រថយន្ត – OBN Asia

កុំច្រឡំថាកញ្ចប់កាហ្វេណា!! តាមពិតសុទ្ធតែជាគ្រឿងញៀននោះទេ

obnasia — Fri, 10 Feb 2023 04:34:30 +0000

ព្រះសីហនុ ៖ កម្លាំងការិយាល័យគ្រប់គ្រងអាវុធជាតិផ្ទុះ បានចុះត្រួតពិនិត្យតាមដងផ្លូវនៅចំនុចមុខកាស៊ីណូជីងប៉ី០២ ស្ថិតនៅភូមិ០៤ សង្កាត់០៤ ក្រុង/ខេត្តព្រះសីហនុ កាលពីថ្ងៃទី០៨ ខែកុម្ភៈ ឆ្នាំ២០២៣ វេលាម៉ោង២៣និង១៥នាទីយប់ បានឃាត់ខ្លួនជនសង្ស័យ ២នាក់ និងរថយន្ត ០១គ្រឿង បន្ទាប់ពីត្រួតពិនិត្យរកឃើញគ្រឿងញៀនមួយចំនួន រួចក៏បានប្រគល់មកអោយការិយាល័យនគរបាលប្រឆាំងគ្រឿងញៀន នៅស្នងការដ្ឋាននគរបាលខេត្តព្រះសីហនុ។

ជនសង្ស័យរួមមាន ៖
១/ ឈ្មោះ WU SHUN WEI ភេទប្រុស អាយុ២២ឆ្នាំ ជនជាតិចិន ទីលំនៅបច្ចុប្បន្ន ភូមិ០៣ សង្កាត់០២ ក្រុង/ខេត្តព្រះសីហនុ
២/ឈ្មោះ MAO DE WEI ភេទប្រុស អាយុ២១ឆ្នាំ ជនជាតិ ចិនទីលំនៅបច្ចុប្បន្ន ភូមិ០២ សង្កាត់០៣ ក្រុង/ខេត្តព្រះសីហនុ

វត្ថុតាងរួមមាន ៖ ម្សៅក្រាមសថ្លាសង្ស័យជាសារធាតុញៀនចំនួន ០១ កញ្ចប់, កញ្ចប់រូបតុក្កតាសង្ស័យជាសារធាតុញៀនចំនួន៣៥កញ្ចប់, ថ្នាំញៀនកញ្ចប់ពណ៌ក្រហមរូបសេះចំនួន ៦០ កញ្ចប់, ថ្នាំញៀនកញ្ចប់ពណ៌ស្វាយរូបកណ្ដុលចំនួន ១៨ កញ្ចប់, ថ្នាំញៀនរូបកាហ្វេពណ៌បៃតងចំនួន ១២ កញ្ចប់, ថ្នាំញៀនរូបកាហ្វេពណ៌លឿងចំនួន ១៣ កញ្ចប់, ថ្នាំញៀនរូបកាហ្វេពណ៌ឈាមជ្រូកចំនួន ១០ កញ្ចប់, ថ្នាំញៀនកញ្ចប់ពណ៌លឿងរូបផ្លែស្វាយចំនួន ០៥ កញ្ចប់, ថ្នាំញៀនពណ៌ឈាមជ្រូករូបព្រួញបីចំនួន ០២ កញ្ចប់, ថង់សម្រាប់វិចខ្ចប់គ្រឿងញៀនមួយចំនួន, ទូរស័ព្ទចំនួន ០៥ គ្រឿង, ជញ្ជីងថ្លឹងចំនួន ០២ គ្រឿង, រថយន្ត ០១ គ្រឿងម៉ាក់ Lexus GS 300 ពណ៌សដែរមានស្លាកលេខ 2BK 4385 ។

បច្ចុប្បន្ន ជនសង្ស័យ កំពុងឃាត់ខ្លួននៅស្នងការដ្ឋាននគរបាលខេត្តព្រះសីហនុដើម្បីធ្វើការសាកសួរ និងកសាងសំណុំរឿងចាត់ការតាមនីតិវិធី-ច្បាប់៕

ប្រភព៖ អគ្គស្នងការដ្ឋាននគរបាលជាតិ

Rang Rover បត់ឆ្វេងខ្វះការប្រុងប្រយ័ត្ន ទៅបុកនឹងម៉ូតូសណ្ដោងរ៉ឺម៉ក

obnasia — Mon, 30 Jan 2023 04:39:19 +0000

កណ្ដាល៖ នៅថ្ងៃអាទិត្យ ៨កើត ខែមាឃ ឆ្នាំខាល ចត្វាស័ក ព.ស. ២៥៦៦ ត្រូវនិងថ្ងៃទី២៩ ខែមករា ឆ្នាំ២០២៣ វេលាម៉ោង ២១នឹង០០នាទី ត្រង់ចំណុចផ្លូវជាតិលេខ ២១កែង ផ្លូវថ្មី ស្ថិតនៅភូមិកោះគរ សង្កាត់រកាខ្ពស់ ក្រុងតាខ្មៅ ខេត្តកណ្ដាល រវាង រថយន្ត និងម៉ូតូសណ្ដោងរ៉ឺម៉ក បណ្ដាលឲ្យរងរបួសធ្ងន់ចំនួន០១នាក់ប្រុស ។

