គ្រឿងញៀន – OBN Asia

ប្រទេសថៃកាន់ទុក្ខ ក្រោយមានហេតុការណ៍បាញ់រះមួយ ធ្វើអោយមានអ្នកស្លាប់ ៣៤នាក់

obnasia — Fri, 07 Oct 2022 09:46:06 +0000

បរទេស៖ នៅថ្ងៃសុក្រនេះប្រទេសថៃបាននាំគ្នាបង្ហូតទង់ជាតិនៅត្រឹមពាក់កណ្តាលបង្គោលដើម្បីកាន់ទុក្ខដល់ការស្លាប់របស់មនុស្សជាង ៣០ នាក់ រួមទាំងកុមារ ២៣ នាក់ បន្ទាប់ពីអតីតប៉ូលីសម្នាក់បានចូលទៅក្នុងមណ្ឌលមើលថែទាំកុមារមួយកន្លែងដោយវាយ ប្រហារដោយកាំបិត និងកាំភ្លើង។ នេះបើយោងតាមការចេញផ្សាយដោយសារព័ត៌មាន Reuters នៅថ្ងៃទី០៧ ខែតុលា។

ប៉ូលិសបាននិយាយថា កុមារភាគច្រើនដែលបានស្លាប់នៅមជ្ឈមណ្ឌលថែទាំកុមារក្នុងទីក្រុង Uthai Sawan ភាគឦសាននៃទីក្រុងបាងកក។ ប៉ូលិសបានកំណត់ អត្តសញ្ញាណ ជនដៃដល់ ថា ជាអតីតសមាជិក នៃកម្លាំង ដែលត្រូវបានដោះលែង ពី បទចោទប្រកាន់ គ្រឿងញៀន ហើយកំពុងប្រឈម នឹងការ កាត់ទោស លើបទចោទ ប្រកាន់គ្រឿងញៀន។ ក្រោយ ពេល វាយ ប្រហារ ហើយ គាត់ បាន ទៅ ផ្ទះ វិញ ហើយ បាញ់ សម្លាប់ ប្រពន្ធ និង កូន របស់លោក។ មន្ត្រី ក្នុង តំបន់ ម្នាក់ បាន និយាយ ថា អាយុ របស់ កុមារ នៅ មជ្ឈមណ្ឌល ថែទាំ កុមារ មាន ចន្លោះ ពី ២ ទៅ ៥ ឆ្នាំ ។ លោក Paisal Luesomboon ជាអ្នកនាំ ពាក្យប៉ូលិសបានប្រាប់ទូរទស្សន៍ ThaiPBS ថា អតីតមន្ត្រីប៉ូលិសរូបនេះបានចូលខ្លួនក្នុងតុលាការកាលពីព្រឹកមិញ ហើយក្រោយមកបានទៅមណ្ឌលថែទាំកុមារដើម្បីជួបកូនរបស់គាត់ ហើយនៅពេលដែលគាត់រកមិន ឃើញកូនរបស់គាត់នៅទីនោះ គាត់បានចាប់ផ្តើមការបាញ់ សម្លាប់ទៅលើជនរងគ្រោះ៕

ប្រភព៖ ក្រសួងព័ត៌មាន

មិនចេះតិច!! ដុតបំផ្លាញគ្រឿងញៀនជិត ៦០គីឡូក្រាម

obnasia — Tue, 26 Jul 2022 05:35:56 +0000

អគ្គលេខាធិការ ដ្ឋានអាជ្ញាធរជាតិ ប្រយុទ្ធប្រឆាំងគ្រឿងញៀន សហការជា មួយគណៈកម្មាធិការត្រួតពិនិត្យគ្រឿង ញៀន ខេត្តព្រះសីហនុ បានប្រារព្ធទិវាអន្តរជាតិប្រយុទ្ធប្រឆាំងគ្រឿងញៀន ក្រោមប្រធានបទ ” ដោះស្រាយបញ្ហាគ្រឿងញៀនក្នុងវិបត្តិសុខភាពនិងមនុស្សធម៌ ” និងដុតបំផ្លាញចោលនូវវត្ថុតាងជាគ្រឿងញៀនជិត៦០គីឡូក្រាម។ ពិធីនេះ បានធ្វើឡើង នាព្រឹក ថ្ងៃទី២៦ ខែកក្កដា ឆ្នាំ ២០២២ នេះ នៅភូមិ១ សង្កាត់ ១ ក្រុងព្រះសីហនុ ខេត្តព្រះសីហនុ ដែលមានការអញ្ជើញចូលរួមពីឯកឧត្តម នាយឧត្ដមសេនីយ៍ មាស វិរិទ្ធ អគ្គលេខាធិការ នៃអាជ្ញាធរជាតិប្រយុទ្ធប្រឆាំងគ្រឿងញៀន និងឯកឧត្តម គួច ចំរើន អភិបាល និងជាប្រធានគណ:កម្មាធិការត្រួតពិនិត្យគ្រឿងញៀនខេត្តព្រះសីហនុ ព្រមទាំង លេខាធិការដ្ឋានគណកម្មាធិការត្រួតពិនិត្យគ្រឿងញៀនខេត្តព្រះសីហនុ កំពត និងខេត្តកំពង់ស្ពឺ និងប្រតិភូ ស្ថាប័នសាលាដំបូង និងអយ្យការអមសាលាដំបូងខេត្តចំនួន៣ ខេត្តព្រះសីហនុ ខេត្តកំពត និងខេត្តកំពង់ស្ពឺ ។

