ជួន ណារិន្ទ – OBN Asia

សុទ្ធតែជាបុគ្គលិកក្រុមហ៊ុនដឹកជញ្ជូនម្ហូប!! ស្រាប់តែបែកគំនិតនាំគ្នាចេញឆក់

obnasia — Sat, 04 Feb 2023 06:32:16 +0000

ព្រះសីហនុ៖ នៅថ្ងៃទី៤ ខែកុម្ភៈ ឆ្នាំ២០២៣នេះ កម្លាំងការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តព្រះសីហនុ បញ្ជូនជនសង្ស័យ៤នាក់ទៅតុលាការពាក់ព័ន្ធករណីលួចមានស្ថានទម្ងន់ទោស (ឆក់ទូរស័ព្ទ)។

សមត្ថកិច្ចបានឲ្យដឹងថាជនសង្ស័យទាំង០៤នាក់ ៖
១-ឈ្មោះ លី វុត្ថា ហៅ សេក ភេទប្រុស អាយុ១៩ឆ្នាំ ជនជាតិខ្មែរ មុខរបរ បុគ្គលិកក្រុមហ៊ុនដឹកជញ្ជូនE-Gets ស្នាក់នៅភូមិ៣ សង្កាត់២ ក្រុង-ខេត្តព្រះសីហនុ ។
២-ឈ្មោះ ម៉ី បុណ្ណទិត្យាសីហាដុល្លា ហៅ ទ្បា ភេទប្រុស អាយុ១៨ឆ្នាំ ជនជាតិខ្មែរ មុខរបរ បុគ្គលិកក្រុមហ៊ុនដឹកជញ្ជូនE-Gets ស្នាក់នៅភូមិ០៣ សង្កាត់០១ ក្រុង-ខេត្តព្រះសីហនុ។
៣-ឈ្មោះ ហេង ពេជ្រ ភេទប្រុស អាយុ១៧ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅមិនពិតប្រាកដ។
៤-ឈ្មោះ នាង រីវីរក្ស ភេទប្រុស អាយុ១៨ឆ្នាំ ជនជាតិខ្មែរ មុខរបរ បុគ្គលិកក្រុមហ៊ុនដឹកជញ្ជូនE-Gets ស្នាក់នៅភូមិ០១ សង្កាត់០២ ក្រុង-ខេត្តព្រះសីហនុ។

ជនរងគ្រោះឈ្មោះ YE HAOGUANG ភេទប្រុស អាយុ២៦ឆ្នាំ។

សមត្ថកិច្ចបានដកហូតវត្ថុតាងរួមមាន៖
-ម៉ូតូ១គ្រឿងម៉ាកអាសង់ស៊េរីឆ្នាំ២០២២ ពណ៌ខ្មៅ ស្លាកលេខៈព្រះសីហនុ 1K-6517(ជាមធ្យោបាយធ្វើសកម្មភាព)។
-ម៉ូតូ១គ្រឿងម៉ាក ស្តុបពីស៊េរីឆ្នាំ ២០១៩ ពណ៌ស ស្លាកលេខ ព្រះសីហនុ 1H-7771 ។
-ទូរស័ព្ទម៉ាក Iphone 8Plus ពណ៌ខ្មៅ ០១គ្រឿង ។
-ទូរស័ព្ទម៉ាក oppo ពណ៌ក្រហម ០១ គ្រឿង។
-ទូរស័ព្ទ១គ្រឿងម៉ាក Iphone 13 promax ពណ៌ខៀវ ។