សភាពនៃរឿងហេតុ មុនពេលកើតហេតុមានរថយន្តមួយគ្រឿងម៉ាក RANG ROVER ពណ៌ស ពាក់ផ្លាកលេខ ភ្នំពេញ2BB-2220 អ្នកបើកបរមិនទាន់ស្គាល់អត្តសញ្ញាណ (គេចខ្លួន) រថយន្តបើកបរមានទិសដៅពីជើង ទៅ ត្បូង រួចបត់ឆ្វេង ក៏បានបុកជាមួយម៉ូតូសណ្ដោងរ៉ឺម៉កមួយគ្រឿងម៉ាក HONDA DREAM ពណ៌ខ្មៅ ពាក់ផ្លាកលេខ កណ្ដាល 1J-7204 អ្នកបើកបរ មិនទាន់ស្គាល់ឈ្មោះ ភេទប្រុស អាយុប្រហែល ៣៥ឆ្នាំ (រងរបួសធ្ងន់ត្រូវបានរថយន្តសង្គ្រោះដឹកយកទៅសង្គ្រោះនៅមន្ទីរពេទ្យជ័យជំនះ) ម៉ូតូសណ្ដោងរ៉ឺម៉កបើកបរមានទិសដៅពី ត្បូង មក ជើង (ទិសដៅផ្ទុយគ្នា) ។

ចំពោះមធ្យោបាយដែលពាក់ព័ន្ធត្រូវបានយកមក រក្សាទុកបណ្តោះអាសន្ននៅអធិកាដ្ឋាននគរបាលក្រុងតាខ្មៅ ដើម្បីចាត់ការតាមនីតិវិធី។ ការខូតខាត: ម៉ូតូសណ្ដោងរ៉ឺម៉កធ្ងន់ ០១គ្រឿង និង រថយន្តធ្ងន់ ០១ គ្រឿង ។ មូលហេតុករណីខាងលើ៖ អ្នកបើករថយន្តបើកបត់ឆ្វេងខ្វះការប្រុងប្រយ័ត្ន និងអ្នកបើកម៉ូតូសណ្ដោងរ៉ឺម៉កបើកបរមានល្បឿនលឿនខ្វះការប្រុងប្រយ័ត្ន៕

ប្រភព៖ នាយកដ្ឋានផ្សព្វផ្សាយអប់រំ

ម៉ូតូ បុកនឹងរថយន្តដឹកដី បណ្តាលអោយមានអ្នករបួសធ្ងន់ ២នាក់

obnasia — Wed, 25 Jan 2023 06:01:29 +0000

កណ្ដាល៖ នៅថ្ងៃអង្គារ ៣កើត ខែមាឃ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី២៤ ខែមករា ឆ្នាំ២០២៣ វេលាម៉ោង១៥នឹង៥០នាទី លេីផ្លូវលេខ២១៥ កែងផ្លូវលេខ១១៧ ស្ថិតនៅភូមិព្រែកហូរកើត សង្កាត់ព្រែកហូរ ក្រុងតាខ្មៅ ខេត្តកណ្ដាល ។ រវាង ម៉ូតូ និង រថយន្ត បណ្តាលអោយរបួសធ្ងន់០២នាក់ប្រុស ០១នាក់ និងស្រី០១នាក់។

