភឹង ចិន្តារ៉េត ស្នងការរងទទួលផែនការងារនគរបាលព្រហ្មទណ្ឌ លោកវរសេនីយ៍ឯក ណុប សារ៉ាក់ ស្នងការរងទទួលដឹកនាំការិ យាល័យនគរបាលព្រហ្មទណ្ឌកម្រិតធ្ងន់ និងដោយមានការ សម្របសម្រួលនៅតិវិធី ពីឯកឧត្តម មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្តសៀមរាប ផងដែរ ។

គួរបញ្ជាក់ថានៅវេលាម៉ោង ៨:២០នាទីព្រឹក ថ្ងៃទី១៥ ខែតុលា ឆ្នាំ២០២២ សមត្ថកិច្ចយើងទទួលសេចក្ដីរាយការណ៍ពីក្រុមគ្រួសារជនរងគ្រោះថាជនរងគ្រោះ ឈ្មោះ រឿ សារី ភេទស្រី អាយុ ៣៨ឆ្នាំ ស្រុកកំណើតភូមិចន្លោង ឃុំស្រង៉ែ ស្រុកសៀមរាប ខេត្តសៀមរាប បានស្លាប់នៅក្នុងផ្ទះជួលកន្លែងកើតហេតុខាងលើ។ ក្រោយទទួលបានព័ត៌មាន កម្លាំងការិយាល័យនគរបាលព្រហ្មទណ្ឌកម្រិតធ្ងន់ ដឹកនាំដោយលោក វរសេនីយ៍ទោ សុខ ម៉េងអ៊ាង សហការណ៍ជាមួយកម្លាំងការិយាល័យនគរបាលបច្ចេកទេស វិទ្យាសាស្រ្ត, កម្លាំងអធិការដ្ឋាននគរបាលស្រុកពួក, កម្លាំងប៉ុស្ត៍នគរបាលដ្ឋបាលក្របីរៀល និងគ្រូពេទ្យជំនាញ ចុះដល់កន្លែងកើតហេតុ ធ្វើការពិនិត្យសាកសព និងកន្លែងកើតហេតុ កំណត់បានថា ការស្លាប់របស់ជនរងគ្រោះខាងលើគឺមានជាប់ពាក់ព័ន្ធនិងបទល្មើសព្រហ្មទណ្ឌ សមត្ថកិច្ចយើងបានបន្តស្រាវជ្រាវស៊ើប អង្កេត រហូតកំណត់បានមុខសញ្ញាជាជនសង្ស័យខាងលើ និងនាំខ្លួនយកធ្វើការសាកសួរតែម្តង។

នៅចំពោះមុខសមត្ថកិច្ច ជនសង្ស័យបានឆ្លើយសារភាពថា រូបគេជាជនដៃដល់តែម្នាក់ដែលធ្វើសកម្មភាពរំលោភសេពសន្ថវ: និងសម្លាប់ទៅលើជនរងគ្រោះយកទ្រព្យសម្បត្តិ ។ ជាក់ស្តែងកាល ពីល្ងាចថ្ងៃទី១០ និងថ្ងៃទី១១ ខែតុលា ឆ្នាំ២០២២ រូបគេបានជិះកង់ឆ្វែលមើលជនរងគ្រោះ នៅចំណុចទីតាំងកន្លែងកើតហេតុខាងលើ លុះដល់ល្ងាចថ្ងៃទី១២ ខែតុលា ឆ្នាំ២០២២ វេលាម៉ោង ២០ និង០០នាទី រូបគេបានជិះកង់ចេញពីការដ្ឋានសំណង់ស្ថិតភូមិបឹង សង្កាត់ក្របីរៀល ក្រុង.ខេត្តសៀមរាប ទៅទិញមីឆានិងប្រហិតចៀន នៅចំណុចផ្សារក្របីរៀល រួចជិះកង់សំដៅទៅផ្ទះជនរងគ្រោះ ពេលទៅដល់ខ្លួនឃើញជនរងគ្រោះអង្គុយនៅមុខផ្ទះម្នាក់ឯង ចំណែកទ្វាផ្ទះគឺបើកចំហរ ពេលនោះរូបគេបានកាន់មីឆានិងប្រហិតចៀន ចូលអង្គុយហូបនៅក្នុងផ្ទះជនរងគ្រោះ តែជនរងគ្រោះមិនបានចូលរួមហូបជាមួយទេ ហើយក៏មិនបាននិយាយអ្វីមកកាន់រូបខ្លួនផងដែរ។ នៅវេលាម៉ោង ២១និង៣០នាទី ពេលរូបគេហូបមីឆា និងប្រហិតចៀនអស់ ស្រាប់តែជនរងគ្រោះដើរចូលទៅបន្ទប់ទឹកក្នុងផ្ទះ ដោយមានចំណង់រួមភេទ និងស្របពេលដែល យប់ស្ងាត់ ហើយជនរងគ្រោះនៅផ្ទះតែម្នាក់ឯង ខ្លួនបានដើរទៅយកខ្សែរភ្លើង មានប្រវែងប្រហែល ១៥០សង់ទីម៉ែត្រ នៅលើតុក្បែគ្រែដេករបស់ជនរងគ្រោះ មកបត់ជាពីរហើយស្ទុះចូលតាមជនរងគ្រោះទៅក្នុងបន្ទប់ទឹក ដែលកំពុងឈរបែខ្នងមកទ្វារ ដោយប្រើដៃទាំងពីររិតកជនរងគ្រោះនិងខ្សែរភ្លើងរហូតដល់សន្លប់ ហើយខ្លួនបានដើរទៅបិទទ្វារផ្ទះ(ទ្វាររូត)កុំឲ្យអ្នកដ៏ទៃមើលឃើបន្ទាប់ពីបិទទ្វារមុខរួច រូបគេយកដៃទាំងពីរ សូកចូលក្រោមក្លៀកជនរងគ្រោះទាំងសងខាង ចាប់អូសរូបនាងទៅដាក់លើគ្រែ ក្បាលបែទៅទិសខាងលិច ជើងទៅទិសខាងកើត ហើយចាប់ស្រាតខោអាវជនរងគ្រោះ ហើយស្រាតខោខ្លួនឯងត្រឹមជង្គង់ ធ្វើសកម្មភាព រំលោភសេពសន្ថវះ ប្រហែល ២ ទៅ ៣នាទី ទើបចេញទឹកកាមដាក់ចូលក្នុងប្រដាប់ភេទជនរគ្រោះ។ ដោយឃើញថាជនរងគ្រោះនៅមានដង្ហើម និងដៃជើងនៅតែអាចកំរើកបាន ហើយភ័យខ្លាច បែកការ ទើបរូបគេបានប្រើជើងខាងស្តាំជាន់ និងកន្រ្តំ ទៅលើកជនរងគ្រោះខ្លាំងៗជាច្រើនជើង បណ្តាលឲ្យបាក់គ្រែទើបជនរងគ្រោះដាច់ខ្យល់ស្លាប់ ប៉ុន្តែមិនបានដឹងថាជនរងគ្រោះបាក់កនោះទេ។ បន្ទាប់ពីសម្លាប់ជនរងគ្រោះហើយខ្លួនបានយកមានទូរស័ព្ទដៃមួយគ្រឿងម៉ាក OPPO ពណ៌ក្រហម ផ្ទុកស៊ីមកាតលេខៈ ០៧៨ ៧៤០ ៤៣៧ និងបន្តទៅរើកកាយមើលក្នុងទូរ ឃើញកាបូបដៃមួយ ពណ៌ប្រផះ មានប្រាក់ ចំនួន ២ម៉ឺនរៀល និងបានយកម៉ូតូជនរងគ្រោះម៉ាកទ្រីមសង ពណ៌ខ្មៅ សេរីឆ្នាំ២០១៧ ពាក់ស្លាកលេខៈ សៀមរាប 1Z:2423 បើកចេញដោយដៃម្ខាង និងដៃម្ខាងទៀតបណ្តើកង់ ដោយបើកហួសផ្លូវបត់ចូលទៅការដ្ឋានសំណង់ដែលខ្លួនស្នាក់នៅបណ្តោះអាសន្ន ប្រហែល ៥០ម៉ែត្រ ក៏សម្រេចចិត្តទុកម៉ូតូនោះចោលនៅចំណុចខ្ទមមួយក្បែផ្លូវកៅស៊ូ ព្រោះមិនដឹងយកទៅលក់នៅទីណា ម្យ៉ាងទៀតខ្លាចបែករឿង។ បន្ទាប់ពីទុកម៉ូតូផ្លុងចោលហើយរូបគេបានជិះកង់ទៅដេកនៅការដ្ឋានធ្វើសំណង់ស្ថិតនៅភូមិបឹង សង្កាត់ ក្របីរៀល ក្រុងសៀមរាប ខេត្តសៀមរាប ដោយយកទូរស័ព្ទជនរងគ្រោះទៅប្រើប្រាស់ផងដែរ លុះដល់វេម៉ោង១១និង៣០នាទីថ្ងៃទី១៥ ខែតុលា ឆ្នាំ ២០២២ ក៏ត្រូវ បានសមត្ថកិច្ចឃាត់ខ្លួនតែម្តង ។

