បច្ចេកវិទ្យា – OBN Asia

សូមប្រុងប្រយ័ត្ន !!! ការឆបោកបន្លំ “សេវាកម្មស្រ្តីមេផ្ទះ” ឬ “អ្នកបម្រើការងារជាស្រ្តីមេផ្ទះ”

obnasia — Thu, 30 Jan 2025 00:53:55 +0000

ភ្នំពេញ៖ នាពេលកន្លងមក នាយកដ្ឋានប្រឆាំងបទល្មើសបច្ចេកវិទ្យា បានសង្កេតឃើញថា មានការឆបោកបន្លំ ក្រោមឈ្មោះជាក្រុមហ៊ុន ”សេវាកម្មស្ត្រីមេផ្ទះ“ បានបង្ហោះផ្សព្វផ្សាយអំពីសេវាកម្ម “អ្នកបម្រើការងារជាស្ត្រីមេផ្ទះ“ ។ នៅពេលដែលយើងទាក់ទងទៅ តាមរយៈ Messenger ពេលនោះ គេតម្រូវឱ្យយើងចុចតំណភ្ជាប់ https://t.me/Easymaidservice ជនអនាមិកបានណែនាំ ឱ្យធ្វើការទាក់ទងគ្នាតាមតេឡេក្រាមវិញ។ ក្រោយពីបាននិយាយត្រូវគ្នា និងយល់ព្រមតាមតំលៃហើយ ជនអនាមិកនោះ ក៏បានឱ្យយើងធ្វើកិច្ចសន្យា ការងារ ក្នុងតំលៃណាមួយ បន្ទាប់មក ជនអនាមិកនោះ ក៏បានផ្ញើ QR Code មកឱ្យយើងស្កេន QR Code ដើម្បីវេរលុយ ក្រោយពីយើងបានវេរលុយរួច ជនអនាមិកនោះ ក៏បានផ្តាច់ទំនាក់ទំនង និងបានលុបសារទាំងអស់ចោល។
ដូចនេះ សូម ក្រើនរំលឹក ដល់សាធារណៈទាំងអស់ មេត្តាគប្បីប្រុងប្រយ័ត្ន ចាញ់បោកជនអនាមិក ដូចដែលបានរៀបរាប់ខាងលើ។

សូមបញ្ជាក់ផងដែរ ចំពោះអ្នករត់ Passapp ចូរប្រុងប្រយ័ត្ន ភាគច្រើនជនឆបោក ខ្ចី QR Code ពីបងប្អូន ទុកដើម្បីទទួលការផ្ទេរលុយ ពីការឆបោក “សេវាកម្មស្ត្រីមេផ្ទះ”៕

យុវជនកម្ពុជាបង្ហាញការប្ដេជ្ញាចិត្តជំរុញបច្ចេកវិទ្យារ៉ូបូត បន្ទាប់ពីទទួលបានជ័យលាភីលេខ២ក្នុងការប្រកួតរ៉ូបូតអន្តរជាតិ

obnasia — Tue, 22 Oct 2024 04:38:56 +0000

ភ្នំពេញ៖ ក្រុមសិស្សវិទ្យាល័យកម្ពុជាដែលមានសមាជិត៩នាក់ បានទទួលជ័យលាភីលេខ២ក្នុងប្រកួតរ៉ូបូតអន្តរជាតិ FIRST Global Challenge នៅទីក្រុងអាតែន ប្រទេសក្រិក ពីថ្ងៃទី២៦ ដល់ថ្ងៃទី២៩ ខែកញ្ញា ឆ្នាំ២០២៤។ ពួកគេបានបង្ហាញពីជំនាញដ៏ល្អក្នុងការបង្កើតរ៉ូបូត នៅក្នុងការប្រកួតប្រជែងជាមួយក្រុមសិស្សមកពីជាង១៩០ប្រទេស។

នៅក្នុងពិធីជួបសំណេះសំណាល នៅទីស្តីការក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍កាលពីថ្ងៃទី២១ ខែតុលា ឆ្នាំ២០២៤ ក្រុមយុវជនជ័យលាភីទាំងនេះបានបង្ហាញការប្តេជ្ញាចិត្តក្នុងការជំរុញបច្ចេកវិទ្យារ៉ូបូតនៅកម្ពុជា។