មុនពេលកើតហេតុមានម៉ូតូមួយគ្រឿងម៉ាកហុងដាឌ្រីម ពណ៌ខ្មៅ ពាក់ផ្លាកលេខស្វាយរៀង1T-2816 ជិះគ្នាពីរនាក់មិនពាក់មួកសុវត្ថភាព និងគ្មានកញ្ចក់មើលក្រោយ អ្នកបើកបរឈ្មោះ សេង សំណាង ភេទប្រុស អាយុ១៧ ឆ្នាំស្រុកកំណើតនៅភូមិពកណ្តាល ឃុំធ្លក ស្រុកស្វាយជ្រុំ ខេត្តស្វាយរៀង រងរបួសធ្ងន់ត្រូវបានរថយន្តសង្គ្រោះគ្លីនិកគង្គា (ដង្កោ) ដឹកយកទៅព្យាបាល និងអ្នករួមដំណើរពីក្រោយឈ្មោះ ចាប មិនា ភេទស្រី អាយុ១៥ឆ្នាំ មានទីលំនៅភូមិស្ទឹងជ្រៅ សង្កាត់ដើមមៀន ក្រុងតាខ្មៅ ខេត្តកណ្ដាល ម៉ូតូធ្វើដំណើរតាមផ្លូវ១១៧ បើកក្នុងទិសដៅពី ត្បូង ទៅ ជើង លុះដល់ចំណុចកើតហេតុក៏បានបុកជាមួយរថយន្តមួយគ្រឿងម៉ាក NISSAN DISIEL ពណ៌ខៀវ ពាក់ផ្លាកលេខចង្កូតស្តាំPP-3233 ធ្វើដំណើរតាមផ្លូវលេខ២១៥ ក្នុងទិសដៅពីកើត ទៅ លិច អ្នកបើករថយន្តមិនស្គាល់អត្តសញ្ញាណបេីកចេញពីកន្លែងកើតហេតុប្រហែលចម្ងាយ២០០ម៉ែត្រ ។

ការខូតខាត ម៉ូតូ ធ្ងន់ ០១គ្រឿង និងរថយន្តស្រាល០១គ្រឿង។ ចំពោះមធ្យោបាយដែលពាក់ព័ន្ធបានយកមករក្សាទុកបណ្តោះអាសន្ននៅអធិកាដ្ឋានដើម្បីចាត់ការតាមនីតិវិធី។ មូលហេតុមកពី អ្នកបើកបរម៉ូតូបើកក្នុងល្បឿនលឿនខ្វះការប្រុងប្រយ័ត្ន ចំណែកអ្នកបើបររថយន្តបើកចេញពីកន្លែងកើតហេតុ៕

ប្រភព៖ នាយកដ្ឋានផ្សព្វផ្សាយអប់រំ

រថយន្តធុនធ្ងន់ដឹកលូដាច់ហ្វ្រាំងបុករះ រថយន្ត និងម៉ូតូ

obnasia — Sun, 15 Jan 2023 02:22:56 +0000

បន្ទាយមានជ័យ ៖ នៅរសៀលថ្ងៃសុក្រ ៧ រោច ខែបុស្ស ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១៣ ខែមករា ឆ្នាំ២០២៣ យ៉ាងហោចណាស់ក៏មានរថយន្តម៉ាកCamry Prius ចំនួន០២គ្រឿង ម៉ូតូ០១គ្រឿងនិងផ្ទះចំនួន០២ល្វែង ត្រូវបានរថយន្តម៉ាកហ៊ីយ៉ាន់ដាយដឹកលូដាច់ហ្វ្រាំងបុករៈ បង្កឲ្យខូចខាតធ្ងន់ធ្ងរ ។ ហេតុការណ៍គួរឲ្យរន្ធត់នេះបានកើតឡើងនៅវេលាម៉ោង១២និង៥០នាទី លើកំណាត់ ផ្លូវជាតិលេខ៦ ត្រង់ចំណុចផ្លូវបំបែកជា៤ភ្លើងស្តុប ស្ថិតនៅភូមិចក្រី ឃុំជប់វារី ស្រុកព្រះនេត្រព្រះ ខេត្តបន្ទាយមានជ័យ ។

