Bsamnang – OBN Asia

ខឹងបង្ក គ្រោះថ្នាក់ចរាចរណ៍ ហើយគេចខ្លួន មិនដោះស្រាយនារីក្លាហាន បើករថយន្តដេញ តាមទៅកាក់ ពីមុខឲ្យបុកថែមទៀតឡេីងខ្ទេចវ៉ល់

Bsamnang — Mon, 25 Jan 2021 03:08:14 +0000

ភ្នំពេញ៖ ខឹងបង្កគ្រោះថ្នាក់ចរាចរណ៍ ហើយគេចខ្លួនមិនដោះស្រាយនារីក្លាហាន បើករថយន្តដេញ តាមទៅកាក់ពីមុខឲ្យបុកថែមទៀតឡេីង ខ្ទេចវ៉ល់ បង្កការភ្ញាក់ផ្អេីលកាលពីយប់ថ្ងៃទី២៣ ខែមករា ឆ្នាំ ២០២១ នៅតាមបណ្ដោយផ្លូវជាតិលេខ១ ស្ថិតនៅភូមិដើមស្លែងសង្កាត់ច្បារអំពៅទី២ ខណ្ឌច្បារអំពៅ ។

ប្រភពព័ត៌មាន បានឲ្យដឹងថា ដំបូងគេឃេីញនារីម្នាក់ បេីករថយន្តម៉ាក Toyota Prius ពណ៌ទឹកប្រាក់ ពាក់ស្លាកលេខភ្នំពេញ2BC-1364ធ្វេីដំណេីរតាមផ្លូវជាតិលេខ១ ក្នុងទិសដៅពីកើតទៅលិចស្របទិសគ្នាជាមួយរថយន្តកុងតឺន័រ ពណ៌ស ពាក់ស្លាកលេខព្រះសីហនុ3A-6001 ដោយបើកទន្ទឹមគ្នា តែមកដល់មុខ ម្ដុំមុខវត្តវាលស្បូវស្រាប់តែ រថយន្តបង្កហេតុប្រភេទកុងតឺន័រ ដឹកដែកខាងលេីនេះ បានមកដេញកៀររថយន្ត Toyota Prius របស់នារីក្លាហាន បណ្ដាលឲ្យបែកស្តុបនិងកាង រថយន្តតិចតួច តែរថយន្តបង្កមិនឈប់ទទួលខុសត្រូវទេដោយព្យាយាម បើករត់តែត្រូវនារីខាងលេីបន្ថែមល្បឿន រថយន្តដេញ តាមជិត១គីឡូម៉ែត្រ ទេីបទាន់ហេីយសម្រេចចិត្ត បួងចង្កូតរថយន្ត ទៅខាងឆ្វេងដៃរួចជាន់ហ្រ្វ័ង ឈប់ពីមុខរថយន្ត បង្កហេតុ ធ្វើឱ្យរថយន្តបង្កបុកបន្ថែមអូសជាង៥ម៉ែត្របណ្តាលឲ្យរថយន្ត Toyota Prius រងការខូចខាត យ៉ាងដំណំ តែមិនធ្វេីឲ្យនារីខាងលេីឬ ប្រជាពលរដ្ឋណាម្នាក់ រងរបួសឡេីយ ។ភ្លាមៗនោះ នារីក្លាហានខាងលេីក៏បានស្រែក ឲ្យប្រជាពលរដ្ឋ ជួយនិងឃាត់តៃកុងរថយន្តបង្កផងដែរ តែដោយឃេីញស្ថានភាពជាក់ស្ដែងសាហាវពេកប្រជាពលរដ្ឋ ទ្រាំមិនបានក៏ដាក់តៃកុង រថយន្តបង្កម្នាក់១ដៃ១ជើង ទន់ខ្លួនដេក សន្លប់ត្រូវបានសមត្ថកិច្ច ដឹកយកទៅពេទ្យ ផងដែរ ។

ក្រោយកេីតហេតុ សមត្ថកិច្ចមូលដ្ឋាន បានធ្វេីការវាស់វែង យករថយន្តទាំង២គ្រឿង ទៅរក្សាទុក នៅអធិការដ្ឋាននគរបាលខណ្ឌច្បារអំពៅ ដេីម្បីរង់ចាំដោះស្រាយ តាមក្រោយ ៕