សមត្ថកិច្ចបញ្ជាក់ថា នៅថ្ងៃទី០១ ខែកុម្ភៈ ឆ្នាំ២០២៣ វេលាម៉ោង២០នឹង៣០នាទី នៅចំណុចភូមិ៣ សង្កាត់៤ ក្រុង-ខេត្តព្រះសីហនុ មានករណីអំពើលួចមានស្ថានទម្ងន់ទោស (ឆក់ទូរស័ព្ទ) មួយបានកើតឡើងបង្កឡើងដោយជនសង្ស័យមួយក្រុម មិនស្គាល់អត្តសញ្ញាណ បានធ្វើសកម្មភាព ឆក់ទូរស័ព្ទដៃ ០១គ្រឿង ម៉ាក IPHONE 13 PRO MAX របស់បុរសម្នាក់ជាជនជាតិចិន ដែលកំពុងឈរនិយាយទូរស័ព្ទនៅតាមផ្លូវ រួចរត់គេចខ្លួនបាត់។ បន្ទាប់ពីទទួលបានព័ត៌មាននេះភ្លាម លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានចាត់ឱ្យកម្លាំងការិយាល័យនគរបាលព្រហ្មទណ្ឌកម្រិតស្រាល សហការជាមួយកម្លាំងអធិការដ្ឋាននគរបាលក្រុងព្រះសីហនុ ស្រាវជ្រាវយ៉ាងយកចិត្តទុកដាក់ រហូតដល់ឃាត់ខ្លួនបានជនសង្ស័យចំនួន ៤នាក់ ៕

ប្រភព៖ អគ្គស្នងការដ្ឋាននគរបាលជាតិ

ចាប់បានជនសង្ស័យ ២នាក់ ធ្លាប់ធ្វើសកម្មភាពឆក់កាបូបលុយ និងទូរសព្ទ័ដៃ

obnasia — Fri, 30 Dec 2022 03:37:56 +0000

ព្រះសីហនុ ៖ នៅថ្ងៃទី២៩ ខែធ្នូ ឆ្នាំ២០២២ ដោយមានការដឹកនាំបញ្ជាពីសំណាក់ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ កម្លាំងអធិការដ្ឋាននគរបាលក្រុងព្រះសីហនុ បានធ្វើការឃាត់ខ្លួនជនសង្ស័យចំនួន០២នាក់ ដែលធ្លាប់បានធ្វើសកម្មភាព លួចមានស្ថានទម្ងន់ទោស (ឆក់កាបូបលុយ និងទូរសព្ទ័ដៃចំនួន ២ករណីផ្សេងគ្នា) នៅចំណុចលើការ៉ូឡា ស្ថិតនៅក្រុមទី០១ ភូមិ១ សង្កាត់លេខ៣ ក្រុង-ខេត្តព្រះសីហនុ កាលពីថ្ងៃទី០៦ខែធ្នូ ឆ្នាំ២០២២ និងនៅចំណុចមុខសាលារៀនកម្មករ សង្កាត់លេខ៤ ក្រុង-ខេត្តព្រះសីហនុ កាលពីថ្ងៃទី១០ ខែធ្នូ ឆ្នាំ២០២២ ពេលធ្វើសកម្មភាពហើយបានរត់គេចខ្លួនបាត់អស់ ។

សមត្ថកិច្ច បានឃាត់ខ្លួនជនសង្ស័យចំនួន ០២នាក់ ៖ ១-ឈ្មោះ គឹម នៅស៊ីណុច ហៅ ណុច ភេទ ប្រុស អាយុ២២ឆ្នាំ មុខរបរ និង ស្នាក់នៅ មិនពិតប្រាកដ ។ ២-ឈ្មោះ ឃួន ឧស្សាហ៍ ហៅ យក្ស ភេទ ប្រុស អាយុ ២០ឆ្នាំ មុខរបរ និង ស្នាក់នៅ មិនពិតប្រាកដ ។ ក្រោយពេលសាកសួរ ជនសង្ស័យទាំង០២នាក់បានសារភាពថាពួកខ្លួនពិតជាបានធ្វើសកម្មភាពដូចខាងលើប្រាកដមែន ។

វត្ថុតាងដកហូតរួមមាន ៖ ម៉ូតូ ០១គ្រឿងម៉ាកហុងដា សេ១២៥ ពណ៌ខ្មៅ ស៊េរីឆ្នាំ២០២២ ។

បច្ចុប្បន្ន កម្លាំងអធិការដ្ឋាននគរបាលក្រុងព្រះសីហនុ កំពុងបន្តស្រាវជ្រាវសាកសួរកសាងសំណុំរឿងបញ្ជូនទៅសាលាដំបូងខេត្ត ៕