ឯកឧត្តម សៀង សុខ ព្រះរាជអាជ្ញាអមសាលាដំបូងខេត្តព្រះសីហនុបានឲ្យដឹងថា វត្ថុតាងគ្រឿងញៀនដែលបានបង្កភាពមហន្តរាយដល់អ្នកប្រើ ក្រុមគ្រួសាេ និងសហគមន៍ មានជិត៦០គីឡូក្រាម ក្នុងនោះ ខេត្តព្រះសីហនុ មានជាង២០គីឡូក្រាម, ខេត្តកំពង់ស្ពឺ ជាង៣១ គីឡូក្រាម និងខេត្តកំពតជាង០៥គីឡូក្រាម ត្រូវបានដុតបំផ្លាញ។

ឯកឧត្តម គួច ចំរើន បានអានសារលិខិត របស់សម្តេចតេជោ នាយករដ្ឋមន្ត្រី ដែលបង្ហាញថា រាជរដ្ឋាភិបាលកម្ពុជា ដែលមានអាជ្ញាធរជាតិ ប្រយុទ្ធប្រឆាំងគ្រឿងញៀនជាសេនាធិការ ក្នុងការដោះស្រាយបញ្ហាគ្រឿងញៀន ដោយប្រកាន់ យក នូវតុល្យភាពរវាងបញ្ហាសុខភាព មនុស្សធម៌ និងវិធានការច្បាប់ព្រមទាំងចាត់ទុកអ្នកប្រើ គ្រឿងញៀន គឺជាជនរងគ្រោះដែលត្រូវ ទទួលបានការយកចិត្តទុកដាក់ ព្យាបាល ស្តារនីតិសម្បទា ជាជាងទទួល នូវការចោទប្រកាន់តាមផ្លូវច្បាប់។ ឯកឧត្តមអភិបាលខេត្តបន្តថា ស្របតាមប្រធានបទប្រចាំឆ្នាំ របស់ អង្គការយូ អ៊ិន អូ ឌី ស៊ី (UNODC) ដោយឈរលើគោលការណ៍ សុខភាព និង មនុស្សធម៌ ជា មូលដ្ឋាន បើទោះបី ស្ថិត ក្នុង កាលៈ ទេសៈ លំបាក និងប្រឈមយ៉ាងណាក្តី ។

ឯកឧត្តម នាយឧត្តមសេនីយ៍ មាស វីរិទ្ធ បានថ្លែងថា គ្រឿងញៀន នៅតែជាបញ្ហាដែលតម្រូវឱ្យគណៈកម្មាធិការត្រួតពិនិត្យគ្រឿង ញៀនខេត្តត្រូវបន្តអនុវត្តន៍នូវយុទ្ធសាស្ត្រ ប្រយុទ្ធប្រឆាំងគ្រឿងញៀនផែនការយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី័៧។ ឯកឧត្តម នាយឧត្តមសេនីយ៍ បានជំរុញដល់គ្រប់មន្ទីរ អង្គភាពទាំងអស់ត្រូវបន្តយកចិត្តទុកដាក់ម្ចាស់ការ សម្របសម្រួល ដឹកនាំអនុវត្ត ន៍ឱ្យ កាន់ តែ មាន ប្រសិទ្ធភាពនូវតួនាទី និងភារកិច្ចរបស់ខ្លួនក្នុងការផ្សព្វ ផ្សាយអប់រំ បង្ការ ទប់ស្កាត់តាមគ្រប់មធ្យោ បាយ បង្ក្រាប និង ដោះស្រាយនូវរាល់បញ្ហាដែលមានការ ពាក់ព័ន្ធនឹង គ្រឿងញៀន និងគ្រប់គ្រងត្រួតពិនិត្យសារធាតុគីមីផ្សំ នៅ តាម ក្រុមហ៊ុន រោងចក្រ សហគ្រាស ឲ្យបានហ្មត់ចត់ និង មានប្រសិទ្ធភាព ខ្ពស់ ដើម្បីទប់ស្កាត់ បាន រាល់ ការ លួច បង្វែរពី ជំនួញស្របច្បាប់ យកទៅ កែច្នៃ ផលិត គ្រឿង ញៀន ខុសច្បាប់នៅ ក្នុង ប្រទេស កម្ពុជា៕

