សិល្បៈកម្សាន្ត – OBN Asia

នោះស្ងាត់ៗ! ដេនី ខ្វាន់ ប្រកាសចង់បានកូនមួយទៀត

obnasia — Wed, 02 Jun 2021 09:09:29 +0000

ភ្នំពេញ៖ តារានិយមលេងខ្លួនបែបស៊ិចស៊ី អ្នកនាង ដេនី ខ្វាន់ បានប្រកាសតាមបណ្ដាញសង្គមហ្វេសប៊ុក ផ្ទាល់ខ្លួន នារសៀលថ្ងៃទី២ មិថុនានេះ យ៉ាងខ្លីថា «ចង់បានកូនតូច កូនង៉ាមកចិញ្ចឹមដូចកូនបង្កើត តែមិនដឹងថារកនៅណា. ចង់បានកូនមួយទៀត» ។

តក់ស្លុត! អ្នកនិពន្ធបទចម្រៀង ជើងចាស់ល្បីឈ្មោះប្រចាំហង្សមាស លោកគ្រូ ស៊ុំ សារឿន បានទទួលមរណភាពហើយ

obnasia — Mon, 31 May 2021 08:46:28 +0000

ភ្នំពេញ៖ លោកគ្រូ ស៊ុំ សារឿន ដែលជាអ្នកនិពន្ធបទចម្រៀង ដ៏ល្បីឈ្មោះប្រចាំហង្សមាស បានទទួលមរណភាពហើយ កាលពីវេលាម៉ោង ១១:២០នាទីថ្ងៃត្រង់ ថ្ងៃទី៣១ ខែឧសភា ឆ្នាំ២០២១នេះ ក្នុងជន្មាយុ ៦៩ឆ្នាំ ដោយរោគាពាធ ។

យោងតាមបណ្ដាញសង្គមហ្វេសប៊ុក នៅថ្ងៃទី៣១ ឧសភានេះ តារាចម្រៀងល្បីឈ្មោះ អ្នកនាង ខាត់ សុឃីម បានបញ្ជាក់ថា «ខ្ញុំពិតជាមានការតក់ស្លុត រន្ធត់ចិត្ត និងសោកស្តាយខ្លាំងណាស់ មិនចង់ជឿទេនៅពេលដឹងដំណឹង ដ៏សោកសង្រេង ចំពោះការបាត់បង់ លោក គ្រូ ស៊ុំ សារឿន ដែលជាធនធានសិល្បៈ ដ៏មានទេពកោសល្យទាំងការច្រៀង និងនិពន្ធ» ។

អ្នកនាងបន្តថា «លោកគ្រូ បានទទួលមរណភាព ឃ្លាតចាកចោលយើងទាំងអស់គ្នា ហើយនៅវេលាម៉ោង ១១:២០នាទីថ្ងៃត្រង់ ថ្ងៃ៣១ ខែឧសភា ឆ្នាំ២០២១នេះ ក្នុងជន្មាយុ ៦៩ឆ្នាំ ដោយរោគាពាធ។ ខ្ញុំសូមចូលរួមរំលែកនូវមរណទុក្ខ ដ៏ក្រៀមក្រំបំផុតនេះ ជាមួយក្រុមគ្រួសារលោកគ្រូ និងសូមបួងសួងដល់ដួងវិញ្ញណក្ខន្ធលោកគ្រូ បានទៅកាន់ទីឋានស្ងប់សុខ សុគតិភពកុំបីឃ្លៀងឃ្លាតឡើយ» ៕