វត្ថុតាងដកហូតបាន: ទូរស័ព្ទ ជនរងគ្រោះ ចំនួន ០១ ម៉ូតូជនរង គ្រោះ ០១គ្រឿង និង កង់របស់ជនសង្ស័យ ចំនួន ០១ ។ បច្ចុប្បន្ន ជនសង្ស័យ ត្រូវបានកម្លាំងជំនាញ កសាងសំណុំ រឿងបញ្ជូនទៅតុលាការ ដើម្បីចាត់ការតាមផ្លូវច្បាប់៕

ស្លាប់អ្នកបើកម៉ូតូម្នាក់ក្រោមកង់រថយន្ត ព្រោះតែកត្តាមួយនេះ

obnasia — Wed, 05 Oct 2022 02:51:52 +0000

សៀមរាប ៖ នៅថ្ងៃទី០៤ ខែតុលា ឆ្នាំ២០២២ វេលាម៉ោង១៩ និង៥៥នាទី មានករណីគ្រោះថ្នាក់ចរាចរណ៍ត្រង់ចំណុចផ្ទះឈ្មោះ លឹង លីណា ស្ថិតក្នុងភូមិតាឯក ឃុំរុនតាឯក ស្រុកបន្ទាយស្រី ខេត្តសៀមរាប លើផ្លូវកៅស៊ូក្នុងឃុំរុនតាឯក រវាងរថយន្តមួយគ្រឿងម៉ាក KIA RHINO ពណ៌ ស ពាក់ផ្លាកលេខ សៀមរាប 3A-0041 បេីកបរដេាយឈ្មោះ ផុន ភេទ ភេទប្រុស អាយុ៣៩ឆ្នាំ មានទីលំនៅភូមិទ្រយោង ឃុំភ្នំលាភ ស្រុកព្រះនេត្រព្រះ ខេត្តបន្ទាយមានជ័យ បើកបរមានទិសដៅពីកើតទៅលិច បានបុកនឹងម៉ូតូមួយគ្រឿងម៉ាក HONDA DREAM ពណ៌ខ្មៅ ពាក់ផ្លាកលេខ សៀមរាប 1AD-3835 បើកបរដោយឈ្មោះ ឈ ណៃ ភេទប្រុស អាយុ៣៣ឆ្នាំ រស់នៅភូមិរុន ឃុំរុនតាឯក ស្រុកបន្ទាយស្រី ខេត្តសៀមរាប ។ បើកបរមានទិសដៅពីលិចទៅកើត (មិនពាក់មួកសុវត្ថិភាព) ។