ក្រុមចោរ កាន់ដាវសាំមូរ៉ៃ សម្រុកចូលប្លន់ផ្ទះ អ្នកធ្វើនំស្រួយឆៅៗ តែម្ដង

Bsamnang — Mon, 25 Jan 2021 03:01:38 +0000

ភ្នំពេញ ៖ ក្រុមចោរ៣នាក់ ដែលគេសង្ស័យ ថាជាពួកចោរ នៅក្នុងមូលដ្ឋាន ដែលប្រដាប់ដោយ ដាវសាំមូរ៉ៃ គ្រប់ដៃ និងពាក់មួកសុវត្ថិភាព គ្រប់ៗគ្នាផងដែរ បានសម្រុកចូល « ប្លន់ » អ្នកធ្វើ នំស្រួយ យកប្រាក់អស់ ជិត២លានរៀល និង ទូរស័ព្ទម៉ាក OPPO ១គ្រឿង ខណៈ ពេលជនរង គ្រោះ ២ នាក់ប្ដីប្រពន្ធ កំពុងធ្វើនំលក់ នៅវេលាម៉ោងជាង ១រំលង អធ្រាត្រឈានចូល ថ្ងៃទី ២៤ខែមករា ឆ្នាំ២០២១ ស្ថិតនៅ ក្នុងភូមិឈើទាល ឃុំឈើទាល ស្រុកបាណ ន់ ។

ក្រុមចោរសាំមូរ៉ៃនេះ ត្រូវបានគេសង្ស័យថាអាច ជា ក្រុម ចោរនៅក្នុង មូលដ្ឋាន ហើយក៏ជាពួកប្រើប្រាស់ គ្រឿងញៀនយ៉ាងសកម្មផងដែរ ។ពេល នេះ មន្ត្រី ជំនាញ កំពុង តាមដាន នូវ មុខសញ្ញា មួយ ចំនួនដើម្បីឈានទៅឃាត់ខ្លួនមកផ្ដន្ទាទោសតាមច្បាប់៕

ដឹកជើងជ្រូក គ្មានច្បាប់អនុញ្ញាត ត្រូវប៉េអឹមបង្រ្កាប បាននៅកំពង់ឆ្នាំង

Bsamnang — Mon, 25 Jan 2021 02:26:43 +0000

ភ្នំពេញ៖ បុរសអ្នកបើកបររថយន្តម្នាក់ រួមនិងវត្ថុតាង សាច់ជ្រូកនិងរថយន្តត្រូវបានសមត្ថកិច្ច កងរាជអាវុធហត្ថខេត្តកំពង់ឆ្នាំងឃាត់បាន បន្ទាប់ពីបានដឹកជើងជ្រូកឆ្លងកាត់ខេត្តកំពង់ឆ្នាំង កាលពីវេលាម៉ោង ២៣និង៣០ នាទី ថ្ងៃទី ២៣ ខែមករា ឆ្នាំ២០២១ នៅចំណុចស្ពានស្រះអង្កាម ស្ថិតក្នុងភូមិថ្មកែវ ឃុំស្វាយជ្រុំ ស្រុករលាប្អៀរ ។

សមត្ថកិច្ចបានឲ្យដឹងថា អ្នកបើកបររថយន្តដែលសមត្ថកិច្ចឃាត់ខ្លួននេះឈ្មោះរ៉ត ធឿន ភេទប្រុស អាយុ ២៩ ឆ្នាំ ទីលំនៅភូមិព្រែកឆ្កោក ឃុំពាមឯក ស្រុកឯកភ្នំខេត្តបាត់ដំបង។

ដកហូតវត្ថុតាងរថយន្ត ០១ គ្រឿង ម៉ាក Lexus ពណ៌ខ្មៅ ស្លាកលេខ ព្រះស៊ីហនុ 2A- 7015 និង ជើងជ្រូកចំនួន ០៤ កេស ស្មើនិង២០០ គីឡូក្រាម។

ជនសង្ស័យនិងវត្ថុតាងត្រូវបាន សមត្ថកិច្ចកងរាជអាវុធហត្ថកសាងសំណុំរឿង ទៅសមត្ថកិច្ចជំនាញដើម្បអនុវត្តបន្តតាមនីតិវិធី ៕

រថយន្ត ខ្នាតយក្ស៣គ្រឿង បុកគ្នាគាបជាប់គ្នា លើផ្លូវជាតិលេខ៩ បង្កការកកស្ទះចរាចរណ៍ ជាច្រើនម៉ោង