ឯកឧត្តម ដាវ អានសាន រដ្ឋលេខាធិការ និងជាតំណាងដ៏ខ្ពង់ខ្ពស់របស់ឯកឧត្តម ហែម វណ្ណឌី រដ្ឋមន្ត្រី ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ បានលើកឡើងពីសារៈសំខាន់នៃវិទ្យាសាស្ត្រ និងបច្ចេកវិទ្យាសម្រាប់អនាគតរបស់កម្ពុជា។

ឯកឧត្តមបានកោតសរសើរដល់ជ័យលាភីទាំងអស់ចំពោះសមិទ្ធផលជោគជ័យរបស់ពួកគេ ព្រមទាំងការបង្ហាញជំនាញសំខាន់ៗ ដូចជាជំនាញទំនាក់ទំនង ការធ្វើការជាក្រុម និងការដោះស្រាយបញ្ហាជាដើម។

ឯកឧត្តមក៏បានលើកទឹកចិត្តជ័យលាភីទាំងអស់ឱ្យបន្តស្មារតីនៃការប្រកួតប្រជែង និងខិតខំប្រឹងប្រែង ដើម្បីឧត្តមភាពថ្មីៗបន្ថែមទៀត ដោយលើកឡើងពីតួនាទីរបស់ពួកគេក្នុងការសម្រេចចក្ខុវិស័យកម្ពុជាឆ្នាំ២០៥០។

ក្រុមសិស្សដែលចូលរួមការប្រកួតរ៉ូបូតអន្តរជាតិ FIRST Global Challenge ឆ្នាំ២០២៤ ក្រោមប្រធានបទ “Refuel the Future” ត្រូវដោះស្រាយបញ្ហាថាមពលសាកលតាមរយៈបច្ចេកវិទ្យារ៉ូបូត ដោយលើកកម្ពស់ការអនុវត្តប្រកបដោយនិរន្តរភាព។

ក្រុមសិស្សកម្ពុជាបានចំណាយពេលជាច្រើនខែដើម្បីបង្កើតរ៉ូបូត ដែលបង្ហាញពីភាពច្នៃប្រឌិត និងការសហការគ្នា។ ពួកគេបានចែករំលែកចំណេះដឹងស្តីពីប្រសិទ្ធភាពថាមពល និងនវានុវត្តន៍ ដែលនឹងជំរុញទឹកចិត្តអនាគតវិស្វករ និងអ្នកវិទ្យាសាស្ត្រជំនាន់ក្រោមរបស់កម្ពុជា៕

ប្រយ័ត្នល្បិចឆបោកប្រាក់ថ្មី តាមរយៈការបញ្ជាទូរស័ព្ទពីចម្ងាយ (Wireless Paring)

obnasia — Thu, 19 Sep 2024 06:44:00 +0000

ថ្មីៗនេះនាយកដ្ឋានការពារសុវត្ថិភាពបច្ចេកវិទ្យាឌីជីថលនៃអគ្គនាយកដ្ឋានបច្ចេកវិទ្យាឌីជីថលនិងផ្សព្វផ្សាយអប់រំបានទទួលពាក្យបណ្តឹង និងសេចក្តីរាយការណ៍ជាច្រើនករណីពាក់ព័ន្ធល្បិចឆបោកថ្មី ដោយប្រើប្រាស់វិធីសាស្ត្រវិស្វកម្មបណ្តាញសង្គម (Social Engineering) លើបច្ចេកទេសបញ្ជាទូរស័ព្ទពីចម្ងាយ (Wireless Pairing) និងធ្វើការលួចផ្ទេរប្រាក់ពីគណនីធនាគារចល័ត (Mobile Banking) របស់ជនរងគ្រោះ។ នេះបើយោងតាមប្រភពព័ត៌មានពីទូរទស្សន៍មហាផ្ទៃ។