ប្រភព៖ ក្រសួងព័ត៌មាន

TikTok នឹងបន្ថែមមុខងារមួយនេះ ដើម្បីអាចកំណត់ការបង្ហាញវីដេអូមួយចំនួនទៅយុវវ័យ

obnasia — Thu, 14 Jul 2022 05:38:48 +0000

បរទេស៖ កាលពីខែកុម្ភៈ TikTok បានប្រកាសថា ខ្លួនកំពុងបង្កើតមុខងារថ្មី ដើម្បីអាចកំណត់អាយុអ្នកប្រើប្រាស់យុវវ័យទាក់ទងនឹងប្រភេទមាតិកាមួយចំនួន ក្នុងកិច្ចខិតខំប្រឹងប្រែងដើម្បីបង្កើនសុវត្ថិភាពសម្រាប់មនុស្សវ័យជំទង់។ ឥឡូវនេះ ក្រុមហ៊ុនបានបង្ហាញអំពីប្រព័ន្ធវាយតម្លៃរបស់ខ្លួន ដែលហៅថា Content Levels ដែលពួកគេគ្រោងនឹងដាក់ឱ្យប្រើប្រាស់ក្នុងប៉ុន្មានសប្តាហ៍ខាងមុខនេះ។

ខណៈពេលដែលមាតិកាសម្រាប់មនុស្សពេញវ័យ (adult content) ត្រូវបានហាមឃាត់នៅលើវេទិកា ប៉ុន្តែខ្លឹមសារមួយចំនួននៅក្នុងកម្មវិធីអាចមាន ខ្លឹមសារសម្រាប់តែមនុស្សចាស់ទុំ ឬទាក់ទងទៅនឹងព្រឹត្តិការណ៍ហិង្សាដែលសម្រាប់តែអ្នកប្រើប្រាស់ដែលមានវ័យចំណាស់។ កម្រិតរបស់មាតិកាត្រូវបានរចនាឡើងដើម្បីកំណត់មាតិកាបែបនេះ ជាមាតិកាសម្រាប់មនុស្សពេញវ័យ ហើយវានឹងត្រូវបានបិទកុំឱ្យអ្នកប្រើប្រាស់ដែលមានអាយុចន្លោះពី ១៣ទៅ ១៧ឆ្នាំមើលឃើញ។ឮ

គួរបញ្ជាក់ដែរថា ការខិតខំប្រឹងប្រែងរបស់ក្រុមហ៊ុនដើម្បីបន្ថែមមុខងារក្នុងការកំណត់អាយុរបស់អ្នកប្រើប្រាស់ទៅលើមាតិកាមួយចំនួននេះ បន្ទាប់ពីមានការស៊ើបអង្កេតរបស់សភា សហរដ្ឋអាមេរិកកាលពីឆ្នាំ២០២១ ដែលពួកគេបានទាមទារឱ្យក្រុមហ៊ុនធ្វើការកែសម្រួលក្នុងការសរសេរកម្មវិធីដើម្បីចៀសវាងការផ្សព្វផ្សាយខ្លឹមសារដែលលើកតម្កើងបញ្ហាការហូបចុក គ្រឿងញៀន និងអំពើហិង្សាដល់យុវវ័យ។ ជាងនេះទៅទៀត កាលពីពេលថ្មីៗនេះ TikTok ក៏ត្រូវបានប្តឹងដោយឪពុកម្តាយដែលកូនរបស់ពួកគេបានស្លាប់ បន្ទាប់ពីការធ្វើតម្រាប់ប៉ុនប៉ងប្រឈមមុខនឹងគ្រោះថ្នាក់ ដែលត្រូវបានគេចោទប្រកាន់ថា បានឃើញនៅលើវេទិការបស់ TikTok៕