លោកវរសេនីយ៍ទោ ទេព រដ្ឋា អធិការនគរបាលស្រុកព្រះនេត្រព្រះ បានឲ្យដឹងថា ៖ មុនពេលកើតហេតុ មានរថយន្តម៉ាកCamry Prius ចំនួន០២គ្រឿង ក្នុងនោះ ០១គ្រឿង ពណ៌បៃតង ពាក់ស្លាកលេខ ភ្នំពេញ 2AW-5040 បើកបរដោយឈ្មោះ វិន សុស៊ា ភេទប្រុស អាយុ៣៧ឆ្នាំ នៅភូមិសូភី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ០១គ្រឿងទៀត ម៉ាកCamry Prius ពណ៍ស ស្លាកលេខភ្នំពេញ 2BG-2569 បើកបរដោយឈ្មោះ ភិន សុដា ភេទស្រី អាយុ៣០ឆ្នាំ នៅភូមិសាមគ្គីមានជ័យ សង្កាត់/ក្រុងប៉ោយប៉ែត ខេត្តបន្ទាយមានជ័យ និងម៉ូតូ01គ្រឿងC125 ផ្លាកលេខប-មានជ័យ-1G-8970 បើកបរដោយឈ្មោះ ស៊ូ សំអាន ភេទប្រុស អាយុ៣១ឆ្នាំ នៅភូមិនិមិត្តិ៣ សង្កាត់/ ក្រុងប៉ោយប៉ែត ខេត្តបន្ទាយមានជ័យ ។ រថយន្តនិងម៉ូតូធ្វើដំណើរពីទិសខាងលិចទៅកើតបានឈប់នៅចំណុចភ្លើងស្តុបរងចាំភ្លើងក្រហមលោតចេញពណ៌បៃតងដើម្បីបន្តដំណើរ ស្របពេលនោះ មានរថយន្តម៉ាកហ៊ីយ៉ាន់ដាយពណ៌សដឹកលូ គ្មានផ្លាកលេខ បើកក្នុងល្បឿនយ៉ាងលឿនជាន់ហ្វ្រាំមិនជាប់ក៏ជ្រុលទៅបុករៈរថយន្តម៉ាកព្រូស០២គ្រឿងនិងម៉ូតូ០១គ្រឿងដែលឈប់នៅកន្លែងភ្លើងស្តុបរងចាំភ្លើងបៃតង រួចបានបន្តទៅបុកផ្ទះល្វែងនៅក្បែរនោះ ខូចអស់០២ល្វែងបន្ថែមទៀតទើបរថយន្តទៅណាលេងរួច ហើយអ្នកបើកបរក្រោយពីបង្កគ្រោះថ្នាក់បានបើកទ្វាររថយន្តរត់គេចខ្លួនបាត់ស្រមោល បន្សល់ទុកតែរថយន្តនៅកន្លែងកើតហេតុ ។

លោកអធិការបានបញ្ជាក់ថា ៖ ករណីគ្រោះថ្នាក់ចរាចរណ៍ដ៏រន្ធត់នេះ មិនបង្កឲ្យមានមនុស្សរងគ្រោះថ្នាក់នោះទេ ខូចខាតធ្ងន់តែសម្ភារៈមាន ៖ រថយន្តបង្ក០១គ្រឿង រថយន្តម៉ាកCamry Prius ចំនួន០២គ្រឿង ម៉ូតូ០១គ្រឿង និងផ្ទះ០២ល្វែង។ បច្ចុប្បន្នម្លាំងនគរបាលជំនាញចរាចរណ៍ អធិការដ្ឋាននគរបាលស្រុកព្រះនេត្រព្រះកំពុងស្រាវជ្រាវរកអ្នកបើកបររថយន្តបង្កនោះ មកទទួលខុសត្រូវចំពោះមុខច្បាប់៕

ប្រភព៖ នាយកដ្ឋានផ្សព្វផ្សាយអប់រំ

រថយន្តបុកម៉ូតូ បណ្តាលអោយបុរសម្នាក់របួសបាក់ដៃខាងស្តាំ

obnasia — Tue, 10 Jan 2023 05:39:56 +0000

កណ្ដាល៖ នៅថ្ងៃចន្ទ ៣ រោច ខែបុស្ស ឆ្នាំខាល ចត្វាស័ក ព.ស. ២៥៦៦ ត្រូវនិងថ្ងៃទី ០៩ ខែមករា ឆ្នាំ២០២៣ វេលាម៉ោង ២១នឹង០០នាទី ត្រង់ចំណុច កែងហាង CAFÉ BURLAP លើផ្លូវជាតិលេខ២១A កែង ផ្លូវលេខ១០៨ ស្ថិតនៅភូមិតាខ្មៅ សង្កាត់តាខ្មៅ ក្រុងតាខ្មៅ ខេត្តកណ្ដាល ។ រវាង រថយន្ត និង ម៉ូតូ បណ្ដោលឲ្យរបួសបាក់ដៃខាងស្ដាំប្រុស ០១ នាក់។

មុនពេលកើតហេតុមានរថយន្តមួយគ្រឿងម៉ាក TOYOTA PRIUS ពណ៌ទឹកប្រាក់ ពាក់ផ្លាកលេខ (ភ្នំពេញ2AZ-6903) អ្នកបើកបរមិនទាន់ស្គាល់អត្តសញ្ញាណ (គេចខ្លួន) រថយន្តបើកបរមានទិសដៅពីត្បូង ទៅជើង រួចបត់ឆ្វេង ក៏បានបុកជាមួយម៉ូតូមួយគ្រឿងម៉ាក HONDA DREAM ពណ៌ខ្មៅ ពាក់ផ្លាកលេខ ភ្នំពេញ1IJ-1908(មិនពាក់មួកសុវត្ថិភាព និងមានកញ្ចក់មើលក្រោយ) អ្នកបើកម៉ូតូមានឈ្មោះ សឿន សុខឃីម ភេទប្រុស អាយុ ២០ឆ្នាំ ស្នាក់នៅផ្ទះជួល សង្កាត់តាខ្មៅ ក្រុងតាខ្មៅ ខេត្តកណ្ដាល (រងរបួសបាក់ដៃខាងស្ដាំ ត្រូវបានរថយន្តសង្គ្រោះដឹកយកទៅសង្គ្រោះនៅមន្ទីរពេទ្យជ័យជំនះ) ម៉ូតូបើកបរមានទិសដៅពី ជើង ទៅ ត្បូង (ទិសដៅផ្ទុយគ្នា) ។