ប្រភពដដែល បានបន្តថា វិធីសាស្ត្រជ្រៀតចូល និងឆបោក៖

១- ឧក្រិដ្ឋជនធ្វើការប្រមែប្រមូលព័ត៌មាន និងសាវតាជនរងគ្រោះ (អាសយដ្ឋាន និងលេខទូរស័ព្ទ)

២- ឧក្រិដ្ឋជនធ្វើការលួចភ្ជាប់បណ្តាញ (WiFi) របស់ជនរងគ្រោះ

៣- ធ្វើការទូរស័ព្ទមកកាន់លេខជនរងគ្រោះ ដោយបន្លំខ្លួនជាអ្នកផ្តល់សេវាចាំបាច់ផ្សេងៗ (តួយ៉ាងសេវាផ្គត់ផ្គង់ទឹក ឬភ្លើងអគ្គិសនី) ដោយណែនាំជនរងគ្រោះដំឡើងកម្មវិធី និងរបៀបភ្ជាប់មុខងារបង់ថ្លៃសេវាតាមអ៊ីនធឺណិត

៤- អំឡុងពេលណែនាំ ឧក្រិដ្ឋជនបានឱ្យជនរងគ្រោះបើកដំណើរការ “Developer Mode” បើកជម្រើស “Wireless Debugging” និងធ្វើការភ្ជាប់ទូរស័ព្ទជនរងគ្រោះទៅកាន់ម៉ាស៊ីនកុំព្យូទ័រឧក្រិដ្ឋជន “Paring Device”

៥- ឧក្រិដ្ឋជនប្រើប្រាស់កម្មវិធីជំនួយធ្វើការបញ្ជាកម្មវិធីធនាគារចល័ត (Mobile Banking) របស់ជនរងគ្រោះ និងលួចផ្ទេរប្រាក់ចេញទៅគណនីធនាគារផ្សេងទៀត។

អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានអំពាវនាវដល់ប្រជាពលរដ្ឋប្រុងប្រយ័ត្នចំពោះបុគ្គល ដែលបានទាក់ទងពីការផ្តល់សេវាតាមស្ថាប័នរដ្ឋ ឬឯកជននានា តាមវិធីសាស្រ្តដូចខាងក្រោម ៖

-ផ្ទៀងផ្ទាត់អត្តសញ្ញាណអ្នកផ្គត់ផ្គង់សេវាឱ្យបានច្បាស់លាស់មុនសម្រចធ្វើតាមការណែនាំផ្សេងៗ

– ដាក់ប្រព័ន្ធការពារគណនី (រួមមាន៖ 2FA លេខកូដរាល់ប្រតិបត្តិការ កំណត់ចំនួនទឹកប្រាក់នៃប្រតិបត្តិការ។ ល។)

– ពិនិត្យសមតុល្យ និងកំណត់ត្រាប្រើប្រាស់គណនីធនាគារជាប្រចាំ ករណីមានការសង្ស័យណាមួយ ត្រូវទាក់ទងទៅកាន់ធនាគារជាបន្ទាន់។

ជាមួយគ្នានោះ អគ្គនាយកដ្ឋានខាងលើ បានណែនាំដល់ប្រជាពលរដ្ឋធ្វើរាយការណ៍ ឬដាក់ពាក្យបណ្តឹងមកសមត្ថកិច្ចជំនាញ ករណីជួបប្រទះការចាញ់បោកឧក្រិដ្ឋជនបច្ចេកវិទ្យាខាងលើ៕

អ្នកប្រើប្រាស់ Windows PC ដែលកំពុងជួបប្រទះ Blue Screen Of Death

obnasia — Fri, 19 Jul 2024 09:58:20 +0000

ភ្នំពេញ៖ ថ្ងៃទី១៩ ខែកក្កដា ឆ្នាំ២០២៤ មានរបាយការណ៍មកពីជុំវិញពិភពលោកនៃអ្នកប្រើប្រាស់ Windows PC ដែលកំពុងជួបប្រទះ Blue Screen Of Death ដែលគេស្គាល់ថាជា (BSOD)។ កំហុសនេះបានកើតឡើងបន្ទាប់ពីអ្នកប្រើប្រាស់ធ្វើការអាប់ដេត (Update) ចុងក្រោយបំផុត ចំពោះសេវាកម្មរបស់ពួកគេប្រើប្រាស់ ដោយក្រុមហ៊ុនសន្តិសុខតាមអ៊ីនធឺណិត CrowdStrike ដែលមានមូលដ្ឋាននៅសហរដ្ឋអាមេរិក។

