ចាស់ – OBN Asia

សមត្ថកិច្ចបង្ក្រាបបានចោរឆក់ មួយសំបុកមាន ៧នាក់

obnasia — Sat, 09 Jul 2022 05:29:35 +0000

ព្រះសីហនុ ៖ ដោយអនុវត្តតាមបទបញ្ជា និងការណែនាំចង្អុលបង្ហាញពីលោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ កម្លាំងការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តព្រះសីហនុ បានធ្វើការស្រាវជ្រាវយ៉ាងយកចិត្តទុកដាក់ និងបានរៀបចំផែនការបង្ក្រាបយ៉ាងល្អិតល្អន់ ដើម្បីចាប់ឃាត់ខ្លួនមុខសញ្ញាធ្វើសកម្មភាពឆក់ទូរស័ព្ទ និងកាបូបរបស់ប្រជាពលរដ្ឋ មួយក្រុមធំដែលមកពីរាជធានីភ្នំពេញ ។

សមត្ថកិច្ចបានឲ្យដឹងថា នៅថ្ងៃទី ០៦ ខែកក្កដា ឆ្នាំ២០២២ ការិយាល័យព្រហ្មទណ្ឌបានធ្វើការឃាត់ខ្លួនមុខសញ្ញាសង្ស័យចំនួន ០៧នាក់ ជាបន្តបន្ទាប់ ពាក់ព័ន្ធនឹងករណី អំពើលួចមានស្ថានទម្ងន់ទោស (ឆក់) ដោយកម្លាំងល្បាតបានតាមពីក្រោយក្រុមជនសង្ស័យ រហូតពួកគេធ្វើសកម្មភាពឆកការបូបពីស្ត្រីម្នាក់ ដែលបំរុងដើរឆ្លងនៅម្ដុំផ្លូវកែងរ៉ា កម្លាំងឃើញដូចនេះបានធ្វើការបង្ក្រាប និងស្រាវជ្រាវតាមចាប់បានជាបន្តបន្ទាប់ និងដកហូតបានសម្ភារវត្ថុតាងមួយចំនួន ។

ជនសង្ស័យចំនួន០៧នាក់ មានឈ្មោះដូចខាងក្រោម ៖ ១-ឈ្មោះ ផល លុច ហៅ ចាស់ ភេទប្រុស អាយុ ១៥ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅ រាជធានភ្នំពេញ ។ ២-ឈ្មោះ ណែម ផានិត ហៅ ខ្និត ភេទប្រុស អាយុ ២០ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅ រាជធានភ្នំពេញ ។ ៣-ឈ្មោះ ឈៀង សីហា ភេទប្រុស អាយុ ១៧ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅ ភូមិតំណាក់ធំ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។ ៤-ឈ្មោះ ឃុត សុជាតិ ហៅ ញ៉ា ភេទប្រុស អាយុ ១៨ឆ្នាំ ជនជាតិខ្មែរ មុខរបរ ដឹកម្ហូប ស្នាក់នៅ ភូមិ៤ សង្កាត់៤ ក្រុង-ខេត្តព្រះសីហនុ ។ ៥-ឈ្មោះ ឆាន់ ណាទ្រីវ ហៅ ហេង ភេទប្រុស អាយុ ១៨ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅ ភូមិ៤ សង្កាត់៤ ក្រុង-ខេត្តព្រះសីហនុ ។ ៦-ឈ្មោះ នាង សុផា ហៅ ឡេវ ភេទប្រុស អាយុ ១៧ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅ ខណ្ឌស្ទឹងមានជ័យ រាជធានីភ្នំពេញ ។ ៧-ឈ្មោះ ហ៊ួ គឹមសេង ហៅ ពូជ ភេទប្រុស អាយុ ១៧ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅ សង្កាត់៣ ក្រុង-ខេត្តព្រះសីហនុ ។

សម្ភារៈវត្ថុតាងចាប់ដកហូតជាមួយនឹងការឃាត់ខ្លួនជនសង្ស័យ មាន -ម៉ូតូចំនួន ០៥គ្រឿង៖ (មធ្យោបាយធ្វើសកម្មភាព) ១-ម៉ាក និច ពណ៌ប្រាក់ ពាក់ស្លាកលេខ ភ្នំពេញ 1GW-8416 ។ ២-ម៉ាកនិច ពណ៌ស ពាក់ស្លាកលេខ ភ្នំពេញ 1GV-3455 (ប្រើស្លាកលេខក្លែងបន្លំ សម្រាប់ធ្វើសកម្មភាពឆក់) ។ ៣-ម៉ាក ស្គូពី ពណ៌ខ្មៅ ពាក់ស្លាកលេខ ភ្នំពេញ កណ្តាល 1AJ-1655 ។ ៤-ម៉ាក ហុងដា សេ១២៥ ពណ៌ខ្មៅ ពាក់ស្លាកលេខ កំពត 1R-0372 ។ ៥-ម៉ាក ហុងដា សេ១២៥ ពណ៌ខ្មៅ គ្មានស្លាកលេខ ។ -ស្លាកលេខម៉ូតូ ១ផ្ទាំង លេខ ភ្នំពេញ 1IU-9928 ។ (ផ្លាស់ប្តូរពេលធ្វើសកម្មភាពឆក់) -ទូរស័ព្ទចំនួន ០៦គ្រឿង ។ -កាបូបលុយ ចំនួន ០៥ ។