ចូលរួមរំលែកទុក្ខ! តារាចម្រៀង ស៊ិន ឧត្តមផល្លា ទទួលមរណភាព ដោយសារជំងឺ មហារីកខួរក្បាល

obnasia — Fri, 28 May 2021 04:44:24 +0000

ភ្នំពេញ៖ ជាដំណឹងដ៏សោកស្តាយមួយ សម្រាប់អ្នកក្នុងចង្កោមសិល្បៈ ដែលបានបាត់បង់ធនធាន អ្នកចម្រៀង និងជាតារាសម្ដែងម្នាក់ទៀតហើយ គឺលោកស្រី ស៊ិន ឧត្តមផល្លា ដែលមានសមត្ថភាពច្រៀងបានច្រើនភាសានោះ បានទទួលមរណភាពហើយ នាព្រឹកមិញនេះ ដោយសារជំងឺមហារីកខួរក្បាលធ្ងន់ធ្ងរ។

បើតាមតារាសម្តែង សាវិន ហ្វីលីព ដែលជាមិត្តសិល្បៈរួមអាជីពបានថ្លែងប្រាប់ សារព័ត៌មាន នៅមុននេះបន្តិចថា តារាចម្រៀង ស៊ិន ឧត្តមផល្លា បានទទួលមរណភាពនៅវេលាម៉ោង ៧៖៣០ ព្រឹក ថ្ងៃទី២៨ ខែឧសភា ឆ្នាំ២០២១ ដោយសារជំងឺមហារីក។

ជាការពិត កាលនៅមានជីវិត អ្នកនាង ស៊ិន ឧត្តមផល្លា នាពេលថ្មីៗនេះ បានដាច់ចិត្តទម្លាយប្រាប់មហាជន ក៏ដូចជាមិត្តរួមអាជីពថា លោកស្រី បានរស់នៅជាមួយជំងឺមហារីកនេះរយៈពេល១ឆ្នាំមកហើយ ខណៈដំបូងឡើយ គឺមានជំងឺដុំសាច់កូនកណ្តុរនៅក (ក្រោមស្លឹកត្រចៀក) ប៉ុណ្ណោះ ពេលដែលទៅមន្ទីរពេទ្យពិនិត្យ គឺបង្ហាញថាដុំកូនកណ្តុរនោះជាដុំសាច់មហារីក ហើយក៏ព្យាបាលវះកាត់ចេញ និងមានអាការៈហាក់ប្រៀបបាននឹងជាសះស្បើយទៅហើយ។

តែយ៉ាងណា បន្ទាប់ពីជានៅកន្លែងចាស់ វាក៏បានវិវត្តន៍ទៅស៊ីដល់ខួរក្បាល និងបានបង្កើតជាដុំសាច់មហារីកក្នុងខួរក្បាលតែម្តង ដែលរហូតក្លាយជាដំណាក់ធ្ងន់ធ្ងរ។

គួរជម្រាបថា អ្នកនាង ស៊ិន ឧត្តមផល្លា បានប្រឡូកក្នុងវិស័យសិល្បៈជាង២០ឆ្នាំមកហើយ ដោយប៉ុន្មានឆ្នាំចុងក្រោយនេះលោកស្រីហាក់មានទស្សនិកជនស្គាល់ច្រើន និងមានប្រជាប្រិយភាពខ្លាំងឡើង ទោះបីជាវ័យកាន់តែជ្រេក្តី ដោយក្រៅពីច្រៀងបានទាំងភាសាអង់គ្លេស, ចិន និងខ្មែរផងនោះ អ្នកនាងមានសមត្ថភាពអាចសម្តែងរឿងផងដែរ។

តែយ៉ាងណា អ្នកនាង ស៊ិន ឧត្តមផល្លា បានបាត់មុខពីវិស័យចម្រៀង ១ឆ្នាំចុងក្រោយនេះ ដោយសារសម្រាកព្យាបាលជំងឺមហារីក ដែលទើបនឹងបង្ហាញប្រាប់សាធារណជនឲ្យដឹងនាពេលថ្មីៗនេះ តែជាអកុសលក្រោយនៅថ្ងៃទី២៨ ខែឧសភា នេះអ្នកនាង អ្នកស្រីបានទទួលមរណភាពហើយ ត្បិតមានការជួយជ្រោមជ្រែងពីក្រុមគ្រូពេទ្យ និងមិត្តសិល្បៈគ្រប់មជ្ឈដ្ឋានក្តី៕

