obnasia – OBN Asia

សម្តេច ម៉ែន សំអន អញ្ជើញគោរពវិញ្ញាណក្ខន្ធ ឯកឧត្តម ឧត្តមសេនីយ៍ឯកដួង សំនៀង ដែលបានពលីជីវិតនៅលើសមរភូមិប្រយុទ្ធជាមួយទ័ពឈ្លានពានសៀមដែនអធិបតេយ្យភាពកម្ពុជា

obnasia — Sun, 27 Jul 2025 10:24:35 +0000

ភ្នំពេញ៖ សម្តេចកិត្តិសង្គហបណ្ឌិត ម៉ែន សំអន ប្រធានក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិកម្ពុជា បានអញ្ជើញដឹកនាំប្រតិភូរណសិរ្សចូលរួមគោរពវិញ្ញាណក្ខន្ធ ឯកឧត្តម ឧត្តមសេនីយ៍ឯក ដួង សំនៀង នារសៀល ថ្ងៃអាទិត្យ ២កើត ខែស្រាពណ៍ ឆ្នាំម្សាញ់ សប្តស័ក ព.ស. ២៥៦៩ ត្រូវនឹង ថ្ងៃទី២៧ ខែកក្កដា ឆ្នាំ២០២៥។
គួរំលឹកផងថា ឯកឧត្តម ឧត្តមសេនីយ៍ឯក ដួង សំនៀង មេបញ្ជាការកងពលតូចអន្តរាគមន៍លេខ៧ បានពលីជីវិតនៅលើសមរភូមិប្រយុទ្ធព្រះវិហារ កាលពីថ្ងៃសៅរ៍ ១កើត ខែស្រាពណ៍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៦ ខែកក្កដា ឆ្នាំ២០២៥ ជន្មាយុ ៦៧ឆ្នាំ ។

មរណភាពរបស់ ឯកឧត្តម ឧត្តមសេនីយ៍ឯក គឺជាការបាត់បង់នូវឧត្តមស្វាមី ឪពុក ឪពុកក្មេក និងជីតា ដែលប្រកប ដោយព្រហ្មវិហារធម៌ជាទីគោរពស្រលាញ់បំផុតដែល ឧត្តមសេនីយ៍ទោ បានបូជាកម្លាំងកាយ កម្លាំងចិត្ត បញ្ញា ស្មារតី ក្នុងការចិញ្ចឹមបីបាច់ថែរក្សា និងផ្តល់ដំបូន្មានល្អៗ ដល់កូន ក្មួយ និងចៅៗ ឱ្យក្លាយទៅជា ធនធានមនុស្សដ៏មានតម្លៃ ប្រកបដោយគុណធម៌នៅក្នុងសង្គមជាតិ ជាពិសេសគឺបាត់បង់ឥស្សរជនស្នេហាជាតិដ៏ឧត្តុងឧត្តម ដែលបានរួមចំណែក យ៉ាងធំធេងក្នុងការប្រយុទ្ធតស៊ូជាមួយខ្មាំងសៀម ដែលកំពុងធ្វើការឈ្លានពានមកលើដែនអធិបតេយ្យភាពកម្ពុជាយើង។ ឯកឧត្តម ឧត្តមសេនីយ៍ឯក បានចូលរួមប្រយុទ្ធយ៉ាងអង់អាចក្លាហាន និងស្វិតស្វាញប្រឆាំងជាមួយពួកចោរសៀមឈ្លានពានដែល បានបង្ហាញគំរូវីរភាពដែលយុវជន និងប្រជាពលរដ្ឋខ្មែរគ្រប់រូបត្រូវចងចាំនូវគុណូបការៈដ៏ថ្លៃថ្លានេះ។

នៅក្នុងសមានទុក្ខដ៏ក្រៀមក្រំនេះ សម្តេចកិត្តិសង្គហបណ្ឌិតក៏បានចូលរួមរំលែកទុក្ខជាមួយ លោកស្រី អ៊ុក ស៊ុនរ៉ានី ព្រមទាំងក្រុមគ្រួសារ និងសូមបួងសួង ដល់តេជៈបារមីនៃព្រះពុទ្ធ ព្រះធម៌ ព្រះសង្ឃ តាមជួយថែរក្សាដួងវិញ្ញាណក្ខន្ធរបស់ ឯកឧត្តម ឧត្តមសេនីយ៍ឯក ដួង សំនៀង បានទៅសោយសុខក្នុងឋានសុគតិភពកុំបីឃ្លៀងឃ្លាតឡើយ៕