សមត្ថកិច្ចបានបញ្ជាក់ថា ៖ ក្នុងហេតុការណ៍គ្រោះថ្នាក់ចរាចរណ៍នេះបណ្តាលឲ្យស្លាប់មនុស្សចំនួន ០១ នាក់ ឈ្មោះ ឈ ណៃ ភេទប្រុស (ស្លាប់នៅកន្លែងកើតហេតុ) និងខូចខាតរថយន្ត ០១គ្រឿង (ស្រាល) និងម៉ូតូមួយគ្រឿង(ធ្ងន់) ។

ក្រោយកើតហេតុ សមត្ថកិច្ចបានចុះវាស់វែង និងប្រគល់សពជនរងគ្រោះឲ្យក្រុមគ្រួសារយកទៅធ្វើបុណ្យតាមប្រពៃណី ។ ចំណែកអ្នកបើកបររថយន្តត្រូវបានសមត្ថកិច្ចឃាត់ខ្លួនបាននៅនឹងកន្លែងកើតហេតុ ៕

ប្រភព៖ អគ្គស្នងការដ្ឋាននគរបាលជាតិ

ដំណាំស្រូវជាង ៣២០០០ហិកតា ក្នុងខេត្តសៀមរាប កំពុងរងផលប៉ះពាល់ដោយជំនន់ទឹកភ្លៀង

obnasia — Tue, 04 Oct 2022 04:42:04 +0000

សៀមរាប៖ ផ្ទៃដីដាំដុះដំណាំស្រូវ របស់ប្រជាពលរដ្ឋជាង ៣២០០០ហិកតា នៅក្នុងភូមិសាស្ត្រខេត្តសៀមរាប កំពុងរងផលប៉ះពាល់ដោយជំនន់ទឹកភ្លៀង ខណៈមន្ត្រីជំនាញកំពុងចុះស្រង់ទិន្នន័យពីការខូចខាតពិតប្រាកដ។

លោកទា គឹមសុទ្ធ ប្រធានមន្ទីរកសិកម្មរុក្ខាប្រមាញ់និងនេសាទខេត្តសៀមរាប បាន ប្រាប់អ្នកយកព័ត៌មានវិទ្យុជាតិកម្ពុជា នៅរសៀលថ្ងៃទី០៣ ខែតុលា ឆ្នាំ២០២២នេះថា ចាប់តាំងពីអំឡុងថ្ងៃទី២១ ខែកញ្ញា ឆ្នាំ២០២២មក ស្ថានភាពជំនន់ទឹកភ្លៀងបានកើនឡើងជាបន្តបន្ទាប់ ធ្វើឱ្យមានផល ប៉ះពាល់ទៅដល់ស្រុកមួយចំនួនក្នុងចំណោយស្រុកក្រុងទាំង១២របស់ខេត្តសៀមរាប។ លោកបន្តថា មកដល់ពេលនេះ ស្ថានភាពទឹកនៅតំបន់ខ្លះបានស្រកចុះ និងតំបន់ខ្លះបានកើនឡើង ដោយសារទឹកហូរមកពីតំបន់ខាងលើ ដូច្នេះទំហំនៃផ្ទៃដីដំណាំស្រូវដែលរងផលប៉ះពាល់ សរុបចំនួនប្រមាណ ៣២,៤៦៥ហិកតា និងដំណាំដំឡូងមី បានរងផលប៉ះពាល់ចំនួន ៤,៦២៦ហិកតា។

លោកបន្តទៀតថា ទោះបីស្ថានភាពទឹក មានការកើនឡើងនិងថយចុះខ្លះៗទៅតាមតំបន់នីមួយៗ តែទំហំនៃការខូចខាតដំណាំស្រូវ និងផលដំណាំផ្សេងៗ មិនទាន់អាចប៉ាន់ប្រមាណបានថា នឹងខូចខាតចំនួនប៉ុន្មានឡើយ ខណៈមន្ត្រីជំនាញកំពុងធ្វើការតាមដានយ៉ាងយកចិត្តទុកដាក់។ បន្ថែមពីនេះ មន្ទីរបានត្រៀមគ្រាប់ពូជស្រូវ និងពូជដំណាំផ្សេងៗ ដើម្បីចែកជូនប្រជាពលរដ្ឋ ក្រោយស្ថានភាពទឹកបានស្រកចុះ និងវិលទៅរកភាពធម្មតាវិញ ដើម្បីស្តារជីវភាពរបស់ប្រជាពលរដ្ឋ។

ខូចខាតប្រាកដជាមានហើយ ប៉ុន្តែឥឡូវទឹកហ្នឹងហាក់ដូចជា ចង់ហក់ឡើងវិញ ដោយសារទឹកវាស្រុកចុះពីផ្នែកខាងលើនៃខេត្តឧត្តរមានជ័យ របាយការណ៍ព្រឹកមិញឃើញថា ស្រុកស្រីស្នំទឹកនៅតាមដងស្ទឹង មានការហក់ឡើងលិចផ្លូវមួយចំនួនដែរ ចង់ប្រហាក់ប្រហែលនិងថ្ងៃទី២១ ដែលជន់ខ្លាំងហ្នឹងហើយ នៅស្រុកពួកក្រោមគេ អ៊ីចឹងវារ៉ាប់រងត្រូវតែកើនទៅនៅយូរ ជាប់ជាមួយនឹងផ្លូវអ៊ីចឹង មានលូ ស្ពានតិច ទឹកនៅតម្គល់នឹង នៅក្រឡាញ់ទឹកបានស្រកបណ្តើរៗហើយ ប៉ុន្តែវាទៅធ្លាក់ជន់នៅខាងក្រោមវិញ។ និយាយទៅបើដំណាំក្រៅពីស្រូវមកដល់ពេលនេះ វានឹងខូចខាត ប៉ុន្តែឃើញប៉ះពាល់ច្រើន ទៅលើតែដំឡូងមីមួយទេ ជាកត់សម្គាល់។ ពីម្សិលម្ង៉ៃមួយឯកឧត្តមគន់ គីម លោកចុះមកពិនិត្យមើលស្រូវមួយចំនួននៅស្រុកក្រឡាញ់ អត់ទាន់ខូចទេ ទឹករាងស្រកមើល ឃើញចុងស្រូវ ស្រូវបើថាមើលឃើញចុង លែងអីហើយ មិនទាន់សន្និដ្ឋានថាខូចខាតប៉ុន្មាននៅឡើយទេ ។