តារាសម្ដែងជើងចាស់ អ្នកស្រី អ៊ឹម ផល្លា បានជាសះស្បើយពីជំងឺកូវីដ១៩ ក្រោយព្យាបាលជិត ២០ថ្ងៃ

obnasia — Fri, 21 May 2021 07:39:40 +0000

ភ្នំពេញ៖ តារាសម្ដែងជើងចាស់ល្បីឈ្មោះ អ្នកស្រី អ៊ឹម ផល្លា បានជាសះស្បើយពីជំងឺកូវីដ១៩វិញហើយ ក្រោយសម្រាកព្យាបាលអស់រយៈពេល ១៧ថ្ងៃ នៅដឹព្រីមៀ លែន សែនសុខ។

តាមរយៈបណ្ដាញសង្គមហ្វេសប៊ុកផ្ទាល់ខ្លួន នៅរសៀលថ្ងៃទី២១ ឧសភានេះ អ្នកស្រី អ៊ឹម ផល្លា បានបញ្ជាក់ថា «ថ្ងៃនេះខ្ញុំបានចេញពីពេទ្យហើយ នាងខ្ញុំសុំថ្លែងឣំណរគុណ ដល់សម្ដោចតេជោ ហ៊ុន សែន និងលោកជំទាវ ប៊ុន រ៉ានី ហ៊ុនសែន? និងសូមឣរគុណ ដល់ លោកក្មួយ ហ៊ុន ម៉ាណែន និងលោកជំទាវក្មួយ ដែលបានផ្ដល់ ជាសំភារះ និងឣាហារ បបូរណាស់ ហើយខ្ញុំសូមឣរគុណដល់ក្រុបគ្រូពេទ្យឣាវស ដែលខិតខំយកចិត្តទុកដាក់មើលថែមិង និងឣ្នកជំងឺកូវិត19ទាំងឣស់គ្នា ឣរគុណខ្លាំងណាស់» ។

អ្នកស្រីបន្តថា «ដឹងខ្លួនឣែងឆ្លងកូវិតដំបូង គិតថាប្រហែមិនបានទៅផ្ទះវិញទេ ព្រោះខ្លួនខ្ញុំឈឺទ្រុតទ្រោមណាស់ ឣាឡូវរយះពេល ១៧ថ្ងៃ ខ្ញុំបានចេញទៅហើយ គ្រូពេទ្យយើងពូកែខ្លាំងណាស់ ខ្ញុំសូមឣរគុណម្ដងទៀត ដល់ក្រុមគ្រូពេទ្យទាំងឣស់» ៕

ក្ដៅៗ! យាយ ណយ សំណាង ម្ដាយតារាចម្រៀង វណ្ណា ស័ក្ដិ ឆ្លងកូវីដ១៩

obnasia — Fri, 14 May 2021 07:32:17 +0000

ភ្នំពេញ៖ លោកយាយ ណយ សំណាង វិរសិល្បការិនីជើងចាស់ ផ្នែកចម្រៀងអាយ៉ៃ និងជាតារាកំប្លែងផងនោះ ពេលនេះបានឆ្លងជំងឺកូវីដ១៩ ខណៈលោកយាយកាន់តែ ចាស់ទ្រុឌទ្រោមទៅហើយ ។ នេះបើតាមការបញ្ជាក់របស់តារាចម្រៀង វណ្ណា ស័ក្ដិ ដែលត្រូវជាកូនបង្កើតលោកយាយ ណយ សំណាង ។