បញ្ហានេះបានបង្កផល ប៉ះពាល់មួយចំនួនដល់ក្រុមហ៊ុនប្រើប្រាស់បច្ចេកវិទ្យា ដូចជា សេវាកម្ម នៅអាកាសយានដ្ឋាន ប្រព័ន្ធទូទាត់ប្រាក់ មជ្ឈមណ្ឌលទិញទំនិញ សេវាសង្គ្រោះបន្ទាន់ និងបណ្តាញទូរទស្សន៍ ជុំវិញពិភពលោក។
បច្ចុប្បន្នក្រុមហ៊ុន CrowdStrike បានដាក់ពង្រាយការអាប់ដេតខ្លឹមសារថ្មី ដែលដោះស្រាយបញ្ហាអាប់ដេត (Update) ដែលមានកំហុសពីមុន៕

ប្រភព៖

សូមប្រុងប្រយ័ត្ន!! គណនីតេឡេក្រាមមួយនេះ មិនមែនជារបស់នាយកដ្ឋានប្រឆាំងបទល្មើសបច្ចេកវិទ្យា នោះទេ

obnasia — Tue, 12 Mar 2024 07:02:23 +0000

ភ្នំពេញ៖ ថ្មីៗនេះ នាយកដ្ឋានប្រឆាំងបទល្មើសបច្ចេកវិទ្យា បានសង្កេតឃើញថា មានជនអនាមិកបានបង្កើត គណនីតេលេក្រាម ហើយបានយកនិមិត្តសញ្ញា Logo របស់នាយកដ្ឋានប្រឆាំងបទល្មើសបច្ចេកវិទ្យា” ទៅដាក់ជា Logo Cover Profile បោកបញ្ឆោត និងបានឆាតទៅប្រជាពលរដ្ឋ ដែលធ្វើឱ្យប្រជាពលរដ្ឋមានការយល់ច្រឡំថាជាតេលេក្រាមផ្លូវការរបស់នាយកដ្ឋាន។

នាយកដ្ឋានប្រឆាំងបទល្មើសបច្ចេកវិទ្យា សូមក្រើនរំលឹកដល់សាធារណជន និងអ្នកនិយមប្រើប្រាស់បណ្តាញសង្គមនានា សូមកុំបង្កើតគណនីតាមប្រព័ន្ធសង្គម ឬគណនីតេលេក្រាម ដោយយកនិមិត្តសញ្ញារបស់គេ ឬយកនិមិត្តសញ្ញារបស់នាយកដ្ឋានប្រឆាំងបទល្មើសបច្ចេកវិទ្យា យកទៅដាក់ជា Logo Cover Profile បោកបញ្ឆោតគេ នេះជាអំពើខុសច្បាប់៕

ប្រភព៖ នាយកដ្ឋានប្រឆាំងបទល្មើសបច្ចេកវិទ្យា

សូមប្រុងប្រយ័ត្ន!!! Scam Alert! សូមកុំចុចតំណភ្ជាប់ក្លែងក្លាយ(Phishing Link)

obnasia — Sun, 15 Oct 2023 03:42:23 +0000

ភ្នំពេញ៖ នេះគឺជាទម្រង់បោកប្រាស់ ដែលបន្លំខ្លួនជាក្រុមហ៊ុនMeta (Facebook )ដើម្បីឱ្យយើងចុចតំណភ្ជាប់ណាមួយហើយលួចយកនូវព័ត៌មានរបស់យើង និងឈានទៅដល់ការគ្រប់គ្រងទំព័រហ្វេសបុករបស់យើងបានដោយងាយ។

ដើម្បីសុវត្ថិភាព សូមលោកអ្នក កុំចុចលើតំណភ្ជាប់ណាមួយដែលមិនមានប្រភពច្បាស់លាស់ តម្រូវឱ្យយើងបំពេញនូវព័ត៌មានផ្ទាល់ខ្លួនអោយសោះ៕