សូមជម្រាបផងដែរថា គិតចាប់ពីថ្ងៃទី១៧ ខែកញ្ញា ដល់រហូតថ្ងៃទី០២ ខែតុលា ឆ្នាំ២០២២ ជំនន់ទឹកភ្លៀង ក្នុងខេត្ត សៀមរាប បណ្តាលឱ្យមានផលប៉ះពាល់ ដល់ប្រជាពលរដ្ឋចំនួន២៥,២៣៣គ្រួ សារ ភូមិចំនួន ៣២៥ភូមិ ឃុំចំនួន៦៣ នៃស្រុកចំនួន៩ រួមមាន ស្រុកស្រីស្នំ ស្រុកក្រឡាញ់ ស្រុកជីក្រែង ស្រុកអង្គរជុំ ស្រុកវ៉ារិន ស្រុកពួក ស្រុកសូទ្រនិគម ស្រុកប្រាសាទបាគង និងស្រុកអង្គរធំ ដែលបង្កឱ្យមានផលប៉ះពាល់ ដំណាំស្រូវ ដំណាំកសិកម្ម លំនៅឋានប្រជាពលរដ្ឋ ហេដ្ឋារចនាសម្ព័ន្ធផ្លូវថ្នល់ជាដើម៕

ប្រភព៖ ក្រសួងព័ត៌មាន

អាជ្ញាធរជាតិអប្សរា កំពុងតាមដានជាប្រចាំពីស្ថានភាពទឹកជុំវិញតំបន់អង្គរ ដើម្បីបញ្ចៀសទឹកកុំឱ្យមានការជន់លិចក្រុងសៀមរាប និងតំបន់ រមណីយដ្ឋាន អង្គរ

obnasia — Thu, 29 Sep 2022 06:01:34 +0000

សៀមរាប៖ ក្រុមការងារនាយកដ្ឋានគ្រប់គ្រងទឹកនៃអាជ្ញាធរជាតិអប្សរា កំពុងតាមដានជាប្រចាំ ពីស្ថានភាពទឹកជុំវិញតំបន់អង្គរ ដើម្បីបញ្ចៀសទឹកកុំឱ្យមានការជន់លិចក្រុងសៀមរាប និងតំបន់ រមណីយដ្ឋាន អង្គរ។

បើទោះបីជាបច្ចុប្បន្ននេះ នៅតាមបណ្តាស្រុកមួយចំនួនក្នុងខេត្តសៀមរាប កំពុងជន់លិច ដោយសារ ជំនន់ទឹកភ្លៀងក៏ដោយ ប៉ុន្តែសម្រាប់ក្រុងសៀមរាប និងតំបន់រមណីយដ្ឋានអង្គរវិញ មិនបានរងការ លិចលង់ឡើយ ទោះបីស្ថានភាពទឹកមានចំនួនច្រើនក៏ដោយ។

លោក ភឿង សុឃីម ប្រធាននាយកដ្ឋានគ្រប់គ្រងទឹក ព្រៃឈើ និងហេដ្ឋារចនាសម្ព័ន្ធ នៃអាជ្ញាធរជាតិអប្សរា មានប្រសាសន៍ថា ស្ថានភាពទឹកនៅក្នុងឆ្នាំ២០២២នេះ មានចំនួនច្រើនជាងឆ្នាំមុន ក្នុងនោះបើប្រៀបធៀប មុនឆ្នាំ២០១២ បរិមាណទឹកនេះ អាចធ្វើឱ្យក្រុងសៀមរាប រងការជន់លិចយ៉ាងខ្លាំង។ លោកបន្តថា ចាប់តាំង ពីឆ្នាំ២០១២មក អាជ្ញាធរជាតិអប្សរា បានស្តារប្រព័ន្ធធារាសាស្រ្តពីបុរាណឡើងវិញ ជាពិសេសមានការថែទាំ ជាប្រចាំ ទាំងរដូវប្រាំង និងរដូវវស្សា ដើម្បីថែរក្សាប្រព័ន្ធបង្ហូរទឹកទាំងនោះឱ្យដំណើរការ ចៀសវាងនៅពេល មានទឹកជំនន់មកដល់ ប្រព័ន្ធធារាស្ត្រទាំងនោះមិនដំណើរការ បណ្តាលឱ្យមានទឹកជំនន់ជន់លិចក្រុង សៀមរាប និងរមណីយដ្ឋានអង្គ។

លោកបន្តទៀតថា បច្ចុប្បន្ននេះ ក្រុមការងារជំនាញ កំពុងតាមដានជាប់ជាប្រចាំអំពីស្ថានភាពទឹក នៅតាម ទ្វារទឹកសំខាន់ៗជាង១០០ទ្វារទឹក ជាពិសេសតាមដានទៅលើតំបន់ភ្នំគូលែន ស្រុកបន្ទាយស្រី ទ្វារទឹកតាសោម អូរខ្លូត និងបារាយណ៍ ដោយបរិមាណទឹកដែលហូរមកពីខាងលើមានទំហំខ្លាំង។