ចំពោះមធ្យោបាយដែលពាក់ព័ន្ធត្រូវបានយកមក រក្សាទុកបណ្តោះអាសន្ននៅអធិកាដ្ឋាននគរបាលក្រុងតាខ្មៅ ដើម្បីចាត់ការតាមនីតិវិធី។ ការខូតខាត: ម៉ូតូធ្ងន់ចំនួន ០១គ្រឿង និងរថយន្តធ្ងន់ ចំនួន ០១ គ្រឿង ។ មូលហេតុករណីខាងលើបណ្ដាលមកពី អ្នកបើកបររថយន្ត បើកបត់ឆ្វេងខ្វះការប្រុងប្រយ័ត្ន៕

ប្រភព៖ នាយកដ្ឋានផ្សព្វផ្សាយអប់រំ

ឆេះឃ្លាំងរថយន្តមួយកន្លែងទាំងព្រលឹម!! ធ្វើអោយឆេះរថយន្តទំនើបអស់

obnasia — Tue, 10 Jan 2023 03:43:09 +0000

ភ្នំពេញ៖ នៅវេលាម៉ោង ០៥:០០ នាទីព្រឹក ថ្ងៃអង្គារ ៤រោច ខែបុស្ស ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១០ ខែមករា ឆ្នាំ២០២៣ មានករណីអគ្គីភ័យមួយកន្លែងបានកើតឡើងនៅចំណុច ផ្ទះលេខ២៣២ ផ្លូវ១៨២ ភូមិ០៦ សង្កាត់ផ្សារដេប៉ូទី១ ខណ្ឌទួលគោក រាជធានីភ្នំពេញ ម្ចាស់ទីតាំងឈ្មោះ សល់ ម៉េងសុី ភេទ ប្រុស អាយុ ២០ឆាំ្ន មុខរបរ ម្ចាស់ឃ្លាំងលក់រថយន្ត ។

មូលហេតុបណ្ដាលមកពីឆ្លងក្បាលអាគុយរថយន្តម៉ាក Lexus LM 300 ផលិតឆ្នាំ២០១៧ឡើងសេរីឆ្នាំ២០២១ ។
– ប្រភេទសំណង់: ឃ្លាំងលក់រថយន្ត ទំហំ ១២ម៉ែត្រ X ៦០ម៉ែត្រ ។
– ខូចខាតសម្ភារៈ ឆេះរថយន្តចំនួន ០៣ គ្រឿង ម៉ាកលុចសុីស LM រថយន្តម៉ាកតូយូតាសូរ៉េនណិ រថយន្តម៉ាកប៊េនលី (ពណ៍ខ្មៅទាំង៣) ឆេះសំភារះមួយចំនួន នឹងពុំបណ្ដាលអោយឆេះរាលដាលដល់អ្នកក្បែរខាងឡើយ ។
– ស្លាប់មនុស្ស : គ្មាន ។
– របួសមនុស្ស: គ្មាន ។

កងកម្លាំងអន្តរាគមន៍បង្ការពន្លត់អគ្គិភ័យ និងសង្គ្រោះ បានប្រើប្រាស់រថយន្តការិយាល័យអគ្គិភ័យចំនួន ១៧ គ្រឿង ប្រេីប្រាស់ទឹកអស់ចំនួន ១៧ រថយន្ត ស្មើរនឹង ៦៨ ម៉ែត្រគូប ។ ហើយពន្លត់ចប់ នៅវេលាម៉ោង ០៥:៣០ នាទីព្រឹក នាថ្ងៃខែឆ្នាំដដែល៕

ប្រភព៖ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ

រថយន្ត ២គ្រឿងបុកគ្នា បណ្តាលអោយស្លាប់ម្នាក់ និងរបួសម្នាក់

obnasia — Sat, 31 Dec 2022 02:14:11 +0000

បន្ទាយមានជ័យ ៖ មនុស្សម្នាក់បានស្លាប់ និងម្នាក់ទៀតរងរបួសស្រាលក្នុងហេតុការណ៍គ្រោះថ្នាក់ចរាចរណ៍ កើតឡើងនៅវេលាម៉ោង១០និង១០នាទីយប់ថ្ងៃទី២៩ ខែធ្នូ ឆ្នាំ២០២២ លើកំណាត់ផ្លូវជាតិលេខ៦(ក្រៅទីប្រជំជន) ត្រង់ចំណុចចន្លោះបង្គោលគីឡូម៉ែត្រលេខ៣៨៤-៣៨៥ ស្ថិតនៅភូមិរហាល ឃុំរហាល ស្រុកព្រះនេត្រព្រះ ខេត្តបន្ទាយមានជ័យ បង្កដោយរថយន្ត២គ្រឿងប៉ះទង្គិចគ្នា ។