ប្រភព៖ នាយកដ្ឋានប្រឆាំងបទល្មើសបច្ចេកវិទ្យា

ប្រុងប្រយ័ត្ន!!! Scam Alert! សូមកុំចុចតំណភ្ជាប់ក្លែងក្លាយ (Phishing Link) និង សូមកុំធ្វើការតម្លើង កម្មវិធីផ្សេងៗ ចូលក្នុងទូរស័ព្ទរបស់លោកអ្នក

obnasia — Thu, 12 Oct 2023 03:14:08 +0000

ភ្នំពេញ៖ ប្រុងប្រយ័ត្ន!!! Scam Alert! សូមកុំចុចតំណភ្ជាប់ក្លែងក្លាយ (Phishing Link) និង សូមកុំធ្វើការតម្លើង កម្មវិធីផ្សេងៗ ចូលក្នុងទូរស័ព្ទរបស់លោកអ្នកដែលមិនមានប្រភពច្បាស់លាស់ ដើម្បីជៀសវាងកុំឱ្យជនអនាមិកមានសិទ្ធពេញលេញក្នុងការគ្រប់គ្រង និងឃ្លាំមើលពីការប្រើប្រាស់ទូរស័ព្ទរបស់អ្នកបាន ជាពិសេសនោះគឺជនអនាមិកអាចចូលគ្រប់គ្រងកម្មវិធីធនាគាររបស់អ្នក និងវេរប្រាក់ចេញបាន៕

ប្រភព៖ នាយកដ្ឋានប្រឆាំងបទល្មើសបច្ចេកវិទ្យា

កុំធ្វើតាមឆាតនេះអោយសោះ ប្រសិនជាមិនចង់បាត់ Facebook Page និង Facebook Account

obnasia — Mon, 09 Oct 2023 08:20:18 +0000

ភ្នំពេញ៖ ក្រសួងប្រៃសណីយ៍ និងទូរគមនាគមន៍ បង្ហាញទំរង់សារ នៃការបោកបញ្ឆោត (Phishing) របស់ Hacker ដែលបញ្ជូនតាម Messenger របស់ហ្វេសប៊ុក ដល់សាធារណជនឲ្យបានជ្រាប និងណែនាំកុំឲ្យធ្វើការអ្វីដែលគេ(Hacker) ដាក់មកឲ្យសោះ៕

បើឃើញលីងមួយនេះនៅក្នុងតេឡេក្រាម សូមកុំចុចអោយសោះ!! បើមិនដូច្នោះទេ ជនអានាមិកនឹង

obnasia — Wed, 20 Sep 2023 08:48:20 +0000

ភ្នំពេញ៖ សេចក្ដីជូនដំណឹងនាយកដ្ឋានប្រឆាំងបទល្មើសបច្ចេកវិទ្យា បានទទួលពត៌មានស្តីពីការបោកបញ្ឆោតថ្មីដល់អ្នកប្រើប្រាស់កម្មវិធី Telegram តាមរយៈការផ្ញើដំណរភ្ជាប់បោកបញ្ឆោត (Fake Link ក្លែងក្លាយ ដូចភ្ជាប់ក្នុងរូបភាពខាងក្រោម) ទៅកាន់សារទូរស័ព្ទ SMS ដើម្បីអោយលោកអ្នកប្រើប្រាស់កម្មវិធី Telegram បំពេញព័ត៌មាន និងឈានទៅដល់ការយកគណនីអ្នកប្រើប្រាស់មកគ្រប់គ្រងពីជនអានាមិក។

អាស្រ័យដូច្នេះ សូមអ្នកប្រើប្រាស់កម្មវិធី Telegram ទាំងអស់មេត្តាប្រុងប្រយ័ត្ន និងកុំចុចលើដំណរភ្ជាប់ ដូចមានក្នុងរូបភាពខាងក្រោម ឬដំណរភ្ជាប់ណាដែលមិនច្បាស់លាស់ និងបំពេញព័ត៌មានផ្ទាល់ខ្លួនអោយសោះ៕