Bsamnang — Mon, 25 Jan 2021 02:18:06 +0000

ភ្នំពេញ៖ រថយន្តខ្នាតយក្ស ៣គ្រឿង បើកបរក្នុងល្បឿនលឿនមិនគោរពសិទ្ធិអាទិភាពគ្នា បណ្តាលឱ្យបុកគ្នាគាបជាប់នៅលើផ្លូវជាតិលេខ៩ ធ្វើឱ្យកកស្ទះចរាចរណ៍ បង្កការរំខានដល់អ្នកធ្វើដំណើរ។ហេតុការណ៍នេះកើតឡើងនៅវេលាម៉ោងជាង៤រសៀល ថ្ងៃទី២៤ខែមករា ឆ្នាំ២០២១ ឋិតនៅចំណុចមុខ ការាសសាំងTELA ខាងលិចស្ពានមេគង្គ ក្នុងភូមិអូរត្រែល ឃុំថាឡាបរិវ៉ាត់ ស្រុកថាឡាបរិវ៉ាត់ខេត្តស្ទឹងត្រែង។

សមត្ថកិច្ចបានឲ្យដឹងថា មុនកើតហេតុ រថយន្តយីឌុបដឹកដំឡូងមីបានខូច ឈប់នៅអែបផ្លូវម្ខាង ត្រង់ចំណុចកើតហេតុខាងលើ ដោយក្បាលរថយន្ត បែរទៅកើត។លុះបន្តិចក្រោយមកស្រាប់តែ មានរថយន្តយីឌុបមួយគ្រឿងទៀត បើកបោះមួយពីលើស្ពានសេកុងពីកើតទៅលិចហើយពេលមកដល់ចំណុចកើតហេតុក៏បានវាក់និងរថយន្តដឹក អេស្កាវ៉ាទ័រដែលបើកក្នុងទិសដៅ ពីលិចទៅកើត ក៏បានបុកគាបជាប់ជាមួយនឹងរថយន្តយីឌុប ដឹកដំឡូងមី ដែលកំពុងឈប់អែបផ្លូវទៅមុខលែងរួចបង្កការភ្ញាក់ផ្អើល និងធ្វើឲ្យស្ទះចរាចរណ៍ដល់អ្នកធ្វើដំណើរ ជាច្រើមម៉ោង។ក្រោយកើតហេតុទើបឃើញនគរបាលជំនាញ មកធ្វើការវាស់វែងនិងសម្រួលចរាចរណ៍ដល់អ្នកធ្វើដំណើរ។

បើតាមសមត្ថកិច្ច នគរបាលចរាចរណ៍ ឲ្យដឹងនៅកន្លែងកើតហេតុថារថយន្ត ទាំង៣គ្រឿង ដែលបុកគ្នាជាប់គាំងបង្កការកកស្ទះដល់អ្នកធ្វើដំណើរនេះ គឺបណ្តាលមកពីរថយន្តយីឌុបដឹកដែកនិងរថយន្តយីឌុប ដឹកគ្រឿងចក្រ បើកបរមិនគោរពសិទ្ធិអាទិភាពទើប ទៅបុករថយន្តដឹកដំឡូងមី ដែលចតឈប់នៅស្ងៀមគាប ជាប់ទៅមុខលែងរួច តែមិនបណ្ដាលឲ្យមានគ្រោះថ្នាក់ ដល់អ្នកបើកបរ និងដល់អ្នកដទៃឡើយ។

សមត្ថកិច្ច បានបញ្ជាក់ថា ក្រោយការវាស់វែងនិងសម្រួលចរាចរណ៍រួច ត្រូវអូសយករថយន្តទាំង៣គ្រឿងនេះទៅទុកនៅស្នងការដ្ឋាននគបាលខេត្ត រង់ចាំឲ្យម្ចាស់ចូលខ្លួនមកដោះស្រាយ តាមផ្លូវច្បាប់ នៅពេលក្រោយ៕

រថយន្តបែកកង់ រេចង្កូតបុកម៉ូតូ បណ្ដាលឲ្យស្លាប់៣នាក់ និងម្នាក់ទៀតរបួសធ្ងន់

Bsamnang — Mon, 25 Jan 2021 02:08:35 +0000

ភ្នំពេញ៖ មនុស្ស៣នាក់ បានស្លាប់ និងម្នាក់ទៀតរងរបួសធ្ងន់ ក្នុងហេតុការណ៍ គ្រោះថ្នាក់ចរាចរណ៍ ដែលរថយន្តបែកកង់ បានរេចង្កូតបុកម៉ូតូ នៅលើផ្លូវជាតិលេខ៦ ចន្លោះបង្គោលគីឡូម៉ែត្រលេខ៣៣២ ៣៣៣ ភូមិដូនទ្រឃុំ ល្វា ស្រុកពួក ខេត្តសៀមរាប ។

