ឯកឧត្តមទេសរដ្ឋមន្ត្រី គន់ គីម អនុប្រធានទី១គណៈកម្មាធិការជាតិគ្រប់គ្រងគ្រោះ មហន្ត រាយ បានដឹកនាំក្រុមការងារអាជ្ញាធរដែនដី មន្ត្រីជំនាញ ចុះពិនិត្យស្ថានភាពទឹកជំនន់ ជន់លិច ស្រូវតាមវាលស្រែ នៅក្រុងសិរីសោភ័ណ និងស្រុកមង្គលបូរី ដែលកំពុងរងផល ប៉ះ ពាល់ដោយទឹកជំនន់ជន់លិច ដែលគ្រោងស្តារឡើងវិញចំនួន ១៥ ០០០ហិកតានេះ នៅរសៀល ថ្ងៃ១៤កើត ខែអស្សុជ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃអាទិត្យ ទី០៩ ខែតុលា ឆ្នាំ២០២២។

ក្នុងឱកាសនោះឯកឧត្តមទេសរដ្ឋមន្ត្រី គន់ គីម បានសុំឱ្យគណៈកម្មាធិការគ្រប់គ្រង់ គ្រោះមហន្តរាយថ្នាក់ខេត្ត និងមន្ទីរជំនាញ ត្រូវចុះបន្តសិក្សាស្រាវជ្រាវ ពីផលប៉ះពាល់ឱ្យបាន ច្បាស់លាស់ ចំពោះដំណាំស្រូវដែលលិចទឹកខូចខាត ហើយ និងគ្រោងផ្តល់ស្រូវពូជពីរាជរដ្ឋា ភិបាល ដើម្បីស្តារឡើងវិញនៅពេលទឹកជំនន់ស្រកអស់ ដើម្បីជួយដល់ការដាំដុះឡើងវិញ របស់ប្រជាកសិករយើង បានទាន់ពេលវេលា។

នៅក្នុងជំនួបប្រជុំជាមួយអាជ្ញាធរខេត្តបន្ទាយមានជ័យឯកឧត្តមទេសរដ្ឋមន្ត្រី គន់ គីម បានលើកនូវប្រសាសន៍ ជាបទបញ្ជាដាច់ណាត់ របស់សម្តេចតេជោ ហ៊ុន សែន ក្នុងកិច្ចអន្តរា គមន៍ស្តារការដាំដុះឡើងវិញ របស់ប្រជាកសិករក្រោយពេលទឹកស្រកចុះទៅវិញនោះ។

ឯកឧត្តមទេសរដ្ឋមន្ត្រី បានគូសបញ្ជាក់ថា សម្តេចតេជោប្រសូត្រចេញពីគ្រួសារកសិករ លោកក្តាប់បាន និងមានការយល់ដឹងស៊ីជម្រៅណាស់ពីការលំបាក និងតម្រូវការរបស់ប្រជា កសិករ ។ ដូច្នេះសម្តេចបានដាក់ចេញនូវទិសដៅ អាទិភាពបន្ទាន់សម្រាប់ប្រតិបត្តិការ ត្រៀម ផ្តល់ពូជស្រូវ និងដំណាំរួមផ្សំជូនដល់ប្រជាកសិករសម្រាប់ស្តារជីវភាពឡើងវិញ។ សម្តេចតេ ជោលោកជាអ្នកផ្សាភ្ជាប់ ខ្លួនជានិច្ចជាមួយកសិករ . ដូច្នេះទុក្ខលំបាករបស់កសិករ គឺជាទុក្ខ លំបាករបស់លោក ហើយលោកយល់ច្បាស់ណាស់ពីស្ថានភាពរបស់កសិករ។ កសិកម្មជា ដង្ហើមជីវិតរបស់ប្រជាកសិករ ដូច្នេះត្រូវធានាដល់ការដាំដុះឡើងវិញ របស់កសិករក្រោយ ពេលទឹកស្រក។

អភិបាលខេត្តបន្ទាយមានជ័យ បានរាយការណ៍ឱ្យដឹងថា ខេត្តបន្ទាយមានជ័យ ទឹក ជំនន់បានរងផលប៉ះពាល់ទាំង ៩ស្រុក/ក្រុង និងរងគ្រោះធ្ងន់ធ្ងរមាន ៨ស្រុក/ក្រុង។ ទឹកជំនន់ បានប៉ះពាល់២លើក ដោយក្នុងនោះនៅខែមិថុនា ឆ្នាំ២០២២ប៉ះពាល់មាន ស្រុកមង្គលបូរី និងលើកទី២ ទឹកជំនន់ជន់លិចនៅខែកញ្ញា ដល់ខែតុលាឆ្នាំ២០២២នេះ ប៉ះពាល់ដំណាំស្រូវ ៣៣ ៦០៥ហិកតា និងខូចខាតស្រូវ ៥ ០៩៦ហិកតា ដំណាំរួមផ្សំ ១ ៣៦៥ហិកតា ៕

ប្រភព៖ ក្រសួងព័ត៌មាន

ប្រភព៖ BTV