លោក វណ្ណា ស័ក្តិ បានបញ្ជាក់តាមហ្វេសប៊ុក នៅថ្ងៃទី១៤ ឧសភានេះថា «មិនគួរណាមានបញ្ហារចឹងមកលើម៉ាក់ខ្ញុំ និងគ្រួសារខ្ញុំសោះ ហេតុអ្វីទៅលោកអើញ…អាណិតម៉ាក់ណាស់ សូមវត្ថុ ស័ក្តិសិទ្ធជួយតាមថែរក្សា ម៉ាក់ខ្ញុំឆាប់ជាពីរជម្ងឺនេះផង សុខចិត្តអោយខ្ញុំធ្វើអ្វីក៏បានដែរ ខ្ញុំព្រមធ្វើតាមទាំងអស់ អោយតែម៉ាក់បានជាសះស្បើយ ពីជម្ងឺរកាចសាហាវនេះ ខ្ញុំមិនដឹងនិយាយថាម៉េចអោយត្រូវទេ គាំងអស់ហើយ មានតែសុំពាក្យជូនពរពីរបងប្អូនទាំងអស់គ្នា អោយម៉ាក់ខ្ញុំនិងគ្រួសារខ្ញុំបាន ជាសះស្បើយពីរជម្ងឺនេះផងចុះ យកជីវិតខ្ញុំទៅ សូមកុំយកជីវិតម៉ាក់ខ្ញុំអី» ។

ទំនងក្ដៅស្លឹកត្រចៀកខ្លាំង! តារាកំប្លែងនាងខ្ញុង ចេញមុខប្រកាសថា អ្នកសិល្បៈមិនមែនជាស្រីលក់ខ្លួនទេ

obnasia — Thu, 13 May 2021 05:21:37 +0000

ភ្នំពេញ៖ ទំនងក្ដៅស្លឹកត្រចៀកខ្លាំង ហើយមើលទៅបានជាតារាកំប្លែង អ្នកនាង ស្រេង សុកាន់ដា ហៅខ្ទុង បាននិយាយចំៗលើបណ្ដាញសង្គមហ្វេសប៊ុកថា «អ្នកសិល្បៈមិនមែនជាស្រីលក់ខ្លួនទេសូមជ្រាប! អស់លោកអ្នកមានឃ្លានតណ្ហាមួយចំនួនតូច អើយ សូមកុំប្រមាថនិងវាយតំលៃលើការតុបតែងខ្លួន នឹងសម្ដីការនិយាយរបស់អ្នកសិល្បៈពេក។ ជួនកាលឃើញគ្នាស្លៀកស៊ិចស៊ី បន្តិចក៏គិតថាគ្នាឲ្យដៃ , ឃើញគ្នានិយាយលេងសើច ជាមួយក៏គិតថាគ្នាឲ្យដៃ ,អ្នកត្រូវដឹងសិល្បៈគឺត្រូវមានគ្រប់ទម្រង់ការស្លៀកពាក់សំដី សំដៅនិយាយស្ដីតែមិនមែនជាស្រីសោភានី! ខឹងណាស់ស្អប់ណាស់! មានរឿងចង់និយាយជាច្រើន តែនិយាយមិនអស់» ។

ការលើកឡើងរបស់នាងខ្ញុង បែបនេះបន្ទាប់ពីមានការប្ដឹងផ្ដល់គ្នារវាងកញ្ញា មាន ពេជ្ររីតា ពិធីការិនីទូរទស្សន៍ MYTV និង ឧកញ៉ា ហេង សៀ ៕

ក្ដៅៗ! តារាកំប្លែងថៃល្បីឈ្មោះ Khom Chauncheun បានស្លាប់ដោយសារជំងឺកូវីដ១៩

obnasia — Fri, 30 Apr 2021 02:04:33 +0000

តារាកំប្លែងល្បីឈ្មោះប្រចាំប្រទេសថៃលោក Khom Chaunchen បានស្លាប់បាត់បង់ជីវិត ខណៈកំពុងព្យាបាលជំងឺកូវីដ១៩ ។