ប្រភព៖ ទូរទស្សន៍ជាតិកម្ពុជា ទទក – TVK

អាជ្ញាធរមីន សូមធ្វើការអំពាវនាវដល់សហគមន៍អន្តរជាតិ ឱ្យឈរជាមួយកម្ពុជា ថ្កោលទោសទង្វើអមនុស្សធម៌របស់ថៃ ឈ្លានពានដោយគិតព្រាងទុកជាមុន និងការប្រើប្រាស់គ្រាប់បែកចង្កោម មកលើប្រទេសកម្ពុជា

obnasia — Sun, 27 Jul 2025 04:20:42 +0000

ប្រមុខអង្គការសហប្រជាជាតិអំពាវនាវឱ្យកម្ពុជា និងថៃ ទទួលយកបទឈប់បាញ់ជាបន្ទាន់

obnasia — Sun, 27 Jul 2025 02:30:20 +0000

ទីស្នាក់ការកណ្តាលអង្គការសហប្រជាជាតិ៖ អគ្គលេខាធិការអង្គការសហប្រជាជាតិ លោក António Guterres បានបង្ហាញការព្រួយបារម្ភយ៉ាងខ្លាំងចំពោះស្ថានការណ៍ប្រកួតប្រជែងប្រដាប់អាវុធនៅតំបន់ព្រំដែនរវាងកម្ពុជា និងថៃ។ លោកបានអំពាវនាវឱ្យភាគីទាំងសងខាងអនុវត្តបទឈប់បាញ់ជាបន្ទាន់ និងដោះស្រាយវិបត្តិដោយសន្តិវិធី។

លោក António Guterres បញ្ជាក់ថា៖«ខ្ញុំសូមជំរុញឱ្យភាគីទាំងសងខាងយល់ព្រមលើបទឈប់បាញ់ភ្លាមៗ និងចូលរួមក្នុងកិច្ចសន្ទនាដើម្បីដោះស្រាយវិវាទដោយសុខสงប់»។ លោក Guterres បានបញ្ជាក់តាមសេចក្តីប្រកាសនៅលើទំព័រ Facebook ផ្លូវការរបស់ UN។ អគ្គលេខាធិការ UN បន្ថែមថា «ខ្ញុំនៅរង់ចាំដល់ពេលណាមួយ ដើម្បីជួយដល់កិច្ចខិតខំប្រឹងប្រែងឆ្ពោះទៅរកដំណោះស្រាយដោយសន្តិវិធី ដើម្បីបញ្ចប់ជម្លោះដ៏គួរឱ្យព្រួយបារម្ភនេះ»។

កម្ពុជាថ្កោលទោសយ៉ាងខ្លាំងក្លាចំពោះការឈ្លានពានរបស់ថៃលើអធិបតេយ្យកម្ពុជា

obnasia — Sat, 26 Jul 2025 11:42:06 +0000

កម្ពុជាស្នើអង្គការទេសចរណ៍សហប្រជាជាតិការពារតំបន់ទេសចរណ៍បេតិកភណ្ឌពិភពលោកប្រាសាទព្រះវិហារ និងការថ្កោលទោសជាអន្តរជាតិលើប្រទេសថៃដែលបានប្រែកា្លយប្រាសាទជាតំបន់សង្គ្រាម

obnasia — Sat, 26 Jul 2025 10:46:51 +0000

ព្រះរាជាណាចក្រកម្ពុជាជាសមាជិកអង្គការទេសចរណ៍សហប្រជាជាតិ ស្នើអង្គការទេសចរណ៍សហប្រជាជាតិធ្វើការថ្កោលទោសការទំលាក់គ្រាប់បែករបស់ប្រទេសថៃនាពេលថ្មីៗ នេះ ដែលបានប្រែក្លាយប្រាសាទព្រះវិហារ និងតំបន់ជុំវិញជាតំបន់សង្គ្រាម ព្រមទាំងធ្វើឱ្យខូចខាតដល់ប្រាសាទដែលជាបេតិកភណ្ឌពិភពលោកទទួលស្គាល់ដោយអង្គការ UNESCO និងជាតំបន់ទេសចរណ៍បេតិកភណ្ឌដោយធ្វើឱ្យប៉ះពាល់ដល់អាយុជីវិតភ្ញៀវទេសចរផងដែរ។ តាមរយៈលិខិតដដែលនេះ ព្រះរាជាណាចក្រកម្ពុជា ស្នើសុំអង្គការទេសចរណ៍សហប្រជាជាតិជួយផ្តល់កិច្ចការពារដល់ប្រាសាទព្រះវិហារដែលជាបេតិកភណ្ឌពិភពលោក និងជាតំបន់ទេសចរណ៍បេតិកភណ្ឌប្រវត្តិសាស្តសម្រាប់មនុស្សជាតិទាំងមូល៕