“ស្ថានភាពទឹកឥឡូវវាច្រើន អ៊ីចឹងតាមដានជាប្រចាំ យើងធ្វើការសឹងតែ២៤ម៉ោងលើ២៤ម៉ោង តាំងពីលើភ្នំគូលែនរហូតដល់រហូតទៅដល់ស្ទឹងពួក ស្ទឹងព្រះស្រុក ហើយទីតាំងសំខាន់នៅលើភ្នំគូលែន បន្ទាយស្រី ទ្វារទឹកតាសោម អូខ្លូត និងបារាយណ៍ជាទីតាំងដែលយើងតាមដានជាប្រចាំ ព្រោះបរិមាណទឹក ដែលហូរមកពីលើវាខ្លាំង អ៊ីចឹងប្រឡាយនាំទឹកដែលយើងដោះចេញពីស្ទឹងសៀមរាប ធ្លាក់ទៅស្ទឹងពួក ស្ទឹងព្រះស្រុកហ្នឹង ជាប្រឡាយមេ ប្រឡាយធំ អ៊ីចឹងទ្វារទឹកទាំងប៉ុន្មានដែលនៅលើប្រឡាយហ្នឹង យើងត្រូវ តាមដានព្រោះថាទ្វារទឹកទាំងអស់ហ្នឹង មិនអាចមានទ្វារទឹកណាមួយបិទឬទ្វារទឹកណាមួយបើកបានទេ អ៊ីចឹងពីនេះទៅស្ទឹងព្រះស្រុកជាង២០គីឡូ អ៊ីចឹងយើងតាមដានជាប្រចាំទាំងយប់ទាំងថ្ងៃ យើងមានក្រុម ពលករ និងអ្នកជំនាញបច្ចេកទេសគាត់តាមដានដែរ បច្ចុប្បន្នទ្វារទឹកយើងបានធ្វើជាង១០០ទ្វារទឹកហើយ មានតូចមានធំ”។

សូមជម្រាបផងដែរថា មកដល់បច្ចុប្បន្ននេះ មិនមានប្រាសាទបុរាណណាមួយបានរងការជន់លិចឡើយ ប៉ុន្តែដោយសារបរិមាណទឹកច្រើនហួសកម្រិត អ្នកជំនាញគ្រប់គ្រងទឹក នៃអាជ្ញាធរជាតិអប្សរា ត្រូវបាន ប្រមូលទុក និងខ្លះត្រូវបានរំដោះចេញផងដែរ ដើម្បីបញ្ចៀសការជន់លិច៕

ប្រភព៖ ក្រសួងព័ត៌មាន

ជិះម៉ូតូយ៉ាងលឿនទៅបុករថយន្តដឹកឥដ្ឋ ចំពីខាងមុខតែម្តង

obnasia — Tue, 16 Aug 2022 04:56:28 +0000

បន្ទាយមានជ័យ៖ បុរសម្នាក់រងរបួសធ្ងន់ បន្ទាប់ពីគ្រោះថ្នាក់ចរាចរណ៍ដោយជិៈម៉ូតូ ទៅបុកប៉ះជាមួយរថយន្តដឹកអិដ្ឋ ករណីគ្រោះថ្នាក់ចរាចរណ៍នេះ បានកើតឡើងនៅវេលាម៉ោង០៣និង៣០នាទីល្ងាចថ្ងៃទី១៥ ខែសីហា ឆ្នាំ២០២២ ក្នុងទីប្រជុំជន លើកំណាត់ផ្លូវជាតិលេខ៦ ត្រង់ ចំណុចចន្លោះបង្គោលគីឡូម៉ែត្រលេខ ០៣៧៣-០៣៧៤ ស្ថិតនៅភូមិភ្នំលៀបលិច ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ ។

យោងតាមរបាយការណ៍របស់ នគរបាលស្រុកព្រះនេត្រព្រះ បានឲ្យដឹងថា ម៉ូតូម៉ាកហុងដាឌ្រីម សេ១២៥ សេរីឆ្នាំ២០១៣ ពាក់ផ្លាកលេខ 1I-8514 សៀមរាប បើកបរដោយឈ្មោះផង់ វាសនា ភេទប្រុស អាយុ២៩ឆ្នាំ នៅភូមិតាគង់ ឃុំតាគង់ ស្រុកម៉ាឡៃ ខេត្តបន្ទាយមានជ័យ ។

នគរបាលបាន បញ្ជាក់ថា នៅមុនពេលកើតហេតុ អ្នកបើកម៉ូតូបានធ្វើដំណើរពីទិសខាងលិចទៅកើត បើកក្នុងល្បឿនលឿន មិនពាក់មួសុវត្ថិភាពបើកដល់ចំណុចកើតហេតុ បានបុកប៉ះជាមួយរថយន្តម៉ាក មី ស៊ុយប៊ីហ្ស៊ីកែឆ្នៃ ពណ៌ស-ក្រហម គ្មានផ្លាកលេខ ដឹកអិដ្ឋ ក្នុងទិសដៅផ្ទុយគ្នាពីកើតទៅលិច ដែលកំពុងប្តូរគន្លងបត់ឆ្វេង ខ្វះការប្រុងប្រយ័ត្ន ។ ក្នុងករណីគ្រោះថ្នាក់ចរាចរណ៍នេះ អ្នកបើកម៉ូតូរបួសធ្ងន់ ចំណែកអ្នក បើករថយន្តបានរត់គេចខ្លួនបាត់ បន្សល់ទុកតែរថយន្តនៅកន្លែងកើតហេតុ ។

ចំពោះវត្ថុតាងម៉ូតូធ្ងន់ និងរថយន្តខូចខាតស្រាល នគរបាលជំនាញបានយកមករក្សាទុក នៅអធិការដ្ឋាននគរបាលស្រុក ព្រះនេត្រព្រះ រងចាំធ្វើការដោះស្រាយនៅពេលក្រោយ អ្នករងរបួសយកទៅព្យាបាលនៅមន្ទីរពេទ្យ ៕