អធិការនគរបាល ស្រុកព្រះនេត្រព្រះ លោកវរសេនីយ៍ទោ ទេព រដ្ឋា បានឲ្យដឹងថា គ្រោះថ្នាក់ចរាចរណ៍នេះគឺរថយន្តបុកជាមួយរថយន្តក្នុងទិសដៅផ្ទុយគ្នា ។ ដំបូងមានរថយន្តមួយគ្រឿងម៉ាកHIGHLANDER ពណ័ទឹកប្រាក់ ពាក់ស្លាកលេខភ្នំពេញ 2AC-2780 បើកបរដោយឈ្មោះ សើ សៀង ភេទប្រុស អាយុ២៤ឆ្នាំ រស់នៅភូមិទ្រលោកខាងត្បូង ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ និងអ្នករួមដំណើរ០១នាក់ឈ្មោះ សើ សៀងហួ ភេទប្រុស អាយុ២៦ឆ្នាំ រស់នៅភូមិឃុំជាមួយគ្នា ។ ពេលមកដល់ចំណុចកើតហេតុខាងលើ បានរេចង្កូតទៅខាងឆ្វេងដៃជ្រុលបុកជាមួយរថយន្តម៉ាក HYUNDAI ពណ៌ស ខៀវក្បាល ពាក់ស្លាកលេខត្បូងឃ្មុំ 3A-4194 និងមានសណ្តោងរ៉ឺម៉កពាក់ស្លាកលេខត្បូងឃ្មុំ 4A-0135អ្នកបើកបរ(ក្តាប់អត្តសញ្ញាណមិនបាន) ។

លោកអធិការបានបញ្ជាក់ថា ក្នុងករណីគ្រោះថ្នាក់នេះបណ្តាលអោយមនុស្សស្លាប់០១នាក់ នៅ កន្លែងកើតហេតុ(អ្នករួមដំណើររថយន្តHighlander) និងរបួសស្រាល០១នាក់ (អ្នកបើកបររថយន្តhighlander) ។ ក្នុងនោះរថយន្ត HIGHLANDER ខូចខាតធ្ងន់ផ្នែកខាងមុខ រថយន្តម៉ាកHYUNDAI ខូចខាតធ្ងន់ផ្នែកខាងមុខ ។

ក្រោយកើតហេតុ សមត្ថកិច្ចបានចុះវាស់វែងធ្វើកំណត់ហេតុ រួចនាំយកមធ្យោបាយទាំង២គ្រឿងទៅរក្សាទុកនៅអធិការដ្ឋាន រង់ចាំធ្វើការដោះស្រាយនៅពេលក្រោយ ។ ចំណែកសពជនរងគ្រោះប្រគល់ជូនក្រុមគ្រួសារយកទៅចាត់ចែងធ្វើបុណ្យតាមប្រពៃណី ៕

ប្រភព៖ អគ្គស្នងការដ្ឋាននគរបាលជាតិ

ចតទម្លាក់អីវ៉ាន់តាមផ្លូវ! ត្រូវរថយន្តមួយទៀតមកបុកពីក្រោយពេញទំហឹង

obnasia — Wed, 28 Dec 2022 04:55:48 +0000

ភ្នំពេញ៖ កាលពីម៉ោងប្រមាណ ២៖៤៥នាទីរំលងអាធ្រាត្រ ឈានចូលថ្ងៃទី២៨ ខែធ្នូ ឆ្នាំ២០២២ មានករណីគ្រោះថ្នាក់ចរាចរណ៍មួយបានកើតឡើងនៅចំនុចបណ្ដោយផ្លូវជាតិលេខ6A សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ រថយន្ត ២គ្រឿងបានបុកគ្នាយ៉ាងពេញទំហេង។

បើយោងតាមប្រភពពីសមត្ថកិច្ចបានអោយដឹងថា មានបុរសម្នាក់បេីករថយន្ដម៉ាក Mazda មានពាក់ស្លាកលេខភ្នំពេញ ២AL-៤៤៤៥ បានបុកជាមួយនឹងរថយន្តសាំងយ៉ុង ពាក់ស្លាកលេខព្រះសីហនុ ២B-៦២៩៦ ពីក្រោយដែលកំពុងចតកណ្ដាលផ្លូវ ដេីម្បីរេីសទ្វាឈេីទម្លាក់ពីលើរថយន្ត បណ្ដាលរងការខូចខាតយ៉ាងដំណំ។