ក្រសួងកសិកម្ម បន្តនាំយកបន្លែចំនួន ៣តោនបន្ថែមទៀតជូនប្រជាពលរដ្ឋនៅជំរុំភៀសសឹកខេត្តឧត្ដរមានជ័យ

obnasia — Sat, 26 Jul 2025 10:32:00 +0000

នាព្រឹកថ្ងៃទី ២៦ ខែកក្កដា ឆ្នាំ ២០២៥ ក្រុមការងារមន្ទីរកសិកម្ម រុក្ខាប្រមាញ់ និងនេសាទ ខេត្តឧត្តរមានជ័យ បាននាំយកបន្លែចំនួន ៣ តោន ជូនប្រជាពលរដ្ឋ និងគ្រួសារកងទ័ព ដែលបានភៀសសឹកមកទីទួលសុវត្ថិភាព នៅស្រុកចុងកាល់ និងស្រុកបន្ទាយអំពិល ខេត្តឧត្ដរមានជ័យ។

ក្រសួងកសិកម្ម រុក្ខាប្រមាញ់ និងនេសាទ បានបន្តប្រមូលទិញបន្លែពីសហគមន៍កសិកម្មទំនើបបន្លែផ្ទះសំណាញ់ត្រាំកក់ជាបន្តបន្ទាប់ដើម្បីទ្រទ្រង់អាហាររូបត្ថម្ភតំបន់ជួរមុខព្រំដែនខេត្តព្រះវិហារ និងខេត្តឧត្តរមានជ័យ ដែលសរុបរហូតមកដល់បានប្រមូលទិញជញ្ជូនបន្លែជាង ១៤ តោនជូនកងទ័ពនិងប្រជាពលរដ្ឋនៅតំបន់ព្រំដែន តាមរយៈការសម្របសម្រួលដឹកជញ្ជូនឥតគិតថ្លៃពីក្រុមហ៊ុនវីរៈប៊ុនថាំ ។

យើងទាំងអស់គ្នាថ្កោលទោសអំពើខ្មាំងឈ្លានពានរំលោភអធិបតេយ្យភាពជាតិ និងបូរណភាពទឹកដីរបស់កម្ពុជា ហើយគាំទ្រការឆ្លើយតបការពារមិនឱ្យបរទេសបំពានដែនដីនៃព្រះរាជជាណាចក្រកម្ពុជា៕

ក្រសួងធម្មការនិងសាសនា និងគណ:សង្ឃនាយកទាំងពីរគណ: ញត្តិថ្កោលទោស ចំពោះការវាយប្រហាររបស់ទាហានថៃ មកលើទីអារាមសាសនា ព្រះពុទ្ធបដិមា សាលាបុណ្យ ទីសក្ការបូជា ប្រាសាទបុរាណ និងទីតាំងស៊ីវិល

obnasia — Sat, 26 Jul 2025 10:29:59 +0000

សម្តេចកិត្តិសង្គហបណ្ឌិត ម៉ែន សំអន អញ្ជើញគោរពវិញ្ញានក្ខន្ធសពវីរកងទ័ពពលី ក្នុងសមរភូមិឈ្លានពានរបស់កងទ័ពថៃ

obnasia — Sat, 26 Jul 2025 07:01:23 +0000

ឧត្តរមានជ័យ៖ នាព្រឹកថ្ងៃទី២៦ ខែកក្កដា ឆ្នាំ២០២៥ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ អមដំណើរដោយ ឯកឧត្តម ទេសរដ្ឋមន្ត្រី គន់ គីម អនុប្រធានទី១ គណៈកម្មាធិការគ្រប់គ្រងគ្រោះមហន្តរាយ និងជាអគ្គលេខាធិការសមាគមអតីតយុទ្ធជកម្ពុជា បានអញ្ជើញគោរពវិញ្ញានក្ខន្ធសពវីរកងទ័ពពលី២រូប នៃកងពលតូចថ្មើរជើងលេខ៤២ យោធភូមិភាគទី៤ ក្នុងសមរភូមិឈ្លានពានពីកងទ័ពថៃ នៅប្រាសាទតាមាន់តូច ខេត្តឧត្តរមានជ័យ។