យោងតាមអគ្គស្នងការនគរបាលជាតិ បានឲ្យដឹងថា

ហេតុការណ៍នេះ បានកើតឡើងកាលពី ថ្ងៃទី២៣ ខែមករា ឆ្នាំ២០២១ វេលាម៉ោង១៧និង២០នាទី ដែលបង្កឡើងដោយរថយន្តសាំយ៉ុង ពណ៌ស ពាក់ស្លាកលេខភ្នំពេញ 2X8149 បើកបរដោយឈ្មោះ រិន ភិរក្យ ភេទប្រុស អាយុ៣០ឆ្នាំ នៅភូមិអូតាគី ឃុំអូតាគី ស្រុកបាត់ដំបង ខេត្តបាត់ដំបង ដឹកមនុស្ស០១នាក់ឈ្មោះវ៉ាន់ សៅឌី អាយុ៣២ឆ្នាំ ជាប្រពន្ធ ក្នុងទិសដៅពីលិចទៅកើត បានបុកម៉ូតូម៉ាកហុងដាឌ្រីមផលិតឆ្នាំ ២០១៥ ពាក់ស្លាកលេខសៀមរាប1R768 បើកបរដោយឈ្មោះ ប៊ុត ហៃម៉េង ភេទប្រុស អាយុ៣០ឆ្នាំ នៅភូមិ តាង ឃុំគោកមន ស្រុកបន្ទាយអំពិល ខេត្តឧត្តមានជ័យ (ពាក់មួក) ដឹកមនុស្ស ០២នាក់ :

១.ឈ្មោះ អ៊ួក ចៀន អាយុ៣៦ឆ្នាំជាប្រពន្ធ(អត់មួក) ។

២.ឈ្មោះ ម៉េង នី ភេទស្រី អាយុ១១ឆ្នាំ ជាកូន (អត់មួក) បើកបរទិសដៅពីកើតទៅលិច។

លោកវរសេនីយ៍ឯក ទេព ពុំសែន អធិការនៃអធិការដ្ឋាននគរបាលស្រុកពួកបានអោយដឹងថា : ករណីគ្រោះថ្នាក់ចរាចរណ៍នេះ បណ្តាលមកពីរថយន្តបែកកង់ស្តាំហើយរេចង្កូតទៅបុកម៉ូតូក្នុងទិសដៅផ្ទុយគ្នាបណ្តាលអោយស្លាប់មនុស្សចំនួន ០៣នាក់ និងរបួសស្រាលចំនួន ០១នាក់ ។

១. ឈ្មោះ ប៊ុត ហៃម៉េង (ស្លាប់នៅពេទ្យខេត្ត)

២. ឈ្មោះ អ៊ួក ចៀន (ស្លាប់នៅពេទ្យខេត្ត)

៣. ឈ្មោះម៉េង មី (ស្លាប់នៅពេទ្យខេត្ត)

៤. ឈ្មោះ វ៉ាន់ សៅឌី ( របួសស្រាល) និងខូចខាតរថយន្ត ( ធ្ងន់ )និងម៉ូតូខូចខាត( ធ្ងន់ )។

ក្រោយពេលកើតហេតុ កម្លាំងជំនាញបានចុះវាស់វែងកន្លែងកើតហេតុ កសាងសំណុំរឿង និងដកហូតវត្ថុតាងពាក់ព័ន្ធរក្សាទុកនៅអធិការដ្ឋាននគរបាលស្រុក ដើម្បីបន្តនីតិវិធី ហើយប្រគល់សាកសពជូនក្រុមគ្រួសារដើម្បីធ្វើបុណ្យតាមប្រពៃណី ។ ចំណែកអ្នកបើកបររថយន្តត្រូវបានឃាត់ខ្លន ៕

ដំណឹងល្អ !អ្នកជំងឺកូវីដ១៩ចំនួន៤នាក់ បន្ថែមទៀតបានជាសះស្បើយ

Bsamnang — Mon, 25 Jan 2021 02:03:14 +0000

ភ្នំពេញ៖ ក្រសួងសុខាភិបាល នៅព្រឹកថ្ងៃទី២៥ ខែមករា ឆ្នាំ២០២១នេះ បានចេញសេចក្តីប្រកាសព័ត៌មាន បញ្ជាក់ថាមិនមានរកឃើញករណីឆ្លងកូវីដ១៩ថ្មីនោះទេ មានតែព្យាបាលអ្នកជំងឺ៤នាក់ ជាសះស្បើយនិងត្រូវបានអនុញ្ញាតឲ្យចេញពី មន្ទីរពេទ្យខេត្តបង្អែក ខេត្តបន្ទាយមានជ័យ។