ក្រោយពេលកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ បានចុះមកធ្វេីការវាស់វែង និងយករថយន្តទាំងពីរទៅរក្សាទុក ដើម្បីរងចាំការដោះស្រាយនៅពេលក្រោយ៕

រថយន្តបុកម៉ូតូ បណ្តាលអោយខាងអ្នកបើកម៉ូតូរងរបួសធ្ងន់

obnasia — Thu, 22 Dec 2022 06:57:37 +0000

កណ្ដាល៖ នៅថ្ងៃពុធ ១៣រោច ខែមគសិរ ឆ្នាំខាលចត្វាស័ក ព.ស. ២៥៦៦ ត្រូវនឹងថ្ងៃទី២១ ខែធ្នូ ឆ្នាំ២០២២ វេលាម៉ោង១៦នឹង០០នាទី ត្រង់ចំណុចខាងមុខច្រកកចូលហាង៩សីហា លក់គ្រឿងក្លែម លើផ្លូវលេខ២១ស្ថិតភូមិ ព្រែកសំរោង សង្កាត់ រកាខ្ពស់ ក្រុងតាខ្មៅ ខេត្តកណ្ដាល ។ រវាង រថយន្ត និង ម៉ូតូ បណ្តាលអោយរងរបួសធ្ងន់ប្រុស០១នាក់។

សភាពនៃរឿងហេតុ៖ មុនពេលកើតហេតុមានឡានមួយគ្រឿងម៉ាកHYUNDAI ពណ៌សពាក់ផ្លាកលេខចង្កូតស្តាំ PP-2526 អ្នកបេីកបរមិនទាន់ស្គាល់អត្តសញ្ញាណរត់គេចចេញពីកន្លែងកើតហេតុរថយន្តបើកបរក្នុងទិសដៅពីត្បូង ទៅ ជើងរួចបត់ឆ្វេង ឆ្លងផ្លូវពីកើត ទៅលិច លុះមកដល់កន្លែងកេីតហេតុក៏បានបុកជាមួយម៉ូតូ១គ្រឿងម៉ាកហុងដាឌ្រីមពណ៌ខ្មៅពាក់ផ្លាកលេខកណ្តាល 1R-3261 ធ្វើដំណើរ ក្នុងទិសដៅពីជើង ទៅត្បូង អ្នកបើកបរឈ្មោះ ថាច ឆាវលីត្រ ភេទប្រុស អាយុ១៨ឆ្នាំ ស្នាក់នៅភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល រងរបួសបាក់ខ្មងជើងខាងឆ្វេង ត្រូវបានសាច់ញាតិដឹកតាមរថយន្តយកទៅសង្គ្រោះនៅគ្លីនិកឯកជនមួយកន្លែង ។ ការខូតខាត ម៉ូតូធ្ងន់០១គ្រឿង និងរថយន្តស្រាល០១គ្រឿង។

ចំពោះមធ្យោបាយដែលពាក់ព័ន្ធបានយកមករក្សាទុកបណ្តោះអាសន្ននៅអធិកាដ្ឋានដើម្បីចាត់ការតាមនីតិវិធី។
មូលហេតុមកពីអ្នកបើកបររថយន្តបត់ឆ្វេងខ្វះការប្រុងប្រយ័ត្ន ចំណែកអ្នកបើកបរម៉ូតូបើកក្នុងល្បឿនលឿនខ្វះការប្រុងប្រយ័ត្ន៕

ប្រភព៖ នាយកដ្ឋានផ្សព្វផ្សាយអប់រំ

រថយន្ត ២គ្រឿងបុកគ្នាយ៉ាងពេញទំហឹង បណ្តាលអោយ

obnasia — Fri, 09 Dec 2022 02:25:38 +0000

បន្ទាយមានជ័យ ៖ នៅថ្ងៃទី៨ ខែធ្នូ ឆ្នាំ២០២២ វេលាម៉ោង មានករណីគ្រោះថ្នាក់ចរាចរណ៍រវាងរថយន្ត ២គ្រឿង បុកគ្នារងការខូចខាតយ៉ាងធ្ងន់ធ្ងរ បណ្តាលឱ្យមនុស្សចំនួន ៤នាក់ រងរបួសស្រាល ស្ថិតនៅចន្លោះបង្គោលគីឡូម៉ែត្រលេខ ៣៨១-៣៨២ ផ្លូវជាតិលេខ៥ ភូមិវាំងមួង ឃុំកូប ស្រុកអូរជ្រៅ ខេត្តបន្ទាយមានជ័យ ។