តារាកំប្លែងរូបនេះ មានអាការធ្ងន់ធ្ងរខ្លាំងប៉ុន្មានថ្ងៃមុន ព្រោះតែកូវីដ-១៩ បានចូលទៅវាយលុកសួតធ្ងន់ធ្ងរ ហើយដោយសារលោកមានជំងឺប្រចាំកាយផងនោះ ទើបមិនអាចទ្រាំទ្ររួច ។

សូមរំលឹកថា តារាកំប្លែងរូបនេះរកឃើញមានឆ្លងជំងឺកូវីដ-១៩ នៅថ្ងៃទី១២ ខែមេសា ឆ្នាំ២០២១ និងចាប់ផ្ដើមមានអាការធ្ងន់ធ្ងរនៅថ្ងៃទី១៤ មេសា ។ មកដល់ថ្ងៃទី២៩ មេសាសុខភាព តារារូបនេះកាន់តែខ្សោយខ្លាំងមែនទែន ដោយជីពចរចុះខ្សោយខ្លាំង ហើយនៅថ្ងៃទី៣០ មេសា លោកបានលាចាកលោកបាត់ទៅ ៕

អាណិតណាស់! បវរកញ្ញាមីយ៉ាន់ម៉ា ដែលល្បីល្បាញលើបណ្ដាញសង្គម ត្រូវយោធាចេញដីការចាប់ខ្លួន

obnasia — Thu, 08 Apr 2021 01:44:26 +0000

បរទេស៖ យោងតាមព័ត៌មាន ដែលត្រូវបានផ្សព្វផ្សាយនៅក្នុងប្រទេសថៃនិង ប្រទេសភូមា បានឲ្យដឹងថា យោធាមីយ៉ាន់ម៉ាបានចេញដីកាចាប់ខ្លួនបវរកញ្ញា Grand Myanmar 2020 ឆ្នាំ ២០២០ គឺកញ្ញា Han Lay ដោយសារការអំពាវនាវរបស់ នាងអំពីការតស៊ូទាមទាររក ប្រជាធិបតេយ្យរបស់បរទេស និងអំពើឃោរឃៅដែលបាន ប្រព្រឹត្តដោយយោធារបស់រដ្ឋ។ ពួកគេក៏បានចេញដីកាចាប់ខ្លួនជន ដែលបានបញ្ជូននាង Han Lay ទៅប្រទេសថៃផងដែរ។

យោងតាមវែបសាយ angelopedia ចេញផ្សាយនៅថ្ងៃទី៧ ខែមេសា ឆ្នាំ២០២១ បានឱ្យដឹងថា មិនមានការបញ្ជាក់ណាមួយអំពីព័ត៌មាននេះទេ ប៉ុន្តែមានប្រភពជាច្រើនដែលបានបង្ហាញថា កញ្ញា Han Lay បានឡើងទៅលើវេទិកា Miss Grand International ឆ្នាំ ២០២០ ហើយនិយាយនិងស្នើសុំជំនួយអន្តរជាតិ ដោយមានអន្តរាគមន៍ពីយោធា នៅក្នុងប្រទេសមីយ៉ាន់ម៉ា ។ នាងមិនបានឈ្នះការប្រកួតប្រជែងនោះទេ ប៉ុន្តែនាងត្រូវបានគេស្គាល់ថា ជាអ្នកតស៊ូ ងប់ងល់ម្នាក់ដែលបានអង្វររកជំនួយ អន្តរជាតិសម្រាប់ប្រទេសរបស់នាង។

បវរកញ្ញា Miss Grand មីយ៉ាន់ម៉ាឆ្នាំ ២០២០ Han Lay បានឡើងទៅកាន់ឆាក Miss Grand International ឆ្នាំ ២០២០ ហើយបានបញ្ចេញសំលេងប្រឆាំង នឹងរបបយោធាដោយនិយាយថា សកម្មភាពរបស់នាងទើបតែចាប់ផ្តើម។