សូមជម្រាបថា គិតត្រឹមព្រឹកថ្ងៃទី២៥ ខែមករា ឆ្នាំ២០២១នេះ កម្ពុជារកឃើញអ្នកឆ្លងជំងឺកូវីដ១៩ សរុបចំនួន ៤៥៨ ក្នុងនោះអ្នកព្យាបាលជាសះស្បើយចំនួន ៤០៩នាក់ និងអ្នកជំងឺ ៤៩នាក់កំពុងសម្រាកព្យាបាលនៅមន្ទីរពេទ្យ៕

សង្វេគណាស់! នារីស្រស់ស្អាតម្នាក់ ត្រូវរថយន្ដបុកស្លាប់ ក្រោយជិះយកធៀបអោយគូដណ្ដឹង ដើម្បីហៅភ្ញៀវការ

Bsamnang — Sun, 24 Jan 2021 12:33:02 +0000

ភ្នំពេញ៖ គួរឲ្យសង្វេគខ្លាំងណាស់ នារី ម្នាក់ជិតដល់ថ្ងៃចូលរោងការទៅហើយនោះ ក៏ស្រាប់តែមានបុរសម្នាក់សង្ស័យថាស្រវឹងស្រា បានបើករថយន្តមួយគ្រឿងបុករថយន្ត១គ្រឿងរងការខូចខាតិចតួចកាលពីម៉ោង៧និង៥០នាទីយប់ ថ្ងៃទី២៣ ខែមករា ឆ្នាំ២០២១ នៅចំណុចមុខវត្តសំបួរមាស តាមផ្លូវ២១៧ ក្នុងសង្កាត់ដង្កោ រួចមិនឈប់ដោះស្រាយនោះទេ បែរជាបន្តបើករត់ ក៏ទៅបុករថយន្ត១គ្រឿង ផ្សេងទៀតនៅស្តុបស្ពានដែក ចំការដូង ហើយបន្តទៅបុកម៉ូតូ២គ្រឿងទៀត នៅមុខបុរីប៉េងហួត តាមបណ្ដោយផ្លូវ២១៧ ក្នុងសង្កាត់ស្ទឹងមានជ័យ២ ខណ្ឌមានជ័យ បណ្ដាលឲ្យនារីម្នាក់បាត់បង់ជីវិតក្នុងថ្លុកឈាម និងប្រុស-ស្រី៣នាក់ទៀតរបួសស្រាល ។

នារីរងគ្រោះ ដែលបាត់បង់ជីវិត មានឈ្មោះ លីម ស្រីហេង អាយុ២៨ឆ្នាំ ស្នាក់នៅសង្កាត់ដង្កោ ខណ្ឌដង្កោ ហើយនៅសល់រយៈពេលជាង១០ថ្ងៃទៀតចូលរោងការទៅហើយ ។ ចំណែកជនបង្កឈ្មោះ គួង ស៊ីថន ភេទប្រុស អាយុ៤១ឆ្នាំ ស្នាក់នៅម្ដុំស្ទឹងមានជ័យ សង្កាត់ស្ទឹងមានជ័យ១ ខណ្ឌមានជ័យ។

តាមប្រភពព័ត៌មាន ពីកន្លែងកើតហេតុ បានប្រាប់ឲ្យដឹងថា មុនពេលកើតហេតុ គេឃើញបុរសម្នាក់បើករថយន្តម៉ាក ALPHAPD ពណ៌ស ពាក់ស្លាកលេខភ្នំពេញ 2BJ-2004 សង្ស័យមានសារធាតុស្រវឹងស្រា ធ្វើដំណើរ តាមផ្លូវបេតុង វត្តសំបូរ ក្នុងទិសដៅពីលិចទៅកើត លុះមកដល់ផ្លូវ២១៧ បុរសជាអ្នកបើករថយន្តរូបនេះបានបុកជាមួយ នឹងរថយន្តម៉ាកម៉ាស្ដា ពណ៌ស ពាក់ស្លាកលេខភ្នំពេញ 2BG-4225 បើកបរដោយស្ត្រីម្នាក់តាមផ្លូវ២១៧ ក្នុងទិសដៅពីជើងទៅត្បួង ធ្វើឲ្យរងការខូចខាត ៕

សាហាវណាស់! ទាស់សម្តីគ្នាពេលផឹកស៊ី ពលករខ្មែរម្នាក់ ទាញពូថៅកាប់កញ្ចឹង.ក គូទំនាស់ ស្លាប់ក្នុងថ្លុកឈាម