ប្រភព៖ អគ្គស្នងការដ្ឋាននគរបាលជាតិ

សមត្ថកិច្ចចាប់បាន! ដាវញីឈ្មោលក្នុងវិស័យលួចម៉ូតូ

obnasia — Wed, 09 Nov 2022 03:08:33 +0000

ព្រះសីហនុ ៖ កាលពីថ្ងៃទី២៤ ខែតុលា ឆ្នាំ២០២២ វេលាម៉ោង ១៩និង៣០នាទី រំលងអាធ្រាត្រ នៅចំណុចភូមិ២ សង្កាត់២ ក្រុង-ខេត្តព្រះសីហនុ មានករណីលួចមានស្ថានទម្ងន់ទោស (លួចកាច់បំបែកសោរកម៉ូតូ) មួយបានកើតឡើងបង្កឡើងដោយជនសង្ស័យ ០២នាក់ (បុ្រស១ ស្រី១) មិនស្គាល់អត្តសញ្ញាណ បានធ្វើសកម្មភាព លួចម៉ូតូរបស់ប្រជាពលរដ្ឋចំនួន ០១គ្រឿងម៉ាកហុងដាឌ្រីមសេ១២៥ ស៊េរីឆ្នាំ២០១៨ ពណ៌ក្រហមរួចគេចខ្លួនបាត់ បន្ទាប់ពីទទួលបានពត៌មាននេះ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានចាត់ឲ្យ កម្លាំងការិយាល័យនគរបាលព្រហ្មទណ្ឌកម្រិតស្រាល បានធ្វើការស្រាវជ្រាវយ៉ាងយកចិត្តទុកដាក់ រហូតដល់ថ្ងៃទី ០៤ ខែវិច្ឆិកា ឆ្នាំ២០២២ វេលាម៉ោង២៣និង៣០នាទី ទើបឃាត់ខ្លួនបានជនសង្ស័យទាំង០២នាក់ ជាបន្តបន្ទាប់ ព្រមទាំងដកហូតបានវត្ថុតាង ម៉ូតូ ០១គ្រឿង ម៉ាក ហុងដាឌ្រីម សេ១២៥ ស៊េរីឆ្នាំ២០១៨ ឡើងតែមឆ្នាំ២០២២ ពណ៌ក្រហម ដែលជាផលនៃអំពើចោរកម្ម ។

ជនរងគ្រោះឈ្មោះ ព្រំ សៅមុន្នី ភេទស្រី អាយុ ៣០ឆ្នាំ ជនជាតិខ្មែរ មុខរបរ លក់ដូរ មានទីលំនៅ ភូមិ០២ សង្កាត់០៣ ក្រុង-ខេត្តព្រះសីហនុ ។ សម្ភារបាត់បង់ ម៉ូតូម៉ាកអាសង់សេរ៊ីឆ្នាំ ២០១៨ ពណ៍ក្រហម ។

ជនសង្ស័យចំនួន០២នាក់មានឈ្មោះ ៖

១-ឈ្មោះ ជីម ពន្លក ភេទប្រុស អាយុ ២២ឆ្នាំ ជនជាតិខ្មែរ មុខរបរ ជាងម៉ូតូ ស្នាក់នៅភូមិ៤ សង្កាត់៤ ក្រុង-ខេត្តព្រះសីហនុ ។

២-ឈ្មោះ លុក ស្រីណែត ភេទស្រី អាយុ ១៧ ឆ្នាំ ជនជាតិខ្មែរ មុខរបរ អ្នករត់តុ ស្នាក់នៅភូមិ ០២ សង្កាត់១ ក្រុង-ខេត្តព្រះសីហនុ ។

វត្ថុតាងចាប់យកបានជាក់ស្តែងមាន៖

-ម៉ូតូ ០១គ្រឿង ម៉ាកអាសង់សេរ៊ីឆ្នាំ ២០១៨ ពណ៍ក្រហម ចំនួន០១គ្រឿង (ផលនៃអំពើចោរកម្ម) ។

-ទូរស័ព្ទម៉ាក iphone xs max ពណ៍ទឹកមាស ០១ គ្រឿង ។

បច្ចុប្បន្នការិយាល័យនគរបាលព្រហហ្មទណ្ឌកម្រិតស្រាល កំពុងបន្តនីតិវិធី តាមផ្លូវច្បាប់ ៕