នាងបានលើកឡើងថា “ថ្ងៃនេះនៅក្នុងប្រទេសរបស់ខ្ញុំ ប្រទេសមីយ៉ាន់ម៉ាមានមនុស្សស្លាប់ជាច្រើន។ សូមជួយមីយ៉ាន់ម៉ាផង យើងត្រូវការជំនួយអន្តរជាតិបន្ទាន់ របស់អ្នកឥឡូវនេះ។ ខ្ញុំនឹងបន្តក្លាយជាសំលេងតស៊ី របស់ប្រជាជនមីយ៉ាន់ម៉ា នៅពេលដែលខ្ញុំចាត់ទុកថា នេះជាទំនួលខុសត្រូវរបស់ខ្ញុំ។ ខ្ញុំនឹងប្រើវេទិកាអន្តរជាតិ ក៏ដូចជាប្រព័ន្ធផ្សព្វផ្សាយសង្គម ដើម្បីផ្សព្វផ្សាយដល់សហគមន៍អន្តរជាតិ ៕

អបអរសាទរ! តារាចម្រៀង សួស វីសា បានជាសះស្បើយពីជំងឺកូវីដ១៩ ហើយ

obnasia — Wed, 07 Apr 2021 05:19:20 +0000

ភ្នំពេញ៖ តារាចម្រៀងល្បីឈ្មោះប្រចាំហង្សមាស អ្នកនាង សួស វីសា បានប្រកាសថា ខ្លួនបានជាសះស្បើយពីជំងឺកូវីដ១៩ហើយ ប៉ុន្តែត្រូវធ្វើចត្តាឡីស័ក ១៤ថ្ងៃនៅផ្ទះ ដើម្បីតាមដានសុខភាព និងយកសំណាកតេស្តលើកចុងក្រោយ ។

តាមរយៈបណ្ដាញសង្គមហ្វេសប៊ុក មុននេះបន្តិច សួស វីសា បានសរសេរយ៉ាងវែងអន្លាយថា «ថ្ងៃនេះខ្ញុំបានជាសះស្បេីយពីជំងឺCOVID-19 ហេីយ ? ក្រុមគ្រូពេទ្យបានអនុញ្ញាតិអោយខ្ញុំ ចាកចេញពីកន្លែងព្យាបាលនៅសណ្ធាគារ Great Duke ត្រឡប់ទៅផ្ទះវិញហេីយ? ប៉ុន្តែសំរាប់ការវិលត្រឡប់ទៅផ្ទះវិញនេះ ក៏ខ្ញុំត្រូវតែបន្តធ្វេីចត្តាឡីសក្ត័ នៅបន្ទប់ដាច់ដោយឡែកតែម្នាក់ឯងចំនួន 14ថ្ងៃបន្ថែមទៀត រហូតដល់ថ្ងៃទី20 ខែមេសា ខ្ញុំត្រូវទៅមន្ទីពេទ្យដេីម្បីយកសំណាក ជាលេីកចុងក្រោយដេីម្បីអោយកាន់តែច្បាស់ថា ខ្ញុំពិតជាបានជាសះស្បេីយពីជំងឺ COVID-19 100% ពិតប្រាកដមែន?
រយៈពេល17ថ្ងៃគត់ ដែលខ្ញុំបានមកសំរាកព្យាបាលជំងឺ COVID-19 នាងខ្ញុំសូមគោរពថ្លែងអំណរគុណ អស់ពីចិត្តដល់លោកគ្រូ អ្នកគ្រូពេទ្យទាំងអស់គ្រប់ស្ថាប័ន គ្រប់ផ្នែកដែលលោកបានយកចិត្តទុកដាក់ មេីលថែគ្រប់អ្នកជំងឺទាំងអស់ នឹងបានបំពេញបេសកកម្មដ៏សស្រាក់សស្រាំ នៅទីនេះចេញពីបេះដូង? សូមលោកគ្រូអ្នកគ្រូពេទ្យទាំងអស់ មានសុខភាពមាំមួន កម្លាំងខ្លាំងក្លា នឹងបន្តជួយស្រោចស្រង់ផ្តល់ ក្តីសង្ឃឹមដល់អ្នកជំងឺបន្តទៀត ដេីម្បីអោយពួកអាចគាត់រស់រាន មានជីវិតបានទៅជួបក្រុមគ្រួសារ របស់ពួកគាត់វិញ? គុណូប្បការៈរបស់លោកគ្រូ អ្នកគ្រូពេទ្យយេីងខ្ញុំ នឹងចងចាំដឹងគុណអស់មួយជីវិត? ចំណែកឯលទ្ធផលយកសំណាកលេីកទី2 របស់អ្នកផ្ទះខ្ញុំ កូនខ្ញុំ គឺអវិជ្ជមានទាំងអស់ ហេីយការយកសំណាកជាលេីកទី4 របស់ប្តីខ្ញុំក៏អវិជ្ជមានដែរ ហេីយពេលនេះខ្ញុំក៏អវិជ្ជមាន 2ដងដែរ ចឹងខ្ញុំអាចទៅផ្ទះបានហេីយ??» ។