Bsamnang — Sun, 24 Jan 2021 03:42:42 +0000

ភ្នំពេញ៖ ពលករខ្មែរម្នាក់ ដែលបច្ចុប្បន្ន កំពុងបម្រើការងារ នៅក្នុងខេត្តឈុនបុរី ប្រទេសថៃ ត្រូវបានស្លាប់ បន្ទាប់ពីបានជួបជុំគ្នាផឹកស៊ី ហើយបានកើតមានជាទំនាស់សំដីគ្នា ធ្វើអោយភាគីម្ខាងទៀត ដែលជាពលករខ្មែរដូចគ្នា នោះ បានទាញពូថៅ កាប់សំដៅទៅលើ កញ្ចឹង.ក ដួលដេកស្លាប់តែម្តង។ ហេតុការនៃអំពើឃាតកម្មនេះ បានកើតឡើង កាលពីថ្ងៃទី២២ ខែមករា ឆ្នាំ២០២១ ក្នុងក្រុមហ៊ុន សេនសាន់សេតអ៊ិនដាតទ្រី ចាំកាត់លេខ ១៤២/២៦ ក្នុងភូមិ២ ឃុំណងឆាក ស្រុកបានប៊ឹង ខេត្តឈុនបុរីប្រទេសថៃគឺស្ថិតក្នុងបន្ទប់ស្នាក់នៅរបស់កម្មករ។

សាក្សីម្នាក់ដែលស្ថិតនៅក្នុង ហេតុការណ៍នោះដែរ គឺឈ្មោះណាត់ (ជនជាតិថៃ) បានរៀបរាប់ប្រាប់សមត្ថកិច្ចថា នៅមុនពេលកើតហេតុ គឺខ្លួនបានទទួលទូរស័ព្ទ ពីឈ្មោះ ភុត ជា (ជាឃាតក) បានហៅខ្លួន អោយមកនិយាយគ្នារឿង ការងារបន្តិច ប៉ុន្តែពេលដែលខ្លួន មកដល់គឺឃើញពួកគេ កំពុងផឹកស្រវឹង ទៅហើយ ដោយម្នាក់ទៀតឈ្មោះ យូ ណា (ជនរងគ្រោះ) គឺពួកគេទាំងពីរនាក់ ជាពលករខ្មែរ ធ្វើការជាមួយគ្នា ប្រហែល៥ឆ្នាំមកហើយ។

សាក្សីដដែលបានបន្តថា នៅពេលនោះ ខ្លួនក៏បានផឹកស្រាស(ឡៅខាវ ៤០ដឺក្រេ) អស់មួយកែវ ដោយមិនដឹងជាគេទាស់គ្នារឿងអ្វី ព្រោះខ្លួនមិនចេះស្តាប់ខ្មែរ ទើបខ្លួនក៏បានងើប ចេញដល់មាត់ទ្វារបន្ទប់ ស្រាប់តែឮសូរដូចគេ កាប់ឆ្អឹងគោ ព្រមទាំងបានឮសម្លេងស្រែក ខ្លួនក៏ងាកមកមើលឃើញ ឈ្មោះ ភុត ជា ឈរកាន់ពូថៅយក្ស យ៉ាងធំ ប្រលាក់ឈាម រីឯឈ្មោះ យូ ណា បានដួលដេកនៅលើគ្រែ នោះបាត់ទៅហើយ ទើបខ្លួនបានស្រែកឃាត់ ស្របពេលដែលអ្នកស្នាក់នៅ ជាប់បន្ទប់ ក៏បានចូលមកមើល ទើបឈ្មោះ ភុត ជា ស្ទុះមកវាយមួយពូថៅចំ ដើមទ្រូងខ្លួន ហើយជាន់លើទ្រូង ពេលខ្លួនដួល ទើបជនសង្ស័យរត់គេចខ្លួនបាត់ ស្រមោលទាំងយប់តែម្តង។ ភ្លាមៗនោះដែរ កម្លាំងតម្រួតក៏បានចុះ មកដល់ដោយពិ និត្យឃើញថា នៅកន្លែងកើតហេតុ គឺមានបន្សល់នូវដបស្រាសចំនួន២ដប ចានគ្រឿងក្លែមនិងពូថៅយក្ស១ ចំណែកជនរងគ្រោះ មានស្នាមរយះកញ្ចឹង.ក និងលើចុងចិញ្ចើមខាងស្តាំ ព្រមទាំងដើមដៃខាងឆ្វេងផង។