ប្រភព៖ អគ្គស្នងការដ្នាននគរបាលជាតិ

ចាប់បានជនសង្ស័យ ៣នាក់ ក្រោយធ្វើសកម្មភាពលួចម៉ូតូ

obnasia — Fri, 01 Jul 2022 02:55:08 +0000

សៀមរាប ៖ ថ្ងៃពុធ ១កើត ខែអាសាឍ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ២៩ ខែមិថុនា ឆ្នាំ២០២២
កម្លាំងនៃអធិការដ្ឋានក្រុងសៀមរាបបានឃាត់ខ្លួនជនសង្ស័យចំនួន ០៣នាក់ ករណី អំពើលួច (លួចម៉ូតូ និងទូរស័ព្ទ) និងអំពើលួចមានស្ថានទម្ងន់ទោស (ឆក់កាបូប និងទូរស័ព្ទ)៖

១.ឈ្មោះ ព្រិន ភក្ដី ហៅនាង ភេទប្រុស អាយុ ៣៥ឆ្នាំ មុខរបរ មិនពិតប្រាកដ, ស្រុកកំណើតនៅភូមិបន្ទាយចាស់ ឃុំស្លក្រាម ក្រុង/ខេត្តសៀមរាប, ទីលំនៅបច្ចុប្បន្នភូមិវាល សង្កាត់គោកចក ក្រុង/ខេត្តសៀមរាប ។

២.ឈ្មោះ ឌុច រ័ត្តណា ហៅ ចៃ ភេទប្រុស អាយុ ១៦ឆ្នាំ មុខរបរ មិនពិតប្រាកដ, ស្រុកកំណើត ភូមិទក្សិណខាងត្បូង សង្កាត់គោកចក ក្រុង/ខេត្តសៀមរាប, ទីលំនៅបច្ចុប្បន្ន ភូមិទក្សិណខាងត្បូង សង្កាត់គោកចក ក្រុង/ខេត្តសៀមរាប ។

៣.ឈ្មោះ ច្រឹក សីហា ភេទប្រុស អាយុ ២៨ឆ្នាំ មុខរបរ មិនពិតប្រាកដ, ស្រុកកំណើត ភូមិសមោលើ ឃុំខ្វាវ ស្រុកទ្រាំង ខេត្តតាកែវ ទីលំនៅបច្ចុប្បន្ន ភូមិវាល សង្កាត់គោកចក ក្រុង/ខេត្តសៀមរាប ។

លោកឧត្តមសេនីយ៍ត្រី ភឹង ចិន្តារ៉េត ស្នងការរងទទួលផែនព្រហ្មទណ្ឌបានបញ្ជាក់ថា នៅថ្ងៃទី ២៩ ខែមិថុនា ឆ្នាំ២០២២ វេលាម៉ោង ០៤ និង៥០នាទី នៅចំណុចមុខបន្ទប់ជួលក្នុងភូមិសាលាកន្សែង សង្កាត់ស្វាយដង្គំ ក្រុង/ ខេត្តសៀមរាប មានករណីអំពើលួចម៉ូតូ បង្កឡើងដោយជនសង្ស័យឈ្មោះ ឌុច រ័ត្តណា ហៅ ចៃ ភេទប្រុស អាយុ ១៦ឆ្នាំ បានធ្វើសកម្មភាពលួចម៉ូតូម៉ាកហុងដា Scoopy-I ពណ៌ស ពាក់ស្លាកលេខ សៀមរាប 1AD-2934 លេខម៉ាស៊ីន 3132623 លេខតួរ 5132623 និងទូរស័ព្ទ ០១គ្រឿង ម៉ាក Vivo ពណ៍ខៀវក្រម៉ៅចំនួន ០១គ្រឿង របស់ជនរងគ្រោះឈ្មោះ សាវឿន វណ្ណា ភេទប្រុស អាយុ ២០ឆ្នាំ ស្នាក់នៅភូមិកើតហេតុ ខណៈពេលជនរងគ្រោះកំពុងដេកលក់ ។

ក្រោយពេលជនសង្ស័យធ្វើសកម្មភាពរួចក៏ជិះម៉ូតូគេចខ្លួន បន្ទាប់មកជនរងគ្រោះក៏បានភ្ញាក់ពីដំណេករកម៉ូតូមិនឃើញក៏រាយការណ៍ជូនសមត្ថកិច្ច ។ ក្រោយពីទទួលសេចក្ដីរាយការណ៍ហើយ សមត្ថកិច្ចយើងក៏បានដាក់កម្លាំងស្វែងរកហើយក៏ប្រទះឃើញជនសង្ស័យខាងលើជាមួយវត្ថុតាង ហើយសមត្ថកិច្ចក៏នាំយកជនសង្ស័យមកសាកសួរ ។ ក្រោយពីសួរនាំរួចជនសង្ស័យរូបនេះបានឆ្លើយសារភាពថាខ្លួនពិតជាបានលួចម៉ូតូខាងលើពិតប្រាកដមែនដោយខ្លួនទទួលបញ្ជាពីឈ្មោះ ព្រិន ភក្ដី ហៅនាង ភេទប្រុស អាយុ ៣៥ឆ្នាំ និងឈ្មោះ ច្រឹក សីហា ភេទប្រុស អាយុ ២៨ឆ្នាំ ឲ្យខ្លួនលួចម៉ូតូខាងលើ ហើយជនសង្ស័យបានឆ្លើយសារភាពថាខ្លួនបានធ្វើសកម្មភាពឆក់កាបូប និងទូរស័ព្ទចំនួន ០២លើក ដោយលើកទី០១ នៅថ្ងៃទី ០៦ ខែមេសា ឆ្នាំ២០២២ នៅចំណុចផ្លូវកែងភោជនីដ្ឋាន Mr.K ក្នុងភូមិសាលាកន្សែង សង្កាត់ស្វាយដង្គំ ក្រុង/ខេត្តសៀមរាប ឆក់បានទូរស័ព្ទនិងប្រាក់មួយចំនួន ហើយក៏បានធាក់ម៉ូតូជនរងគ្រោះជាមួយនឹងបក្ខពួកខាងលើ និងនៅថ្ងៃទី០២ ខែឧសភា ឆ្នាំ២០២២ ធ្វើសកម្មភាពឆក់កាបូបនិងទូរស័ព្ទ នៅចំណុចខាងជើងស្តុបស្មាយលីង ស្ថិតនៅភូមិចុងកៅស៊ូ សង្កាត់ស្លក្រាម ក្រុង/ខេត្តសៀមរាប ដោយទូរស័ព្ទនិងប្រាក់ដែលឆក់បាន ខ្លួនបានអោយបក្ខពួកខាងលើ រីឯខ្លួនទទួលបានប្រាក់ពីការឆក់ម្ដងៗ មួយម៉ឺនរៀល ទៅពីរម៉ឺនរៀល។