នគរបាលស្រុកអូរជ្រៅ បានឲ្យដឹងថា ៖ មុនដំបូងមានរថយន្តមួយគ្រឿង ម៉ាក HIGHLANDER ពណ៌ស្លែ ពាក់ផ្លាកលេខភ្នំពេញ 2AJ-2893 បើកបរដោយឈ្មោះ រ៉ែន ណារិន ភេទប្រុស អាយុ៤២ឆ្នាំ មានលំនៅភូមិប៉ាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ខេត្ដបន្ទាយមានជ័យ មានអ្នករួមដំណើរ ០២នាក់ (ស្រី) បានបើកបរក្នុងទិសដៅពីទិសខាងលិចទៅទិសខាងកើត លុះមកដល់ចំណុចកើតហេតុ ស្របពេលនោះក៏មានរថយន្ត ០១គ្រឿងទៀត ម៉ាក FORD ពណ៌ស ពាក់ផ្លាកលេខ បន្ទាយមានជ័យ 2E-2990 បើកបរដោយឈ្មោះ អៀត សំអូន ភេទប្រុស អាយុ ២០ឆ្នាំ មានលំនៅភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ខេត្ដបន្ទាយមានជ័យ បើកបរក្នុងទិសដៅពីកើតទៅលិច ច្រាសទិសគ្នា បានមកបុកចំពីមុខរថយន្តម៉ាក HIGHLANDER បណ្តាលឱ្យមានគ្រោះថ្នាក់កើតឡើងតែម្តង ។

នគរបាលបានបញ្ជាក់ថា ៖ មូលហេតុ បង្កឱ្យមានគ្រោះថ្នាក់គឺមកពីអ្នកបើកបររថយន្តម៉ាក FORD ពណ៌ស ពាក់ផ្លាកលេខ បន្ទាយមានជ័យ 2E-2990 បើកបរក្នុងល្បឿនលឿនខ្វះការប្រុងប្រយ័ត្ន ហើយបានវេរចង្កូតចូលទៅបុករថយន្តម៉ាក HIGHLANDER ដែលបើកបរខាងស្តាំដៃរបស់គេ ។

ករណីនេះ រថយន្តខូចធ្ងន់ទាំង០២គ្រឿង និងមនុស្សចំនួន ៤នាក់ រងរបួសស្រាល នគរបាលបានយករថយន្ត០២គ្រឿង មករក្សាទុកនៅអធិការដ្ឋាននគរបាលស្រុកអូរជ្រៅ ក្រោយពីធ្វើការវាស់វែងរួច ដើម្បីរងចាំធ្វើការដោះស្រាយតាមច្បាប់ ៕

ប្រភព៖ អគ្គស្នងការដ្ឋាននគរបាលជាតិ

រថយន្ត – OBN Asia

កុំច្រឡំថាកញ្ចប់កាហ្វេណា!! តាមពិតសុទ្ធតែជាគ្រឿងញៀននោះទេ

Rang Rover បត់ឆ្វេងខ្វះការប្រុងប្រយ័ត្ន ទៅបុកនឹងម៉ូតូសណ្ដោង​រ៉ឺ​ម៉ក

ម៉ូតូ បុកនឹងរថយន្តដឹកដី បណ្តាលអោយមានអ្នករបួសធ្ងន់ ២នាក់

រថយន្តធុនធ្ងន់ដឹកលូដាច់ហ្វ្រាំងបុករះ រថយន្ត និងម៉ូតូ

រថយន្តបុកម៉ូតូ បណ្តាលអោយបុរសម្នាក់របួសបាក់ដៃខាងស្តាំ

ឆេះឃ្លាំងរថយន្តមួយកន្លែងទាំងព្រលឹម!! ធ្វើអោយឆេះរថយន្តទំនើបអស់

រថយន្ត ២គ្រឿងបុកគ្នា បណ្តាលអោយស្លាប់ម្នាក់ និងរបួសម្នាក់

ចតទម្លាក់អីវ៉ាន់តាមផ្លូវ! ត្រូវរថយន្តមួយទៀតមកបុកពីក្រោយពេញទំហឹង

រថយន្តបុកម៉ូតូ បណ្តាលអោយខាងអ្នកបើកម៉ូតូរងរបួសធ្ងន់

រថយន្ត ២គ្រឿងបុកគ្នាយ៉ាងពេញទំហឹង បណ្តាលអោយ

Rang Rover បត់ឆ្វេងខ្វះការប្រុងប្រយ័ត្ន ទៅបុកនឹងម៉ូតូសណ្ដោងរ៉ឺម៉ក