លោក កុត ថ្លែង អធិការតម្រួតស្រុកបានប៊ឹង បញ្ជាក់ថា៖ បញ្ហានេះ គឺបណ្តាលមកពីការស្រវឹង ហើយបង្កើតជាទំនាស់ពាក្យសម្តី ទើបឈានដល់ការកាប់សម្លាប់បែបនេះ បច្ចុប្បន្ន ឃាតករត្រូវបានតម្រួតស្រុក បានប៊ឹងចាប់ខ្លួនបាន និងរៀបចំសំណុំរឿង ដើម្បីយកផ្តន្ទាទោស តាមផ្លូវច្បាប់ ៕

សាហាវណាស់! ទាស់សម្តីគ្នាពេលផឹកស៊ី ពលករខ្មែរម្នាក់ទាញពូថៅកាប់កញ្ចឹង.ក គូទំនាស់ ស្លាប់ក្នុងថ្លុកឈាម

រកឃើញ អ្នកឆ្លងជំងឺកូវីដ១៩ថ្មី ២នាក់ទៀត ជាករណីនាំចូល និងជាសះស្បើយ២នាក់

Bsamnang — Sun, 24 Jan 2021 00:18:49 +0000

ភ្នំពេញ៖ ក្រសួងសុខាភិបាលកម្ពុជានៅព្រឹកថ្ងៃទី២៤ ខែមករា ឆ្នាំ២០២១នេះ បានចេញសេចក្ដីប្រកាសព័ត៌មានមួយ អោយដឹងថា ក្រសួងបានរកឃើញអ្នកឆ្លងជំងឺកូវីដ១៩ថ្មី ចំនួនពីរនាក់ទៀត ជាករណីនាំចូល ខណៈមានអ្នកព្យាបាលជាសះស្បើយចំនួន២នាក់ផងដែរ។

សូមបញ្ជាក់ថា គិតត្រឹមព្រឹក ថ្ងៃទី២៤ ខែមករា ឆ្នាំ២០២១ កម្ពុជាបានរកឃើញអ្នកឆ្លងជំងឺកូវីដ១៩សរុបចំនួន ៤៥៨ នាក់ ក្នុងនោះបានព្យាបាលជជាសះស្បើយសរុបចំនួន ៤០៥ នាក់ និងកំពុងសម្រាកព្យាបាល នៅមន្ទីពេទ្យសរុបចំនួន ៥៣ នាក់ (គ្មានអ្នកស្លាប់)៕

មកទៀតហើយ! ស្រ្តី២នាក់ បន្លំធ្វើជាទិញឥវ៉ាន់ លួចយកកាបូបលុយ និងគ្រឿងអលង្ការពីអាជីវករ

Bsamnang — Sun, 24 Jan 2021 00:04:36 +0000

ភ្នំពេញ ៖ មានជនមិនស្គាលមុខចំនួន០២នាក់ ជាស្ត្រី បានធ្វើសកម្មភាពលួចយកកាបូបលុយ និងគ្រឿងអល័ង្ការ ពីអាជីវករលក់ដូរឥវ៉ាន់ចាប់ហួយ នៅផ្សារហ៊ុយឡេង ដែលមានទីតាំងភូមិស្រះឈូកខាងលិច ឃុំស្រះជីក ស្រុកភ្នំស្រុក ខេត្តបន្ទាយមានជ័យ។ ហេតុការណ៍បង្កឲ្យភ្ញាក់ផ្អើលនេះ បានកើត ឡើងនៅវេលាម៉ោង១១ព្រឹក ថ្ងៃទី២២ ខែមករា ឆ្នាំ២០២១ ។

លោកវរសេនីយ៍ត្រី ប៉ិក គឹមហ៊ាក់ អធិការរង ទទួលការងារព្រហ្មទណ្ឌ នៃអធិការដ្ឋាននគរបាលស្រុកភ្នំស្រុក បានឲ្យដឹងថា នៅវេលាម៉ោង៥ល្ងាចថ្ងៃទី២២ ខែមករា ឆ្នាំ២០២១ មានឈ្មោះ ឈឿង ប៊ុនឆុំ ភេទប្រុស អាយុ ២៦ឆ្នាំ នៅភូមិកណ្តាលខាងកើត ឃុំស្រះជីក ស្រុកភ្នំស្រុក បានបតឹងថា នៅវេលាម៉ោង៨ព្រឹក ថ្ងៃទី២២ ខែមករា ឆ្នាំ២០២១ មានជនមិនស្គាល់មុខ បានធ្វើសកម្មភាពបន្លំទិញបន្លែ លួចយកកាបូបលុយម្តាយរបស់ខ្លួនឈ្មោះ កាន់ យឺង អាយុ៦០ឆ្នាំ នៅភូមិកណ្ដាលខាងកើត ឃុំស្រះជីកស្រុកភ្នំស្រុក ខេត្ត បន្ទាយមានជ័យ ជាអាជីវករលក់បន្លែនិងគ្រឿងទេស នៅផ្សារហ៊ុយឡេង ស្រុកភ្នំស្រុក ។