ប្រភព៖ ផ្សព្វផ្សាយអប់រំ ស្នងការដ្ឋាននគរបាលខេត្តព្រះសីហនុ

ចាប់ជនជាតិចិន ២ក្រុម ក្រោយផឹកស៊ីស្រវឹងបង្កហិង្សា នៅហាងម្តុំឆ្នេរអូឈើទាល

obnasia — Tue, 18 Oct 2022 08:27:27 +0000

ព្រះសីហនុ៖ សម្ថកិច្ចបានឲ្យដឹងថា មានជនជាតិចិន២ក្រុម អង្គុយផឹក ក្នុងហាងមួយកន្លែងឈ្មោះ ស៊ី កាង បានទាស់សម្ដីគ្នារហូតឈានដល់ការប្រើហិង្សាដាក់គ្នា កាលពីវេលាម៉ោង១២យប់ ឈានចូលថ្ងៃទី ១៧ ខែតុលា ឆ្នាំ២០២២ នៅម្ដុំឆ្នេរអូរឈើទាល ស្ថិតក្នុងសង្កាត់លេខ៤ ក្រុង-ខេត្តព្រះសីហនុ ។

ក្រោយកើតហេតុ នគរបាលទេសចរណ៍ដែលនៅក្បែរគោលដៅនោះ បានរាយការណ៍បន្តឲ្យនគរបាលខាងព្រហ្មទណ្ឌកម្រិតស្រាល នៃស្នងការនគរបាលខេត្តព្រះសីហនុ ចុះអន្តរាគមន៍ ដោយមានបញ្ជារពីលោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ និងដឹកនាំផ្ទាល់ពី លោកឧត្តមសេនីយ៍ត្រី ណុប បញ្ញា ស្នងការរងខេត្ត បានដឹកនាំកម្លាំងចុះបង្ក្រាបក្រុមជនជាតិចិនទាំងអស់នោះ សរុប២ក្រុម ឃាត់បាន៨នាក់ បញ្ជូនភ្លាមៗទៅស្នងការនគរបាលខេត្តព្រះសីហនុដើម្បីសួរនាំនិងចាត់ការតាមនីតិវិធីច្បាប់។

សូមបញ្ជាក់ថា ជុំវិញករណីនេះ សមត្ថកិច្ចឃាត់ខ្លួនបានជនជាតិចិន៨ នាក់ និងដកហូតបានវត្ថុតាងកាំបិត ចុងភៅដែលនៅក្នុងភោជនីយដ្ឋាននោះជាច្រើនដើម តែមិនបណ្ដាលឲ្យនរណាម្នាក់រងរបួសធ្ងន់ធ្ងរឡើយ ៕

ប្រភព៖ Huy Bunleng News

សមត្ថកិច្ចធ្វើការឃាត់ខ្លួនជនសង្ស័យម្នាក់ ពាក់ព័ន្ធករណីឆក់កាបូប

obnasia — Thu, 08 Sep 2022 09:31:08 +0000

ព្រះសីហនុ ៖ នគរបាលខេត្តព្រះសីហនុ បានថ្លែងប្រាប់សារព័ត៌មានអគ្គស្នងការដា្ឋននគរបាលជាតិ ឲ្យបានដឹងថា នៅថ្ងៃទី០៤ ខែកញ្ញា ឆ្នាំ២០២២ ដោយមានការដឹកនាំបញ្ជារ ពីសំណាក់លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ វេលាម៉ោងប្រហែល ២២និង០០នាទីយប់ អធិការដ្ឋាននគរបាលក្រុងព្រះសីហនុ បានធ្វើការឃាត់ខ្លួនជនសង្ស័យ០១នាក់ កំពុងជិះម៉ូតូ០១គ្រឿង ម៉ាកសង់ប៉ិច ពណ៌ខ្មៅ ម្នាក់ឯង តាមផ្លូវ ហើយកម្លាំងយើងមានការសង្ស័យ មានភិនភាគដូចមុខសញ្ញាធ្លាប់ធ្វើសកម្មភាពឆក់សម្ភារៈតាមផ្លូវកន្លងមក ទើបកម្លាំងយើងធ្វើការឃាត់ខ្លួនជនសង្ស័យយកមកសាកសួរនៅអធិការដ្ឋាន ។