បន្ទាប់មក សមត្ថកិច្ចក៏បាននាំជនសង្ស័យឈ្មោះ ឌុច រ័ត្តណា ហៅ ចៃ ទៅចង្អុលយកបក្ខពួកមានឈ្មោះ ព្រិន ភក្ដី ហៅនាង ភេទប្រុស អាយុ ៣៥ឆ្នាំ និងឈ្មោះ ច្រឹក សីហា ភេទប្រុស អាយុ ២៨ឆ្នាំ យកមកសួរនាំ ។ ក្រោយពីសួរនាំជនសង្ស័យទាំងពីរបានឆ្លើយបដិសេធន៍ថាខ្លួនពុំបានចូលរួមធ្វើសកម្មភាព ឬបង្គាប់អោយឈ្មោះ ឌុច រ័ត្តណា ហៅចៃ ខាងលើ លួចនិងឆក់នោះទេ។

ក្នុងប្រតិបត្តិការបង្ក្រាបបទល្មើសនេះ សមត្ថកិច្ចបានស្រាវជ្រាវ និងដកហូតវត្ថុតាងបានរួមមាន : ម៉ូតូនិងទូរស័ព្ទដៃរបស់ជនរងគ្រោះ ។ បច្ចុប្បន្ន ជនសង្ស័យត្រូវបានសមត្ថកិច្ចធ្វើការឃាត់ខ្លួននៅវេលាម៉ោង ១៧:៤០នាទី និងកំពុងកសាងសំណុំរឿងបញ្ជូនទៅសាលាដំបូងខេត្តដេីម្បីអនុវត្តនីតិវិធីបន្ត ៕

ប្រភព៖ អគ្គស្នងការដ្ឋាននគរបាលជាតិ

សមត្ថកិច្ចក្របួចបានក្រុមកាច់សោរ.កម៉ូតូយ៉ាងសកម្មក្នុងក្រុងសៀមរាប

obnasia — Sat, 16 Apr 2022 10:00:55 +0000

សៀមរាប៖ នៅថ្ងៃទី១៤ ខែមេសា ឆ្នាំ២០២២ សមត្ថកិច្ចខេត្តសៀមរាបបានឃាត់ខ្លួនជនសង្ស័យចំនួន ០៣នាក់ ករណីអំពើលួចមានស្ថានទម្ងន់ទោស (កាត់សោរយកម៉ូតូ)។

សមត្ថកិច្ចបានឲ្យដឹងថាជនសង្ស័យទី១-ឈ្មោះ ខាន់ វាសនា ភេទប្រុស អាយុ១៨ឆ្នាំ ស្នាក់នៅភូមិធ្លកអណ្តូង សង្កាត់ស្លក្រាម ក្រុង/ខេត្តសៀមរាប, ទី២-ឈ្មោះ ជា ពិសិដ្ឋ ភេទប្រុស អាយុ២៩ឆ្នាំ, និងទី៣-ឈ្មោះ សុខ លីណា ភេទស្រី អាយុ៣៥ឆ្នាំ អ្នកទាំង០២នាក់ មានទីលំនៅផ្ទះជួលភូមិតាវៀន សង្កាត់សាលាកំរើក ក្រុង/ខេត្តសៀមរាប។

លោកឧត្តមសេនីយ៍ត្រី ភឹង ចិន្តារ៉េត ស្នងការរងទទួលផែនព្រហ្មទណ្ឌបានបញ្ជាក់ថា កាលពីថ្ងៃទី១៣ ខែមេសា ឆ្នាំ២០២២ វេលាម៉ោង១៦និង០០នាទី មានជនរងគ្រោះឈ្មោះ ផាន់ រតនា ភេទស្រី អាយុ២៦ឆ្នាំ ស្នាក់នៅបន្ទប់ជួលភូមិសាលាកន្សែង សង្កាត់ស្វាយដង្គំ បានមកប្តឹងរាយការណ៍ជូនសម្ថកិច្ចថារូបគេបានបាត់ម៉ូតូ០១គ្រឿងម៉ាក Honda Click ពណ៌ស ឆ្នាំ២០២១ លេខតូរលេខម៉ាស៊ីន ៨០៧២០០២ ពាក់ស្លាកលេខ សៀមរាប ១AM-៩១៧២។

ក្រោយទទួលបានពាក្យបណ្តឹងរបស់ជនរងគ្រោះ សមត្ថកិច្ចជំនាញបានចុះទៅដល់កន្លែងកើតហេតុរហូតកំណត់បានមុខសញ្ញាចំនួន ០២នាក់។

តាមការសាកសួររបស់សមត្ថកិច្ចជំនាញ ជនសង្ស័យទាំង០២នាក់ បានឆ្លើយសារភាពថានៅក្នុងថ្ងៃទី១២ ខែមេសា ឆ្នាំ២០២២ ពួកគេបានធ្វើសកម្មភាពលួចកាត់សោរបន្ទប់យកម៉ូតូចំនួន០២គ្រឿងៈ ទី០១ ម៉ាក Honda Dream 2019 ពាក់ស្លាកលេខ សៀមរាប 1AG-6407 ពណ៌ក្រហម លេខតួរ ម៉ាស៊ីន 5540333 និងទី២ ម៉ាក Honda Dream 2022 ពាក់ស្លាកលេខសៀមរាប 1AI-6831 ពណ៌ខ្មៅ លេខតួរ-ម៉ាស៊ីន 5715727 ពីបន្ទប់ជួលភូមិធ្លកអណ្តូង សង្កាត់ស្លក្រាម ក្រុង/ខេត្តសៀមរាប។ ហើយនៅថ្ងៃទី១៣ ខែមេសា ឆ្នាំ២០២២ ពួកគេទាំងពីរនាក់បានធ្វើសកម្មភាពលួចកាច់សោរម៉ូតូយកបានចំនួន០២គ្រឿង ០១ម៉ាក Honda Dream 2020 ពណ៌ខ្មៅ ស្លាកលេខសៀមរាប 1AJ-1825 លេខតួរម៉ាស៊ីន 5781926 និងទី២ ម៉ាក Honda Click ពណ៌ស ឆ្នាំ២០២១ ពាក់ស្លាកលេខសៀមរាប 1AM-9172 លេខតួរម៉ាស៊ីន 8072002។