ម្ចាស់ពាន The Voice Cambodia រដូវកាលទី២ លោក ធែល ថៃ បានជាសះស្បើយពីជំងឺកូវីដ១៩ហើយ

obnasia — Mon, 05 Apr 2021 06:07:32 +0000

ភ្នំពេញ៖ តារាចម្រៀងប្រចាំហង្សមាស និងជាម្ចាស់ពាន The Voice Cambodia រដូវកាលទី២ លោក ធែល ថៃ បានប្រកាសថា រូបលោកបានជាសះស្បើពីជំងឺកូវីដ១៩ហើយ ។

លោក ធែល ថៃ បានសរសេរលើហ្វេសប៊ុក កាលពី១៨ម៉ោងមុនថា «បន្ទាប់ពីខ្ញុំមកសម្រាកព្យាបាលជំងឺ COVID19
នៅមន្ទីរពេទ្យជ័យជំនះ មកដល់ពេលនេះ ខ្ញុំបានជាសះស្បើយ ហើយ?ខ្ញុំសូមថ្លែងអំណរគុណ ដល់ក្រុម គ្រូពេទ្យស្ម័គ្រ
ចិត្តទាំងអស់ ដែលបាន ប្រឹងប្រែងអស់ពី កម្លាំងកាយចិត្ត ព្យាបាល រូបខ្ញុំបាទ ក៏ដូចជាអ្នកជម្ងឺ ដទៃទៀត ដោយមិនខ្លាចនឿយ ហត់ឡើយ ។ ?ហើយខ្ញុំក៏សូមថ្លែងអំណរគុណ ដល់ថ្នាក់ដឹកនឹងក្រុមហ៊ុន ហង្សមាស តែងតែ យកចិត្តទុកដាក់ ចំពោះកូនចៅ ហើយក៍ដូចជារូបខ្ញុំបាទផងដែរផ្តល់នៅសម្ភារៈប្រើប្រាស់នឹងរបស់ហូបចុក ។?អរគុណដល់បងប្អូន នឹងមិត្តភ័ក្រ្តទាំងអស់ ដែលតែងតែ ផ្ដល់កម្លាំងចិត្តដល់រូបខ្ញុំបាទ??ហើយជាចុងក្រោយនេះ ?សូមឲ្យពុកម៉ែបងប្អូន ទាំងអស់គ្នា ចូលរួមអនុវត្ត នូវ៣ការពារ ៣កុំឲ្យបានខ្ជាប់ខ្ជួន នឹងបានជៀសផុតពីជំងឺCOVID 19 ក្នុងការបញ្ចប់ជំងឺ COVID 19នាពេលឆាប់ៗនេះផងដែរ» ។