មន្ត្រីនគរបាលខេត្តព្រះសីហនុ បានឲ្យដឹងថា ៖ ជនសង្ស័យឈ្មោះ ឈុន អាន ភេទប្រុស អាយុ១៦ឆ្នាំ ជនជាតិខ្មែរ ស្នាក់នៅភូមិ២ សង្កាត់លេខ១ ក្រុងព្រះសីហនុ ខេត្តព្រះសីហនុ មុខរបរ មិនពិតប្រាកដ ។

ប្រភពដដែលបានបន្តថា ៖ ក្រោយពេលសាកសួរជនសង្ស័យបានសារភាពថា ខ្លួននិងបក្ខពួក ម្នាក់ទៀត ឈ្មោះ យួន (កំពុងរត់គេចខ្លួន) ពិតជាបានធ្វើសកម្មភាពឆក់កាបូប ពីជនរងគ្រោះ នៅចំណុច រង្វង់មូលតោ២ កាលពីថ្ងៃទី១៥ ខែសីហា ឆ្នាំ២០២២ វេលាម៉ោង០៦និង២០នាទីព្រឹក បានសំរេចប្រាកដមែន ។

បច្ចុប្បន្នជនសង្ស័យ០១នាក់ខាងលើ កំពុងឃាត់ខ្លួន នៅអធិការដ្ឋាននគរបាលក្រុងព្រះសីហនុ ដើម្បីសាកសួរ និងកសាងសំណុំរឿងបញ្ជូនទៅសាលាដំបូងខេត្តព្រះសីហនុ ចាត់ការតាមនីតិវិធី ៕

ប្រភព៖ អគ្គស្នងការដ្ឋាននគរបាលជាតិ

មេប៉ូលិសខេត្តព្រះសីហនុដកហូតម៉ូតូជាច្រើនគ្រឿងពីកន្លែងបញ្ចាំខុសច្បាប់

Bsamnang — Mon, 10 Feb 2020 02:10:54 +0000

ភ្នំពេញ៖ ដោយមានការដឹកនាំ សម្របសម្រួលពីលោក ព្រះរាជអាជ្ញារង លឹម ប៊ុនហេង និងការបញ្ជារផ្ទាល់ពី លោក គួច ចំរើន អភិបាលខេត្តព្រះសីហនុ លោក ជួន ណារិន្ទ ស្នងការប៉ូលិសខេត្តព្រះសីហនុបានចុះដកហូតម៉ូតូជាច្រើនគ្រឿង ពីកន្លែងបញ្ចាំខុសច្បាប់មួយកន្លែង មករក្សារទុកនៅស្នងការ ដូច្នេះប្រសិនបងប្អូនណាបាត់ម៉ូតូក្នុងបទល្មើសសូមយកឯកសារសម្គាល់ ផ្សេងៗមកពិនិត្យផ្ទៀងផ្ទាត់ដើម្បីទទួលយកម៉ូតូទៅវិញ។

លោក ជួន ណារិន្ទ ស្នងការប៉ូលិសខេត្តព្រះសីហនុបានសរសេរលើគេហទំព័រហ្វេសប៊ុកនៅថ្ងៃទី៩កុម្ភៈនេះថា« ស្នងការដ្ឋាននគរបាលខេត្តព្រះសីហនុ សូមគោរពជូនដំណឹង ដល់ បងប្អូនប្រជាពលរដ្ឋ មេត្តាជ្រាបថា៖ ប្រសិនបើមាន បាត់បង់ ម៉ូតូ ក្នុងបទល្មើសណាមួយ សូមអញ្ជើញ យករាល់ឯកសារសម្គាល់ ផ្សេងៗមកពិនិត្យផ្ទៀងផ្ទាត់ នៅស្នងការដ្ឋាននគរបាលខេត្តព្រះសីហនុ ។
សមត្ថកិច្ចជំនាញយើងខ្ញុំ ដោយមានការដឹកនាំ សម្របសម្រួលពីលោក ព្រះរាជអាជ្ញារង លឹម ប៊ុនហេង និងការបញ្ជារផ្ទាល់ពី ឯកឧត្តម គួច ចំរើន ៖ បានដកហូតម៉ូតូជាច្រើនគ្រឿង ពីកន្លែងបញ្ចាំខុសច្បាប់មួយកន្លែង មករក្សារទុកនៅស្នងការ»៕