ប្រភព៖ នាយកដ្ឋានប្រឆាំងបទល្មើសបច្ចេកវិទ្យា Anti Cyber Crime Department

ថ្ងៃ៤ កុម្ភៈ បង្ក្រាបបទល្មើសគ្រឿងញៀន ២៤ ករណី ឃាត់ខ្លួនជនសង្ស័យ ៥៤នាក់

Bsamnang — Wed, 05 Feb 2020 01:37:44 +0000

ភ្នំពេញ៖ ជនសង្ស័យចំនួន ៥៤នាក់ (ស្រី ៦នាក់) ត្រូវបាន សមត្ថកិច្ចឃាត់ខ្លួន ក្នុងប្រតិបត្តិការបង្ក្រាបបទល្មើស គ្រឿងញៀនចំនួន ២៤ករណី ទូទាំងប្រទេស នៅថ្ងៃទី៤ ខែកុម្ភៈ ។ ក្នុងចំណោមជនសង្ស័យទាំង ៥៤នាក់ មានមុខ សញ្ញាជួញដូរគ្រឿងញៀនចំនួន ៣២ នាក់ និងប្រើប្រាស់ ២២នាក់ ។

វត្ថុតាងដែលចាប់យកសរុបក្នុងថ្ងៃទី៤ កុម្ភៈ រួមមាន៖ មេតំ ហ្វេតាមីន (ice) = ៧៦,២០ ក្រាម និង ៣៤កញ្ចប់តូច និងអ៊ិ ចស្តាស៊ី =១,៨២ក្រាម ។

លទ្ធផលខាងលើ ៩អង្គភាពបានចូលរួមបង្ក្រាប ៖
នគរបាល: ៨ អង្គភាព
១ / មន្ទីរ ៖ ជួញដូរ ២ ករណី ឃាត់ ២ នាក់ ប្រើប្រាស់ ២ ករណី ឃាត់ ៣ នាក់ ចាប់យក Ice ១,២០ ក្រាម ។
២ / បន្ទាយមានជ័យ ៖ ជួញដូរ ២ ករណី ឃាត់ ៤ នាក់ ប្រើប្រាស់ ២ ករណី ឃាត់ ៧ នាក់ ចាប់យក Ice ១,៦៥ ក្រាម ។
៣ / បាត់ដំបង ៖ ប្រើប្រាស់ ៣ ករណី ឃាត់ ៣ នាក់ ។
៤ / កំពង់ស្ពឺ ៖ ជួញដូរ ១ ករណី ឃាត់ ៥ នាក់ ចាប់យក Ice ០,៣៦ ក្រាម ។
៥ / កំពង់ធំ ៖ ជួញដូរ ១ ករណី ឃាត់ ១ នាក់ ចាប់យក Ice ១៥ កញ្ចប់ តូច ។
៦/ កោះកុង ៖ ជួញដូរ ១ ករណី ឃាត់ ១ នាក់ និង អនុវត្តន៍ ដីកា ១ ចាប់ ១ នាក់ ចាប់យក Ice ២,៩៣ ក្រាម ។
៧ / ពោ ធ៍ សាត់ ៖ អនុវត្តន៍ ដីកា ១ ចាប់ ១ នាក់ ។
៨ / រាជធានី ភ្នំពេញ ៖ ជួញដូរ ៤ ករណី ឃាត់ ៧ នាក់ ប្រើប្រាស់ ៥ ករណី ឃាត់ ៩ នាក់ ចាប់យក Ice ១៩ កញ្ចប់ តូច ។
កងរាជអាវុធហត្ថ : ១ អង្គភាព
១ / សៀមរាប ៖ ជួញដូរ ១ ករណី ឃាត់ ១២ នាក់ ចាប់យក Ice ៧០,០៦ ក្រាម ៕

គ្រឿងញៀន – OBN Asia

ប្រទេសថៃកាន់ទុក្ខ ក្រោយមានហេតុការណ៍បាញ់រះមួយ ធ្វើអោយមានអ្នកស្លាប់ ៣៤នាក់

មិន​ចេះ​តិច​!! ដុត​បំផ្លាញ​គ្រឿងញៀន​ជិត ៦០​គីឡូក្រាម

TikTok នឹង​បន្ថែម​មុខងារ​មួយ​នេះ ដើម្បី​អាច​កំណត់​ការ​បង្ហាញ​វី​ដេ​អូ​មួយ​ចំនួន​ទៅ​យុវវ័យ

ថ្ងៃ៤ កុម្ភៈ បង្ក្រាបបទល្មើសគ្រឿងញៀន ២៤ ករណី ឃាត់ខ្លួនជនសង្ស័យ ៥៤នាក់

មិនចេះតិច!! ដុតបំផ្លាញគ្រឿងញៀនជិត ៦០គីឡូក្រាម

TikTok នឹងបន្ថែមមុខងារមួយនេះ ដើម្បីអាចកំណត់ការបង្ហាញវីដេអូមួយចំនួនទៅយុវវ័យ