ប្រភព៖ នាយកដ្ឋានប្រឆាំងបទល្មើសបច្ចេកវិទ្យា

សូមប្រុងប្រយ័ត្ន!! នេះជាវិធីបោកបញ្ឆោតថ្មី តាមរយៈហ្វេសប៊ុក

obnasia — Thu, 25 May 2023 02:12:32 +0000

ភ្នំពេញ៖ នាយកដ្ឋានប្រឆាំងបទល្មើសបច្ចេកវិទ្យា បានរកឃើញព័ត៌មានស្តីពីការបោកបញ្ឆោតថ្មី ចំពោះអ្នកដែលគ្រប់គ្រង់ផេកអាជីវកម្ម ពួកគេកំពុងព្យាយាមប្រើប្រាស់ឈ្មោះ និងនិមិត្តសញ្ញាស្រដៀងទៅនឹងក្រុមឬទំព័រផ្សព្វផ្សាយរបស់ក្រុមហ៊ុន Facebook និងបញ្ឆោតឱ្យទាញយកមេរោគរបស់ពួកគេ តាមរយៈការផ្ញើដំណរភ្ជាប់បោកបញ្ឆោតក្លែងក្លាយ (Fake Link)។ បើមិនស្គាល់តំណរភ្ជាប់ (Link) ច្បាស់ទេ សូមកុំចុចពីលើវា ត្រូវលុបចោលដើម្បីសុវត្ថិភាពលើឧបករណ៍គណនីរបស់អស់លោកអ្នក (ដូចភ្ជាប់ក្នុងរូបភាពខាងក្រោម)។

ក្នុងករណីប្រជាជលរដ្ឋបានទទួលរងគ្រោះដោយការបន្លំដូចករណីខាងលើ សូមមកដាក់ពាក្យបណ្តឹងនៅនាយកដ្ឋានប្រឆាំងបទល្មើសបច្ចេកវិទ្យា នៃអគ្គស្នងការដ្ឋានគរបាលជាតិ ក្រសួងមហាផ្ទៃ៕

ប្រភព៖ នាយកដ្ឋានប្រឆាំងបទល្មើសបច្ចេកវិទ្យា

បច្ចេកវិទ្យា – OBN Asia

សូមប្រុងប្រយ័ត្ន !!! ការឆបោកបន្លំ “សេវាកម្មស្រ្តីមេផ្ទះ” ឬ “អ្នកបម្រើការងារជាស្រ្តីមេផ្ទះ”

ប្រយ័ត្នល្បិចឆបោកប្រាក់ថ្មី តាមរយៈការបញ្ជាទូរស័ព្ទពីចម្ងាយ (Wireless Paring)

​អ្នក​ប្រើប្រាស់ Windows PC ដែល​កំពុង​ជួប​ប្រទះ Blue Screen Of Death

សូមប្រុងប្រយ័ត្ន!! គណនីតេឡេក្រាមមួយនេះ មិនមែនជារបស់នាយកដ្ឋាន​ប្រឆាំង​បទល្មើស​បច្ចេកវិទ្យា នោះទេ

សូមប្រុងប្រយ័ត្ន!!! Scam Alert! សូមកុំចុចតំណភ្ជាប់ក្លែងក្លាយ(Phishing Link)

កុំធ្វើតាមឆាតនេះអោយសោះ ប្រសិនជាមិនចង់បាត់ Facebook Page និង Facebook Account

បើឃើញលីងមួយនេះនៅក្នុងតេឡេក្រាម សូមកុំចុចអោយសោះ!! បើមិនដូច្នោះទេ ជនអានាមិកនឹង

សូមប្រុងប្រយ័ត្ន!! នេះជាវិធីបោកបញ្ឆោតថ្មី តាមរយៈហ្វេសប៊ុក

អ្នកប្រើប្រាស់ Windows PC ដែលកំពុងជួបប្រទះ Blue Screen Of Death

សូមប្រុងប្រយ័ត្ន!! គណនីតេឡេក្រាមមួយនេះ មិនមែនជារបស់នាយកដ្ឋានប្រឆាំងបទល្មើសបច្ចេកវិទ្យា នោះទេ