តាមចម្លើយសារភាពរបស់ជនសង្ស័យម្នាក់ទៀតឈ្មោះ សុខ លីណា ភេទស្រី អាយុ៣៥ឆ្នាំ បានឆ្លើយថាចំពោះម៉ូតូទាំង០៤គ្រឿង និងសម្ភារមួយចំនួនទៀតដែលសម្ថកិច្ចបានឆែកឆេររកឃើញគឺពិតជារបស់ឈ្មោះ ជា ពិសិដ្ឋ ដែលត្រូវជាប្តីរបស់ខ្លួនយកមកលាក់ទុកនៅផ្ទះជួលរបស់ខ្លួនពិតមែន។

បន្ទាប់មក សមត្ថកិច្ចបានបន្តចុះទៅឆែកឆេរលំនៅដ្ឋានស្នាក់នៅរបស់ឈ្មោះ ជា ពិសិដ្ឋ និងប្រពន្ធឈ្មោះ សុខ លីណា ស្ថិតនៅភូមិតាវៀន សង្កាត់សាលាកំរើក ក្រុង/ខេត្តសៀមរាប ហើយរកឃើញ ម៉ូតូទាំង០៤គ្រឿងខាងលើដែលពួកគេបានធ្វើសកម្មភាពកាត់សោរបន្ទប់លួចយក និងកាត់សោរលួចយកកាលពីថ្ងៃទី១២ និង១៣ ខែមេសា ឆ្នាំ២០២២ និងម៉ូតូចំនួន ០២គ្រឿងទៀតម៉ាក ទី០១ Wave អាល់ហ្វា ពណ៌ខ្មៅ ស្លាកលេខ ព្រះសីហនុ 1C-3733 លេខតួរម៉ាស៊ីន 5570141 និងទី០២ម៉ាក Honda Dream 2019 ពាក់ស្លាកលេខ បន្ទាយមានជ័យ1Q -8134 លេខតួរម៉ាស៊ីន 9614297 ចំពោះម៉ូតូ០២គ្រឿងទៀត សមត្ថកិច្ចជំនាញកំពុងស្រាវជ្រាវបន្ត។

លោកឧត្តមសេនីយ៍ត្រីស្នងការរងបានបន្តថា ក្នុងពេលកម្លាំងសមត្ថកិច្ចចុះឆែកឆេរបានរកឃើញវត្ថុតាងរួមមានសោរកាច់ចំនួន០៨ផ្លែ ស្លាកលេខម៉ូតូចំនួន០៤ និងសម្ភារមួយចំនួនសំរាប់ធ្វើសកម្មភាពកាច់សោរម៉ូតូ ដែលមាននៅក្នុងរូបថត និងនៅក្នុងកំណត់ហេតុឆែកឆេរ។

បច្ចុប្បន្នជនសង្ស័យទាំង ០៤នាក់ ត្រូវបានសមត្ថកិច្ចឃាត់ខ្លួន និងកំពុងកសាងសំណុំរឿងបញ្ជូនទៅសាលាដំបូងខេត្តដើម្បីនីតិវិធីបន្ត ៕

ប្រភព៖ អគ្គស្នងការដ្ឋាននគរបាលជាតិ

សៀមរាប – OBN Asia

ប្រើល្បិចស្រីស្អាត ឆាតហៅជនរងគ្រោះមកជួប!! ដើម្បីធ្វើរឿងមួយនេះ

អាយុទើបតែ ១៧-១៨ឆ្នាំ!! ប៉ុន្តែនាំគ្នាប្រកបរបរនេះទៅហើយ

ខេត្តចំនួន ៥នេះ អាចចុះត្រជាក់រហូតដល់ទៅសីតុណ្ហភាព ១៥°C

សាហាវណាស់!! ជិះកង់ទៅរំលោភដល់ផ្ទះ ហើយសម្លាប់ប្លន់ទ្រព្យទៀត

ស្លាប់អ្នកបើកម៉ូតូម្នាក់ក្រោមកង់រថយន្ត ព្រោះតែកត្តាមួយនេះ

ដំណាំស្រូវជាង ៣២០០០ហិកតា ក្នុងខេត្តសៀមរាប កំពុងរងផលប៉ះពាល់ដោយជំនន់ទឹកភ្លៀង

ជិះម៉ូតូយ៉ាងលឿនទៅបុករថយន្តដឹកឥដ្ឋ ចំពីខាងមុខតែម្តង

ចាប់​បាន​ជនសង្ស័យ ៣​នាក់ ក្រោយ​ធ្វើ​សកម្មភាព​លួច​ម៉ូតូ

សមត្ថកិច្ច​ក្របួច​បាន​ក្រុម​កាច់​សោរ​.​ក​ម៉ូតូ​យ៉ាង​សកម្ម​ក្នុង​ក្រុង​សៀមរាប

ចាប់បានជនសង្ស័យ ៣នាក់ ក្រោយធ្វើសកម្មភាពលួចម៉ូតូ

សមត្ថកិច្ចក្របួចបានក្រុមកាច់សោរ.កម៉ូតូយ៉ាងសកម្មក្នុងក្រុងសៀមរាប