លោកអធិការរងបានបន្តថា ក្រោយពីទទួលបានបណ្តឹង លោកបានដឹកនាំកម្លាំងនគរបាលជំនាញ ព្រហ្មទណ្ឌនៃអធិការដ្ឋាននគរ បាលស្រុក ចុះទៅពិនិត្យនៅកន្លែងកើតហេតុនិងបានឆែកកាម៉ារ៉ាសុវត្ថិភាព បានឃើញមុខសញ្ញាធ្វើសកម្មភាពលួចយកកាបូបប្រាក់ប្រាកដមែន តែមើលមុខសញ្ញាមិនស្គាល់ទេ និយាយសំលេង មិនមែនជាអ្នកភ្នំស្រុកទេ គឺមុខសញ្ញាក្រៅស្រុក។

លោកអធិការរង វរសេនីយ៍ត្រីប៉ិក គឹមហ៊ាក បានឲ្យដឹងថាទៀតថា ករណីចោរលួចកាបូបលុយនេះ ប្រហែលជាម៉ោងព្រឹកថ្ងៃទី២២ ម្ចាស់កាបូបមិនដឹងទេ លុះដល់ម៉ោង១១ព្រឹកទើបម្ចាស់ដឹងថាបាត់កាបូបលុយ ខណៈពេលម្ចាស់រកកាបូបលុយទៅទិញអីវ៉ាន់ នៅផ្សារក្រុងសិរីសោភ័ណ្ឌ ទើបដឹងថាបាត់កាបូបប្រាក់។ក្នុងកាបូបនោះមាន៖១-ប្រាក់រៀលចំនួន៣.៦០០.០០០រៀល(បីលានប្រាំមួយសែនរៀលគត់) ,២-ប្រាក់បាតចំនួន៣៨.០០០បាត(បីម៉ឺនប្រាំបីពាន់បាត), ៣-ប្រាក់ដុល្លារចំនួន១០០$(មួយរយដុល្លារ) ,៤-កាតគ្រីម៉ូតូចំនួន២សន្លឹក, ៥-កាតគ្រីឡានចំនួន១សន្លឹក, ៦-អត្តសញ្ញាណប័ណសញ្ជាតិខ្មែរចំនួន២សន្លឹក ,៧-លិខិតឆ្លងដែនចំនួន១ក្បាល, ៨-ខ្សែរករផ្លាកទីនចំនួន១ខ្សែទំងន់០៥ជី, ៩-ខ្សែរដៃមាសចំនួន០១ខ្សែ ទម្ងន់០៥ជី ។ បើពិនិត្យតាមកាម៉ារ៉ាសុវត្ថិភាព ឃើញមានស្ត្រីចំនួន០២នាក់ អាយុប្រហែល៤០ឆ្នាំ ម្នាក់ពាក់អាវពណ៍ស ខោពណ៌កាហ្វេ ពាក់មួកស្លាបពណ៌ប្រផេះ ម្នាក់ទៀតពាក់អាវខាងក្រៅពណ៍ខ្មៅ(Adidas) ពាក់មួកស្លាបពណ៌កាហ្វេ បានមកធ្វើសកម្មភាពទិញបន្លែ ដូចជាណាំង៉ូវ ត្រកួន ត្រសក់ និងមើមខ្ទឹមសរ ក្នុងពេលនោះម្ចាស់កាបូបមិនបានចាប់អារម្មណ៍ព្រោះរវល់លក់ដូរ ធ្វើឲ្យជនសង្ស័យក៏ឆ្លៀតឱកាស ធ្វើសកម្មភាពចូលទៅក្នុងតូបលួចយកកាបូបដាក់លុយដែលទុកក្នុងធុងក្បែរកន្លែងគាត់អង្គុយលក់យកទៅបាត់គេចខ្លួនដោយសុវត្ថិភាព ។

ករណីនេះកម្លាំងនគរបាលជំនាញ កំពុងធ្វើការស្រាវជ្រាវរកមុខសញ្ញា ដើម្បីចាប់យកមកផ្តន្ទាទោស តាមច្បាប់ ៕