ក្នុងវេលាដ៏សោកសៅ និងក្រៀមក្រំនេះ សម្តេចកិត្តិសង្គហបណ្ឌិត ម៉ែន សំអន សូមចូលរួមរំលែកទុក្ខ ជូនដល់ក្រុមគ្រួសារនៃសព ចំពោះមរណភាពរបស់លោកអនុសេនីយ៍ទោ ក្លប រាយ និង លោក ព្រិន្ទបាលឯក ឡោក ម៉ៅ ជាកងទ័ពនៅកងពលតូចថ្មើរជើងលេខ៤២ ដែលទទួលមរណភាព ក្នុងសមរភូមិមុខនៅព្រំដែន ប្រាសាទតាមាន់ធំ ស្ថិតក្នុងខេត្តឧត្តរមានជ័យ។

សម្តេចកិត្តិសង្គហបណ្ឌិត ម៉ែន សំអន បានចាត់ទុកការបាត់បង់ លោកអនុសេនីយ៍ទោ ក្លប រាយ និង លោកព្រិន្ទបាលឯក ឡោក ម៉ៅ ថា ជាការបាត់បង់នូវស្វាមី ឪពុក កូនប្រុស បងប្រុស ប្អូនប្រុសជាទីស្រឡាញ់ ប្រកបដោយព្រហ្មវិហារធម៌ចំពោះក្រុមគ្រួសារ ហើយក៏ជាការបាត់បង់នូវយោធិនស្នេហាជាតិដ៏បរិសុទ្ធ ដែលបានលះបង់អស់ពីកម្លាំងកាយចិត្តបញ្ញាស្មារតី និងធ្វើពលិកម្មគ្រប់បែបយ៉ាងដើម្បីបុព្វហេតុ ជាតិ សាសនា ព្រះមហាក្សត្រ ជាពិសេស លោកបាន រួមចំណែកយ៉ាងសកម្ម នៅក្នុងកិច្ចការការពារអធិបតេយ្យភាព បូរណភាពទឹកដី ដើម្បីសេចក្តីសុខក្សេមក្សាន្តរបស់ប្រជាជនកម្ពុជា។

ក្នុងនាម សម្តេចតេជោ ហ៊ុន សែន ប្រធានព្រឹទ្ធសភា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សម្តេចកិត្តិសង្គហបណ្ឌិត ម៉ែន សំអន មានប្រសាសន៍ថា ថ្នាក់ដឹកនាំគ្រប់លំដាប់ថ្នាក់ និងរាជរដ្ឋាភិបាល សូមដឹងគុណវីរភាព អង់អាច ក្លាហាន និងពលីរបស់យុទ្ធជនទាំងពីររូប និងជាការចងចាំមិនអាចបំភ្លេចបានចំពោះការពលីក្នុងសមរភូមិការពារបូរណភាពទឹកដី និងអធិបតយ្យភាព ក្នុងនាមកម្ពុជាជាប្រទេសតែងតែរក្សាសុខសន្តិភាព ស្ថិរភាព និងចំណងមិត្តភាពជាមួយប្រទេសជាមិត្ត។

សម្តេចកិត្តិសង្គហបណ្ឌិត ម៉ែន សំអន មានប្រសាសន៍ទៀតថា ក្នុងពេលកម្ពុជារងការវាយប្រហារ ឈ្លានពានពីកងទ័ពថៃឥតឈប់ឈររហូតធ្វើឱ្យកងទ័ពបានបាត់បង់អាយុជីវិត ប៉ុន្តែទឹកចិត្តរបស់ប្រជាពលរដ្ឋខ្មែរគ្រប់ទិសទីបានតម្កល់ការតស៊ូរបស់កងទ័ពជួរមុខ ជាស្មារតីខ្មែរតែមួយ ហើយគាំទ្រជានិច្ចទាំងស្មារតី និងធនធានផ្ទាល់ខ្លួនជូនចំពោះកងទ័ពជាដរាប ដើម្បីបង្ហាញពីមនសិកាស្នេហាជាតិ។