ករណីខាងលើនេះ កម្លាំងការិយាល័យនគរបាលព្រហ្មទណ្ឌកម្រិតស្រាល បានកសាងសំណុំរឿងដើម្បីអនុវត្តបន្តតាមនីតិវិធី ៕

ប្រភព៖ អគ្គស្នងការដ្ឋាននគរបាលជាតិ

ថ្ងៃនេះនឹងមានការដឹកយន្តហោះប្រតិកម្មធុន MIG-21 ទៅរក្សាទុកនៅមជ្ឈមណ្ឌលហ្វឹកហ្វឺនភ្នំជុំរីករាយ

obnasia — Sun, 24 Oct 2021 07:29:18 +0000

ភ្នំពេញ៖ នេះបើយោងតាមការបញ្ជាក់របស់ឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស សូមគោរពជម្រាបជូនសាធារណជន និងអ្នកសារព័ត៌មាន ជ្រាបថា យប់ថ្ងៃទី២៤ ខែតុលា ឆ្នាំ២០២១ នេះ កម្លាំងកងរាជអាវុធហត្ថ នឹងដឹកនាំក្បួនដឹកជញ្ជូនយន្តហោះប្រតិកម្មធុន MIG-21 លេខ MF-7121 ចាស់ ដែលផុតកំណត់ប្រើប្រាស់ចំនួន១គ្រឿង យកទៅរក្សាទុកនៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំរីករាយ ខេត្តកំពង់ឆ្នាំង ដើម្បីដាក់តាំងក្នុងសារមន្ទីររបស់កងរាជអាវុធហត្ថ។

ការចល័តក្បួននេះ នឹងចេញដំណើរពីមុខព្រលានយន្តហោះអន្តរជាតិ ពោធិចិនតុង តាមផ្លូវជាតិលេខ៤ ផ្លូវលេខ៥១ ផ្លូវជាតិលេខ៥ និងផ្លូវលេខ៤៤។ អាស្រ័យដូចបានជម្រាបជូនខាងលើ សូមសាធារណជន អ្នកសារព័ត៌មាន មេត្តាជ្រាប និងសូមអធ្យាស្រ័យចំពោះចរាចរណ៍ក្នុងការធ្វើដំណើរ៕

ពេលទៅកោះពេជ្រ! កុំភ្លេចឆ្លៀតទៅជួយទិញផ្កាលោកយាយផងណា

obnasia — Sun, 19 Sep 2021 05:38:28 +0000

ភ្នំពេញ៖ មនុស្សដែលឈានដ៏វ័យចាស់ គឺជាពេលដែលត្រូវការ ការមើលថែទាំជាចាំបាច់ ព្រោះតែពួកគាត់គ្មានកម្លាំង ឫលទ្ធភាព ដើម្បីធ្វើការរកប្រាក់ចិញ្ចឹមជីវិតទៀតនោះទេ។ ប៉ុន្តែដោយឡែក លោកយយាម្នាក់ ដែលយើងតែងតែឃើញគាត់អង្គុយលក់ផ្កាម្លិះ ជារៀងរាល់ថ្ងៃនៅចំណុចស្ពាននាគកោះពេជ្រ ដើម្បីទទួលបានថវិកាមួយចំនួន ក្នុងការចិញ្ចឹមជីវិតជាប្រចាំថ្ងៃ។ ទោះបីលោកយាយមានអាយុច្រើនទៅហើយ ក៏លោកយាយនៅតែខិតខំរកចំណូលដដែរ។

ប្រសិនជាបងប្អូន ដែលបានទៅលេងកោះពេជ្រ មានបំណងចង់ជួយលោកយាយ អាចទៅរកទិញផ្កាគាត់បាននៅចំណុចស្ពាននាគកោះពេជ្រ ដែលមានលោកយាយមានលក់ផ្កាម្លិះភួងធំ ភួងតូច និងផ្កាចំប៉ា ហើយចាប់លក់ពីម៉ោង ៣រសៀល ដល់៨យប់៕

ប្រភព៖ Seilakvoatey Ly

ចាស់ – OBN Asia

សមត្ថកិច្ច​បង្ក្រាប​បាន​ចោរឆក់ មួយ​សំបុកមាន ៧​នាក់

ថ្ងៃនេះ​នឹង​មានការ​ដឹក​យន្តហោះ​ប្រតិកម្ម​ធុន MIG-21 ទៅ​រក្សា​ទុក​នៅ​មជ្ឈមណ្ឌល​ហ្វឹកហ្វឺនភ្នំ​ជុំ​រីករាយ

ពេល​ទៅ​កោះ​ពេជ្រ​! កុំ​ភ្លេច​ឆ្លៀត​ទៅ​ជួយ​ទិញ​ផ្កា​លោកយាយ​ផង​ណា

សមត្ថកិច្ចបង្ក្រាបបានចោរឆក់ មួយសំបុកមាន ៧នាក់

ថ្ងៃនេះនឹងមានការដឹកយន្តហោះប្រតិកម្មធុន MIG-21 ទៅរក្សាទុកនៅមជ្ឈមណ្ឌលហ្វឹកហ្វឺនភ្នំជុំរីករាយ

ពេលទៅកោះពេជ្រ! កុំភ្លេចឆ្លៀតទៅជួយទិញផ្កាលោកយាយផងណា