ជាចុងក្រោយ សម្តេចកិត្តិសង្គហបណ្ឌិត ម៉ែន សំអន ស្នើដល់ប្រជាពលរដ្ឋទាំងអស់ សូមចូលរួមគាំទ្រ និងជឿជាក់លើការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ដែលបានខិតខំប្រឹងប្រែង និងការពារដាច់ខាតចំពោះបូរណភាពទឹកដី និងអាយុជីវិតប្រជាពលរដ្ឋជាជនភៀសសឹក ជម្លៀសមកពីតំបន់ប្រឈមដោយការវាយប្រហាររបស់កងទ័ពថៃ៕

ប្រភព៖ អគ្គនាយកដ្ឋានទូរទស្សន៍ជាតិកម្ពុជា

អាជ្ញាធរជាតិព្រះវិហារ ប្រកាសអំពីការរួចផុតគ្រោះថ្នាក់របស់បុគ្គលិកអាជ្ញាធរជាតិព្រះវិហារ ចំនួន ៤៥ រូប ដែលជាប់គាំងនៅលើប្រាសាទព្រះវិហារ

obnasia — Sat, 26 Jul 2025 06:24:35 +0000

ក្រុមការងារ និស្សិត និងអតីតនិស្សិតអាហារូបករណ៍ អ.ម.ត ចូលរួមសម្របសម្រួល និងចូលរួមបរិច្ចាគឈាមដោយស្ម័គ្រចិត្ត ក្នុងកម្មវិធី “បរិច្ចាគឈាមដើម្បីបុព្វហេតុមនុស្សធម៌ និងទឹកចិត្តស្នេហាជាតិមាតុភូមិ”

obnasia — Sat, 26 Jul 2025 06:14:14 +0000

ភ្នំពេញ៖ នាថ្ងៃទី២៥ ខែកក្កដា ឆ្នាំ២០២៥ ក្រុមការងារ និស្សិត និងអតីតនិស្សិតអាហារូបករណ៍ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) បានចូលរួមសម្របសម្រួល និងចូលរួមបរិច្ចាគឈាមដោយស្ម័គ្រចិត្ត ក្នុងកម្មវិធី “បរិច្ចាគឈាមដើម្បីបុព្វហេតុមនុស្សធម៌ និងទឹកចិត្តស្នេហាជាតិមាតុភូមិ” តាមការអំពាវនាវដ៏ខ្ពង់ខ្ពស់របស់ លោកជំទាវបណ្ឌិត ពេជ ចន្ទមុន្នី ដែលប្រព្រឹត្តទៅនៅមជ្ឈមណ្ឌលសន្និបាត និងពិព័រណ៍កោះពេជ្រ អគារ JKL។

សូមគូសបញ្ជាក់ផងដែរថា ពិធីបរិច្ចាគឈាមនេះ រៀបចំឡើងក្នុងគោលបំណង កៀរគរការចូលរួមពីសាធារណជន និងប្រជាពលរដ្ឋគ្រប់ស្រទាប់វណ្ណៈ ដើម្បីបម្រេីដល់សេចក្តីត្រូវការជាប្រចាំក្នុងការសង្គ្រោះជីវិតដែលទទួលគ្រោះថ្នាក់ ឬអ្នកជំងឺដែលកំពុងសម្រាកព្យាបាល ហេីយមានតម្រូវការឈាមជាបន្ទាន់។ សកម្មភាពនេះ បានបង្ហាញពីស្មារតីនៃមហាគ្រួសារខ្មែរតែមួយ ដែលរួបរួមគ្នាវេញជាធ្លុងមួយប្រកបដោយសាមគ្គីភាព និងឯកភាពជាតិក្នុងការគាំទ្រ ជំរុញលើកទឹកចិត្ត និងត្រៀមបម្រុងក្នុងការជួយដល់អ្នកដែលត្រូវការសង្គ្រោះចាំបាច់៕

ប្រភព៖ អគ្គនាយកដ្ឋានទូរទស្សន៍ជាតិកម្ពុជា